أحداث 24 ساعة

ربنا يزيد ويبارك !

السلام عليكم ورحمة الله وبركاته


دائما ماتتحجج الحكومات المصريه المتعاقبة ومن قبلها النظام الحاكم وكل المحسوبين على الدوائر الرسمية ومن يسيرون في فلكهم وروتينهم اليومي ، بأن الزيادة السكانيه هي أهم أسباب معوقات التنميه في بلادنا المحروسه.


ضاربين عرض الحائط بكل الأراء المعارضه لهم في هذا الشأن لتغطية الفشل المستمرفي معالجة استراتيجيات التنميه الإقتصاديه والمجتمعيه على مر العقود الماضيه ، وناسين متناسيين متعمدين لنماذج الدول الكثيفة السكان وحولت مايمكن تسميته عبء الإنفجار السكاني لديها الى ميزة نسبيه قامت بإستغلالها وتفعيلها في الخطط بعيدة المدى للتنميه في هذه الدول .. والتي تحولت بقدرة قادر الى كيانات اقتصاديه عملاقه .

على رأس تلك الدول بالطبع ، الصين .والتي يزيد تعداد سكانها كما نعلم جميعا على مليار ومئتي وثمانين مليون نسمه.والتي تعد الأن صاحبة خامس أكبر إقتصاد في العالم .والهند التي يزيد تعداد سكانها هي الأخرى على الميار ومئة مليون نسمه والتي بدأت مشروعها للانطلاق نحو التنميه مع مصر في الستينات ، انظروا لها الأن ولمصر وستعرفون الفارق الشاسع.فقد تحولت هي الأخرى لكيان اقتصادي عملاق ويكفيها ريادتها العالمية في مجال حلول وبرمجيات الحاسب الألي وتصدر مخرجات هذه التكنولوجيا بعشرات المليارت من الدولارات سنويا.

ولايمكننا ونحن نتحدث في هذا الشأن ، ألا نذكر المعجزة الإقتصاديه الكبرى في القرن الماضي .وهي اليابان ، التي يفوق تعداد سكانها المئه وثلاثين مليونا ، فقد خرجت من الحرب العالمية الثانيه مستسلمه ..مهزومه هزيمه ساحقه ومدمره تدميرا شاملا جراء ضربها بالقنبله النوويه . ولم يكن لديها في مطلع الخمسينات أي بنيه تحتيه ولا موارد طبيعيه وتتكون البلاد من مجموعه من الجزر في منطقه مليئه بالزلازل والبراكين .. لم تتحجج بكل ظروفها المحيطه بها كي تبرر الفشل في الحرب ومابعدها. بل أوصدت مصراعي الباب على نفسها وعكفت على العمل حتى أصبحت ثاني أقوى إقتصاد على وجه المعموره . فهؤلاء البشر دينهم وحياتهم هي التفاني والإخلاص في العمل .ولايعنيهم سوى أن تظل سمعة اليابان خفاقه عاليه في كل بقاع الأرض . يكفي أن رئيس أكبر شركه سيارات يابانيه وفي العالم "تويوتا" قدم إعتذارا رسميا في الكونجرس الأمريكي أثناء استجوابه بعدما ظهرت بعض العيوب الفنيه في سيارات الشركه في الولايات المتحده مما تسبب في بعض حوادث السير على الطرق.واعتذر الرجل وقرر سحب ثمانية ملايين سيارة تويوتا من مختلف أسواق العالم لمجرد ظهور هذا الخلل الفني ، وذلك حفاظا على سمعة ومصداقية وجودة المنتج الياباني في كل مكان.

أما نحن ، فلنا الله من قبل ومن بعد
واترككم مع هذا الكاريكاتير الذي قمت برسمه من عدة سنوات فقررت الإطمئنان عليه من فئران الزمن وقلت لنفسي أضعه بين أيديكم بالمره خلال هذا البوست .. وأظن أنه يتناسب مع محتواه الى حد بعيد.!



ــــــــــــــــــــــــــــــــــــــــــــــــــــــــــــــــــــــ
تقبلوا تحيتي

قلم رصاص

36 تعليقات القراء:

мαησηα يقول...

ههههههههههههه

على رأيك ربنا يزيد ويبارك

بالك انت لاقدر الله لو كانت مشكلة

العربيات دى حصلت عندنا لاقدر الله يعنى

ان الشركة دى مصرية لاقدر الله بردو

كانوا هيطلعوا العيب ف الشوارع

ههههههههههه اه وربنا ف جميع انحاء

العالم كانو هيطلعوا العيب ف

شوارعهم مش ف انتاجنا اومال نحن نختلف

عن الاخرون ياريس

والله وليك وحشة يا ريس ماتغيبش علينا

كده شعبك بيتبهدل ف غيابك ياريس

تسلم ايدك على الكاريكاتير

وعلى البوست الجميل ده انا حاسة انى

بدات افهم سياسة :)

واحد من العمال يقول...

السلام عليكم

كل من يقول أن الزياده السكانيه تعوق التنميه فى بلادنا فاشل أبن فاشل
لأن الزياده السكانيه قوه وثروه لكن عندنا غير قادرين على أستغلالها لأنهم فاشلين وبس خلاص

ودمت بخير حال

خواطر شابة يقول...

تعرف اللي جه في بالي وانا أقرأ تدوينتك هي الاغنية الموجودة في فيلم افواه وارانب هي المرافقة لمشهد النهاية كلماتها جميلة ومناسبة لهذا الموضوع تماما
تحياتي لك

sony2000 يقول...

بجد جبت موضوع القضيه
كل حاجه غلط
بسبب الزياده السكانيه
مع انها نعمه وليست نقمه

ستيتة حسب الله الحمش يقول...

ههههههههههههههههههههههههههههه

الكاركتير جميل جدااااااااااااا
انت فعلا موهوب

اما عن حجج الحكومة
ونفي اسباب وكستنا عنها
والصاق كل عيوب الدنيا بنا
فده نهج
تحب نخرج عن النهج؟
يرضيك يا عاطف :)

كلمات من نور يقول...

كاريكاتير صح الصح

أما الشماعه اللي بيتعلق عليها كل اخطاء البلد دي فهي حجج واهية ......بس احنا نحب نتكلم وحتى كلامنا بيكون أي كلام .......ويارب

ندى الياسمين يقول...

اسكت يا سيد اصلا نا سمعت حديث مره من يجى شهرين
لمسؤلين فى الصحه مع عمرو

يا لهووووووي

بيقولك 15 مليون جنيه اتصرفوا على تنظيم الاسره شوفت الحلاوه يا ذكي

تنظيم الاسره اه

من وجهة نظري حتى تنظيم الاسره بتاعهم فااااااااشل

الى بينظموا الاسره دلوقتي المثقفين فقط
اها الى هما اصلا يقدروا يربوا كويس

انما تلاقي البواب من دول حضرتك قاعد فى اوضه تحت السلم وشغال معمل تفريخ عنده يجى عشر عيال كله مشردين بلا فخر

حصل اختلال فى المجتمع بسبب كده

المهم فى هبل فى المنطقه وبس

أحمد عاطف يقول...

يعني الريس اللي مرارته اتفقعت يجيب لنا منين

هيأكلنا منين

احنا كتير بردو دا احنا 85 مليون

تقولش عزبة ابوه وبيأكلنا منها

اوعى تقارن المصريين بالصين

او باليابان

فتلك الشعوب حتى وان عاشت في قهر سياسي

فهي وعيت كيف تنتج وكيف يصح الفرد مفيدا

فعلى شأنها

لكن احنا شعب الشماعه

تحياتي

norahaty يقول...

العيب فينا
ياقلم دهب 24
احنا شعب بردون
(طرى)عارفة ان كتير
حيزعلوا منى للوصف دا
لكن هذا صحيح
الاصلاح او التغير يأتى
من خارجنا (كشعب)وبالتالى
استسهلنا الكلام وقلنا ان
زيادة النسل هى السبب وكمان
عايزين ناكل ونشرب ونسكن ونتعلم
ببلاش وبالتالى ماشين على منهج واحد:
التعليم المدرسى والجامعى ودا ليه؟
علشان التعيين الحكومى للمتعلمين

فتاه من الصعيد يقول...

جميل الكاركاتير جدااا

مفيش بلد في العالم بتشتكي من الزياده السكانيه غير مصر

كل البلاد بتشتكي من نقص القوه العامله

دي حجج وتلاكيك مع الاسف

تحياتي

Shaimaa يقول...

فعلا كلام حضرتك مظبوط... الزيادة السكانية لا تمثل أى خطر على الاقتصاد ولا على أى قطاع آخر... ومش احنا اللى بنقول كدة... ده أكبر دكاترة فى مركز الأهرام
ومتميزين فى حاجة مهمة ان فئة الشباب من سن 20 الى 45 سنة بيمثلوا الأغلبية العظمى من الشعب يعنى نقدر نبنى ونغير البلد فى كل المجالات زى ما احنا عايزين.

يارب.. ربنا يزيد ويبارك
حلو الكاريكاتير
بالتوفيق

عمرو يقول...

ربناآآآآآ يزيد ويباركـ

اكيد طبعاً الزيادهـ السكانيهـ مش سبب ولكنهم طبعاً لازمـ يكون لهم حجج لتغطية الفشل

اشكركـ يا فندمـ ع عرضك الرائعـ للموضوع

خالص تحياتي ,,

قلم رصاص يقول...

мαησηα

اه والله فعلا عندك حق
لو دا عندنا كانوا طلعوا العيب في شوارع العالم كله ^_^

منوره اختي منونا

في امان الله

قلم رصاص يقول...

واحد من العمال

عليكم السلام ورحمة الله وبركاته

هكذا هي حيلة الضعيف الفاشل الذي يريد اي اصلاح لهذه البلد

منور دايما ياباشا

في امان الله

قلم رصاص يقول...

خواطر شابه

مع اني خلاص الحمدلله لم اعد اسمع الاغاني
الا اني هعتبر دا اثراء للموضوع طالما دي وجهة نظر حد ذو فكر عالي زي حضرتك

منوره دائما

وتحيه لأهل المغرب

في امان الله

قلم رصاص يقول...

sony

شكرا لمرور وتعليقك

وفعلا في كل الدول المحترمه الزياده السكانيه تعتبر ميزه نسبيه عندها وبتكون اهم عوامل التنميه

منوره

في امان الله

قلم رصاص يقول...

ستيته

الحمدلله يادكتور ان الكاريكاتير نال اعجاب حضرتك..ولا موهوب ولا حاجة دا انا على ادي وباجتهد بس !

هما ميحبوش يخرجوا عن النهج
انما انا احب اخرج عنه بصراحه
هههههههههههه

منوره دايما يادكتور

في امان الله

قلم رصاص يقول...

كلمات من نور

سعيد ان الكاريكاتير نال اعجابك

ربنا يصلح الأحوال يارب الفتره القادمه ان شاء الله

في امان الله

قلم رصاص يقول...

ندى الياسمين

اهو حتى لما جم ينظموا الأسره خلوها خل
وجابوا عاليها واطيها

الناس دي بحد تجنن .. والله الناس دي ملهاش قطع غيار في مصر.. المصنع اللي عملهم قفل .. وفي روايه اخرى ولع!

وعلى رأي اخواننا الفلطسينين:

الله خلقه وكسر القالب

هههههههههههههههههه

لا أستطيع الان الا ان اقول بملء الفم:

احترس عزيزي المواطن ، مصر ترجع للخلف

منوره دايما

في امان الله

قلم رصاص يقول...

احمد عاطف

فعلا استاذ احمد احنا بتوع الشماعه

منور دايما

في امان الله

قلم رصاص يقول...

نوراهاتي

المسئولية مشتركه
بين الحاكم والمحكومين
وان كانت السلطات مصدرها الشرعي هي للمحكومين وما الحكام الا موكلين من الشعب لتسيير شئون حكمهم

لكن في هذه المسألة خصيصا اظن ان السياسات الحكوميه هي المتهم الاول
فالدوله يجب أن يكون لديها خطط استراتيجيه قصيره ومتوسطه وطويلة الأجل
في شتى الميادين

منوره دايما

في امان الله

قلم رصاص يقول...

فتاه من الصعيد

سعيد ان الكاريكاتير نال اعجابك

وفعلا معظم الغالبيه العظمى من الدول خصوصا المتقدمه تشتكي من نقص قوة العمل لديها

اما نحن فلدينا أساليب عجيبه في التحجج الواهي بالأشياء

منوره

في امان الله

قلم رصاص يقول...

shaimaa

شكرا لرأيك الذي أثرى الموضوع

وسعيد ان الكاريكاتير نال اعجابك

في امان الله

قلم رصاص يقول...

عمرو

العفو اخ عمرو

ومشكور جدا على مرورك وتعليقك

في امان الله

إمرأه من ثلج يقول...

حكومتنا بتتحجج علشان تبرر فشلها

انا مش فكرة اسم رئيس الصين الى أتسأل السؤال دة

لمل قلولة ان عدد سكانك يتعدى المليار دى مشكلة صعبة هتعطل الأقتصاد


كان ردة لا انا عنى 2مليار ايد هتساعد فى التطوير وتنمى الاقتصاد

هو بص للتضخم السكانى انة نعمة لانة عندة القدرة لاستغلال طاقة شعبة وتوجها لمصلحة البلد

الدوروالباقى علينا

سعيدة بمرورى الاول فى المدونة المميزة دى

تحياتى وأرجو دوام التواصل

سبايدرمان spiderman يقول...

هههههههه
طب هي ماسكه الآرنب في الصوره ليه بقي ^_^

ههههههههههه

.....

انت فظيع في رسوماتك و الله
ما ترسملي صوره سبايدرمان على شكل كاريكاتير ^_^

Sharm يقول...

المعتقد الديني يمنع الكثير من الافكار!

و منها تحديد النسل

شاب فقرى يقول...

عاجبنى اوى الكاركتور دا :D
صبح يا جميل

شاب فقرى

قلم رصاص يقول...

إمرأه من ثلج

ونحن سعداء ايضا بمرور حضرتك

وشكرا على التعليق

في امان الله

قلم رصاص يقول...

سبايدر مان

واخد بالك انت من موضوع الأرنب
هههههههههههههههههههههه

سعيد جدا ان الكاريكاتير نال اعجابك

وبخصوص الرسمه من عنيا ياباشا بس افتكر انا كنت برسم ازاي اصل اخوك نسى
ههههههههههههه

منورني دايما

في امان الله

قلم رصاص يقول...

شارم

انت قولت حاجة انا بردو عارفها وكنت عاوز اذكرها في البوست بس تجنبت دا عشان ميطلعليش حد يقولي اني متأخر ولا مش متفتح عشان باقول كدا!

منورني دايما

في امان الله

قلم رصاص يقول...

شاب فقري

ازيك ياكريم

الكاريكاتور عاجبك؟

طيب خلاص اهوه..انا حلفت ماهو راجع
ههههههههههههههههههههه

منورني دايما ياكريم

في امان الله

اتمني الشهادة يقول...

اعتقد ان حكومتنا اصبحت علي قدر كبير من الوضوح والصراحه في موقفها تجاه الشعب مما يخرجها من نطاق افتعال حجج كاذبه الي المواجهه وذلك لثقتها الكبيره في ان لها شعباً لا يسمع لا يري لا يتكلم والي هيبفكر يتكلم هو عارف الي هيجراله..
واتمني ان اكون مخطئه في تقديري لحكومتي

امتعتنا بهذا الموضوع ودائما ما نلحظ انك بكل موضوعاتك تمدنا بالمعلومات وترفع من مستوي الثقافه لدينا جزاك الله عنا كل الخير

SHAPE YOUR LIFE (ABOALI) يقول...

تعرف قيمة الشعوب من حسن استغلال مواردها

لان ذلك يعتبر دليل يقينى على ان بها اناس تفكر وتستخدم العقل فى استخدام واستثمار تلك الموارد
وحيث اننا ننظر للزيادة السكانية على انها كارثة وجب ازالتها ونخصص لها مليارات لمكافحتها وتعطى لنا دول الاتحاد الاوربى تمويل سنوى للمساعدة فى خفض النمو السكانى
ليس لانهم يريدون المحافظة علينا من الزيادة ولكن لاعتبارات اخرى مرتبطة بالتوازونات لدول اخرى صديقة لهم

المشاهد عن بعد يرى يقينا اننا فى حالة انعزال عقلى ونتعامل فى كانتونات معزولة تفتقد اى روح جماعية فى التشارك والحل


الموضوع مثمر ويقلب اهات كثيرة
ولكن الامل لازم موجود فى ظل حالة من الوعى اكاد اشم ريحها فى التغير وكفانا تنبلة عقلية

خاااااااااااااالص تقديرى لشخصك وقلمك المحترم

قلم رصاص يقول...

اتمني الشهادة

فعلا كلام حضرتك مظبوط
الحكومه أصبحت تتعامل مع الشعب على أساس انه لايرى ولايسمع ولايتكلم
صحيح هذا الوضع موجود الان بقوه
لكن هذا لايمنع ان نقول ان هناك قطاعات واسعه جدا من شرئح متعدده في الشعب بدأت تسمع زترى وتتكلم وننتظر منها ان تفعل

وشاكر جدا لمرورك الكريم وتعليقك المثمر

في امان الله

قلم رصاص يقول...

الأستاذ المحترم/ أبو علي

كلام حضرتك النهاردة رائع جدا كما عودتنا دائما بتعليقاتك التي تعطي الموضوع ثراءا غير عادي

تحليل سليم ومنطقي جدا

ومنورني دايما يا أستاذنا

في امان الله

Twitter Delicious Facebook Digg Stumbleupon Favorites More

 
Free Web Hosting