أحداث 24 ساعة

وعود الوطني ، ديون علينا !







منذ مايزيد على ربع قرن ، ُيولد المصري (البسيط) سياسيا ويجد نفسه لامفر أمامه سوى الانتماء للحزب الوطني (الديمقراطي) الحاكم . إما رهبه أو رغبه ، وإما عن جهل بالتيارات الأخرى .. وإما وهو الأهم ، حسب ماتؤكده أوراق وجداول وزارة الداخليه .. وهي خبيره في ذلك .


ونتيجه طبيعيه لهذا الوضع العجيب ، غالبية المصريين ينتمون للحزب الوطني .والسؤال إذن ، هل يحترم هذا الحزب إرادة هؤلاء الناس ورغبتهم في الحياه؟ الإجابه بالطبع معروفه للجميع . فلايوجد تمثيل كلي ولاحتى نسبي للمصريين داخل البرلمان إلا من رحم ربي . فالعضوية يتم توزيعها على الحيتان من رجال الأعمال ، والوزراء وكبار رجالات الدوله في شتى المجالات الحيويه .. مما ترتب عليه ظهور نواب القروض والعبًاره والقمار والدم الفاسد(رغم تبرئة ساحته) وتجارة الأراضي والعلاج على نفقة الدولة وغيرها وغيرها.


لماذا يُصر الحزب الوطني على اختيار وجوه لايعرفها ولايشعر بها واحيانا يكرهها الناخبون؟!!! أليس من مصلحة هذا الحزب تجنبا لسخط الناس على الأقل ، إختيار ولو بعض المرضي عنهم شعبيا؟!!!



دا ئما توعدون بالإصلاح واختيار الأفضل وتخلفون وعودكم ، ويدفع المواطن البسيط الثمن !


أشعر أحيانا بوجود غباء سياسي مُستحكم في بعض الدوائر الانتخابيه على الأقل في محيطي الضيق . دائما وأبدا يختار الحزب مرشحيه من الفئات  القادره على دفع التبرعات المليونيه لخزينة الحزب مما يعد في نظري عملية غسيل أموال سياسيه  تتم في دوائر الحكم وعلى عينك ياتاجر، دون اعتبار لأي عرف ولا قانون ولا حتى وازع من ضمير.


وبكل أسف من لم يحالفه حظه ويختاره الحزب الحاكم على قوائمه ، ستكون فرص مروره لمجلس الشعب ضعيفه الى أبعد حد باستثناء الذين ُيسمح لهم ببعض الكراسي لزوم الشو الإعلامي لإدعاء وجود ديمقراطيه على أرض هذا الوطن.


نداء إلى الحزب الوطني الحاكم وكل الإصلاحيين والمنتمين لمايسمى بالفكر الجديد والمحسوبين على التغيير المنشود والمطلوب شعبيا بكل قوه ، أتمنى أن تبدأوا الإصلاح من الداخل ان أردتم البقاء، واختيار من سيظلون الى جوار الناس ويجدون حلولا لمشاكلهم وعوزهم ،  بدلا من هؤلاء أصحاب مزارع الأرانب (الملايين) الذين لاهم سوى اتخاذ الحصانه البرلمانيه درعا للدفاع عن مصالحهم الشخصيه الضيقه ، وليذهب الوطن الى الجحيم.!
_______________
وكل خمس سنين واحنا طيبين ^_^

21 تعليقات القراء:

حفيدة عرابى يقول...

حضرتك جاوبت على السؤال
الغباء السياسى
وأضيف عليه ان الحزب وصل لمرحلة بشعة من السلطة والفساد لدرجة احساسه انه مش مضطر يدارى أفعاله

الاصلاح يكون ازاى
مش عارفة بجد خاصة ان كل واحد بيجرى ورا مصلحته وصعب تجمع الناس على هدف واحد
لكن منقدرش نقول غير ويمكرون ويمكر الله

فى نقطة كمان بتضايقنى قوى
عضو مجلس الشعب وعضو الحزب مش مطلوب منه خدمات لاهل الدائرة
ده دوره تشريع ولا سمح الله مراقبة ومحاسبة الحكومة
لكن وصلونا لمرحلة ان الدولة بتنسحب
من كل واجباتها وبتمنحها لاحبابها يوزعوها على الناس كدعاية انتخابية

انا قلت محدش يجيب قدامى سيرة الحزب الوطنى بيجيب لى اكتئاب حاد
ربنا يستر على بلدنا

Rosie يقول...

بسم الله الرحمن الرحيم و ربنا يستر..أحب أقول أولا أن أسلوبك فى الكتابة راقى جدا..بيفكرنى ببتوع جرايد المعارضة اللى أنا بحبها أوى..
و عارف أنا مثلا بحب أقرا فى السياسة أوى بس بحاول على قد ما أقدر ما ركزش فى موضوع الانتخبات دى و مين مترشح و أقرا عنهم و اعرف هم مين بالظبط..عشان ما اتفرس زيك كده..بكل أسف اللى أنت كاتبه صح و هو ده الواقع اللى احنا عايشين فيه..عامة و بعيد عن أى أحزاب ..اللى أنا أعرفه نائب الحزب ده المفروض أن الناس تحس بيه..تحس أنه بيخدمهم..انه فعلا بيقول مشاكلهم..دى حته أمانة..مش لخدمة مصالحه الشخصية..و أراضيه الشخصية..و ممتلكاته الشخصية..الخ الخ..
من الآخر انا كنت باقول دايما إن الضمير لو صحى فى البلد دى كل حاجة هتتصلح..أحسنت

خواطر شابة يقول...

أخي لقد أسمعت لو ناديت حيا
دمت بكل ود

حلم بيعافر يقول...

يووووووووووووووووووووووه

اممكن؟!!

قلم رصاص يقول...

حفيدة عرابي

لا والله بالعكس داحضرتك اللي أضفتي نقطه مهمه جدا ، الا وهي انه الحزب وصلت به الأمور الى انه اصبح مش مضطر يداري تصرفاته.. دا حقيقي فعلا !

الإصلاح ليه مليون طريقه وسكة ابو زيد كلها مسالك زي مابيقولوا
الوطن مليئ بالشرفاء والوطنين اللي بيحيبو البلد فعلا وخايفين عليها وعندهم القدره على وضع تصورات قويه لنقل مصر لمرحله افضل مما هي عليه الان

لكن طبعا دا مش هيتم والحزب الوطني مسيطر على مقدرات الدوله بدون المواجهه واللي بالطبع مش في مصلحة حد لا من النظام ولا المعارضه صحيح هي في مصلحة البلد في النهايه لما يحصل تغيير
لكن دا هيكون ليه فاتوره هيدفعها المواطن وكفايه عليه اوي لحد كده

من هنا انا باقترح على الحزب اللي مسيطر على كل حاجه واللي بيدعي خلوص نيته في مواجهة الفساد على الاقل في المرحله القادمه ان يقوم باصلاح ماافسده رجالاته في شتى الميادين

________

ركزتي ياأستاذه رشا على نقطه مهمه جدا احييكي عليها ، وهي انسحاب الدوله من ادوارها الرئيسية في تقديم الخدمات للشعب مما حول نواب الشعب من مشرعيين ورقابيين على اداء الحكومه الى مقدمي خدمات بكل أسف الغرض الرئيس منها جمع الأصوات وقت الاقتراع

________

وخلاص دي المره قبل ال300 اللي معدتش هجيب فيها سيرة الحزب هههههههههه

كل سنه وانتي طيبه ورمضان كريم عليكم

واحييكي على تعليقك المثمر

قلم رصاص يقول...

Rosie

اشكرك على الاطراء ومدحي بمالا أستحق

مين قال اني مفروس؟ هههههههههههه
انا يادوب متغاظ
احنا بنحاول نناقش وضع السياسه في مصر بما فتح الله علينا كشباب ..الشباب هما القوه الحقيقيه للبلد ويجب عليه المشاركه بجديه وبشتى الطرق وعلى اختلاف انتمائاته السياسيه ومشاربه الاجتماعيه

دا انا نفسي فيه جدا والحمدلله بيتحقق شويه شويه خصوصا بعد الانفتاح التكنولوجي اللي احنا عايشينه دلوقتي
نوعا ما اتكسرت حواجز كتير كانت بتربك وتخوف بل احيانا وتكسل الشباب عن المشاركه

الانتخابات مهمه جدا رغم علمنا بنتايجها المسبقه لكن اضعف الايمان بالقضيه اننا حتى نناقش اللي بيحصل

نورتي المدونه بتعليقك المتميز

تقبلي تحيتي وكل عام وانتم بخير

قلم رصاص يقول...

خواطر شابه

عارف والله ان سعد قالها وسابنا ناكل في بعض ههههههههههههه

بس لازم بردو نتككلم لعلنا نجد مستمعا

كل سنه وانتي طيبه

قلم رصاص يقول...

حلم بيعافر

مممممممممكن والله يامحمد
تصووووووووووووور؟!

علاء المصرى يقول...

أسجل مرورى كل عام وأنتم بخير

Unknown يقول...

غباء سياسى ليه بس ؟
الحزب الوطنى أذكى حزب على مستوى العالم و إن شاء الله يخش موسوعة جينس من أوسع أبوابها

يكفى إستراتيجياته المتبعة للفوز فى كل إنتخابات على حدة , يعنى مثلا لو الجو طراوة .. يعدى بتوع الحزب بس هما إللى يخشوا ينتخبوا جوة الدايرة .. وبكدة يوفر على نفسة عناء تزوير الإنتخابات
أما لو خنيىء و الناس مفنجلة عنيها و صحافة و بتاع .. يقدم النواب بتوعه فى الإنتخابات على إنهم مستقلين و يقدم فى نفس الدايرة مرشح للوطنى .. تقوم الناس منتخبة المستقل مش عشان المستقل كويس .. عشان هو نازل قدام واحد من الحزب الوطنى و ده سبب كافى للفوز لو الإنتخابات نزيهه يقوم المحترم مغير ديانته من مستقل إلى عضو بالحزب الوطنى
ده غير بقى الدواير إللى بتهش و تنش وتلاقى الناس قاعدة فى الدايرة بتسلى صيامها و قاعدة تضرب فى أصوات ناخبين

أكبر دليل على ذكاء الحزب .. قدرته على البــــقاء.والإرتقاء

قلم رصاص يقول...

علاء المصري

اهلا بك اخي الكريم
وكل سنه وانت طيب

قلم رصاص يقول...

М€ŝЋМΣŞĦ

هههههههههههههههه

تحليل رائع والله احييك عليه
دا فعلا اللي بيحصل ولاغير كدا بنشوف
لكن انا باتكلم من حيث المبدأ دا لو فيه مبادئ يعني

تقدر تقول كدا اني بحلم يعني وباخاطب ناس محترمه نفسها لكن انا عارف انه هيهات هيهات لما ندعوا بس دايما انا بتافئل رغم ان الصوره متنيله بنيله

منورني بتعليقك الرائع
وكل عام وانتم بخير

قلم رصاص يقول...

لمزيد من الفرسه والتنغيص
دوسوا هنا وعيشوووووووا اللحظه

http://www.youm7.com/News.asp?NewsID=272651&SecID=65

وطنى" المنيا يرشح طبيبا بصفة "عامل" لانتخابات الشعب

غير معرف يقول...

السلام عليكم
عيد الراجحي
اكيد مش هضيف اكتر مما كتبت بس لي تعليق بسيط لو امكن
هو العيب ف مين
الحزب الحاكم ولا من ينتمي اليه سواء كوادر ام جماهير؟
لسه عايشين ف عصر صلاح نصر (فكريا) الناس بتخاف تنضم لاي حزب معارض ليس لضعف الاحزاب ولكن لتوهمهم ان الانضمام للحزب صمام امان علي المستوي الاجتماعي والامني( علي الاقل ضامن انه مش هيزور مقر امن الدوله)
اما الاعضاء اكثرهم الوصوليين ومن يرغب ف مصالح شخصيه وعلاقات لن يجدها الا في هذا الحزب
ولي وجهة نظر في دور اعضاء مجلس الشعب اولا سياسي ثانيا خدمات ثالثا سياسه وخدمات
نحتاج عضو مجلس شعب مثقف سياسي يفهم ماذا يقول يعرف متي يهاجم ومتي يدافع وكيف يتحدث وماهر ف اقتناص الخدمات
بس كل ده غير موجود لان مجرد الانتماء للحزب الوطني يلغي دوره السياسي والخدمات علي قدر ولاااااااااء وعلاقاته داخل الحزب

قلم رصاص يقول...

عيد الراجحي

عليكم السلام ورحمة الله وبركاته

بالعكس مرورك في حد ذاته اضافه واثراء للموضوع .. فأهلا بك وسهلا

تقييمك للأمر أصاب كبد الحقيقه في مقتل
أحييك على مرورك وتعليقك الراقي

عمرو يسرى يقول...

كلامك جميل جدا بس حضرتك نسيت نائب الرصاص اللى كان عايز يضرب الناس بالرصاص لو كنت افتكرته كنت عرفت ان النواب بتوعهم اكبر نايبه على البلد وان غبائهم وصل الى اخره

إيمان هلال يقول...

الحزب الوطنى مشكلة المشاكل

فشكووول يقول...

السلام عليكم
طبعا احنا عارفين ليه الحزب بيرشح وينجح برضانا او خصب عننا اللى هو عايزه
طبعا وانت عارف عشان يبقى فيه اغلبيه عشان المهم واهم حاجه منصب رئيس الجمهوريه وطز فى كل الناس
وطبعا الحزب هو الحكومه وهو المحافظين وهو اللى ماسك البلد من رقبتها
اما بقى حكايةالاصلاح دى .. ليه دايما كل الناس تقول لابد من اصلاح الحزب من الداخل
يا ناس فككوا شويه من حكاية الحزب ده .. لا حيتصلح من الداخل ولا من الخارج ولا حيكون فيه اصلاح اصلا .. هو حزب عشان يحمى الكرسى وبس .. طب خلى الريس يسيبه كدا وشوف ايه اللى حيحصل له
طب ما نرمى البايظ دا فى البحر وبلاش نتعب نفسنا فى اصلاحه او تطويره وبلاها وجع دماغ وخلاص.
يا عم دا مش حزب اصلا وسيبك من كل الكلام اللى بيتقال ..
دا تنظيم عشان يحمى السلطه وبس .. تنظيم والله العظيم تنظيم وتنظيم حكومى كمان
بلا وجع دماغ

قلم رصاص يقول...

عمرو يسري

ههههههههههههههه
اشكرك ع الاضافه دي أستاذ عمرو
فعلا انا كنت نسيت الراجل دا
ماهي بلاويهم ملهاش اخر

كل سنه وانت طيب

قلم رصاص يقول...

اعقل مجنونه

لخصتي مشاكل مصر كلها في سطر واحد

عندك حق بلاشك

كل سنه وحضرتك طيبه

قلم رصاص يقول...

فشكووول

عليكم السلام ورحمة الله وبركاته

أعصابك يا أستاذصلاح مش كدا يغور الحزب الوطني في داهيه ههههههههههههههه

انا باخاطب الحزب الوطني يكون يحس على دمه ويتغير للأحسن طالما احنا مش قادرين عليه وعلى تغييره
انا عارف كل كلامك حضرتك حقيقي جدا وان الحزب دا ماهو الا كيان لحماية كرسي الرئاسه ومن ثم الحكومه الى اخر كل شيئ في البلد ولو الرئيس تركه هيقع بلاشك

بس الناس كلها غلب حمارها
مفيش فايده في التغيير من الخارج
قولنا يمكن نصعب عليهم ويتغير من الداخل
عارف انه مستحيل بس اهو كلام يعني
يمكن تيجي ضربة حظ والشعب يهيص بقى

كل سنه وحضرتك طيب ورمضان كريم

Twitter Delicious Facebook Digg Stumbleupon Favorites More

 
Free Web Hosting