أحداث 24 ساعة

هل تعود المرأة للنوشو ؟!


تعودت منذ فترة طويلة على تسجيل اهم الاحداث في حياتي على أوراقِِ ِ ثم أنقلها إلى أجندة خاصة

وكنت أسجل أيضا على هذه الأجندة مايلفت نظري من معلومة عامه أو غريبة من نوعها

المهم في الموضوع ده انه فيه معلومه غريبة اوي عن المرأة وحبيت انقلها لكم وهي على فكرة طبعا موجودة على الانترنت شأنها شأن أي شيئ .. بس بأمانه انا 
عارفها من قبل ما استخدم النت 

المعلومة هي

(لغة النوشو)

وهي لغة خاصة لا يتكلمها سوى النساء ، وقد ابتكرتها امرأة صينية منذ قرون 


وقد سمعت تقريرا عن هذا الموضوع من فترة قريبة في البي بي سي يقول :


أنه بعد قرون من انقراض هذه اللغة تسعى بعض النسوة لاحياء هذه اللغة الا انهن واجهن صعوبات جمة فالوثائق المكتوبة بالنوشو نادرة لان طقوس الوفاة الصينية كانت تستلزم ان تدفن مع المرأة الميتة وثائقها المكتوبة بهذه اللغة العجيبة.‏ 



-----------------


فعلا كما قال القرأن الكريم إن كيدكن عظيم


اللي قالقني نوعا ما ، انه ممكن تلجأ المرأة المصرية لتقليد هذه الفكرة الجهنمية

وتطلع لنا بلغة خاصة لايفهمها ولايستطيع فك شفرتها الرجال .. هنا هنكون أمام


 الطامه الكبرى 


بسهوله جدا ياخدوا النص التاني في المجتمع بعد ما اخدوا النص الأولاني 


ومش بعيد يعملوا انقلاب ويسيطروا على البلد


هههههه


والنظرية التقليدية في عالم التخطيط العسكري والاستراتيجي اللي بتقول ان نصف


 قوتك تكمن في فهمك لخصمك (مع فارق التشبيه طبعا) ، هتكون انهارت تماما 




الصين غزت بلادنا بكل بضائعها .. واحنا قلدناها في كل حاجة


عشان كدا وارد جدا ده يحصل 


D:


يارجااااااااااااال مصر اتحدوا وتماسكوا وفكروا في فك الشفرة قبل اللغة 


ماتطلع للنور


تقبلوا تحية


قلم رصاص باسنان روترينج

37 تعليقات القراء:

IBN BAHYA يقول...

أطيب وأرق تحياتي
كل سنه وأنت بخير
وطيب

اللى موش عارف يتغير يقول...

نوشو !!!
صلى عالنبى ياعم الحج
قال نوشو قال
.

ذات النطاقين يقول...

موضوع لطيف .. و معلومة صراحة اول مرة اعرفها
ربنا يستر وما تدخلش مصر
دي تبقي مصيبة بجد

:))))

شكرا علي التدوينة الظريفة دي

آيوشة يقول...

يااااااه اغيب فترة تتطور كده وتبقى قلم رصاص باسنان كمان صحيح الدنيا مش بتفضل على حالها :)
وبعدين انتم خايفين ليه كده الست المصرية تختلف عن الاخرون مش محتاجة تتعلم لغة النوشو ولا اى حاجة
مهى بتكلم كتير فى حد بيسمع ولا بيفهم
بطلوا ظلم لست بقى :(

ستيته حسب الله الحمش يقول...

يا عزيزي القلم الرصاص
بدل ما يجتهدوا ويتحدوا علشان يفكوا الشفرة
وكان غيرهم من الأقدمين اشطر كتير
طيب ما يتحدوا يحتووا المرأة أسهل فهي بالتبعية لا تجد مبرر لتأليف لغة خاصة بيها
ولا للإنضمام لجمعيات حروق النسوان
ولا للبعد الفكري والجسدي عن شقيقها الرجل
ولا إيه؟

مسدس صغير يقول...

ايه النوشو اللى انت كاتبه ده؟؟
مش تفهمنا اول النوشو ده ازاى يعنى
هههههههههههه
ثم انت عمال تضحك لنفسك كده
طب انا مش هضحك بقى
هههههههههههههه
تصدق حاجة تضحك
النسوان دى محدش بى قادر عليهم
نوشو ووشو
ولسه
ربنا يستر علينا
انا رجعت يا بشر
هههههه
سلام بقى يا انوشو
تمام اوى البوست ده وفكرته حلوة
فين بقى ست أبوها؟؟

خواطر شابة يقول...

ياعيني على الرجالة اذا كام النساء عاملين فيكم ده من غير لغة مشفرة يبقى حالكم ازاي معاها
بصراحة ربنا يكون في العون

حلم بيعافر يقول...

مينفعش يامعلم ياخدووا النص التانى او يحكموا
واسال فى كده براكسا
سلاااااااااااااااااام

donya يقول...

مساء الخير
تفتكر ان المراه المصريه محتاجه لغة شفره
لا
يافندم احنا محتلين ومتمكنين ومسيطرين وكله ميت فل وعشره
وكله تمام التمام
وفي السليم

والا اقول لك ممكن نفكر نعمل حاجه كده واهو زيادة الخير خيرين


تحياتي

أبو العريف يقول...

ازيك يا احلي قلم رصاص

واحلي سنان روترينج

بس عايز اعرف انت نص مللي

ولا 7 من عشره ولا ايه



انا شايف انهم مش محتاجين لغة النوشو دي عشان مانفهمهمش


احنا طبيعي مش عارفين نفهمهم وهما بيتطلموا عربي

تسلم ايدك يا سيد المعلمين

أحمد عاطف يقول...

طب نفك الشفرة قبل ما اللغة تطلع ازاي

طيب ما احنا نطلع لغة احنا نتكلم بيها بعيدا عن النساء

وخليهم هما بقى يحاولوا يفكوا الشفرة

بس انا خايف راجل ينخ في لحظة صفا ويحكي الشفرة كلها

سجود يقول...

ههههههههههههههههههههه
وانا ع فكره بحب الوطن برده بس اتمني انه يصلح اخطاؤه
انا هنا ثواني اقرا الموضوع واجي
وشكرا ع الكومنت بتاع حضرتك بجد ضحكني

سجود يقول...

ههههههههههههههههه
مش تخاف دا احنا غلااااااااااااااابه

رئيس منظمة الهكر يقول...

اية ياعم الحج انتا غايب عن الساحة لية منتظرك وعايز اشوف جديدك

well يقول...

جئت لانضم اليكم حتى نفك الشفرة
الشفرة موجودة بالفعل
تحياتى

قلم رصاص يقول...

IBN BAHYA

وانت طيب ابن بهيه

نورت المدونة

في امان الله

قلم رصاص يقول...

اللي موش عارف يتغير

هههههههههههههههه

حبيبي .. عليه الصلاة والسلام

تنكر اللي بقوله ياد

في امان الله

قلم رصاص يقول...


دكتورة ستيته

والله يادكتورة انا اتفق مع حضرتك في الرأي ده .. بس قوليلهم انا مالي

اقصد باقي الرجالة .. انا عن نفسي

مستعد افهم المرأة جدا .. بس كله

الا ترويق المطبخ .. دا كتير مقدرش

هههههههههههههههههه

منوراني دايما

في امان الله

قلم رصاص يقول...


مسدس صغييييييييير

ههههههههههههههههه حبيب هارتي

اخيرا جيت .. نورت العزبة ياولد العم

وايه رأيك في النوشو .. انا عارف انك

تموت وتتكلم نوشو .. محدش فاهمك غيري

مانا اللي مربيك ياد .. تنكر

هههههههههههههههههه

واطمن كله تمام .. اهم حاجة ست ابوها

ايه أخبارها ؟ ياترى حلوة

هههههههههههههه

في امان الله ياصاحبي


قلم رصاص يقول...

حلم لسه مستسلمش

روح كمل نوم يامحمد

انت راجل طيب ومتعرفش حاجة

قال براكسا قال

ههههههههههههههههههههه

منورني يابن خالتي

قلم رصاص يقول...


أبو العريف

سبعه من عشره طبعا ياباشا

هههههههههههههههههههه

وبخصوص النوشو .. هنشوف الموضوع ده

اديني خلاص بدأت مع كام جروب لينا على

مستعمرة القمر في وضع تصور مبدأي لفك

طلاسم شفرة البتاعه دي

هههههههههههههههههه

منورني جدا يا ابو العراريف

في امان الله

قلم رصاص يقول...


احمد عاطف

عادي جدا يا استاذ احمد .. وارد جدا

نفك الشفرة قبل اللغة ماتطلع وده يبقى

معجزة وجديدة من نوعها .. ظبط انت

بس المووضوع وتوكل على الله وهتبقى ميه

ميه هههههههههههههه

بس الهاجس بتاعك ده ان ممكن واحد يقر

بالشفرة بتاعة لغتنا في ساعة صفا انا

مصدقك جدا .. خصوصا لو الواحدة دي

حلوة ههههههههههه يغور الراجل

منورني في زيارتك الاولى

في امان الله


قلم رصاص يقول...


رئيس منظمة الهكر

هههههههههههههههه

موجود والله يا احمد باشا بس انت مش واخد بالك بس

عموما هاكلمك على الميل متقلقش

نورتني هنا بجد جدااااااا

في امان الله

قلم رصاص يقول...



well

اثبت يابطل .. متشكفش نفسك

انت كده هتعرض المهمة للفشل

اختفي لحد مانرتب الامور ونطلع بالشفره

هههههههههههههههههه

نورتني

في امان الله

spiderman ( المدونه الإسلاميه ) يقول...

ههههههههههههههههههه
ربنا يستر علينا
هههههههههههههههههههه

mohamed ghalia يقول...

معاك ياريس يلا نتحد ونلحق
هههههههههههههه

Beram ElMasry يقول...

العزيز الغالي مدونة قلم رصاص
ودمت وأهلك في سرور وأمن يسعدني دائما تعليقك وأنك جعلتني من بين الأصدقاء فلك كل الحب والسلام ولا سلام مع بني إسرائيل قتلة الأطفال والأنبياء .

شاب فقرى يقول...

هههههههههههههههههههههههههههههه


والله موضوع حلو وتستاهل عليه علبة سنون كمان :d


انته بتبحث فى النوشو ليه

شكلك بتفكر فى اعلان الزوجة الصينيه

هههههههههههه


بس هوا ممكن نساء مصر فعلا يعملوا كدا

هتبقى هيصة :D

ويطلع معاهد مختصة لتدريس النوشو

وتلاقى معلمات متخصصات

والمحاضرات تبقى فى الخفاء

وتبقى ماشى فى الشارع كدا وتلاقى اعلان

(( معهد الست ذكية القنبلة الذرية لتعليم النوشو ))

ههههههههههههههههههههههههههههههههههه

صباح الفل يا عمونا

اخوك الفقرى مر من هنا

شاب فقرى

شاب فقرى يقول...

عزيزى قلم رصاص


صحيح انا واقف جمبك :)


ومش هسيبك حتى لو فات اتوبيسات بنات فاتت :D

مهما حدث كلنا صامدون


ثوانى فى واحدة بتتصل :p

ههههههههههههههههههههههههه


تحياتى يا اخونا الفاضل

الفقرى الكبير

مصري جدا يقول...

لو دا حصل

هتنقرض كل اللغات ولن تبقا الا لغة النوشو

ما تعرفش بيلخدوا كورسات النوشو فين؟

اهو نفهم الاعداء بيفكروا في اية

من باب الاستنحياط يعني

وان كان ما فيش فايدة اخرتنا سكينة تلمة وشوية اكياس

قلم رصاص يقول...

المدونة الاسلامية

ياااااارب يستر

ههههههههههههههههه

نورت اخي الكريم

في امان الله

قلم رصاص يقول...

محمد غاليه

ما انا عامل حسابي عليك يامحمد

انت هتكون في وش المدفع ياحبيب هارتي

هههههههههههههههه

في امان الله

قلم رصاص يقول...

استاذ بيرم المصري

كل سنة وحضرتك طيب .. وكل الأسرة بخير

وطبعا ياأستاذنا يزيدني شرف كل الشرف اعتبارك من الأصدقاء ..

وعاوزك بس تشيل الصهاينه من دماغك شوية .. اعصاااابك عندنا اهم منهم مليون مرة

دمت في امان الله

قلم رصاص يقول...

شاب فقري

ابو الكرارييييييييم حبيب هارتي

انت فين يابني وسايبني لوحدي

ههههههههههههههههههههه

وفعلا الموضوع خطير وبيخططوا لده من وراك
.. تصووووووووور ههههه

وهو انت مشوفتش المعاهد دي قبل كده
"معهد الست ذكية القنبلة الذرية لتعليم النوشو"

مش بقولك انت هتضايعنا .. طب رد الاول شوف مين وتعالى نكمل ..

ال وانا اللي عامل حسابي اضحي بيك من اجل انقاذ المجتمع الذكوري ااااااااال

اتاريك هتسلم النمر من اول رنه نسويه

هههههههههههههههههههههه

منورني يافقري

في امان الله

قلم رصاص يقول...


مصري جدا

متوصلش لدرجة العداوة يا أستاذ هانئ

متقلبهومش علينا .. وافرض ان المدام عندك عرفت .. دا يبقى خطر على حياتك

ههههههههههههههههههه

نورتني

في امان الله

أميرة أبوالعز يقول...

تقريبا أول مرة ادخل مدونتك وعجبنى الموضوع صحيح قديم بس عاوزه اطمنك فعلا لينا لغه خاصه احنا نعرفها بس لكن ستات الصين اصل الست بتبنى وطن شوف هم غزو العالم لكن احنا هندفن معانا ايه طريقة عمل المحشى يعنى

قلم رصاص يقول...

أميرة أبوالعز


مرورك على مدونتي وتعليقك في حد ذاته شرف كبير ليّ والله :)

Twitter Delicious Facebook Digg Stumbleupon Favorites More

 
Free Web Hosting