أحداث 24 ساعة

كل واحد ياخد باله من مدونته ..!





السلام عليكم ورحمة الله وبركاته


بوست النهاردة ياجماعه هيكون الى حد ما مختلف .. مختلف بقدر ماهيكون مفيد لمعظمنا ان شاء الله


في الفترة الاخيره وُجدت بعض المشاكل الفنية والبرمجيه في موقع بلوجر المقدم لخدمة التدوين


واللي كلنا بناكل منه عيش هههههههههههههه


وطبعا نظرا لأن المواقع الكبيره اللي زي جوجل من كثرة الضغظ عليها تحتاج من حين لأخر عمل صيانه شبه دورية لسيرفراتها العملاقه التي تقدم لنا كمستخدمين العديد من الخدمات اهمها التدوين


وأثناء عمل هذه الصيانات maintenance بعرف انجليزي والله كويس ههههههههههههههههههه
بتكون الخدمة في عُرضه للتراجع ولو بشكل مؤقت ،، لكن المشكلة انه ممكن تحصل
 خسائر غير متوقعه .. زي مثلا ضياع المدونات او سقوط البعض منها او حذف معظم البوستات فيها نتيجة خطأ فني غالبا غير مقصود، وحصلت كتير قبل كده ومدونات ناس معروفه وقعت .


هنا بقى يجب علينا كمستخدمين عاملين ناصحين نبقى ناصحين بالفعل ونستخدم الميزة الرائعة التي تقدمها جوجل لنا ، وهي أخذ نسخه احتياطية Backup من المدونة كل فترة زمنيه معقولة .. ونقوم بحفظها على الهارادت او في سيديهات أو الأفضل حتى حفظها على الميل


لحين حدوث لاقدر الله خطأ ما في مدونتك ياشاطر انت وهو.. ومدونتك يافالحه انتي وهي ..هنا بقى نقدر نسترجع مدوناتنا بكل سهوله ان شاء الله


وعشان انتوا صعبانين علي ، فحبيت اخد فيكم ثواب واشرح لكم الموضوع ده وبالمستندات
قصدي الصور ههههههههههههه


نبدأ بسم الله


أول حاجة هنعمل تسجيل دخول عادي .. وبعدين نروح للوحة التحكم الرئيسية


ونختار منها الاعدادت .. كما في الصورة







بعد كده هتجينا شاشة الاعدادات نختار منها تصدير مدونة الكترونية
كما في الصورة برضه





بعد الضغط على التصدير هتجيلكم صفحة منها نضغظ على تنزيل مدونة
وذلك لأخذ أو حفظ نسخه احتياطية من المدونة بكامل بوستاتها وتعليقاتها
على الهارد عندك


كما في الصورة التالية




طبعا هتحدد مكان الحفظ .. والنسخه هتنزل على شكل ملف انترنت بصيغة
XML


حجمه هيتراوح تقريبا حول 4 ميجا حسب حجم مدونة كل حد فينا


يعني مثلا أصحاب المدونات ذات الوزن التقيل (طبعا لكثرة البوستات هههه)
أنصحهم بشدة تنفيذ الفكرة لأن مدوناتهم بتكون الأكثر عرضه للعدوى 
ههههههههههههههههه قصدي المشكلة يعني



انا أفضل بعد تنزيل الملف ان نحفظ منه نسخه مضغوطة ببرنامج ضغط الملفات المعروف Winrar


ثم نقوم برفع الملف الى الميل الخاص بنا للاحتفاظ به في مكان آمن لحين الحاجة اليه


طبعا دي كانت طريقة حفظ نسخه احتياطية من المدونة .. البعض اكيد هيسأل :


طب لو جرى حاجة للمدونة نقدر نسترجع نسختها الاحتياطية ؟!


سؤال كويس يامسدس ..عارفك دايما خايب وبتحب تسأل .. بس عادي ..انا معنديش اغلى منك
هههههههههههههههههههه


نرجع الى الإعدادات من جديد .. وبدل ما نختار تصدير مدونة
هنختار إستيراد مدونة .. شوفت سهله ازاي ؟


والصورة بتتكلم عربي


ماهو أصلي عارفك ..بتفهم في الانجليش زي مابتفهم في تخصيب اليورانيوم
هههههههههههههههههههههههههه





طبعا المقصود بالملف ، هو الملف اللي صدرناه قبل كده


زي ماصدرناه .. نستورده عاااااااااااادي جدا


بس متنسوش اتباع الشرح على الصور بتأني خصوصا الصورة الاخيره


وهقول ايه بس غير هنيالك يافاعل الخير


وعلى فكرة بقى اللي عاوز مني شرح لأي حاجة في الكمبيوتر والانترنت ..اخوكم خطه حلو


ههههههههههههههه قصدي باعرف يعني ..مش هتأخر ابدا انزل له بوست خصوصي


اتمنى يكون الشرح واضح .. وتفيدكم الطريقة للحفاظ على مدوناتكم من ايد جوجل الطرشه


------------------


واسمحولي بقى اختم بنكته جت على بالي ومش قادر مضحكش ..فلازم تشاركوني الضحك


بيقولك : مرة واحد مش طايق مراطه .. قاعدين في ليله من الليالي ..فهي بتحاول تدلع عليه


وتقوله : تعرف ياحبيبي انا حلمت بإيه امبارح .. قالها : ايه خير


قالت له : انا حلمت اني كنت عصفوره


فرد وقالها : وانا حلمت اني كنت بندقيه


ههههههههههههههههههههههههههههههههه
ههههههههههههههههههه
ههههههه
ههه
هه
ه


يلا في حفظ الله


تحيتي / قلم رصاص باسنان روترينج 7 من عشره

91 تعليقات القراء:

Angel يقول...


وأول تعلييييييييق
ونقول ألو
صباح الخير

Angel يقول...


إيه ده محدش هيعبرني ولا ايه
؟؟؟؟؟؟؟

ماشي يا سيد

السلام عليكم ورحمة الله وبركاته

صباح الأنوار يا أبو السيد

دايماُ كده قلبك علينا والله الواحد مش عارف يعمل إيه معاك

حلو الموضوع وتشكر عليه
بس أنا عرفاه من زمان P:

لالالا بجد بجد والله براوة عليك
عشان في ناس كتير ميعرفوش الحكاية دي
بس تعرف المشكلة فين يا عزيزي
أن الباك اب اللي بناخده
لا يشمل جميع المواضيع هههههههه
وإن حصل وشمل جميع المواضيع فإنه لا يشمل جميع التعليقات

وأنا جربتها 100 مرة صدقني

اللي عايزين يعملوا حركة الباك أب دي يعملوها من دلوقتي ويحاولوا قال إيه يستردوها في حساب تاني كده وكده
(:

وهتشوفوا أن كلامي صح


وصباحوا فل يا قلمنا الرصاص

(:

Angel love

Angel يقول...

ادخل في الموضــــــوع
وبلاش كلام ممنــــــوع
سلاحي قلمي في ايـــدي
ولاتحب أديك بالكــوع؟!

عجبي !




حلوة موووووووت أنت خدتها من الدفتر بتاعي صح P:

الشعب لابد له من حكومه تشكمه يقول...

بجد شكررررررررررا على البوست ده هعمل اللى قلت عليه:)

بالنوسبه باه للنكته,,مراطه؟؟؟؟؟؟؟
مراطه اليومين دول بالـ ط!!!!!!!!!!!!!!!

ادى التعليم واللى بيتعملوه,,انت قلتلى خريج ايه؟؟؟؟؟؟؟؟

ال وهنتخبك رئيس ال,,رئيس مش بيعرف يفك الخط,اهو دا التغيير اللى احنا محتاجينه:)

صباحك سكر زياده:)

ملاك يعيش بكوكب أخر يقول...

صباح الورد

اخبارك اية

بوست جميل اوووووووووى وبصراحه جاى فى وقته اصل عمونا بلوجر مهيس معايا انا كمان

ميرسى ليك يا بن بلدى يا سكرة


تحياااااااتى
ايناس

اللى موش عارف يتغير يقول...

بروفيشنال
طول عمرك خطك حلو
هههههههههههه
بس تضحك عليك شيما
حلوة مراطه دى
دى احسن حاجة فى اللى انت بتقول ان هى نكته
ههههههههههه
حبيبى يا اكس بى

خواطر شابة يقول...

يا سيدي هنيالك يا فاعل الخير والثواب
هل انت عند وعدك بالمساعدة يعني أعلن اطلاق البرنامج القومي ولا خليه البرنامج الدولي وحأسميه "انت تسأل وقلم رصاص يجيب" ههه
جزاك الله خيرا على هذه المبادرة الطيبة وهذه اللفتة الكريمة منك
تحياتي

آيوشة يقول...

شكرا على البوست ان شاء الله بالليل بقى لما ارجع من الجامعة اعمل الموضوع ده

صبرني يارب يقول...

تعرف انا عملت البتاع ده قبل كده بس بانسى اكرره يعنى

بص انت كل كام شهر كده ابقى فكرنا
ههههههههههههههههههه


وبعدين قصدك ايه بالمدونات الى وزنها تقيل

قصدك اييييييييييييه

اتكلم واعترف بسرررررررررعه


ههههههههههههههههههههه

ثانك يو يا مشهندز

ameen يقول...

الف شكر على الموضوع ولو انو عنوانه يخض

بس ميهمش
دنا فكرت المدونات هيجلها انفلونزا

عموما شكرا على النصيحه وتم التنفيذ

dr.lecter يقول...

اشته هي المدونه ممكن تقع؟

لا ياعم الحمد لله انك قلتلي مش كفايه الفيس بوك ناس بيتسرق الاكونت بتاعهم والتويتر كمان

مش ناقصه المدونه خالص يعني

spiderman ( المدونه الإسلاميه ) يقول...

هههههههههههههههههه
و الله ناس كتير قالولي قبل كده اني اعملها
بس و هعملها المره ده عشان خاطرك بقي
هههههههههههههههه

spiderman ( المدونه الإسلاميه ) يقول...

شكرا تم عملها فعلا
مدونتي طلعت 1 ميجا فقط
ههههههههههههه
صغنططه خالص
بس بجد تشكر
و الشكر الأكبر لو فعلا حصلت حاجه للمدونه و اتستفدت منك

ذات النطاقين يقول...

جزاك الله خيرا كثيرا بجد

تدوينة غاية في الاهمية ..

تم العلم و سينفذ بإذن الله

ستيته حسب الله الحمش يقول...

اقولك ايه وايه يوفي مش عارفة ايه
الله يرحمك يا ثومة
مراطه ياراجل
مراطه
دي جاية من مراته سابقا على اساس انها مش رقيقة وشبه فؤة المزنؤة؟
والا جاية من انها اتمرمطت بما فيه الكوفاية؟
ههههههههههههههههههههههههههههه

وانا ابعث لك بهذا التعليق الشيك فإني أخد باكأب وأدعو لك من معاميك معاميكي
وملكش دعوة بمسدس
وبطل تصيح له
ان الله حليم ستار :)
اندرستاند يا قلم يابني :)

واحده من الناس يقول...

قلم ياقلم ياقلم
خد تعالى بسرعه
فى مشكله كبيره جدااااااااااااا
الايام دى انا وصحبتى منونه صاحبة مدونة منونه اخدنا بالنا ان فى مدونات بتتسرق يعنى فى ناس بتسرق اسم مدونة حد واسمه وحتى الصوربتاعة البروفايل وتبدأ ف تشويه صورة المدون
بجد انا ومنونه خدنا بالنا اوى وكنا هنتجنن
ودى بصراحه مش اول مره اصادف الحكايه دى
دى يمكن المره الرابعه
ياترى ممكن نحل المشكله دى ازاى؟
يعنى مع انتشار مدوناتنا زى مانت شايف كده فاحنا اكيد عرضه للسرقه وخاصة لو كان لينا اعداء
ههههههههههههههههه
حلوه اعداء دى
تحس اننا تشكيل ثورى
ههههههههههههههه
بس بجد لو حصلت لنا
هنتصرف ازاى..وازاى ممكن نبلغ بلوجر بده وازاى نثبت ملكيتنا الفكريه للمدونه؟
ياريت تفكر معايا ف المشكله دى

Bondoka يقول...

شكرا جدا جدا
انا كان نفسى من زمان اعرف لازمة ال
export and import
دى

قلم رصاص يقول...


Angel

مبروك اول تعليق

ونقول نعم

وصباح الخير

قلم رصاص يقول...

Angel

وعليكم السلام ورحمة الله وبركاته

وصباح الانوار ياست البنته
ههههههههههههههههه

وهعمل ايه بس .. دايما بتصعبوا علي
افتكروا بس الجمايل دي

والعفو العفو العفو مفيش بروبليم

وهو انتي طلعتي عارفه كل حاجة كده؟!

ان كيدكن عظيييييييييييم

بس على فكرة عشان نجيب كل البوستات وكل التعليقات فيه خيار لازم نفعله اثناء رفع الملف او استيراده ..وده انا موضحه في الشرح ..ده مهم جدا

وحتى لو الطريقة مبتجيبش كل البوستات والتعليقات فهي على الاقل بتحفظ جزء كبير جدا من المدونة بدل ماتروح كلها..ولا ايه؟!

ونورتي يام الاناجيل

هههههههههههههههه

في امان الله

قلم رصاص يقول...

Angel

دفتر مين ياختي
لالالالالالالالالالالالالالالا

دي من تأليفي ..حاكم انا مؤلف
هههههههههههههههههههههه

نورتي تالت مرة ..ويلا هوينا بقى

عاوز ارش ادام المدونة واروقها

هههههههههههههه

في امان الله

قلم رصاص يقول...


شيما

ههههههههههههههههههه

اولا اي خدمة .. افتكري بس الجمايل دي!

ثانيا والله ماواخد بالي انها مش بال "ط"
ههههههههههههههههههههه

بلاش فضايح .. تحبي انتي دايما تحطيني في مواقف صعبه .. حقد سياسي انا عارفك
ههههههههههههههه

على فكرة بجد اوعي تدخليلي في مسألة اللغة بالذات العربية .. لأنك عندك كوارث ومش برضى اقولك في بوستات كتير

شوفتي انا جدع ازاي .. ان كيدكن عظيم! ههههههههههههههه

وسايبالي البوست وجايه تعلق على ايه دي ياجدعان .. انا دلوقتي انك ناوية تتعلمي نوشو !

ولو ترشيحي للرئاسة مزعلك .. انا هسحب كلامي ومش هترشح .. وهسيبك للشعب بقى يرد عليكي ..!

نورتي المكان

في امان الله

قلم رصاص يقول...

ملاك يعيش بكوكب اخر

هههههههههههههههههه

اولا مبروك الاسم يا اخت ايناس

بجد اسم حلو جدا واحسن من الاول كتير

ثانينا ياستي العفو العفو انا تحت امر

اخواتي الطيبين ..اللي عارف حاجة يقولها للتاني ويساعده .. الدنيا بتبقى جميله اوي ساعتها

نورتينا

في امان الله

قلم رصاص يقول...

اللي موش عارف يتغير

هههههههههههههههههه

طول عمرك حقاني ياحبيب هارتي

بس بجد مكنتش واخد بالي من حتة مراطه دي

انت عارف انا لو متجوز هعرف انها بالتاء بس جوزوني انتوا بس
ههههههههههههههههههه

اي خدمة ياعم عيالي اللي لسه مجوش

بس نفذ الموضوع ده هيفيدك برضه

في امان الله

قلم رصاص يقول...

خواطر شابه

اي خدمة يافنم احنا تحت امركم

وحلو اوي اقتراح حضرتك

"انت تسأل وقم رصاص يجيب"

هههههههههههههههههه

انا مستعد يلا

نورتي المكان

في امان الله

قلم رصاص يقول...

آيوشه

العفو العفو
اي خدمة

بس اهم حاجة التنفيذ

نورتي المدونة

في امان الله

شاب فقرى يقول...

حبيبى

وربنا حبيبى

بما إن ليك خبرة فى النت والكمبيوتر

العبد لله

linux system Administrator

وحاليا شغال فى الفيدورا

لو احتجت حاجة قولى :p
خطى حلو برده :)

هعمل الحركة دى لانى عارف جوجل بيستعبط كتير

وخصوصا انى فى بينى وبينه مشاكل ومش عايز أسيح لجوجل هنا

مساء الفل

حلوة أوى النكتة دى :)

أوى أوى أوى

:d

شاب فقرى

قلم رصاص يقول...

صبرني يارب

هههههههههههههههههههه

ولايهمك

كل 3 شهور هفكرك بالموضوع ده

هبقى انزل لك اعلان على البيت بيتك

واقصد بمدونات الوزن التقيل .. متفهمنيش صح ارجوكي ههههههههههههه

اقصد طبعا اللي فيها بوستات وتعليقات كتيره لانها الاكثر عرضه للضياع

وربنا يسهل للجميع

نورتي المدونة بجد

بس عليكي بقى فاتورة الكهربا

هههههههههههههههه

في امان الله

قلم رصاص يقول...

أمين

العفو اخ امين

وفعلا لازم الواحد يحط عناوين جذابه عشان الموضوع ياخد مجراه الطبيعي

ههههههههههههههه

نورتني

في امان الله

Angel يقول...


ايييييييييييييه
وكمان بتقولي هوينا كده عيني عينك قدام الناس وبرستيجي طيب

وبعدين انا هموت واعرف بقى
انت ليه بتكتب تعليق بخط تخن والباقي لأ
وحشين احنا يعني
):

قلم رصاص يقول...

dr.lectre

ايوا دي حقيقة يادكتور

خد بالك كويس

واحفظ نسخه من المدونة

في امان الله

قلم رصاص يقول...

المدونة الاسلامية

ربنا يخليك .. جبرت بخاطري

ههههههههههههههههههههه

في امان الله

قلم رصاص يقول...

ذات النطاقين

العفو دكتورة اسماء

المهم تنفذي الطريقة

في امان الله

حلم بيعافر يقول...

الجدع ده قريبى ههههههههه واحنا كبلد وشعب واحد بنعلن فضلنا ع البلوجر واللى بياكلوا منه عيش والكلام طبعا للبلاد المجاورة اللى بتحاول توصلنا لجزء من امجادنا وابداعاتنا بس فى الفاضى
فيه مواقع بتقوم باستيراد المدونات زى فيس بوك بس بتاخد المدونة من غير التعليقات اللى فى المكان الاصلى
واح اتنين تلاتة هوب واحد اتنين تلاتة هوب يللا يارجالة متشمتوش فينا الاهلاوية
واحد اتنين تلاتة هوب واحد اتنين تلاتة هوب دانتو هتقطعوااااااااااااااااا

قلم رصاص يقول...

الدكتورة ستيت

ههههههههههههههههههه

منوراني دايا يادكتورة

بس فعلا الوحيدة اللي فهمت قصدي

انا اقصد مراطه من المرمطه .. اصل

الراجل ده كان ممرمطه الوليه معاه

ههههههههههههههههههههه

ومسدس حبيب هارتي

متجلجيش .. هاجتله واديك رنه

ههههههههههههههههههه

في امان الله

OlIvE TrEe يقول...

شكرا على المعلومات الجامده دى


وكمان
الله انا بحب قلم رصاص 7 روترينج
لانى مش بحب اكتب الا بيه فى اى وقت
ولو مش معايا ببقى مضيقه اوى اوى



تحياتى

قلم رصاص يقول...

واحدة من الناس

المشكلة اللي بتتكلمي عليها دي خليها لوقت تاني هابقى اتكلم عليها في بوست جديد ان شاء الله

اعتقد انها مشكلة مش فنيه عشان كده معرفش ليها حل حاليا

المهم نورتي ياميس نوره

اتمنى يكون البوست افادك

في امان الله

ليس فقيرا من يحب يقول...

الله عليك يا استاذ سيد

شرحك حلو اوى يا مستر

بس فى حته صغنونه مش فاهماها

ازاى اضغط الملف وازاى احفظه فى الميل

لاحسن اختك متعرفش فى الموضوع ده

حته الجبنه من رغيف العيش

بجد ربنا يباركلك ويجازيك خير يارب

على شرحك وان شاء الله هادوشك اسئله

وبعدين ايه حاله الحقد الدفين على

الستات دى يا عم الحج ومراطه كمان

هههههههههههههههههههههههههههههه

بطلوا الحقد ده بقه وبعدين انت كده

هتصيبك لعنه الستات واحتمال تقعد كده

مش تتجوز ابدا فابعد عن الشر احسن

هههههههههههههههههههههههههههههههه

بعد الشر طبعا ربنا يفرحك

ربنا يباركلك يارب يا سيد

هاروح اعملها وان المدونه باظت

يلهوى اللى هيحصلك هاجى اشردك انت

والمدونه

روح يا شيخ الهى ما يضيعلك مدونه

ويخليك للغلابه

قلم رصاص يقول...

Bondoka

العفو العفو

وبعد ماعرفتي الطريقة اظن انها فرقت شوية

بالتوفيق يافندم ونورتي المدونة

في امان الله

قلم رصاص يقول...


شاب فقري

كرمله حبيب هارتي
هههههههههههههههههههههه

طب جميل اوي يابني انك ليك في اللينوكس
أصلي بقالي فترة طووووووويلة جدا عاوز احول للمنصة العظيمة دي ومكسل ..

هحتااااااااجك جدا
واهو يبقى فيه تبادل معرفه

والحق اعمل الباك اب ,, انت عارف جوجل مش في وعيه اليومين دول .. بيقولوا ملموم على شلة مواقع فسدانه هتخسر اخلاقه
ههههههههههههههههههههه

في امان الله

قلم رصاص يقول...




Angel


هههههههههههههههههههههههه

يخرب عقلك

بس انا مقصدش انكش البرستيج بتاعك ولا حاجة .. انا بس كنت عاوز انفض المدونة واطلع المرتب الشمس واهوي المكان ..وسيادتك قاعدة مش عاوزه تمشي
ههههههههههههههههههه

خدي راحتك على الاخر المدونة مدونتك

وبعدين بخصوص الخط البولد فانا بتعب اوي لما باكتب به لكل الناس في الردود

وخدي الجديد بقى

انا هحط لك خط تحت ردي عليكي اهه عشان متزعليش وتقولي اني بفرق بينكم كلكم

يلا في امان الله

قلم رصاص يقول...

حلم بيعافر

قولهم يامحمد افندي قولهم

مصر تتحدث عن نفسها

انجازاتنا تتحدث عنا

هنقول ايه ولا اييييييييه

ههههههههههههههههههه

والماتش كان هم الهم يامحمد
بس الحمدلله انه طلع نضيف عشان محدش يزعل

جمدوا بقى اصلكم خلاص على وشك اللعب في المظاليم قريبا
ههههههههههههههههههههه

في امان الله

قلم رصاص يقول...

OlIvE TrEe

أي خدمة حضرتك ولايهمكم

وبخصوص القلم الروترينج دا حبيبي

طول عمري باستخدمه وانا من اوائل مستخدمي القلم الألماني العظيم ده

كنت الاول خمسه من عشره وبعد كده حولت الى النطاق سبعه هههههههههههههه

نورتي المدونة

في امان الله

البيروني يقول...

جزاك الله خيرا علي البوست المفيد ده :)

سنابل قمح يقول...

بجد ربنا يخليك للغلابة اللي زيى

اصل انا باغرق ف شبر مية فيما يتفلق بالكمبيوتر والنت
هعمل اللي قلت عليه

قلم رصاص يقول...


ليس فقيرا من يحب

ههههههههههههههههههه

تعليقاتك دايما بتدي بهجة للمكان
انتي مبتجييييش ليه ؟ مش تبقي تيجي

انا ببقى هناك ههههههههههههه
على رأي عادل امام يعني

وبعدين انا مش حاقد على المرأة والله ابدا دا انا طيييييييييب ..بس دايما مضروب اعلاميا
ههههههههههههههه

المهم بخصوص موضوع رفع الملف للميل

بصي مش شرط تضغطيه ..خلي الضغط ده لبعدين لأنها خطوة ممكن منعملهاش عادي

انتي اولا بس بعد ماتنزلي النسخه الاحتيياطية من المدونة زي ماانا شرحت في البوست .. كل ماعليكي انك ترفعي الملف اللي جالك من المدونة

ترفعيه للميل بكل سهوله

وهقولك ازاي

هتفتحي صفحة اميلك عادي
طبعا اقصد الصفحة مش الماسنجر

ويفضل يكون اميل الياهو لو عندك

بعد الدخول للصفحة ..تعملي انك هترسلي رسالة جديدة ..وتكتبي مكان اميل المرسل اليه ..اميلك انتي ..اقصد يعني تبعتي الرسالة لنفسك

وتكتبي للرسالة عنوان زي مثلا نقول :
نسخه احتياطية من المدونة

وجوا الرسالة اي حاجةانتي عاوزاها

المهم في الموضوع كله انك تدوري على زرار اسمه Attach
ده لرفع الملفات من الجهاز للاميل

هتضغطي عليه هيفتح معاكي صفحة جديدة حددي منها الملف بتاع المدونة وارفعيه عااااااادي جدا
بعد الرفع مايتم هيجيلك رسالة معناها ..اضغط هنا للرجوع للرسالة

بعد ماتتم الخطوة دي ..اضغطي على زر ارسال Send

وهتلاقيها جت لك في صندوق الوارد

كده تتطمني وتعرفي ان مدونتك في امان

ولو الشرح مش واضح عرفيني

ال ظالمينكوا ال

ههههههههههههه

في امان الله


أبو العريف يقول...

باشا الف شكر يا ريس

بس انا هكسل اعمل الكلام ده

وياكش تولع المدونه

يعني هيروح الكنز يا خي




حلو الصياح

اللي صيحتهولك شيما والدكتور ستوته

اشررررررررررررررررب

تحياتي

قلم رصاص يقول...

البيروني

الله يخليك يادكتور

نورتنا والله

في امان الله

قلم رصاص يقول...

سنابل قمح

ولايهمك

اي خدمة

وزي ماقولت اللي محتاج حاجة يعرفني

مش هتأخر كلكم اخواتي

في امان الله

قلم رصاص يقول...


ابو العريف

ههههههههههههههههههه
ههههههههههههههههههه
ههههههههههههههههههه

تعليقك موتني من الضحك ياابو العراريف

ياعم انت حر .. طب بقولك ايه

تديني مدونتك على عيبها .. وهدفع ياسيدي عشرين جنيه .. كويس كده

ههههههههههههههههههه

وبدل ماسيادتك جي تشمتهم فينا مفروض تيجي تقف جنبي ..رجاله اخر زمن

ههههههههههههههه

منورني ياحبيب هارتي

في امان الله

مي يقول...

للاسف انى مدخلتش المدونة دى قبل كده
بس بجد خلاص اخر مره ياسعادة الباشا اكيد هكون متابعة حضرتك
البوست هايل وانا عملت بالظبط خطوة خطوة معاك
وجزاك الله كل خير وربنا مايوقعلك بوست ولا بلوجر ياشيخ
تحياتى

ليس فقيرا من يحب يقول...

سلام عليكم

سيد باشا ابو الاقلام

روح يا شيخ الهى يكرمك

الهى يسترك

الهى يسعدك

الهى ينجحلك عيالك

هههههههههههههههههههههههه

خلاص انا الحمد لله فهمت الشرح يا مستر

وعملتها الحمد لله ورفعتها على الميل

ربنا يجازيك خير يارب

مش انا شاطرة يا مستر وعملت الواجب

صح واستاهل اعمال السنه

ههههههههههههههههههههههههههه

الف شكر يجد


ذاكر كويس علشان الدبلومه

وسيبك من الناس الفاضيه دى

هههههههههههههههه

فى حفظ الله

قلم رصاص يقول...

مي

ولا يهمك اختي الكريمة مي

المدونة تشرفت بمرورك عليها وان شاء الله يبقى التواصل عبر المدونة

في امان الله

قلم رصاص يقول...


ليس فقيرا

وعليكم السلام ورحمة الله وبركاته

طب الحمدلله انك عرفتي تعملي المطلوب

وبعدين يابنتي ايه اللي عاملاه ده

انتي هتردحي ههههههههههههههه

خلاص خلاص متعيطيش لو احتاجتي حاجة تانية ابقي عرفيني هنا وانا مش هعبرك

هههههههههههههه

وبخصوص الدبلومه والله ربنا يسهل يارب انا ناوي الحمدلله جدا عشان اخد الماجستير بإذن الله

منوره يارانيا

في امان الله

الشعب لابد له من حكومه تشكمه يقول...

اممممممممممممممممم افهم من كومنتك عندى.انك زعلان؟؟؟؟؟؟؟؟

بجد والله مش اقصد اى حاجه كنت بهرج معاك:(
عموما اسفه لو فى حاجه زعلتك ومش ههرج تانى..

خلاص باه حتى الفجر بياذن اهو وقايمين نصلى:(
بجد سورى:(

Wanda يقول...

شكرا
معلومة مفيدة

بس اديها درس ثانى
فى كلمات السر الى بتتفك لسهولتها و لا لتكرار استعمالها فى عدة مواقع
اعتقد الى بيقول مدونات بتتسرق حيكون بالشكل ده

عموما انا برضه كنت حعلق على مراطته ديه ، بس لاحظت خذت الى فيه الكفاية
و بعدين نفسه يكون بندقيه مش نسر
كويس برضه مفيش منه خوف مين فاضى يمسك بندقيه دلوقتى و ينش على العصافير :-))))))

Asmaa Fathi يقول...

هههههههههههههههههههه

شكرا على الإفادة
انا عملت ده
شكرا مره تانيه
تحياتي

reem يقول...

بوست حلو اوى ومفيد

انا عندى في المدونة لئيت بوستات اختفت لوحدها ومش عرفت اجيبها تانى

جزاك الله كل خير عنا

norahaty يقول...

جزاك الله خيراً
ياقلم دهــب
انا عملت 3نسخ
2 على الهارد
وواحدة على الميل
كده صح؟ولا محتاجة
برضه اسطوانة او
اضعها بمركز رفع
مثل ما بيقولوا؟

norahaty يقول...

وقول لأنجل
أن كانت هى
التعليق 1و2
فأنا التعليق
ال 57 و58ياسلام!
ومفيش حد أحسن من حد
ههههههههههههههههههه

قلم رصاص يقول...


الشعب لابد له من حكومه تشكمه

خلاص خلاص .. مش زعلان
بس انا كمان انسـان
وقلمي عنده كرامه
أو يمكن كنت جعـــان؟

عجبي !

هههههههههههههههههه

تطلعيني مبعرفش افك الخط وانا اللي فاكر نفسي جهبز في لغة الضاد ..!

ولايهمك

واتفضلي هدية متواضعه تعبيرا عن تحالف قوى الشعب العامل !

http://www.9ower.com/uploads/images/9ower_com-a6bedc73e4.jpg

عشان تعرفي ان العفو عند المقدرة

وهرجي براحتك ياشيماء .. منا باسمح لنفسي اهرج معاكي برضه



دمتي في حفظ الله

قلم رصاص يقول...

Wanda

ههههههههههههههه
حرام عليكوا ارحموني .. مقصدشهاش بال ط
ياجدعان .. انتوا ماتصدقوا حد يقع في حرف .. وتعلقوا له المشانق

هههههههههههه

عموما حضرتك نورتي

وبخصوص موضوع الباسوردات ..انا اتفق معكي في الرأي .. وياريت الناس كلها تاخد بالها من المسألة دي

وربنا يسهل لو عرفت حاجة في الموضوع ده هعمل عنه بوست خصوصي

في امان الله

قلم رصاص يقول...

أسماء فتحي

يا اهلا وسهلا وميت مرحبا بسيادتك

المدونة نورت ..

بس ياريت تعدي على شركة الكهربا تحاسبيهم

ههههههههههههههههه

الحمدلله ان الموضوع افادكم

في امان الله

قلم رصاص يقول...

reem

الحمدلله يافندم انه افادك

وانا تحت امركم في اي طلب بخصوص المدونات

في امان الله

قلم رصاص يقول...


norahaty

ههههههههههههههه

العفو العفو يادكتورة

طب ليه نسيتي تحفظي نسخه على البوتاجاز
هههههههههههه

كده تمام اوي وربنا يوفقك

واي خدمة انا تحت امركم والله

وطبعا محدش احسن من حد

المهم يكون فيه رز بلبن بس

هههههههههههههههههه

نورتي المكان والله

في امان الله

فشكووول يقول...

السلام عليكم قلم رصاص

تحياتى

والله ما انا فاهم حاجه وسايبها على الله واللى يعمله يكون .. ولو حصل نعمل واحده جديده ورزقنا على الله .

اصل الغباء فى الكمبيوتر دا ما لوش حل عند فشكول خالص

اشكرك على السؤال وعلى دعواتك

تحياتى

كلمات من نور يقول...

تسلم إيدك ..الحمد لله حفظت المدونات وطبعا اللي حيحتفظ بيهم يحتفظ بيهم في ملف بعيد عن c drive

علشان الكمبيوتر لما بيبوظ اول شيء بيبوظ ال سي

شكرا يا قلم رصاص على هذه الهدية..

تحياتي

عاشقه الرومانسيه يقول...

جميل البوست وفعلا مفيد
تسلم الايادى

عندى سؤال او مشكله لو تقدر تساعدنى فيها
عند بعض صديقاتى المدونين صفحه التعليقات مش بتكتب عربى بالنسبه لهم يعنى فى حاله الرد على التعليقات
هل المشكله فى المدونه ولا الجهاز بيكون محتاج ويندز جديد؟
لو تعرف رد ياريت تفيدنى
فى انتظارك

جنات يقول...

السلام عليكم ورحمة الله وبركاته

يعطيك الف عافيه ع الشرح انا كنت بعرف اخذ نسخة لكن
ماكنت بعرف استردها ^_^
والحمدالله عرفت شكرا ليييييك

ونكته حلوه كثييييير @_@

Somaya Kamal El Din يقول...

ثاناكس اوووووووووى :D

مع انى مدونتى لو ضاعت يبقى جوجل عمل خير فى المدونين الغلابة الللى بيقروا لى ههههههههههههههههههههههههههه

عملت دلوقتى وكتر خيرك


طيب بما ان خطك حلو وبتفهم فى الكمبوتر

مش فى بالى حاجة
اطلبها دلوقتى

بس اكييييييييد هحتاجك الايام الجاية ممكن لان من فترة بدات اتعلم
الفوتوشوب

لو تعرف فيه اكتب دروس وحااجات كده مفهومة عنه احسن دماغى ضربت منه
ههههههههههههه

يلا سلاموز

قلم رصاص يقول...


فشكول

عمي وعم عيالي

وعليكم السلام ورحمة الله وبركاته

دا احناالنهاردة الدنيا نورت عندي ياجدعان .. ياميت مليون مرحبا والله ياعمو صلاح

وبعدين متقولش كده على نفسك .. الكمبيوتر ده هو اللي مش فاهمك والله

ههههههههههههههههه

وادلع براحتك ياعم احنا معاك ووراك ولايهمك ..

فرحان جدا بعودتك والله

ربنا يكرمك

في امان الله

قلم رصاص يقول...

كلمات من نور

الحمدلله اختي الكريمة ان الفكرة نفعتك

وشاطره اهه ماشاء الله عارفه ان الحفظ علىالسي درايف معرض للخطر بخصوص الملفات

واي خدمة انا تحت امركم

في امان الله

قلم رصاص يقول...


عاشقة الرومانسية

اهلا وسهلا بحضرتك

والحمدلله ان البوست افادك

بخصوص استفسارك.. سهله ان شاء الله

اغلب ما اعتقد به ان شاء الله ان العيب في الجهاز .. وتحديدا في ملفات اللغه ودي هنصلحها ان شاء الله كالتالي

اولا هنضع السي دي اللي متستطب منه الويندوز الحالي اللي شغال على الجهاز .. هنحطه في السي دي روم ..تمام؟

ثانيا هنروح للوحة التحكم Control panel

ونختار منها Regional and language options .. هنفتحها طبعا

ثالثا نختار من مربع الحوار اللي فتح معانا ، التبويب الثاني وهو بعنوان
languages

هنلاقي مربعين صغيرين تحت .. هنضع فيهم علامة صح بالماوس ونضغط في كل مرة ok
وبعدين نضغط على تطبيق او Apply
وننتظر شوية عما الجهاز يثبت ملفات اللغه من سي دي الويندوز

بعد مايخلص التثبيت .. نرجع للتبويب الأخير Advanced وختار اللغة العربية مصر .. وبعد كده نرجع تاني للتبويب الأول اللي اسمه Regional options
ونختار منه اللغة العربية - مصر
ونختار من تحت الدولة - مصر

ونضغظ ok

ونطلع السي دي من السي دي روم ..ثم نعمل ريستارت للجهاز .. وان شاء الله تتحل المشكلة بعون الله

واي خدمة تانية انا موجود

في امان الله

قلم رصاص يقول...


جنات

وعليكم السلام ورحمة الله وبركاته

الحمدلله ان البوست افادك
تحت امركم في اي استفسار رغم اني على ادي برضه ^_^

والنكته انا عارف انها حلوة بس زعلت مني ناس كتير بسبب حرف غلط فيها ..تصوري
ههههههههههههه

نورتي المكان

في امان الله

قلم رصاص يقول...

سميه كمال الدين

ياستي نيفر مايند .. نيفر مايند

بخصوص الفوتوشوب ..انا طبعا بحب العملاق ده جدا واعرف فيه حاجات كويسه بس مش عندي وقت كافي اني اتعمق فيه لدرجة الاحتراف الفني التقني .. انا اعتمد على الحد الادنى من اسراره زائد اعتمادي الاكبر بعد ربنا سبحانه وتعالى على موهبتي المتواضعه في الرسم والتصميم ..!

باختصار عاوز اقولك اني بعرف في الفوتوشوب اللي يفديني حاليا .. لكن ان شاء الله بدورلك على دروس كويسه وهحط اللينكات هنا ان شاء الله

نورتي

في امان الله

أسيرة اللوحة يقول...

بوست جميل و مفيد ,,
انا كثير اصدر مدونتي و اعتقد انها افضل طريقة لحفظ المدونة ,,

اشكرك و يعطيك العافيه يارب ,,
زيارتي الأولى ,,

^^

قلم رصاص يقول...

أسيرة اللوحة

اهلا ومرحبا بكِ اختي الكريمة

والحمدلله ان البوست افادك

في امان الله

الشجرة الأم يقول...

لك مني جزيل الشكر والتقدير على البوست الرائع هذا أنا قلبي على مدوناتي على كف عفريت.

ههههههههه

بارك الله فيك ونفع الله بك الأمة الإسلامية العريية.

Dr Ibrahim يقول...

جزاك الله كل خير
انا فعلا باخد باك اب كل فترة لاحتمالة حصول أى مشكلة

مسدس صغير يقول...

مش عارف انت شاغل نفسك بمدونات الناس ليه؟؟
انت مالك يا عم انت
مش هناخد نسخة منها
اللى يضيع يضيع
زعلان ليه؟؟؟؟؟؟؟؟؟
ههههههههههههههه
انت ليك مصالح مع جوجل؟؟
قول يابنى متخبيش
جوجل بيشترى منكو سمك؟؟
هههههههههه
ماشى
ازيك يا قلم روترينج من غير ترينج
بيجامة احسن
ههههههه
احييك على البوست
منكم نستفيد

اقصوصه يقول...

جزاك الله خير ع الافاده

ان شا الله بطبقها في اقرب فرصه :)

قلم رصاص يقول...

الشجرة الأم

العفو العغو
على ايه انا معملتش حاجة تستاهل كل الكلام الحلو ده والله

جزاك الله خيرا على المرور

قلم رصاص يقول...

Dr Ibrahim

أشكرك يادكتور على المشاركة

في امان الله

قلم رصاص يقول...


مسدس صغير

هههههههههههههههههه

طب ايه رأيك انك اول واحد بتستفيد من الحاجات دي .. يابني دا انا اللي مربيك
هههههههههههههههههه

ويااااريت يبقى لي مع جوجل مصلحة
دا انا كنت عديييييييييت


يابني انت مختفي عن الحياه كده ليه
انت مخطوف ولا حاجة؟
ياعم قول وانا اتصرف اجي اخطفك وارجعك
لأهلك .. واطمن هسلمك للوالد وهاخد عليه اقرار بالمحافظه عليه .. منا عارفه بيحب الورق اوي يكون مظبوط
هههههههههههههههههه

نورتنا ياابوصلاح
انت حبيبي !

في امان الله

قلم رصاص يقول...


اقصوصه

العفو اختي الكريمة

الحمدلله ان البوست افادك

في امان الله

ضحكات الحياة يقول...

السلام عليكم

هنيالك يا سيدي بالخير و الثواب
لأ بجد فكرة فكرة جامده و ان شاء الله هننفذها

و ايه يا عم النكت الجامده دي يا سيدي
بجد حلوه

بس شوف بقي النكته دي
واحد و هو بيموت بص لمراته بصه كلها رومانسيه و قالها : انا لما اترفدت كنتي معايا ، و لما عييت وقفتي جنبي، ولما فلست برضوا كنتي معايا ، و دلوقتى لسا جنبي ، مسك ايدها بحنيه و قالها : مش عاريف ليه حاسيس انك نحس

شكرا على المعلومة جدا جزاك الله كل خير

قلم رصاص يقول...


ضحكات الحياه

وعليكم السلام ورحمة الله وبركاته

اهلا بك اخي الكريم

والحمدلله ان الفكرة نفعت معاك

اي خدمة

والنكته ضحكتني اوي هههههههههههه

جزاك الله خير

نورتني

في امان الله

الشاعر الفنان أحمد فتحى فؤاد يقول...

انت انسان جميل و قلبك ابيض
و اللى ما ياخدش الثواب فى الدنيا ياخذه فى الأخرة و عليك خير
أنا سعدت جدا جدا بزيارتك و أتمنى دوام تواصلك
أحمد

قلم رصاص يقول...


الشاعر أحمد فتحى

الله يكرمك اخ احمد
كلامك كبير اوي في حقي وعلى راسي من فوق

طبعا يبقى التواصل والمدونة مدونتك ياريس

في امان الله

ذو الوجه المبتسم يقول...

السلام عليكم

بجد معلومات مفيد وافادتنى

وشكرا لك على الاهتمام والافادة

تقبل تحياتى

Dr.Mohamed Reda يقول...

عظيم

نفسي اعمل كدا اساسا من زمان

ومكسل

ما تعملوه وتبعتوه وتريحوني


تحياتشي

رئيس منظمة الهكر يقول...

الخولي ياعم عامل اية ياريس انتا فين من زمان مينفعش الغيبة دي كلها وعموما البوست جميل مستنيك قريب

Twitter Delicious Facebook Digg Stumbleupon Favorites More

 
Free Web Hosting