أحداث 24 ساعة

ميـــــــــــن ده ؟!




اللي يعرف مين صاحب الشخصية اللي في الصوره .. ليه عندي جايزةمش عارف هي ايه .. بس هي اكيد حاجة كويسه

وهسهلها عليكم .. هو من قِيل في حقه : انه باااااااااااااع البلد

الله يرحم أيامه .. الجنيه في عهده كان لسه فيه الروح وكان يسوى تلاتين قرش بحالهم

انما النهاردة طلعت روحه ، وعاد بيبتاع بالكيلو

وللعلم الإسكيتش دا انا رسمته من حوالي سبع سنين .. تصوروا

يعني قبل إديسون مايخترع المصباح

^_^


والراجل دا انا من بعده نفسي اتسدت عن رسم الكاريكاتير 

لأنه بجد كان فاتح شهيه بالنسبة لي ..ومعظم مارسمت في الكاريكاتير كان عليه

وهوريكم فيما بعد ، بعض الحاجات اللي تتماشى مع هذه الأيام الذكيه

ــــــــــــــــــــــــــــ

تقبلوا تحيتي

50 تعليقات القراء:

El - Shandwely يقول...

مصريا واستنادا لمعطياتك
شايف انه عاطف عبيد
عالميا بقى شايف انه بالظبط
Michael Caine

كلمات من نور يقول...

داه عاطف صدقي مش عبيد ..عموما بدل ما ندوخ خد قائمتهم كلاتهم وشوف انت اللي تحبه...

http://ar.wikipedia.org/wiki/%D9%82%D8%A7%D8%A6%D9%85%D8%A9_%D8%B1%D8%A4%D8%B3%D8%A7%D8%A1_%D9%88%D8%B2%D8%B1%D8%A7%D8%A1_%D9%85%D8%B5%D8%B1

El - Shandwely يقول...

تمام
بس تشكر عالقايمة طلعت اطول مما تخيلت !

الشعب لابد له من حكومه تشكمه يقول...

ههههههههههههههه طالما باع ا لبلد يباه مفيش غيره بتاع الخصخصه,,
ياعينى مشى بل ميبيع الاهرامات وابو الهول.

ياسيد دا كفايه عنيه تخلى اى حد يعرفه,كان دايما عندى سؤال اقولهم الراجل داا بيشرب ايييييييييييه؟
كنت بحس انه لازم يطلع يكلمنا وهو ماسك الشيشه.

انه عاطف عبيد.

مش كده ولا اييييييييييييه؟

قلم رصاص يقول...

El Shandwely

فعلا عاطف عبيد
برافو عليك

منور

ـــــــ

كلمات من نور

لا مش عاطف صدقي نهائي لاشكلا ولا سياسات
عاطف صدقي صلح كتير في الاقتصاد

انما المقصود هو عاطف عبيد
وزي ما انا قولت الأماره
اللي باع البلللللللد

وشكرا على اللينك

قلم رصاص يقول...

الشعب لابد له من حكومه تشكمه

شاطره ياشيماء ، جبتيها من اول مره
فعا هو مفيش غيره قائد سلاح الخصخصه واول وزير لقطاع الاعمال العام واللي باع البلد في مزاد علني !

عاااااااااطف عبيد

وفعلا عنيه غريبه اوي ، بس دي علامة الجودة بتاعته يعني .. وزي ما انتي توقعتي .. هو فعلا انا سمعت انه كان بيشرب بلاوي سوده .. والدليل عنيه ونبرة صوته كانت واضحه جدا

بس رغم كل دا كانت ايامه البلد ارحم بكتير من اليومين دول ..

الفترتين انيل من بعض بس في عهده لم تصل الامور لما آااااااااااالت اليه الان !

وليكي جايزة

منوره دايما المكان

في امان الله

غير معرف يقول...

انا ماعرفتش انه عاطف عبيد غير لما قلت باع البلد

على فكره من اسوء الاشياء انك تذكر بشيء سيء ... بل بخيانه البلد

تحياتي

Mahmoud Ahmed يقول...

فيه حد ميعرفش ده ؟؟ :(
اسوأ واحد في مصر :(

....

متعرضش الحاجات الوحشه ده عندك ^_^

....

المدونه ده نظيفه و هتفضل طوول عمرها نظيفه ^_^

غير معرف يقول...

ده عاطف عبيد..

لما كان دكتور فى الجامعة كان راجل محترم أوى و كان ليه آراء حلوة و كان بيتسمعله (ده على حسب كلام ماما و بابا لما كانوا الطلبة بتوعوا فى كلية تجارة :) )

بس بعد ما مسك النظام بهت عليه

خواطر شابة يقول...

مادام الحكاية فيها جائزة استنى اما أغش من التعليقات لاني أكيد مش حأعرف
فين ورقة شيما فين فين أه أهي الجواب هو عاطف عبيد صح مش كده عشان تعرف اني شاطرة ههه

حفيدة عرابى يقول...

انا مش غشيت
بس العيون هى اللى أكدت لى انه عاطف عبيد
الراجل ده
مع ناس تانية
فى الحته السوده اللى فى قلبى
ربنا يديهم على اد نيتهم

صيدلانيه طالعه نازله يقول...

بص انا برده مش غشيت بس عينين الباندا دى مكانتش غير مع عاطف باشا عبيد امبراطور الخصخصه
و استاذ تعويم الجنيه و هو مبيعرفش يعووووووووووم

أحمد عاطف يقول...

هو الكل قال عاطف عبيد

فهانمشيها عاطف عبيد

مع اني اول ما وشفت صورته في الريدر عندي افتكرته نور الشريف

تحياتي

Heba Faruq يقول...

ياريت الناس تعرف ان اللي بيتبقى منها فعلا واللي بيفتكره الناس هو اعمالهم فقط
وطبعا الاعمال السودة بتعلق اكتر في ذهن الناس

بس على فكرة احنا ممكن نشيل الصورة ونضع صور ناس تانية كتير قوي ويفضل برضه نفس الكلام ينطبق عليها"باع البلد"..مش كده والا إيه

قلم رصاص يقول...

فتاه من الصعيد

سبحان الله .. كلكوا عارفين انه باع البلد
بس ياترى مين اللي قبض التمن؟

^_^

منوره أختي الكريمة

ــــــــ

سبايدرمان

ههههههههههههههه
انا مقدر شعورك تجاه الراجل دا

بس والله انا ماقصدتش ادايكم بنماذج سيئة في تاريخ مصر ، بقدر ما كنت عاوز اوريكم رسوماتي القديمة نوعا ما.

دا الراجل دا انا عملت فيه عمايل بالكاريكاتير هههه

وشكرا جزيلا يادكتور على ثقتك في المدونة وكلامك الحلو دا!

منور دايما

قلم رصاص يقول...

انا ودماغي

فعلا عاطف عبيد

ودي سنة الحياه بكل أسف اختي الكريمة
الواحد من المسئولين بيبقى له أراء وهو بعيد عن السلطة مخالفه لما يرتكبه من افعال بنفسه بعد مايمسك السلطة

ماعندك مثلا المفتي كان ليه اراء في الختان وهو استاذ في جامعة الازهر ، غير اراءه دي بعد مابقى مفتي .....

بريق الكراسي يفقد العقول صوابها

منوره بمرورك وتعليقك

ـــــــــ

خواطر شابه

كنت عارف انك هتغشي من شيما عشان هي شاطره وبتذاكر كويس هههههه

منوره اختي الكريمة

قلم رصاص يقول...

حفيدة عرابي

الحكاية مش محتاجه غش يامصريين
كلنا نعرف هذا الرجل

وعجبني تعليقك يافندم

منوره

ــــــ

صيدلانيه طالعه نازله

فعلا عنيه جميله اوي وبتدل اد الراجل كان بيسهر وتاعب نفسه عشان الشعب

هو مكانش بينام اساسا من التفكير في حل مشاكل مصر ^_^

منوره يادكتور

قلم رصاص يقول...

أحمد عاطف

نور الشريف مين بس يا أستاذ أحمد
ههههههههههههههههه

عموما اجابتك صحيحه رغم انك غشيت والغش ممنوع في الفصل

منور ياباشا

ــــــــ

هبه فاروق

طبعا أستاذه هبه ، كل بني أدم الى زوال ولا يبقى له سوى اعماله وسيرته

وطبعا الحسنه تخص والسيئة تعم
بس رغم ان دي القاعده العامه في الحياه
الا ان الراجل دا كانت ايامه سوووده اوي ..بس مش اسود من النهاردة

صحيح الصوره تنفع يتحط مكانها الف صوره لألف مفسد في البلد غيره ، وهتمشي برضه باع البلد وداس البلد وخرب البلد الخ الخ الخ

بس الفكره اني حبيت اوريكم رسمتي للرجل يعني !

مشكوره على المرور

SHAPE YOUR LIFE (ABOALI) يقول...

مين ده
اللى باع واشترى
اللى هان وهونا عليه
اللى كان ونسى اللى هايكون
اللى بنا ونسى عمود البُنا
اللى خطط ونسى المخطط
اللى اتصور ونسى المصور
اللى خطب ونسى الكلام
اللى قال وترك الفعل
اللى ركب طقم سنان
وانا كنت شاهد
فى عيادة دكتور عبد المجيد فى وسط البلد
بس كانت سنان لبلده كلها قواطع
وعجبى

احييك دقة رسم الغير عاطف ولا عبيد

وفتح الله شهيتك بمن نظف البلد فاصبحت يا كبدى مش لاقى حاجة تاكلها

تقديرى

ليس فقيرا من يحب يقول...

لااااااااااااااااااااااااااااااا

السؤال ثععععععععب اوى يا مستر

ممكن اختيارات

بص انا محتارة بين تلاته

عمرو ذكى

عبد الحليم حافظ

زكى رستم

بس دول باعوا البلد فين ياريس

اكيد السؤال بتاعك فيه اخطاء

زمانيه ومكانيه

ههههههههههههههههههههههههههههههههه

طب بص انا هاخد برأى الجمهور

الراجل ده هو عاتف عبيد

اياكشى بس الجمهور يكون بيضللنى

وهيسقطنى فى المسابقه

هههههههههههههههههه

مشاء الله عليك

موهوووووووووووب

mohamed ghalia يقول...

وهل يخفى القمر ده عمنا عاطف عبيد
الى حرر الجنية وقاله عوم وانزل البحر لوحدك انت من الأحرار يا ابنى

قلم رصاص يقول...

AboALI

مرور حضرتك شرف في حد ذاته يا أستاذنا

وشاكر جدا لتعليقك الرقيق وكلماتك المنمقه

دمت في امان الله

ــــــ

ليس فقيرا من يحب

مفيناش من الغش لو سمحتي
ومع كل اجاباتك صح

وشاكر جدا لمرورك وتعليقك يا أخت رانيا

في حفظ الله

قلم رصاص يقول...

محمد غاليه

هههههههههههههههه
جدع يامحمد خليك دايما مصحصح معايا
هووووووووووو عاطف بذات نفسه

منورني يا ابوحميد

Mano يقول...

بعد ماقولت علي كل حاجه حلوة في عهده مش عايزني اعرفه
دا ياسيدي الاستاذ الدكتور المحترم جدا
اخو الست نبيلة عيبد
بس بجد تسلم ايديك انت بجد فنان
واتمني تشرفني بمدونتي الجديدة وتقولي ايه رايك
http://samtelghrob.blogspot.com
تحياتي

قلم رصاص يقول...


ـــــــــــ
(معلومة هامة)
___________

تعويم الجنيه :

تعويم الجنيه أو أي عمله بشكل عام معناه اقتصاديا عدم تحديد الدولة أو مؤسسات الصرف كالبنوك المركزية لسعر العمله ، بل تركها لأليات السوق حسب العرض والطلب.


والفكره ليست بالشكل السيئ اللي انتوا متخيلينه لأن معظم الدول المتقدمه بتتبع الاسلوب دا في اوقات كتيره .

لكن مشكلة النظام دا انه مينفعش يطبق في اقتصاد الدول الصناعية الناشئة او الدول النامية زي مصر ، لأن اقتصادنا ضعيف وليس بالكفاءه اللي تحميه من التقلبات المفاجأة لحركة الأسواق العالمية.

لذلك تعويم العمله في حد ذاته بشكل عام مش عيب .. لكن تعويم الجنيه المصري هو اللي غلط لأن النظام ميناسبش مصر .

أردت التوضيح بس كمعلومه وعشان منظلمش الأليات المعروفه ، وانما عشان نفهم كويس اننا اللي بنستخدمها غلط .

واللي يضحك ان عاطف عبيد كان أستاذ إدارة وبيفهم كويس في الاقتصاد ، ومع ذلك دايما بقى يعمل عكس اللي مفروض يتعمل على طوووووووول الخط.

ودا ملوش عذر، لأن دا مجاله

انما احمد نظيف .. يلخبط براحته .. ليه عذره .. لأنه مش فاهم حاجة في أي حاجة ودي مش شغلانته ولا لعبته من الأساس.وزي ماانتوا عارفين ياما وزراء ورؤساء وزارات جم في مناصبهم غلطه .. او نتيجة لخبطة في الأسماء .. ومينفعش الغلطة تتصلح الا بعد خراب مالطه !!!!!!!!

تقبلوا تحيتي

قلم رصاص يقول...

مانو

اهلا بيك ياباشا
وشرفتني زيارتك الميمونه

وايه النباهه دي كلها
عرفت ازاي انه اخو نبيله عبيد
هههههههههههههه

وجي وراك روح انت بس حضر المشروبات
خصوصا الشاي .. انا كائن يتعذى على احتساء الشاي ليل نهار......!

منور

هناء محمود يقول...
أزال المؤلف هذا التعليق.
هناء محمود يقول...

عاطف عبيد على عاطف صدقى بيجيب الإتنين

بس البدلة بتاعته طعمه أوى

بيطرية ومش بايدى يقول...

لالالالالالالالا ياعم
لاتدينى بالكوع ولا غيره
هاقول الاجابة وامشى على طول
بس انت ماقولتش نتصل بانهى رقم
زيرو زيرو تلات ازيار زيرو زيرو
ولا 33تلاتة تلاتات 33
:))))))))))))))
الاجابة رقم عاطتشف عبيد بين قوسين الله يحرقه قصدى يرحمه طبعا اوعى تفهمنى صح

صباح الفل

بيطرية ومش بايدى يقول...

على كده بما انى التعليق الاخير
وانا ماشية بمبدا الاخير ربه كريم
فانت اكيد اكيد هتدينى الجايزة مش كده؟؟


ملحوظة فى غاية الاهمية
انت عليك اكياس هريدى بالهبل انا بفوتلك من زمان وجب بقى ترد الدين اللى عليك
النوتة اتمليت يا معلم انا قولتلك اهو وانت حر

اللى موش عارف يتغير يقول...

عاطف عبيد
دى رسوماتك اللى من سنوات
والله خطك حلو

Humman being يقول...

الراجل ده كانت "أمى" ربنا يديها الصحة كل ما تشوفه فى التليفزيون تقوله "اللــه يخرب بيتك يا شيخ"...

وكنت كل ما أسمع صوته أحس ان عنده 3 أو أربع حنجرة مش حنجرة واحدة زينا

وكان دايما بيأكد جدا على حكمة الرئيس


انه عمو عاطف عبيد
زمانك اديت الجايزة خلاص لناس تانية أنا مليش دعوة أنا عاوزة جايزتى

رضا الكومى يقول...

أنا عرفت إنه عاطف عبيد من عينيه
لأن فيهم سواد غريب من كتر ( السهر ) على راحة البلد والأنيميا علشان يوفرلنا الأكل
وبعدين غشيت الإجابة علشان أتأكد بس
وإن كان على الشخصيات اللى ترسمها من بعده فهى كتير
وتاريخ حكومتنا حافل بيهم
فأرجو أن يفتحوا نفسك من تانى

-_- يقول...

عاطف عبيد !
اتقال انه اتعين رئيس للبنك العربي بعد انتهاء وزارته عشان يسدد ديون عليه للوزارة ..

دخله كان بيوصل ل 850 الف دولار سنويا

هناك مصر اخرى

elsha3er يقول...

السلام عليكم
يسلم قلمك الرصاص

تحياتى

احمد الشاعر

daloo3a يقول...

حلو الكاركتيير

ارسم احسن من انك تقعد تضارب خلق الله خخخخخخخخ << اسولف بس


^^

الرسمه حلوه =)

well يقول...

لا يا عم انا مش هجاوب الا لما اعرف الجايزة اى

بس بجد فنان

تحياتى

اقصوصه يقول...

انا عن نفسي لسه مفهمتش

مين ده؟

Unknown يقول...

الله يجازيه بعمله
أن شراً فشر
وأن خيراً فخير
أنت تفتكر ايه؟

Sweet Violet يقول...

بالذمة ده كلام؟!!
يعني انا أديك الصور تقوم تضحك ع لحظة انقطاعي و تنزل واحدة منهم >_<
لا و كمان هتنزل الباقي
اتفضل هات جايزة المرة دي و الجوايز الباقية بسرعة x‎_x

جد بقي امتي كبيرت الرسمة دي مني p:

kafrawy يقول...

عاطف صدقى

عاطف عبيد

احمد عز


...........الخ

قيس بن الملووووح يقول...

نحن في حاجه الي رأيك في مشاكل القراء بمدونة "دقات قلب بعد الخمسين"
مع خالص تقديري

غير معرف يقول...

ههههههههههههههههههههههههههههه

جامد الاسكتش ده ولايق على عاطشيف :D

Hossam يقول...

اولا وحشتنى جدا
ثانيا ده عاطف عبيد بس معلمواتى عنه ضعيفة جدا

شفـقــة و إحســــان يقول...

حلو اوى الكاريكاتير
بس ايه شغل الفوازير ده
غلب حمارنا
ههههههههههههههه

Haytham Alsayes يقول...

بتهيقلي الموكوس المنحوس الفلحوس رئيس المنسر قصدى الوزراء السابق عاطف عبيد

جارة القمر يقول...

ازيك يا سيد

عامل ايه ؟؟ فينك مش بقيت بتظهر ليه

يارب تكون بخير

Dua Masatwa يقول...

=) لكنتك الساخرة جذبتني

مممم اللي بيبيع بيتباع , مش كدة ؟ ^_^


زورني هُنا: http://www.facebook.com/pages/mudwn-frs-uzyrn/329352219778?ref=ts

او في مدونتي .. حيث ستجديني دائما

صمت المشاعر يقول...

هوا بدماغه باع البلد في السوق السودا

واضح موهبتك في الكاركتير

عاوزين بقي شويه كاركاتيرات عن باقي الاخوه البعده اللي باعوها معاه

دمت بكل خير

قلم رصاص يقول...

أشكركم كلكم على المرور والتعليق والسؤال
ومتأسف على التأخير في الرد نظرا لبعض الأشغال

جزاكم الله خيرا

ونورتووووووووني

في امان الله

Twitter Delicious Facebook Digg Stumbleupon Favorites More

 
Free Web Hosting