أحداث 24 ساعة

أزمة النقل في مصر !



لا أدري ماذا يحدث في مصر بالتحديد ، تسود البلد حاله من التخبط الشديد طيلة الفتره الماضيه في شتى الإتجاهات. ولا تتورع وسائل الإعلام عن تسميم الأجواء وإفساح المجال للقيل والقال على أشياء إن تُبدى لنا تسؤنا . كل يوم تطفو على سطح مصر إشاعه منسوبه لنفر من مشاهير السياسه والفكر والدين سرعان ماتتحول بفعل سوء النيه وتعمد الإساءه للأخرين إلى أزمه تشطر الناس إلى فرق متناحره ثم ندخل في دوامه ومسرحيات هزليه نكتشف فيما بعد أن لا أساس لها من الصحه.


إننا بحق نعيش أزمة نقل على أرض مصر ، ولا أعني بالنقل هنا .. الوزاره التي يتغير وزيرها كل فتره بعد الكوارث والحوادث التي تحدث في عهد سابقيه .. وإنما أقصد بالتحديد ، نقل وتناقل الأفراد والمؤسسات الإعلاميه للتصريحات والأراء عن شخصيات عامه وهامه في مجالاتها ، وتعمد الإلتفاف على حقيقة ماتحمله هذه الأراء إما عن عمد لتحقيق مآرب شخصيه أو عن جهل بالحقيقه لحديث هنا واخر هناك بهدف إدعاء بطوله أو كسب شهره مزيفه .

وأبرز الوقائع سخونه على الساحه ، التصريح المنسوب للأستاذ محمد حسنين هيكل بإتهامه الرئيس السادات قتل الزعيم عبدالناصر بفنجان القهوه المسموم . فقد هاجت الدنيا وماجت على الرجل وتم اقتتضاب ومن ثم تزوير وتحوير كلامه عن عمد من قبل معظم وسائل الإعلام على غرار ولاتقربوا الصلاه .. وتأثر بهم الكثيرون من المثقفين والعامه. وأقول لكم هذا ، لأنني شاهدت الحلقه بنفسي التي لم يحدث مطلقا أن ألصق هيكل  هذه التهمه للزعيم السادات.فالعكس هو الصحيح ، فلم يقل سوى أنه سمع في حينه إشاعه تقول بدس السادات للسم في فنجان القهوه لعبد الناصر.وأضاف أنه شخصيا لايصدق هذا الكلام الغير منطقي ولايعتقد أن يقدم السادات على فعلته هذه .. حتى من الناحيه الإنسانيه القويه التي كانت تربط الرجلين.

وسرعان ماهدأت العاصفه التي صاحبت هذا الموضوع ، حتى لاحت لنا في الأفق زوبعه جديده.بطلها هذه المره الداعيه الإسلامي الكبير الشيخ محمد حسان ، الذي إُتهم هو الأخر بإصدار فتوى لتحطيم الآثار وأحقية الأفراد بالاحتفاظ بما يعثرون عليه من ذهب ومعادن في باطن الأرض التي يملكونها. وكالعاده ، تم تحريف وتزوير الكلام لإحداث البلبله والتشويش على المجتمع بموضوعات لاناقة لنا فيها ولاجمل وكذلك الإضرار الشخصي بالرجل . وهو بالفعل ما حدث ، حيث طالب الأثريون بمحاكمة الشيخ حسان ، وشًبه المثقفون فتواه بما فعلته حركة طالبان مع تماثيل بوذا ، واتهمه آخرون بتحليل سرقة الأثار الخ الخ الخ !


فكل هؤلاء قالوا ماقالوه وتسرعوا في الحكم على الرجل ، الذي ظهر في مداخله هاتفيه بكل أدب واخلاق جمه على برنامج 48 ساعه بقناة المحور اليوم منذ ساعه تقريبا ، ونفى الكلام المنسوب اليه بشكل قاطع ومقنع للغايه .فقال : أنه لايملك دليلا على قيام عمرو بن العاص والصحابه الكرام بتحطيم الأثار بعد الفتح الإسلامي لمصر.. بدليل أنها مازالت موجوده إلى الأن.وسمعته بنفسي يؤكد أن هذا مايدين لله به وكله قناعه أن الأثار ليست ملك لأي فرد والدوله المصريه من باب أولى ، وانما هي ملك لكل الحضاره الإنسانيه عبر العصور.

ماذا يحدث في مصر؟ متى سنحترم أنفسنا ونتحرى الدقه قبل أي كلمه ننطق بها عن الآخرين ؟ نحن نحتاج بالفعل إلى وقفه مع النفس لضبط النفس .ويجب أن ندرك جميعا أن الأيام دول ، وعلى الباغي تدور الدوائر.

أُنهي كلامي ، بإقتباس جمله يبدو أنها باتت المشهد الحقيقي الوحيد الأن في مصر :

من فضلك إحترس .. مصر ترجع إلى الخلف !

_______

تقبلوا تحيتي

34 تعليقات القراء:

موناليزا يقول...

أحييك على هذا الموضوع
فما اكثر انتشار الشائعات والاخبار الزائفة دون ان يكلف الناقل نفسه بالتأكد من صحة ما قيل

كلمات من نور يقول...

بترجع للخلف ومش مديه اشارات ولا فلاشر ولا حاجه خالص وربي المستعان ..لو قرأت يا قلم رصاص ما قاله المشتركون في صفحة إدانة الشيخ حسان عالفيس بوك بجد تزعل من قلبك كلام لا يليق برجل دين .لا بقينا بنوقر كبير ولا بنعطف على صغير و فعلا زي ما قلت : مصر ترجع إلى الخلف و المفروش السايقين ياخدوا بالهم بقى

Unknown يقول...

أهم حاجة .. هى مطلعة رخصة ولا نسحب العربية؟

حلم بيعافر يقول...

ياسيييييييييييدى اهو كلام

غير معرف يقول...

دي ازمه الاعلام الغير محترف .... الغير نضيف .... الغير شريف .... الباحث عن الاثاره

وشكلنا هنخط في الحيطه

تحياتي

د. ياسر عمر عبد الفتاح يقول...

ساعات بحس إن فيه واحد قاعد طول النهار بيتصيد أي حاجة يعمل منها حوار
كلمة من هنا أو من هنا

هيه دي مهمته في الحياة
يلهي الناس ويخليهم يفكروا في الطريق اللي هوه عاوزه ,, بفكر في اتجاه معين

علشان يلهي الناس عن التفكير في اتجاهات تانية

مصر ترجع للخلف

ستيتة يقول...

اسفة يا سي السيد
ها نختلف
ايون
منختلفش ليه هو احنا صغيرين

الموقفين مش شبه بعض لا جملة ولا تفصيلا

الموقف الأول
يورد محلل العصر والأوان خبرا ما على انه شيء هو شخصيا ينفيه لأن كان هناك تعاطتشف وحب ودموع بين عبناصر والسادات
وانا انفي يا جماعة
تؤتؤتؤ يا جماعة
بلاش كذب على السادات يا جماعة
ثم وهو يروي يقول ان السادات رجع بفنجان قهوة بعد ما خرج عم عثمانه من الكتشينير :)
بيروي بصيغة الحاضر
واخد بالك
يعني اول الحديث كان في الصورة عبناصر والسادات وعرفات وعم عثمان وخلاص
في نص المشهد هو شاف فنجان القهوة اللي راجع بيه السادات وهو رابط التربيعة وبيقدمه
لأ يا متر
الكل فهم هيكل صح جدا
ولم يتصيد له حد حاجة خالص
هو بس راجل نمس ومش ها ياخد حكم
فقط لا غير

بالنسبة لقصة الشيخ محمد حسان فأنا قرأت اللي اتكتب
لكن لم اسمع السؤال لما جه له
لو سمعت السؤال اقول على طول
لكن من ناحية انهم بيتصيدوا ليه
طبعا
وهم لما نشروا له كام مقال بعد ازمة كتاب انيس الدغيدي خال انا الكلام ده على عقلي
هم بيقولوا لما ننشر له نكون ناس عادلين واخر حلاوة فلما ننقلب يكون من مبدأ المصلحة الوطنية
وانا وطني وطني وبطنطن

hebahosni يقول...

للاسف مصر ترجع للخلف فعلا كنت مبتعده فتره كبيره عن الاخبار والسياسات ولكن عندما قرأت مدونتك من الواضح اننى سابقى من متابعيك احييك على مدونتك الرائعه

قلم رصاص يقول...

موناليزا

اشكرك على المرور والرأي الصائب

قلم رصاص يقول...

كلمات من نور

مشكلتنا الحقيقه ، النرجسيه اللي معظمنا واقع فيها سواء بدرايه او بدون

منوره دايما

قلم رصاص يقول...

М€ŝЋМΣŞĦ

فيه رخصه بس مش متأكد الصراحه ان كان متزوره ولا لأ

شكرا على التعليق

قلم رصاص يقول...

حلم بيعافر

^_^

قلم رصاص يقول...

فتاه من الصعيد

لا ركزي والنبي لاتخبطي في الحيطه ولا حاجة

شكرا على المرور والتعليق

قلم رصاص يقول...

د.ياسر

جايله يوم يادكتره جايله يوم متستعجلش

وعلى الباغي تدور الدوائر

منورني دايما

قلم رصاص يقول...

الدكتوره ستيته

طببببببعا منختلفش ليه هو احنا صغيرين صحيح هههههههههه

طب السؤال يادكتوره
هو هيكل لو متعمد يعمل دا هيستفيد ايه؟

هيكل لو انتهازي كان قبل المناصب الكبيره اللي عرضها عليه السادات وهو حاطط رجل على رجل

اما ان يكون نائب رئيس الوزراء
أو مسشارا للأمن القومي

مكانش بينهم خلاف كبير في الاول
وعلاقتهم قويه جداااااااا
في عهد ناصر وبعد ما السادات حكم مصر كام سنه وبعد الحرب كمااااان

خلافهم كان حاجتين

هيكل كان عاوز السادات يستثمر انتصار اكتوبر في توحيد جبهة العرب والضغط من الزاويه دي على امريكا والعالم لانسحاب اسرائيل من ارضنا بكرامه وليس الذهاب لأمريكا واسرائيل والتذلل اليهم لتركوا لنا ارضنا عبر التفاوض لأنه باختصار احنا اللي كنا محققين نصر عسكري ع الاقل لفتره معينه

الحاجة التانيه ان هيكل نفسه كان راغب التفرغ للعمل الفكري والكتابه السياسي وليس العمل التنفيذي من خلال الدوائر الحكوميه

فمن هنا عاوز اقول لحضرتك
هيكل مش غبي للدرجة عشان يعمل كدا كيدا في السادات لأن اللي كان بيربطهم اكتر بكتييييييييير من اللي كان بيفرقهم

وبردو مش معقوله واحد بيقول وبيكتب لحد دلوقتي بكل النشاط دا وكل حرف بدليل ووثيقه ، ويكون بيخرف ودي اعراض شيخوخه

انا مش محامي هيكل ولا حد غيره
انا باقول وجهة نظري وبس


وشكرا لمساحة الخلاف في الرأي اللي بيننا يادكتور.. اكيد انا باستفيد جدا

منوراني حضرتك دايما

قلم رصاص يقول...

hebahosni

اهلا وسهلا بيكي
ومنوره في أي وقت

شكرا على المرور والتعليق

Beram ElMasry يقول...

اخي قلم رصاص حي
يسعدني مرورك دائما فالبيت بيتك وشكرا للزيارة والتعليق
سلام ولاسلام مع بني اسرائيل

eng_semsem يقول...

الحقيقه في مصر حلم صعب الوصول اليه في مصر وكل الناس بتتكلم انا متهيألي عشان احنا في مصر الكدب اللي بنسمعه اكتر من الصح اكيد في كشف طبي اتعمل على الرئيس لما مات عملوا كشف طبي عليه وعرفوا اسباب الموت ليه ما اتنشرتش بشكل رسمي طيب ولو نشروها هتصدق الحكومه

قلم رصاص يقول...

بيرم المصري

دا مرور حضرتك اللي وسام شرف على جبيني ياأستاذنا

وشكرا لك على زوقك الرفيع

منورني دايما

قلم رصاص يقول...

eng_semsem

كلامك صح الصح يابشمهندس
نورت المدونه

رحــــيـل يقول...

ده فضى الشعب بقى فاضي وعشان اصلا مش قادرين نغير بجد فى الأمور المهمة فبيشغلونا بكلام فاضى على سبيل انهم بيعملوا شغل فقوم ايه بقى يقضوها فبركة
:((

من فضلك إحترس .. مصر ترجع إلى الخلف !
متفقة معاك جدا زودلها بقى انها بترجع بسرررررررررعة جدا

تحياتى واحترامي

قلم رصاص يقول...

رحيل

كلامك تمام أستاذه ساره

ربنا يهدي الجميع يارب

زهرة يقول...

بحييك بجد على طرح الفكرة

زامان كانوا بيقولوا سمعنا فى الراديو وشفنا فى التليفزيون .. وبيكونوا مقتنعين جداً ومصدقين لإن تقريباً كان فيه مصداقيه أكتر .. إنما دلوقت .التليفزيون هو اللى بيقول سمعنا من الشعب وشفنا فى الشوارع
تحت مسمى كلمة بيقولوا

والله أعلم مين اللى بيقولوا

انا بجد حزينة على الإعلام المصرى واللى بقينا بنشوفة كل يوم ..

لالالالالالا انا ههدى خالص .. واشرب بق ميه واسكت
اصل الموضوع دة بالذات بيعصبنى وبتاخدنى فيه الجلاله..

لنا الله بقى فى اللى جاى

تسلم إيدك على الموضوع لانه بجد يستاهل :)

قلم رصاص يقول...

زهره

أشكرك على المرور الكريم والتعليق المتميز

الموضوع فعلا تخطى كل الحدود
اللي مزعلني اوي بقى ان فيه بعض المدونين اللي زينا كدا متبنين نفس وجهات النظر السطحيه اللي بنتكلم عنها في الموضوع دا

ربنا يهدي الجميع

أبو العريف يقول...

للاسف جميعنا قد يقع في مثل هذا الخطأ الشائع

فنحن نتناقل الاخبار مع ارائنا الشخصية وتحليلنا الغير صحيح لمجرد ان سمعنا فلان يخبرنا بانه سمع كذا وكذا


هناك فعلا ازمه نقل في مصر

وازمه مواصلات وازمات اخري كثيره


بوست مميز كالعاده

تحياتي

فارس عبدالفتاح يقول...

ربنا يكرمكم زي ما كرم العراق


ومن غير ما تديني بالكوع

قلم رصاص يقول...

أبو العريف

شكرا لمرورك ورأيك ياباشا

منورني دايما

قلم رصاص يقول...

فارس عبدالفتاح

مش فاهم المغزى من كلامك ياأستاذ فارس

ياريت توضح من فضلك

فارس عبدالفتاح يقول...

اقصد عندما تسود الفوضى في المجتمع وعندما تحدث البلبلة وخلط الاوراق وتحويل الكلام والنظريات والافكار والايديولوجيات . وكل شيء يفقد مصداقيته .


بمعنى دقيق انهيار الجبهة الداخلية



ولكم جزيل الشكر


فارس عبدالفتاح .. قومي عربي

قلم رصاص يقول...

فارس عبدالفتاح

اهلا اخ فارس

لعلمك انا فاهم تفكيرك كويس اوي وباحترمه جدا وعارف ان كلامك الاخير دا مش جديد علي .. انا عارف افكارك وباحترمها

لكن انا اللي لفت نظري انك بتقول:

ربنا يكرمكم زي ماكرم العراق

حسيت وقتها انك مش من هنا يعني
ههههههههههههههههههه

منورني دايما

Soul.o0o.Whisper يقول...

كدا يبئا انت أكيد أكيييييييييييد فى مصر

أنا بجد مش عارفة أقول ايه

و موضوع الاعلام دا أنا كنت أثرته من فترة على المدونة عندى
و لازلت عاوزة أستأنفه ، بس فترة كدا


أولا حقيقى بجد أنا لا أعترف باعلام مصرى
لأنه ليس اعلام
دى ناس بتنفس عن نفسها

كل واحد شايف له فكر او رأى و معاه فلوس
جرى بيعمل قناة


و طبعا لأننا نتمتع بمبدأ أنه لا يوجد اتنين لهم نفس الرأى

فطبيعى ان تقوم الزوابع و العواطف و الأعاصير :)


ربنا يهدى ، و نشوف ناس بتفكر صح



دمت بود

فارس عبدالفتاح يقول...

يا عمي يا اخوي انا من هنا وليس لي مكان غير هنا وعنديش مكان غير هنا وانتمائي لهنا ومش هنا بس لالالالالالالالالالالالا

دا لطبقة العمال والفلاحين بتوع هنا وهذا هو انتمائي الحقيقي الذي اعتز واتشرف وافتخر به اما العالمين في مصر وخارج مصر .

يا اخي انا لا ابوي باشا ولا جدي بيه انا فلاح ابن فلاح ابن فلاح انا شاب صعيدي من شباب مصر انا انسان من الجنوب انا فرد من افراد الجنوب المصري .

يا اخي


من شده الاحباط والغيظ الذي اشعر به من جراء الاخبار التي تأتيني من مصر بقول الكلام ده من غيظي وضيقي .. بقول ذي ما الام بتدعي على عيالها بس تزعل لما واحد يقول امين .

اشتم واسب واللعن ولكن ازعل ان اي مخلوق يشير حتى ولو بالاشارة الى مصر ساعتها ببقى زي المجنون .


انا اكتب لك هذه الكلامات وانا في غاية العصبية وفي غاية الاسف على مصر وعلى احوال شبابها سواء اكانوا داخل مصر او خارجها .

يا اخي \

انا اتكلم اليك من الكويت واقول لك ان احوالنا هنا لا تسر عدو ولا حبيب تخيل الخدم الفلبنيين سفارتهم دافع عنهم وتطالب لهم براتب اضعاف اضعاف رواتب المصريين وتحل لهم اي مشكلة واي حاجة تخطر على بالك .

وحنا عملين زي الشحاتين

Sam Sh يقول...

فعلا .. عندك حق في الكلام اللي قلته بجد ... موضوع هيكل تم تحريفه تماما و تم لي كلماته ليحقق ضجة كبيرة لم يكن لها داع ..
بالنسبة لموضوع الشيخ محمد حسان :
سأنقل الكلام الذي قاله حرفيا في برنامجه الديني و ليس برنامج 48 ساعة.
الشيخ قال ردا على سؤال يقول : ما حكم بيع الآثار ؟ فرد فضيلته بالحرف الواحد : "إن كانت هذه الآثار في أرض تملكها أو في بيت لك فهذا حقك و رزق ساقه الله إليك ولا إثم عليك في ذلك ولا حرج . إن كانت هذه الآثار في أرضك في ملكك في بيتك أنت فهذا رزق ساقه الله إليك و ليس من حق دولة ولا مجلس ولا أي أحد أن يسلبك هذا الحق و أن يسلبك هذا الرزق الذي رزقك الله إياه. هذا ركاز أو كنز أو ذهب أو .. أو .. إلى غير ذلك فهذا من حقك إن كان في ملكك . أما إن كانت هذه الآثار ظاهرة التجسيم شخاص فعليك ن تطمسها لأن النبي صلى الله عليه و سلم نهى عن بيع هذا و ما حرم بيعه حرم ثمنه أما الآثار إن كانت في صورة ذهب أو ركاز أو غير ذلك فهذا حقك إن كان في ملكك. أما إن كانت هذه الثار في أرض عامة في مال عام تمتلكه الدولة فليس من حقك أبدا أن تأخذها و ليس من حقك أن تهربها و ليس من حقك أن تسرقه أو أن تبيعه و إن فعلت ذلك فقد فعلت حراما و المال الذي أخذته إنما هو مال حرام"

لن أقوم بتأويل كلام فضيلة الشيخ إطلاقا لأنني لا أعتقد أنه يحتاج إلى تأويل أو توضيح فالكلام يفسر نفسه بنفسه و الشيخ الفاضل قال مايقتنع به و ما يرى أنه صواب .
المقال جميل و أسلوبك رائع .
تحياتي القلبية

Sam Sh يقول...

لينك فيديو الفتوى هنا

http://www.youtube.com/watch?v=0FPIZJoUm2Y

Twitter Delicious Facebook Digg Stumbleupon Favorites More

 
Free Web Hosting