أحداث 24 ساعة

تبعات وصول شفيق للرئاسة!






وصول أحمد شفيق للرئاسة يؤدي في تصوري إلى:


أولا- إندلاع الموجة الثانية للثورة والتي ستكون أشد فتكا وأكثر دموية بكل من يعترض طريقها, خاصة العسكر. والعسكر يدركون جيدا هذه النقطة, لذلك أتصور أنهم سيمنعون وصول شفيق للرئاسة حفاظا على أنفسهم  قبل أي شيئ وعدم دخول البلد في نفق مظلم.


قد يقول البعض, ولماذا سمحوا له باللحاق بالسباق ان كانوا يرون في تقدمه خطر عليهم من الكتل الثائرة؟ أقول أن شفيق جزء كبير من لعبة الحرب النفسية, تم إستخدامه الان بشكل متصاعد_رغم ملفات الفساد الكثيرة ضده وقانون العزل السياسي- وذلك بعد خروج عمر سليمان الذي أجاد الدور بشكل قوي. والهدف هو الإبقاء على قدر كبير من الشد والجذب والسخونة في المشهد السياسي, لعله يحدث ما قد يكون غير متوقعا ويأتي في صالح مطالبات الكثيرين في ضرورة بقاء العسكر في السلطة. الأمر كله  إذن جزء من لعبة الحرب النفسية.


ثانيا- أو قد يدفع العسكر بإتجاه تصعيد شفيق لكرسي الرئاسة_ رغم علمهم بإمكانية إندلاع الموجة الثانية للثورة_ وذلك بهدف جس النبض, بحيث إذا ظهرت بوادر الثورة على شفيق, يُسرع العسكر فورا بإزاحتة من السلطة, والهدف الخفي والأهم هو هز المركز القانوني والفعلي ﻷي رئيس قادم, حتى لو أتى أحد شباب الثورة لسدة الحكم, وذلك لإستمرار تقوية القبضة الحديدية لفكرة الحكم العسكري في وجدان الأغلبية الكاسحة من المصريين.

ونؤكد على حقيقة يجب أن ندركها جميعا, أن خلافنا مع الإخوان المسلمين هو خلافا سياسيا.. مهما كان شكله وأبعاده والمساحة المختلف عليها, أما خلافنا مع النظام السابق أو العسكر ومن يمثلهم في مصر بعد الثورة هو خلاف وجودي. فنحن الآن أمام خيارين, إما الإستسلام لاستمرار حكم الدولة الأمنية بكل ممارسات القمع والمصادرة والفساد التي خنقت المصريين على إختلاف إنتمائاتهم لما يزيد على ستين عاما, أو جمهورية جديدة حتى تحت سيطرة مؤقته لفصيل يسعى للإستحواذ كالإخوان. أظن أن الخلاف السياسي مع الإخوان يمكن التغلب عليه بالعمل على الأرض ووسط الشارع والناس كما فعلوا هم طيلة العقود الماضية.. ويمكن أن ننجح ويكون أمام الشعب المصري حينها خياراته المتنوعة.. يميل لمن يشاء منهم, لكن وثوب أحد ممثلي  النظام إلى كرسي الرئاسة يعني بكل بساطة إستمرار الدولة العميقة ومؤسسة الفساد الذي يضرب في كل جنبات مصر.  علينا أن نأخذ خطوات تكتيكية ﻹستعادة زمام الأمور ووضع الثورة على طريقها الصحيح لتحقيق الأهداف الإستراتيجية التي قامت من أجلها تلك الثورة. والله من وراء القصد


7 تعليقات القراء:

Humman being يقول...

وضع الثورة فى مسارها الصحيح ليس بانتخاب "محمد مرسى" لأن محمد مرسى ما هو الا طرطور واللى هيحكم بلدك هو المرشد وقيادات الجماعة اللى هتقسم المناصب على بعضها وتحول البلد لخلافة ...

"شفيق مش راجل جاهل لدرجة انه يخسر تاريخه ومكانته عشان "ماضى" وانتهى أعتقد يعنى انه هيحاول بكل الطرق انه يكون رئيس قائد ناجح لأن دماغه مش وحشة
أنا على فكرة انتخبت "حمدين صباحى وبدعى ربنا يوفقنا فى الطعون ومش من أنصار "شفيق" بس فى نفس الوقت منضيعش البلد للدرجة دى وبلاش نحط النظام السابق كله فى سلة واحدة خلينا ننقذ البلد مش ندفنها
أنا هنتخب شفيق لو طعون صباحى فشلت

قلم رصاص يقول...

Shaimaa

اهلا بحضرت اولا

احب اقول اننا مش امام مرشح الاخوان ومرشح ثوري عشان يكون عندنا رفاهية الاختيار. احنا ادام مرشح للاخوان اللي كلنا مختلفين معاهم سياسيا في مواجهة مرشح دولة مبارك, دولة الفساد والاستبداد, فارس موقعة الجمل اللي راح فيها زهرة شباب مصر, اللي هرب فلوس البلد وفرم وثائق امن الدولة.. واكيد حضرتك تعرفي الكلام دا كويس اوي!!!

بلاش كرهنا للاخوان يعمينا عن حقيقة الصراع الحقيقي, الاخوان ايوا ليهم اطماع وليهم اخطاء, لكن في النهاية الخلاف معاهم سياسي, لكن مع ممثلي النظام السابق الخلاف وجودي بكل ماتحمل الكلمة من معنى.

ولو اتكلمنا سياسة, انا باحب حمدين صباحي بدون شك, لكن لو اتكلمنا سياسة واللي بنكره الاخوان بسببها, ايه تفسير حضرتك بقى لما حمدين اتحالف هو وحزب الكرامة مع الاخوان في الانتخابات البرلمانية؟!!! الكلام دا بعد الثورة, لو قبل الثورة كنت ممكن افهمه واقدره واعذره ﻷن النظام السابق الفاشل كان مضيق على كل القوى السياسية, انما ايه تفسيره بعد الثورة؟!!! ودا كله ينحصر في دايرة السياسة.


انما بقى عند الحديث وشفيق طرفا فيه فاسمحي لي ان اقول اننا عاطفيين زيادة عن اللزوم وفي نفس الوقت معندناش احساس باللحظة, عارف انه تناقض,, ايوا احنا متناقضين مع انفسنا, حضرتك مع الثورة وفي نفس الوقت كرها في الاخوان عاوزه شفيق اللي قال دي مش ثورة واللي قال للأسف الثورة نجحت, شفيق اللي هايعيد دولة مبارك ويلا السلام على مصر بكل التضحيات اللي قدمتها من دم اعز ابنائها.

علاء الاسواني واحد ممن أيدوا صباحي ويختلف مع الاخوان على طول الخط, امبارح كتب على تويتر انه لازم ننسى خلافاتنا السياسية فورا مع الاخوان لادارة الصراع منعا لوصول تلميذ مبارك للسلطة, واللي وقتها كلنا هانخسر.
خلافك مع الاخوان يمكن تجاوزه بالعمل على الارض وتقديم نفسك بديل قوي ليهم والشعب ليه حرية الاختيار, من جد وجد ومن زرع سيحصد ولو بعد حين. والاخوان في النهاية مجرد فصيل سياسي, الشعب اختارهم النهاردة بكره ممكن ميختارهمش.. إنما شفيق سيعيد انتاج دولة مبارك من تاني لتكون دولة داخل الدولة.


لو حضرتك زعلانه مع اخوكي مثلا وشب حريق في المنزل, هل لمجرد خلافك معاه ستتركي البيت يشتعل؟!!!

انا مش عارف اقول ايه ولا ابرر لنفسي ازاي حد بيؤمن بالثورة وفي نفس الوقت عنده استعداد يأيد شفيق!!! ازااااااااي والله ما انا عارف!!!!

شكرا لمرورك واتمنى مراجعة الموقف بضمير مستريح

نيللي علي يقول...

في النهاية شفشق أفندي هو اللي سوف يمسك البلد ليكون مثل عرائس الميريونت في ايدي العكسر لأن العسكر لايمكن يولوا الأخوان..لعبة حقيرة لتكملة مص دماء المصريين.

Humman being يقول...

لو حضرتك زعلانه مع اخوكي مثلا وشب حريق في المنزل, هل لمجرد خلافك معاه ستتركي البيت يشتعل؟"

على فكرة الجملة دى كان قالها شفيق بعد ما مسك رئيس وزارة لما قال لو أبوك زعلك تطرده؟!!!! بلاش مبدأ أخوك وأخوكى ده احنا بنتكلم على بلد تقود دول أخرى مش "كفر"

لا تزايد على وطنية أحد كل منا يحب وطنه أكتر من اللازم وبطريقته

انت بتناقض نفسك .. الاخوان ليهم أطماع ... بس الخلاف معاهم خلاف سياسى
حضرتك نسيت انهم منزلوش الثورة غير ثالث يوم بعد ما انتظروا يعرفوا اتجاه البوصلة هيودى فين
حضرتك نسيت انهم أول من قعد مع عمر سليمان على تربيزة مفاوضات أيام الثورة واتفاقيات ومراهنات وتربيطات
حضرتك نسيت ان فى كل االأحداث اللى حصلت بعد الثورة من أحداث "العبساية" وامبابة وماسبيرو وغيره وغيره مكنش فى وجود اطلاقا لللاخوان بل بالعكس كانوا بيقولو على الشباب المعتصمين "بلطجية"
حضرتك نسيت ان فى عز ما كان كل الحركات الثورية معتصمة فى ميدان التحرير كان الاخوان مشغلين أغانى وطنية ونازلين يوزعوا تى شيرتات محمد مرسى وخريت الشاطر
حضرتك نسيت اللجنة التأسيسية للدستور اللى برده عملوها على مزاجهم .... دستور بلد هيقعد 100 سنة قدام اللى يحطه جماعة واحدة ... لأ وأحد أعضائها صبحى صالح المتخلف عقليا
حضرتك نسيت ان معندهمش ريحة المبادىء ولا تاخد منهم كلمة راجل قالوا مش هيرشحو رئيس ورشحوا واحد وحطوله استبن كمان ولا همهم نقد وتوبيخ الناس
حضرتك نسيت مجلس الشعب وفضايحه والخيبة الكبيرة اللى عملينها وتكويشهم على كل اللجان

مرسى ده كان وظيفته ايه قبل ما يكون رئيس؟!!!!! على الأقل الزفت شفيق هيقعد 4 سنسن ده لو سبناه يقعهدهم وهيغور انما دول بيتعاملوا مع البلد على انها تكية - واحد اخوانى امبارح بيقولى هنمسك البلد عشان نرجع الشريعة ونطبق الدين ... ده على أساس اننا كفرة ملحدين وهما بس المؤمنين بالله

الاتنين أزفت من بعض سواء شفيق أو مرسى واللى احنا فيه دلوقتى بموافقة وترتيب ومباركة المجلس العسكرى اللى مش بيفكر غير فى الخروج الآمن
لو مديتش صوتى لشفيق أبسط حاجة هنزل أبطل صوتى
لا تزايد على وطنية أو حب حد لبلده أو للثورة ده اللى جابنا ورا

قلم رصاص يقول...

Shaimaa

والله لم ازايد لا جه في بالي الكلام دا اصلا, دا لو كان بدا لحضرتك مزايدة من مجرد المثال اللي ضربته, واللي بالمناسبة انا استعرته من كلام الدكتور علاء الاسواني واللي اكيد موقفه معروف من الاخوان.

طيب عموما كلامك كله في الاخوان انا مقدرش انكره لانه حقيقي, وانا اعرفه كويس, لكن لي وجهة نظر باطرحها تتفقي معاها او تختلفي لك مطلق الحرية, ولتاني مرة لم ازايد ولم تأتني الفكرة ابدا لا لحضرتك ولا ﻷي مخلوق قبل كدا ويمكنك مراجعة المدونة كويس. وكلام حضرتك هو اللي بيحمل اتهام لي بكدا وربنا يسامحك

Beram ElMasry يقول...

حبيبي قم رصاص حي
كل عام وانت بخير وصحه وسعاده وتقبل الله صيامكم وقيامكم
ولكم مني كل محبه وود
تحيه وسلام ولاسلام مع بني اسرائيل

شرح جوجل ادسنس يقول...

شكرا جدا على المددونة الرائعة

Twitter Delicious Facebook Digg Stumbleupon Favorites More

 
Free Web Hosting