أحداث 24 ساعة

تعالوا نفكر لتغيير بلدنا+تحديث




      وانا على الفيس بوك ، جت في بالي كام فكرة اتمنيت يتعمل حسابها عند وضع الدستور الجديد لمصر وكتبتها هناك ، فاقترح عليً الأخ العزيز والمدون الجميل محمد غالية صاحب مدونة هل تبحث عن السعاده؟ أن نجمع أفكارنا كلنا ونرسلها الى المسئولين..كنوع من المشاركة المجتمعية من شباب مصر في صياغة افكار جديدة تناسب الدولة المصرية بعد ثورة 25 يناير.

     وسأبدأ بنفسي وأدعو كل المدونين والشباب أن يقولوا أرائهم ويطرحوا أفكار يرون انه يجب الأخذ بها او مراعاتها كمبادئ في الدستور الجديد ان شاء الله.

أهم المبادئ التي يجب وضعها في الحسبان عند وضع الدستور الجديد من وجهة نظري كالأتي :


1-إلغاء أي كوتة وعلى رأسها نسبة 50%عمال وفلاحين.
2-أتمنى يكون نظام الحكم برلماني وليس رئاسي ، حتى نضمن أن تكون السيادة دائما للشعب.
3- التأكيد على ممارسة الحريات بدون تمييز.. وحرية تكوين الأحزاب بسهولة وسرعة ،  مع وضع في الاعتبار حظر انشائها على أساس ديني ..مصر مش بتاعة حد دون الأخر.
4-أهم مبدأ وهو الفصل بين السلطات ..يعني مينفعش يجيلي وزير يرشح نفسه للبرلمان..عصر الاستهبال انتهى.
5-لما افتكر حاجة تانيه هقولها ....^^

___________
تحديث:


نقطة نظاااااااام :

أظن لحد دلوقتي الشعب الثائر حقق المعجزة واطاح بالنظام والبلد عدت من كوارث أكتر من مره أثناء الثورة..ندي فرصة بقى للقوات المسلحه تلم الأوضاع وتسيطر عليها خصوصا بعد حل البرلمان وتجميد العمل بالدستور وغيرها من اللي كنا بنحلم بيه..مش أي واحد ليه طلب شخصي أو واحد عامل منُظر(شدة) يعمل فيها بطل ويستمر في طلبات سخيفه..البلد مش ناقصه ..إدوا الناس فرصه تشتغل ، وبعدين نتحاسب..O_O

وأتمنى من كل قلبي يرجع الأستاذ والإعلامي القدير حمدي قنديل للظهور على شاشة التليفزيون المصري الرسمي (بعد ما انطرد منه ) أو القنوات المصرية الخاصة لإستكمال مسيرته الإعلامية التنويرية الراقيه اللي بكل تأكيد لمصلحة البلاد والعباد ..ودا ماخبرناه منه دايما.


20 تعليقات القراء:

واحد من الناس يقول...

مصر مسلمة وستظل كذلك

فارس عبدالفتاح يقول...

الف مبروك يا زعيم

كلمات من نور يقول...

تحية إلى ارواح الشهداء التي تحلق في سمائنا فرحة فخورة بنا

تحية إلى كل أهالي الشهداء الذين ارتفع صوتهم مزغردين فرحين بنصر مصر ولو بالتضحية بهم

تحية إلى مصررررررررررررر

ثورة الغضب يقول...

احنا ممكن نبعت افكارنا لصفحه كلنا خالد سعيد هما بيجمعوا كل المقترحات والافكار عشان الناس كلها تقول مطالبها و يبقى بأغلبيه الاراء

sony2000 يقول...

علي فكره الحمد لله الافكار بتتبور وكلنا هنقدر بأذن الله نعمل حاجات كتير
الموضوع التاني
اممممم
والله مافكره
استني هاخرج اشوفوا واجي

sony2000 يقول...

اااه
بالنوسبه لقنديل
هوا قال انو عاوذ يستريح
دا شيء يرجع ليه
بس خلاص

قلم رصاص يقول...

واحد من الناس

ان شاء الله الى ان يرث الله الأرض ومن عليها

قلم رصاص يقول...

فراس عبدالفتاح

الله يبارك فيك ياأستاذنا
مبروك علينا جميعا
هاقد حانت لحظات استنشاق رحيق الحرية على ارض الكنانه

منورني

قلم رصاص يقول...

ثورة الغضب

شكرا اخي الكريم على التنويه وانا فعلا عارف الحكاية دي وشكرا ليك مره تانيه

منورني

قلم رصاص يقول...

سوني2000

ان شاء الله
ماهي مصر عمرانه بشباب زي الورد
زي مافجر الثورة هيقدر يبني البلد بأفكاره الفتيه

واتمنى ان يرجع الاستاذ حمدي قنديل عن هذه الرغبه ..بجد نفسنا نستمتع بإعلامه الراقي والبناء زي زمان

منوره

^^

قلم رصاص يقول...

كلمات من نور

رحم الله شهداء الثورة وأعز مصر والمصريين

معلهش اسف على الترتيب لأني اتلخبطت

منوره حضرتك دايما

وتحيا مصر والمصريين

^^

مدونة رحلة حياه يقول...

السلام عليكم
بارك الله فيك اخى واعزك
صحيح عايزين اهتمام بالدستور بس عاوزينندى العيش لخبارزه ونبدأ نبنى احنا فى بلدنا كل واحد فى مكانه
عايزين نشجع صناعة بلدنا
عاوزين نطور تعليم بلادنا
عاوزين نوصل لخدمة صحية فائقة
عاوزين الكل يتميز فى مكانه
وبايدينا هنبنى بلدنا
شكرا لك اخى

غير معرف يقول...

كلام زين والله زين :)

فعلاً الاول لازم نبدأ في الأهم ثم المهم..
بس الناس دي عطشانه بقالها ٣٠ سنه.. و فجاه ارتووا، ما تلومهمش..
التغيير بييجي خطوه خطوه ان شا الله، و مصر هتعلي و هترجع زي قبل و اقوي..

أنا كمان اتغيرت :)
اتحولت من "متشائلة" الي "متفائلة" فجأة، و بدات اكتب في أحلامي زي الناس دول .. و عايزاهم يتحققوا في سرعة البرق!!!

في نقطه مهمه أنا بس عايزه استفسر منها لو سمحت..
و هي الحواجز في شوارع مصر.. لازم الحواجز دي كلها تختفي.. و متقوليش مصر فيها ٨٥ مليون و دول عشان الأمان..
دي اكتر نقطه بتحد من الحريه و الأمان (زي سياسة اسرائيل بالضبط)
و لو عايزين الأمان للشعب بجد، يقدروا يوفروه بطرق ذكيه اكتر من دي..

غلطانه؟؟
قولي مش هزعل والله :)

فلسطينيه.. 

فشكووول يقول...

السلام عليكم
يجب ان تتركز المطالب فى الايام القادمة على تشكيل دستور لدوله برلمانيه وليست ترقيعات دستوريه مازالت تكرس لرئيس الجمهوريه كل السلطات

عالم حبيب يقول...

....


( قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيئ قدير ) ( آل عمران 26 )

عالم حبيب يقول...

الحمد لله نجحت الثورة ,, انتهت المرحلة الأولى وهي إسقاط النظام الفاسد ,, وبدأت المرحلة الأهم وهي مرحلة البناء


يجب أيضاَ وبشدة التخلص من بقايا النظام ,, لأن النظام ليس مبارك فقط ,, كل يوم يظهر جديد ,, والله المستعان

Shaimaa يقول...

أنا موافقة جدا جدا على نقطة ان مصر تبقى دولة برلمانية وياريت يتم تطبيقها

بشكرك جدا على اثارة نقطة "الفوضى" اللى بقينا فيها دلوقتى ... كل اللى عايز حاجة يعمل اعتصام ويوقف مصالح الناس ... واحدة واحدة وكل حاجة هتتعمل

أنا نفسى يتم سن قانون يحد من الفساد ... مش عارفة تحديدا تكون ايه صيغته بس أنا اقترحت عندى ان كل وزارة ومصلحة حكومية يتم عمل رقم تليفون ليها لتلقى شكاوى الفساد ويتعين ناس مهمتها التحقيق الفورى فى الشكاوى دى عشان نقضى أول بأول على الفساد والمحسوبيةوالرشاوى ومنرجعش لعصرالظلمات تانى

Shaimaa يقول...

أه ... نسيت أقولك انك راجل محترم لتنويهك لرجوع الاعلامى الكبير والراجل المحترم ذو الفكر الراقى أ/ حمدى قنديل الى ساحة الاعلام تانى وياريت يبقى وزير الاعلام

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

غير معرف يقول...

اقسمت عليك /ى بالذى رفع السموات الطباق ان لا تتجاهل رسالتى دا فى عنقك حتى يوم المحشر ابعته لغيرك وبسرعة لكن امنتك بالله لاذم تشوفه


http://www.youtube.com/watch?v=r3QqyuaJZ7Y


تانى لينك

http://213.251.145.96/cable/2008/12/08CAIRO2572.html

تالت لينك

http://www.telegraph.co.uk/news/worldnews/africaandindianocean/egypt/8289698/Egypt-protests-secret-US-document-discloses-support-for-protesters.html


رابع لينك


http://www.telegraph.co.uk/news/worldnews/africaandindianocean/egypt/8289686/Egypt-protests-Americas-secret-backing-for-rebel-leaders-behind-uprising.html



5-very impor...خامسة الرجل دا قاعد فى وشنطون امريكا؟؟!!! .


http://www.youtube.com/watch?v=PANW_J18z4Y&feature=related

6 ودا قبل يوم من النزول للشارع

http://www.youtube.com/watch?v=tX-6aN4uHoI&feature=related


وفية اكتر واكتر لكن اللى عاوز يشوف يدور ارجوا الاهتمام والقاء لو نظرة بسيطة

Twitter Delicious Facebook Digg Stumbleupon Favorites More

 
Free Web Hosting