أحداث 24 ساعة

الحكومة ومجلس الشعب .. !



طبعا المفروض ان العلاقة بين الطرفين في اي بلد نظامه برلماني او برلماني رئاسي مختلط كما
في مصر ، بتتمثل في رقابة المجلس على الحكومة 


لكن احنا عندنا بقى ، المجلس يسلق القوانين والحكومة تاكل  الشعب وتحلي بيها



وبالتالي وصلنا لمرحلة ان الحكومة لو قتلت .. المجلس بيدفن 

المفروض انه يحقق معاها ويسحب الثقة


ثقة مين ياعم انت.. روح ياشيييييييييخ وتعالى بسرعه


هههههههههههههههههههههه



--------------------


ياجماعه ده كاريكاتير انا راسمه من حوالي 4 سنين تقريبا
أيام ماكنت لسه بارسم وكانت دماغي شغاله 


لقيته يمشي في اي وقت .. لأنه بصراحه الوضع في مصر مبيتغيرش


فقولت لنفسي احطه هنا تشوفوه واعرف رأيكم


وهحاول ان شاء الله انتقي بعض اعمالي القديمة اللي تصلح لعرضها عليكم 


طبعا كلها مرسومه باليد وبعد كده سحبتها اسكانر على الكمبيوتر


وباحاول الفترة الجايه تصميم الكاريكاتير ببرامج معالجة الصور زي العملاق الفوتوشوب .. 

حتى عشان يبقى المحتوى متماشي مع ما يجري على الساحه


دي مجرد عينه .. وان شاء الله هوريكم حاجات هتضحكم وتنول اعجابكم


انتظر أرائكم ونقدكم ، حيث اقوي بها قلمي ضد القصف


تحيتي / قلم رصاص  

^_^

81 تعليقات القراء:

حلم بيعافر يقول...

حبيب قلبى
قلمك يقصف ولكن لا ينقصف فهو اقوى من ذلك
ردا على تعليقك فى بوست التهويد احب اقول لسيادتك ان كتب الادب زى الرواية مثلا هى اكثر انتشارا من اى كتاب فى التاريخ وهى منتشرة الى حد ما بين طلبة الجامعات وحاجة كمان لو حصلت عملية الترجمة فالكتب اللى هتترجم دى هتنتشر زى النار وابقى افكر جناب سيادة حضرتك
حاجة تانية البوست اللى فات عندى كان عنوانه(الغباء لادين له)اصلى كتبت العنوان غلط (الغباء لا دين)وكمان غلطت فى اسم الفيلم وانت صلحته ولو كان حد غيرك كنت كرشته بره المودنة اصلا بس معلهش كله يهون عشان خاطر الجوافة
اما بالنسبة لان الحكومة بتقتل والمجلس بيدفن فانت قولت كل حاجة ببساطة فى رسمتكك اللى فوق دى وواضح كده انى هقتنع بيك جدا وهديك فرصة عمرك قريب بس انت ادعى وقول يارب

خواطر شابة يقول...

"ادخل في الموضــــــوع
وبلاش كلام ممنــــــوع
سلاحي قلمي في ايـــدي
ولاتحب أديك بالكــوع؟!"
ايه الترهيب ده ياعم حرام عليك وبتقول لنا انتظر أرائكم ونقدكم ، حيث اقوي بها قلمي ضد القصف هو حد حيستجري يفتح بقه بعد الديباجة دي هههه
بس بصراحة وعشان انا مبتهددش الرسمة والله حلوة وملخصة الموضوع كله وبما انها من اربع سنين فأكيد حتكون انت طورت نفسك أكثر لذا سنبقى في انتظار جديدك
تحياتي لك ويسلم قلمك الرصاص

ستيتة يقول...

الله الله
ايه يا عم المواهب المدفونة دي؟

حلوة
وتنفع في كل وقت
ان شا الله سنة 2036 زي ما دكتور اسلام صاحب هانعيش يعني هانعيش ما كاتب

انت وهو النهاردة مكملين بعض حلو قوي

وجميل قوي رسمك وربنا يكتب لك النجاح يا قلم يا اخويا

هو انت مينفعش تتحول لقلم على قفا سيد قراره بدل قلم رصاص؟ :)
ها أدخلك التمن شكلي
هههههههههههههههههههههههههههه

حفيدة عرابى يقول...

اولا
تسلم ايديك على الرسم الجميل
ثانيا
اسمح لى اتقمص الدور
وأقولك ايه العلاقة بين الحكومة والمجلس
بالاضافة لفكرتك الجميلة
هما المفروض الحكومة تكون ماما
تحط الخطط والسياسات بالاشتراك مع تيته
اللى هى فى مقام رئيس الجمهورية
وتنفذ السياسات والخطط دى
اما مجلس الشعب
فبيقوم بدور بابا
اللى بيحاسب الحكومة
وبيصدر القوانين
ولازم يوافق على اى قرارتصدره الحكومة
بس ده سيادتك
بيحصل بس
فى اوربا والدول المتقدمة
كان معكم
اللى مش قادرة تنسى السبورة والخريطة
لقد خلقنا الله احرارا



لا بجد
الرسم لذيذ
والفكرة حلوة
تسلم ايديك

مسدس صغير يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بتركز انت اوى على اى حاجة فيها نون النسوة او تاء مربوطة اوى حتى فى الكاريكاتير
موضح انت اوى رجلين المذيعة
مينفعش تجيبها لابسة يعنى؟؟
هههههههههههه

حلوة اوى الفكرة اوى
وجمييييل اوى الرسم
انا مفكرك جايبها من جوجل وشوفتها بشكل سريع كده
واما نزلت وعرفت انك انت اللى راسمها طلعت تانى اشوفها بقى وادقق
جمييييييييييييلة
بس ليه عندك تعليق بسيط
اللى بيتكلم الاول بيبقى على اليمين
ده انا بلاحظه من كاريكاتير الجرايد
مش عارف ملاحظتى صح وللا لأ؟
حلوة
تمام
ست ابوها

الشعب لابد له من حكومه تشكمه يقول...

ماشاء الله انت اللى راسم ده,,بحققققققققققد حقد دفين..الحاجه اللى كان نفسى اتعلمها وحاولت هى الرسم بس للاسف دا موهبه:((

المهم مين باه يحقق مع مين ؟؟ومين يحاسب مين؟؟؟؟؟
اذا كان سيد قراره تبع الحكومه,,عمرك شفت حكومه تحاسب حكومه وتقولها ياكخه!!!

ال يحاسب ال,,شكلك مش من هنا,,شكلك مش من هناك,,عملت زى صاحبك صلاح ال بيقول انقذنا ياريس:))
مهو اللى جايبهم اصلااااا:))
وانت حقق يامجلس,,اذا كان اعضاءه كلهم حزب وطنى!!!!

انتو مش هنا اكيييييييد,,انتو من زحل اكيد...

mohamed ghalia يقول...

والله البداية حلوة أوى
ربنا يكرمك وبالتوفيق ليك

Aиgel يقول...


أنا جييييييييت
السلام عليكم ورحمة الله وبركاته

وربنا أنا قبل ما انزل بالكلام أول ما شوفت الكاريكاتير قلت شكل سيد هو اللي رسمه خصوصاً لما عيني وقعت على الكلام اللي أنت ملونه فيه بنقط حمراء أنا عارفه أنك أنت اللي بتعمل كده D: ههههههههه


لا بجد والله شكيت ولما قريت اتأكدت قلب الأم (:

بس على كده بقى لو المجلس بيسلق والحكومة بتاكل يع يع يع
ايه ده اخيييييييييه عليهم (:

الحمد لله المهم أننا عايشين يا عم
وبطل بقى تكتب في الحاجات دي عشان اجي انتخبك ياريس وعشان اعرف اعلق حلو .. لحسن الناس هتتريق عليا ):
يعجبك ..

...............
الفوتوشوب ... حبيبي حببيييييييييبي
بموت فيه بجد واللي بيعجبني أن بلاحظ أن كل شويه بتعرف على حاجات فيه وببتكر أنا أكتر .. بعدين بعدين

خلاص كفاية عليك كده يللا
سلام خلي بالك من نفسك وهستنى اشوف الكاريكاتيرات التانية (( أنا بعرف بس على خفيف ومتقولش لحد هسسسسس))

ههههههههههههههههههه

ومفيش اسم يللا خلاويص

Aиgel يقول...


بصراحة مقدرتش امسك نفسي من الضحك
هههههههههههههههههههه

اصل خواطر شابه بتقولك

فأكيد حتكون انت طورت نفسك
هههههههههههههههههه
فأنا قلت اه
بقى فيرجن 12.0.0
ههههههههههههههههههههههههه

قلم رصاص يقول...


حلم بيعافر

اشكرك يامحمد على الاطراء الجميل ده

ياعم انا فاهم وجهة نظرك بس عاوز اللي انا كنت عاوز اوصله ليك انه حتى لو كتب الأدب والرواية متداولة اكتر من التاريخ بين الشباب .. فاعتقد ان رصيد الكره للصهيونيه في دمائنا نحن شباب الامة كفيل جدا باعطاء ظهورنا لهم مهما حاولوا الوصول الينا ..فاهمني؟!

وبخصوص اخطاء البوست فانا عاذرك .. الاخطاء الاملائية او السهو وراد جدا واحنا بنكتب .. فمتقلقش .. مش هبقى افضحك ادام البشرية بعد كده .. هبقى ابعت لك ميسدج خصوصي ..هههههههه

وطبعا ابن خالتك جامد طول عمره .. وجهلك بالوضع ده مشكلتك انت ياحقود
ههههههههههههههه

نورتني يامحمد

في امان الله

قلم رصاص يقول...


خواطر شابة

ههههههههههههههههههه

ولايهمك يافندم .. الكلام ده موجه لواحد صاحبي بس ههههههه

واشكرك جدا على اعجابك بالرسمة والبوست..

وطبعا اكيد بحاول اطور من نفسي وابقى

تيموتيكي تيموتيكي على عادل امام

ههههههههههههههههههه

نورتي حضرتك

في امان الله

قلم رصاص يقول...


الدكتورة ستيته

ههههههههههههههههههههه

اهي المواهب دي بقى حضرتك مكنتوش هتشفوها
النهاردة لولا اني مليش نفس اكتب حاجة جديدة .. يعني صدفه .. يعني برضه كنت ممكن افضل دافن مواهبي عنكم !

واه طبعا الرسمه دي تنفع لخمسين سنة ادام .. لأن الحال يبقى عل ماهو عليه

وبخصوص التحول لقلم على قفا يلزمني واحد ظابط يعمل لي العمليه .. عشان اقول : هو ده الظابط اللي عمل العملية؟! ههههههههههههههههه

على رأي اللمبي !

نورتي الدنيا يادكتور

في امان الله

قلم رصاص يقول...


لقد خلقنا الله احرارا

اولا اشكرك شكرا جزيلا على رأيك المشجع

ثانيا عجبني اوي التشريح الأسري ده للعائلة السياسية في مصر ههههههههههههه

نورتي حضرتك

في امان الله

قلم رصاص يقول...


مسدس صغير

حبيب هارتي اللي في الحتة الشمال
ههههههههههههههههه

دااااااايما ظالمني في الناحية وانت عارف !
يابني رغم اني رجل دولة بمعنى الكلمة .. فانا باتحرج من من اي برايه .. انا في الاول والاخر قلم رصاص ههههههههههه

وبعدين الرسمه دي من حوالي 4 سنين .. يعني انا كنت لسه في تالته ابتدائي !

واديك وقعت اهه بنفسك وبتقول لي انك كنت فاكر ان الصورة انا جايبها من جوجل وبعدين جيت تقرا تاني .. انت بتكروت عندي ياد انت ؟!

انما بقى لو عند حد تااااااااني اهه هه
..هتقرا براحتك خالص وتمشي مشي السلاحف
ههههههههههههههههههه

اشكرك حبيب قلبي على المرور الجميل والتعليق الاجمل ورجوعك لمدونتك اجمل واجمل واجمل هههههههههههه

والحمدلله انا اطمنت عليك امبارح
وكانت احوالك
تمام
م حلوة
وست ابوها

^_^


قلم رصاص يقول...



الشعب لابد له من حكومه تشكمه

أيوا انا اللي راسم الرسم ده .. اتفضلي!
وبعدين احقدي براحتك على اد ماتقدري ..الحقد مبيحوقش في هههههههه

على فكرة والله بجد ياشيما عاوز اقولك حاجة بخصوص المواهب عن تجربة شخصية..
انا رغم اني عندي مواهب كتير اهمها الرسم والخط العربي مثلا .. الا ان المواهب دي مش قوية بذاتها خالص .. يعني عارفه لولا اجتهادي جدا في تنمية مهاراتي بالتدريب والممارسه مكنتش المواهب دي شافت النور ابدا .. ^_^

والاغرب بجد انه بالممارسة تلاقيكي تكتشفي حاجات مدفونه جواكي من غير ماكنتي تعرفي .. يعني انا مثلا عمري مادرست خط عربي ولا عندي موهبته .. لكن من خلال تأملاتي في الخطوط وكيفية رسمها ، اكتسبت مهارة اجادة كتابة الخط العربي بمعظم انواعه..انا باعتير نفسي مجتهد مش موهوب ولا حاجة !

فبجد إن كان عندك رغبة في الرسم مهما كان نوعه ..ادي نفسك فرصه واتنين وعشره وشخبطي كتير وفكري اكتر .. ممكن جدا ترسمي بجد .. الحاجة ام الاختراع .. وانتي في حاجة لفن الرسم من خلال كلامك
والجيش بيقولك اتصرفي ^_^

---------

نرجع بقى لموضوع البوست

انا عاوز افهم بقى انتي ايه حكايتك.. هوانا كل ما اكتب بوست دايما رأيك مخالف لرأيي .. ههههههههههههههه
انا عرفت خلاص والله انك بتفهمي جدا في السياسة مش المطبخ بس .. خلاص بقى عرفنا
هههههههه

بصي ياستي .. معروف في اي نظام برلماني او برلماني رئاسي ، بيشكل الحزب الحاصل على اغلبية مقاعد البرلمان الحكومة .. وبيكون دور البرلماني هو الرقيب السياسي على اداء الحكومة ..فيمكنه منحها الثقة لتستمر او يمكنه سحب الثقة فيطيح بها ويأتي بأخرى ..

انا باكلمك من حيث النظرية لأن دا واقع وبيحصل ..بس في الدول الديمقراطية الحقيقية وبنشوفها كتير بتحصل في اوروبا وفي الهند كمان باعتبارها اكبر ديمقراطيات العالم .. انما عندنا لأه طبعا لأننا دولة بوليسية على أرض الواقع ..
فالنظرية موجودة لايمكننا نكرانها .. ومش معنى انها مش مطبقه عندنا تبقى مش موجودة .. ماهو انتي لو كنتي دارسه نظم سياسية زيي هههههههههههههههههههههه
(وش بيطلع لسانه..سوري طبعا )

عشان كده انا كنت في الكاريكاتير ده بتريأ على الوضع عندنا .. ودي طبيعة فن الكاريكاتير..السخرية من واقع الحال والفانتازي المفرط بعض الشيئ ...!

وبعدين تعالي هنا .. عندك خطأ لغوي فادح .. زي ما مسكتي علي حته مش مقصوده همسك عليكي حته مقصوده هههه

"ال يحاسب ال"

دي بالقاف ياأستاذه .. يعني : قال يحاسب قال .

(وش مطلع لسانه .. من غير سوري)هههههه

عارف انك هتفندي كلامي كعادة حواء .. ان كيدكن عظيييييييم عظيم يعني !

هههههههههههههه

نورتي المكان بشدة

قلم رصاص يقول...


محمد غاليه

اشكرك حبيب قلبي محمد

مرورك عطر المكان يا راجل ياطيب

في امان الله

قلم رصاص يقول...


Angel

وعليكم السلام ورحمة الله وبركاته

حمدلله على السلامة ياماما هههههههههه

ايه رأيك في الكاريكاتير؟ شوفتوا بقى باعرف ارسم كويس ازاي .. أي خدمة

الحمدلله ان البوست عجبك .. اتفضليه
خلاص اهه والله ماهو راجع هههههههههه

ومتتكلميش تاني انتي كمان في السياسه..
عشان سلومه الاقرع ميعرفش اخوه ههههههه

اشكرك بجد على المرور والتعليق والله

وانا فعلا هتطور من نفسي زي خواطر شابه ماقالت وهبقى تيموتيكي تيموتيكي
فرجن 3.5.5 زي الفايرفوكس الاخير ههههههه

في امان الله

سجود يقول...

السلام عليكم
المفروض اول تعليق من حقي
عشان انا شوفت الموضوع اول ما اتنشر لكن ماكنش راضي يفتح معايا للاسف
خييير
اروح اقرا وارجع

سجود يقول...

السلام عليكم
جميله الصور انا بحسبها كانت في جريده وحضرتك اخدتها
بس ماشاء الله حضرتك فنان وطبعا كلامك مظبوط بالنسبه للحكومه وحبيبها مجلس الشعب

قلم رصاص يقول...


سجود

وعليكم السلام ورحمة الله وبركاته

مرحبا بك اختي الكريمة

وطبعا من حقك التعليق الأول .. وانا هاعتبرك الاول ..بس افتكري الجمايل دي
هههههههههه

جوجل فيه مشاكل اليومين دول واضح ان سيرفرات الموقع فيها تحديث او صيانه وبالتالي بتحدث بعض المشاكل الفنية الغير مقصودة بالطبع.منها خدمة التدوين على منصة بلوجر .

واشكرك بشدة على رأيك في البوست

وفعلا عندك حق يبدو ان الكاريكاتير يشبه تقريبا مايوجد في الجرائد .. وده واضح جدا لأني متأثر بشدة بمدرسة الأستاذ عمرو عكاشة بالوفد.

اشكرك يافندم مرة تانية
ونورتي المكان

في امان الله

رضا الكومى يقول...

رسمك محترف يا يابشا

زى الحاجات بتاعة الجرايد

زى اللى بصحيح

بالمناسبة هو فيه مجلس شعب ؟؟؟؟

غير معرف يقول...

ممكن أسألك سؤال وجيه:

بطلت ترسم لييييييييييييه ؟؟

الكاريكاتير عاجبني اوووووووي بجد
تسلم ايديك :)

الشعب لابد له من حكومه تشكمه يقول...

مختلفه جدااا معاك ,,
فى حجات مينفعش فيها الاجتهاد لازم يكون عندك الموهبه,
الاجتهاد ده انك تكون اصلا موهوب وتحب تتطور من نفسك وتخليها افضل,
لكن اصلا بذور الموهبه موجوده,
دى نعمه من ربنا بيديها لبعض الناس وبعض الناس لا,,
زى مثلا الصوت الحلو ممكن اروح اتعلم فوناتيكس واصول الغنا بس دا كله مش هيخلى صوتى حلو..
انا كنت دايما بنبهر بالرسم جدااا وشيفاه احلى حاجه فى الدنيا انك تعرف ترسم وتعبر عن حجات كتير بالرسم,
وحاولت فعلا اتعلمه ,اه اتغير رسمى شويه يعنى مثلا عرفت خطوط معينه ابدأ ارسم بيها,وفعلا بتلاقى الشكل متغير عن الهبل اللى كنت بعمله بس من غير روووووووح مجرد خطوط اتعلمت انى احطها جمب بعض ..
فى حجات مينفعش تتعلمها فى حجات موهبه من ربنا وبسسس:)


***بالنسبه للبوست:
اهااا مش تقول ان ده نظريه:))
ياما فى نظريات كتير بس للاسف مش بتطبق فى الواقع,,
وخصوصا فى السياسه احنا بتووووع نظريات وبسسسسسسسسسس..

وكما قال مبارك:
نحن رجال افعال وليس اقوال:))

اباه سلملى على النظريات اوى:))

بالمناسبه ايه قال يحاسب قال!!!!
انت شايفنى من المغرب هتكلم بالقاف..قال يحاسب قال:))

شفت فيلم الناصر صلاح الدين الايوبى لما ريتشارد قلب الاسد وهو بيقول:
جيوش اثنى عشر دوله قلااائل(شفته وهو بيضخم قلائل :))
اهو انت عملت زيه بالظبط:))

صبرني يارب يقول...

انا باحب الكاركتير اوي

وللاسفه احنا فعلا ده حالنا

والنبى ما تقول برلمان وديموقراطيه والسكه دي اصل بيجلى مغص لما اسمع ده

ديموقراطيه ايه والنبى

انتم بتحلموا عيشوا عيشة اهاليكم واسكتوا

قلم رصاص يقول...

رضاالكومي

اهلا استاذ رضا منورني والله

كنت والله ياباشا معدتش زي الاول لأني من زمان مبرسمش والحاجات دي عاوزه ممارسه برضه

نورتني والله

قلم رصاص يقول...

هاجر زعبل

طبعا لك حق السؤال ياهاجر

والله انا بس انشغلت شوية عن الكاريكاتير
والسبب سيادة حضرة جناب الباشا الكمبيوتر

ان شاء الله نعود من جديد

منوره المكان

في امان الله

قلم رصاص يقول...

الشعب لابد له من حكومة تشكمه

انتي دماغ والله ياشيما..بتعرفي تحللي الامور صح ..ربنا يبارك فيكي..
بس هو انتي هتفضلي كل ماتردي عندي مختلفه معايا ..ارحميني شوية ..أجيب دُرفها يعني
ههههههههههههههه

الحق علي اللي عاوزك تحاولي اعادة اكتشاف نفسك ..عادي جدا جايز تكون عندك الموهبه ومش واخده حقه من الاهتمام..ده اللي انا كنت عاوز اقوله من اختلاف ولا اعتراض !

وبخصوص النظريات ..انتي ليه محسساني اني مش متفق معاكِ في الرأي حوالين الموضوع ده..ياستي انا بس كنت باوضح لك الاساس الدستوري للعلاقه بين البرلمان والحكومة باعتباري درستها في النظم السياسية

..انما انا متفق معاكي انه على ارض الواقع الكلام ده مش موجود لأني زي ماقلت لك في ردي الاول اننا في دولة بوليسية يحكمها قانون الطوارئ ..!

وعن مسألة اللغة فمدقيش هههههههههههه

انا طبعا مش باطالبك تنطقي كلمة قال بالقاف .. طبعا مش هينفع وشكلك هيبقى يضحك اوي .. انا اقصداكتبيها ولا تنطقيها ..خديني على اد عقلي ..مفيش فايدة دايما واقفالي ع الواحدة.. ^_^

منوره طبعا لتاني مرة

في امان الله

قلم رصاص يقول...

صبرني يارب

ههههههههههههههههه

والنبي احسن تعليق ضحكني

هنعيش عيشة اهالينا ..حاضر

نورتي المدونة والحمدلله ان الكاريكاتيور

نال اعجابك

في حفظ الله

اللى موش عارف يتغير يقول...

ياجماعة انا اللى مكتشف الشاب ده
واسالوه
وانا اللى كنت بشجعه
وكنت بمسك ايديه وهو بيرسم
اصل انا رسيم
هههههههههههههه
المهم
طلع طلع الحاجات دى
بتاخدها اسكنر فين؟
انت قالبنى لاقصى حد
عموما سلام

صاحب رأى يقول...

حلو الكاريكاتير اوى
ورسمك جميل جدا
واتمنى انك تتباع الرسم باليد بجانب تعلم الفوتوشوب
ولكنى افضل الكاريكاتير اليدوى بصراحه انت رائع فى رسمة

تحياتى

Heba Faruq يقول...

غريبة قوي
ما هي الحكومة من المجلس والمجلس من الحكومة.. يعني زيتهم في دقيقهم يبقى إيه الغريب!

لكن ماكنتش اعرف انك متعدد المواهب الجميلة
فعلا كاريكاتير متميز
وفي انتظار المزيد

مع تحياتي

noon kiko يقول...

اهلا قلم
ازيك
والله ياخى مانا عارفه انا بروح فين كده
اغيب يومين ارجع الاقى الناس كلها نزلت بوستات جديده والدنيا خربانه ياعم خرباانه
المهم
بما انى فنانه قديمه
ههههههههههههه
قصدى رسامه قديمه
فسبحان الله والله فى تناسخ افكار
انا كنت بفكر من فتره انى اجيب رسوماتى وانزلها على المدونه
بس انا ماليش ف الكاريكاتير الصراحه
انا شغلى كله ف رسوم الكرتون والبورتريهات وحاجات كده سي رياليه وسي بريزيه
هههههههههه
وفى ربع جنيه لو عاوز
المهم انى فكرت اضمها لمجموعتى القصصيه عشان لو اتنشرت تبقا رسم وكتابه بتاعتى
:)
بس الرسم هنا تحفه
انا افتكرته رسم لشريف عرفه
وفوجئت بيك بتقول انه رسمك
والله ممتاز
دانت فنان كبير اوى على كده وبكره وبعده محدش هيعرف يكلمك وكده هنقطع على بعض يابرنس
ههههههههه

ليس فقيرا من يحب يقول...

مشاء الله وكمان بنرسم كاركاتير رائع

ولينا فى الخط العربى وبنفهم فى السياسه

انت عديت يا سيد

عيزاك كده تقعد تنفض التراب عن اى

حاجه ممكن تنفعنا فى البرنامج انت عارف

ياسيد اننا داخلين على انتخابات

هههههههههههههههههههههه

ملكش دعوة بالحكومه ومجلس الشعب

انت مالك ومالهم ماتسيبهم فى حالهم هما

مع بعض واخر انسجام تتدخل انت ليه

هه تتدخل ليه

قال المجلس هيراقب الحكومه ويحقق معاها

صلاه النبى احسن

وطبعا الموافق على كلامى ده يتفضل

برفع يده


موااااااااااااااااااااااااااافقه

بجد حضرتك موهوب جدا وبجد كنت مفكراه

كاركاتير من جريده او حاجه

ربنا يباركلك فى مواهبك يارب بس مش

هنحتاج الرسمه دى فى عهدك ياريس

علشان احنا هنتبق مفهوم جديد

للديموقراطيه

وهنحاسب وهنراقب وهندد وهنشجب

وهنضرب بيد من حديد وهنعمل كل

حاجه

ربنا يوفقك ياريس

واعذرنى على التأخير

Unknown يقول...

ازيك يا اخ قلم
شكراً لزيارتك مدونتى
عارف انا قريت تعليقك عند شيما
بخصوص اللقاء و مقدرتش اتوقف عن الضحك
ههههه
بقى عاوزه لقاء حوائى بس
طب و انا اعمل ايه انا عاوز اجى
:-)
نورت مدونتى
و تم اضافة مدونتك

و مجلس الشعب هو فرع من فروع الحزب الوطنى
رسم جميل يا قلم رصاص روترنج
:-)

شكراُ على بوست حفظ نسخة من المدونة
و تم عمل اللازم
:-)

مدونون من اجل الاقصي يقول...

السلام عليكم
بجد موهبة كبيرة
دايما ورينا
وانشر اعمالك
احسن من الركنة
وحلو اوي مضمون الكاريكتير
ومعبر جدا
وربنا المستعان

قلم رصاص يقول...

اللي موش عارف يتغير

هههههههههههههههههه

فعلا ياجماعه الراجل ده بيتكلم كلام صح
هو فعلا اللي اكشتفني
وهو اللي بقى يمسك ايدي ويرسم لي ..أصله
رسيييييييم ههههههههههه

نورت ياعم الحاج

وان شاء الله البلاوي كلها هتطلع قريب

ومش قالبك والله ولا حاجة..والله مبعرف اقعد مع نفسي شوية لوحدي ابدا زي زمان

انا معتدش عارف شكلي ايه والله ..غير لما اجي احلق دقني ..مضطر بقى ابص في المرايه
هههههههههههههه

وكل ماابص ..أقول : الله انا شوفت الباشا ده فين قبل كده هههههههههه

منورني ياحاج

في حفظ الله

قلم رصاص يقول...

صاحب رأى

اشكرك اخي الكريم على كلامك الجميل

وان شاء الله انا فعلا بحب اوي الرسم اليدوي عن غيرها رغم حبي لاستخدام الفوتوشوب

منورني والله

في امان الله

قلم رصاص يقول...

هبه فاروق

اهلا بيك استاذه هبه

طبعا رأيك سليم ن حيث الواقع في مصر
لكن من حيث النظرية السياسية وتطبيقها في الدول الديمقراطية فالوضع تمام مختلف

والحمدلله على نعمه الكثيره

والكاريكاتير انا بحبه جدا

وان شاء الله لسه فيه مواهب مدفونه لم اعلن عنها بعد

نورتي المكان

قلم رصاص يقول...

واحده من الناس

انا الحمدلله تمام
وانتي اخبارك ايه ياميس

وايوا سيادتك تغيبي تلاقي الدنيا اتطورت
عشان بس تعرفي انك مأخرانا جدا
هههههههههههههههههههه

واه على حد علمي انتي فنانه فظيعه ..والدليل قالولواهههههههه

بس جميل والله انك ترسمي كرتون طب ماده قريب من الكاريكاتير برضه ..استمري وهبقى اديكي فرصه .. ^_^

ومين شريف عرفه ده هههههههههههه
اكيد تقصدي عمرو فهمي ..شريف عرفه ده مخرج ياناصحه ههههههههههههه

عموما انا باشكرك على المشاركة الجميلة
وان شاء الله فيه مواهب لسه هفجرهالكم قريب ههههههههههه

نورتي المكان

في امان الله

قلم رصاص يقول...


ليس فقيرا من يحب

هههههههههههههه ازيك يارانيا
فينك مختفيه انا قولت انك سبقتيني على امريكا ولا حاجة .. ^_^

ايه رأيك في الكاريكاتير؟
هو انتي لسه شوفتي حاجة
دا انا عندي بلاوي مسيحه لم اعلن عنها بعد
هههههههههههههههه

عارف انك هتموتي وتمسكي منصب
ان شالله حتى تقولي موااااااااااافقه!

اطمني هفكر في الموضوع ده لما امسك الرياسة ..يمكن اشوف لك وزارة تمشي حالك بيها لبعدين هههه

نورتي وحمدلله ع السلامة

في امان الله

قلم رصاص يقول...


بدراوي

نورتني ياباشا

وانت ازاي تقرا تعليقي عند شيما؟
مش يمكن عاوز اقولها كلمة سر
هههههههههههههههههه

وبعدين ياعم الحاج مينفعش انت تروح ..
احنا لازم نوحد جبهتنا ونتفق على أدم واحد يحضر..وبما اني ديمقراطي من الطراز الرفيع ..فانا اعلن النتيجة النهائية للتصويت داخل الحزب ..وقبلت هذه المهمة التاريخية ههههههههههههه

اشكرك بشدة على التواصل وع التشجيع
وكمان ع الاضافه عندك

وطبعا المدونة نورت وبيتك ومطرحك

والحمدلله ان البوست عجبك وبوست النسخة الاحتياطية للبلوج

دمت في حفظ الله

قلم رصاص يقول...

مدونون من اجل الاقصى

وعليكم السلام ورحمة الله وبركاته

اشكرك اخي الكريم ع المشاركة الجميلة

والحمدلله رب العالمين ع نعمه الكثيره

دمت في حفظ الله

ذو الوجه المبتسم يقول...

السلام عليكم

اولا الرسمة ممتازة

واوعى تكون بعدت عن الرسم

الرسم غذاء للروح بجد

الموضوع سياسي وحلو

بس خلى بالك احسن القلم الرصاص ينتهى

زي قلم حمدى قنديل

تحياتى لموهبتك الفنية والفكرية

Aиgel يقول...

عمو عمو عمو
أنا جيييييييييييت
السلام عليكم ورحمة الله وبركاته


أنا جيت


















































أقولك





























































أني
































دبستك


























في































تاااااااااااااج

























































بس خلاص عايز ايه تاني P:

ليس فقيرا من يحب يقول...

كل سنه وانت طيب ياريس

بمناسبه العام الهجرى الجديد

ويارب السنه الجايه تكون اجمل

وتحقق فيها كل احلامك يارب

donya يقول...

مساء الخير

كل سنه وانت طيب

الحكومه دلوعة مجلس الشعب وانتيمهم الشوري
ورزقنا عل الله

تحياتي

سامر محمد عرموش يقول...

الاخ الكريم قلم رصاص
كل سنة وانت طيبة والاسرة الكريمة والامة الاسلامية جمعاء بمناسبة السنة الهجرية الجديدة ونسأل الله ان تكون سنة خير علينا جميعا
اما بالنسبة للكاريكاتير جميل جدا ومعبر
وهذا للاسف حال الامة العربية كلها
لا يوجد فيها ما يسر
تحياتي

قلم رصاص يقول...

ذو الوجه المبتسم

وعليكم السلام ورحمة الله وبركاته

اشكرك يافندم على مرورك الكريم والتعليق ..!

واشكرك ع التشجيع والثناء

واطمن حضرتك كله في السليم

في امان الله

قلم رصاص يقول...

أنجل

هههههههههههههههه

وعليكم السلام ورحمة الله وبركاته

واضح ان سيادتك ميجيش من وراكي الا

كل خير ههههههههههه

ماشي هدية مقبوله التاج ده ..
بس اما ابقى افضى له بقى أصلي مشغول اليومين دول ورايا مليون حاجة في دماغي

نورتي المكان

في حفظ الله

قلم رصاص يقول...

ليس فقيرا من يحب

وانتي طيبة يارانيا
وكل العائلة الكريمة والأهل والاحباب
وكل المسلمين في كل مكان

اشكرك بشدة على اللافته الجميلة دي

جزاكم الله خيرا

في حفظ الله

قلم رصاص يقول...

دنيا

مساء النووووووور

منوره اخت دنيا

ووانتي طيبة وبالصحة والسلامة
وكل المسلمين في كل مكان

واشكرك على التعليق

في امان الله

قلم رصاص يقول...


سامر عمروش

وحضرتك طيب يافندم
وكل المسلمين في اي مكان

واهلا اهلا اهلا من القلب بأي حد فلسطيني
بافرح من قلبي والله لما بشوف حد منكم

ربنا يعينكم يارب ويوفقكم

واشكرك بشدة على التعليق والمشاركة

في امان الله

دعاء العطار يقول...

ماشاء الله حلوه اوووووووى بصراحه

الى الامام داااااااااااااااائما

ومنتظرين الجديد دايما

البيروني يقول...

الله اكبر عليك, جزاكم الله خيرا
المعني واقعي و مر و الرسمة حلوة اوي
ياريت ما تحرمناش من الرسومات دي

صوت من مصر يقول...

ممكن تبعتى الميل تانى على
guevara0000014@yahoo.com

rainbow يقول...

سلااام يا قلم رصاص
أعجبتنى مدونتك
ونويت أرجع أقرأها راساً على عقب
يسلم قلبك و أفكارك عزيزى او عزيزتى
تحيااات ووود و زهور لك

قلم رصاص يقول...

dodoo

اشكرك اختي الكريمة على المرور والمشاركة

في امان الله

قلم رصاص يقول...

البيروني

الله يخليك ياباشا

كلامك جميل ومشجع للعبد للع

ووانتظر مني الجديد ان شاء الله

نورتنا

في حفظ الله

قلم رصاص يقول...

صوت من مصر

اهلا اخ محمد

حصل وتم التنفيذ ياباشا

منورني

قلم رصاص يقول...

قوس قزح

اشكرك اخي الفاضل على مرورك العطر على المدونة

واتفضل براحتك اقلب اللي عاوزه

ودائما يبقى الود والاحترام المتبادل

في حفظ الله

♥نبع الغرام♥♪≈ يقول...

بخخخخخخخخخخ

ازيكم ازيكم يللى انا جايا اعلق عندكم

هههههههههههههههه
اخبارك اية يا جارى العزيز واللذيذ
هع هع
سنة وانت طيب ياقمر بمناسبة العام الهجرى الجديد

يارب تحقق فية كل احلامك يارب
ايناس

قلم رصاص يقول...

ابتسامة ملاك

الحمدلله بخير

منوره يا اخت ايناس

وكل سنة وانتي طيبة

اشكرك على التعليق

في حفظ الله

سلمى يقول...

اول زياره وان شاء الله مش الاخيره
حلو رسمك اوى
فى انتظار الباقى
دمت مبدع

قلم رصاص يقول...

سلمى

نورتي اختي الكريمة

واشكرك على الزيارة والتعليق

في حفظ الله

أبو العريف يقول...

يا كاريكاتيراتك يا باشا

الكاريكاتير جميل بجد

ايه الفن ده

مخبي الحاجات دي فين من زمااان

فتــافيت (رحاب الخضري) يقول...

بص من غير تهديد بالكوع.. عشان انا ممكن اديك كتف
والكتف بقى قانوني.. يعني اضرب ولا يحصلي حاجة :))

بجد الرسم جميل.. وخسارة جدا انك بتطل رسم لفترة
ولازم بجد بجد.. تتعلم فوتوشوب.. وباقي عائلته
وان شاء الله يكون لك مستقبل في الموضوع ده

بالنسبة لتقسيم الادوار
احب اقولك
ان الحكومة تقتل
المجلس يدفن
المعارضة تصوت
والشعب يقرا الفاتحة

وسلااااااام يا صاحبي

قلم رصاص يقول...

أبو العريف

هههههههههههههه

أي خدمة ياباشا

واهوه ..انتوا لسه شوفتوا حاجة

منورني دايما والنبي ياشيخ

قلم رصاص يقول...

فتافيت

يااهلا بالمعارك ^_^

ان شاء الله هاعمل بنصيحة حضرتك ..بس على فكرة انا باشتغل ع الفوتوشوب من زمان ..بس محتاج اطور نفسي بقى الفترة الجاية فيه ..!

اشكرك على المرور والتعليق

وكل عام وانتم بخير

في حفظ الله

^_^

Beram ElMasry يقول...

أخي وصديقي العزيز قلم رصاص
الجميل هو أدبك الرفيع في التعليق التحية لك وأنا بخير ما دامت أنت وأمثالك من الشباب الطيب في خير وسلامة والسلام ولا سلام مع بني إسرائيل قتلة الأطفال والأنبياء .

محمد بدر يقول...

هههههههههههههههههههههههههه

الامل والتفاؤل لابد ان يتمكن من الضمير
وان كنا بنعيش فترة مش اووووووووي
بس اكيد الدنيا هتروق وتحلي وتبقي احلي واحلي

ادعول لزيارة مدونتي

قلم رصاص يقول...

بيرم المصري

اشكرك استاذي الجميل على تشريفك لمدونتي المتواضعه ..وعلى الكلام الحلو ده

كل سنة وحضرتك طيب

ويبقى الود والحب والتواصل

قلم رصاص يقول...

محمد بدر

^_^

أيوووووا بالظبط زي ماسيادتك قولت

اشكرك على الزيارة

وان شاء الله جي وراك اهه عندك بس اما نشوف الواجب بقى ههههههههه

وكل عام وانتم بخير

dr.lecter يقول...

حلوةواليمه

Unknown يقول...

تسلم الأيــادى
والرسم والفن
والفوتوشوب

قلم رصاص يقول...

د.ليكتر

اشكرك يادوك ع المرور

قلم رصاص يقول...

نوراهاتي

اشكرك يادكتورة على المشاركة الطيبة

في حفظ الله

أحمد عاطف يقول...

بالنسبة للرسم

شكل كل الناس هاتدبسك في رسم لمدوناتهم

وانا اوووووووووووولهم

بالنسبة للموضوع فدا من زمان

من ايام الموافق على القرار رقم 100 يتفضل برفع يده موافقه من غير ما يبص على الايادي اصلا

Beram ElMasry يقول...

اخي وصديقي العزيز
وانت طيب وفي صحة واحسن حال. يسعدني دائما تشريفك والتعليق لتكون لي حافزا فلا تحرمني هذا الشرف وارجو ان تواصل مد حبال الوصال فانت عليها اقدر ولها احق. تحياتي والسلام ولا سلام مع اليهود

تحياتي وسلام ولا سلام مع اليهود

Unknown يقول...

ياقلم دهب24
لسه مخلصتش موضوع
الدستووور يااسيادنا
دا:)طيب انا جاية اقولك
كل سنة وانت طيب ياقلم ياطيب.

Wael يقول...

:)
جميل اور رسمك
ولو ان ايده شكلها غريب شوية O:

انما مية مية تسلم ايدك

Beram ElMasry يقول...

صديقي الكريم جدا قلم رصاص
وانت طيب ان شاء الله وجميع اهلك واحبائك بخير.. اني اسعد كثيرا بان ادخل بعض البهجة الي نفسك الطيبة وانها لغاية في نفسي احرص عليها من اجل ادخال البهجة والسرور علي قلوب الاذكياء من امثالك

تحياتي والسلام ولا سلام مع بني اسرائيل

Twitter Delicious Facebook Digg Stumbleupon Favorites More

 
Free Web Hosting