أحداث 24 ساعة

ممتاز القط وأشرس معارضه !



كنت آمل أن يكتفي المطبلاتيه الموالين للنظام الحاكم بالتطبيل والردح السياسي  طيلة فترة عملية اختيار نواب سيد قراره ، ثم يختفوا عن أنظارنا بعد إتمام العمليه بنجاح وكما أرادوها حتى ننعم ببعض من السكينه مع نفوسنا الجريحه بمجرد نسيان وجوههم نوعا ما ويَِعُد الكل أدراجه.لكن يبدو أن المسلسل ستستمر حلقاته على مدار العام .. لأنه بكل بساطه خلت الساحة من كل التيارات إلا منهم على حد مايعتقدون. هذا الأمر بالفعل صحيح مئه بالمئه ، ولكن بالنسبه لمجلس الحزب الوطني فقط..وهذا لايعني أنه لايوجد غيرهم .. حتى وإن كنت أعتقد أن المعارضه خاوية الوفاض وهزيله ومترهله مثلها مثل الحزب الوطني.

النظام الحاكم في اي بلد من العالم ، من حقه ان يدافع عنه مريدوه ومؤيدوه كما أي تيار سياسي آخر في جانب المعارضه..هذا ليس غريب ولاجديد.ولكن الجديد والغريب والمستفز أن يكون المؤيد للنظام يشبه ممتاز القط عندنا في مصر ، بل ومن العار أيضا على التيار الذي يدافع عنه مهما كان ..سواء في سدة الحكم أو خارج أسواره.

استضاف معتز الدمرداش مقدم برنامج 90 دقيقه على قناة المحور هذا المساء ، الكاتب المحترم محمد صلاح مدير مكتب الحياة اللندنيه بالقاهرة وآخرون من بينهم ممتاز القط رئيس تحرير أخبار اليوم المعروف عنه دائما نفاق الحزب والنظام الحاكمين إلى أقصى درجة منفره ومستفزه.هذا أيضا كله ليس بجديد ، ولكن النكته الحقيقيه التي أدخلتني في هاله هستيريه من الضحك ، كما فعل أيضا الأستاذ محمد صلاح ومعتز الدمرداش ، عندما إدعى هذا القط بكل تقل دم وسخافه وبرود أعصاب_رغم أنه كان متنرفز معرفش ليه_ أن المعارضه في مجلس الشعب الجديد ستكون أشرس معارضه على الإطلاااااااااااااق.

وفي شرحه لتوقعاته على الطريقه القِططية الممتاااااااازه ، يرى سعادة البيه أن ذلك سيتحقق على يد المرأة التي دخلت للمجلس بنظام الكوته (الكوسه في القاموس السياسي والقانوني) .. حيث أنها الوحيده والقادره على ان تشعر باحتياجات المنزل من زيت وسكر وعيال عاوزه تشتغل الخ الخ ..حسب مفهومه وتعبيره. لذا ومن هذا المنطلق ، ستكون معارضتها شديده جدا للرجل تحت قبة البرطمان(البرلمان) من أجل تحقيق صالح البلاد وتحسين أحوال العباد.

ولنا لقاء ان شاء الله
تقبلوا تحيتي واعتذاري عن هذا البوست اللي يفور الدم

35 تعليقات القراء:

كلمات من نور يقول...

ارحم نفسك يا قلم رصاص

الفترة الجايه الإستفزاز حيبقى فوق ال200 فولت يا ابني

Unknown يقول...

أنا مش مصري
لكن بالصدفة شفت البرنامج
والله العظيم أني أندهشت من كمية النفاق اللي يملكها هاذا الرجل "ممتاز القط"...ولما قال أن البرلمان فيه أشرس معرضة لوجود الجنس اللطيف فيه ضحكت ضحك ايقض كل النائمين في البيت..

...لك الله يا مصر

خواطر شابة يقول...

وجوهكم أقنعة بالغة المرونة

طلاؤها حصافة، وقعرها رعونة

صفق إبليس لها مندهشا، وباعكم فنونه

".وقال : " إني راحل، ما عاد لي دور هنا، دوري أنا أنتم ستلعبونه

اعتبر هذه الابيات للشاعر احمد مطر اصدق وصف لكل الموالسين للانظمة على حساب الشعوب
دمت بود

تخاريف مترجــِــمة يقول...

لأ الحقيقة صادق يا قط

:)

هي الناس دي بتاكل تلج كتير ؟

،،

حسبنا اللـه ونعم الوكيـل

مدونة رحلة حياه يقول...

السلام عليكم
ياهههههههه شكلكم ظلمتم الراجل
يمكن يكون قصده انها اشرس معارضة على اساس ان السيدات فى الغالب صوتهم مرتفع واحتمال يشدوا شعر بعض وتبقى خناقة
ولا .........
كدا كفايه
السلام عليكم

غير معرف يقول...

ههههههههههههههه

لا اعي للاسف ... الراجل ده كوميدي اصلا :)))

تحياتي

قلم رصاص يقول...

كلمات من نور

باحاول والله
وفعلا مكنتش ناوي اكتب عن الوضع الداخلي في مصر المره دي
لكن للأسف الراجل دا غاظني

لكل قط فار يطلع عينه ههههههه

شكرا لتعليق حضرتك

قلم رصاص يقول...

RIDHA DJAMEL

هههههههههههههههههه
انا عيشت نفس الموقف بردو عندنا في البيت بس الحمدلله كلهم كانوا صاحيين وضحكوا معايا بدل ماكانوا هيتفزعوا من ضحكي على هذا القط

ولك الله فعلا يامصر
اهلا بك اخي الكريم
منور
^^

ستيتة يقول...

هههههههههههههههههههههه
استنى يابني لما اربط التربيعة واعقد راسي قوي علشان استوعب قصة السكر والزيت والصابون بتاعة الكوتة دي
كوتهم وكسة

قلم رصاص يقول...

خواطر شابه

"وقال : " إني راحل، ما عاد لي دور هنا، دوري أنا أنتم ستلعبونه "

الله على هذه الكلمات
رائع جدا الشاعر الفذ احمد مطر
شكرا لك اختي الكريمة على حسن اختيارك
الذي اثرى المحتوى

تقبلي تحيتي
^^

قلم رصاص يقول...

تخاريف مترجمه

دول عباره عن مصانع تلج أساسا

بس لكل قط فار يغلبه ان شاء الله

شكرا لمرورك وتعليقك

^^

قلم رصاص يقول...

مدونة رحلة حياه

عليكم السلام ورحمة الله وبركاته

فعلا وجهة نظر بردو يااخي والله هههههههه
شكلها هتبقى ردح لخمس سنين قدام

خصوصا انه الكارثه بقى
ان فيه واحده من نائبات الكوسه دول طلعت حامل في اربع شهور..الاخبار ماليه الدنيا ..جتنا ستين نيله ههههههه

منورني

^^

قلم رصاص يقول...

فتاه من الصعيد

ايوة هو كوميدي من زمااااااان اوي
بس الراجل قال نكته جديده .. من حقه علينا اننا نضحك له شويه هههههههه

شكرا لتعليقك
^^

قلم رصاص يقول...

الدكتوره ستيته

الموضوع شكله محتاج طن بانجو يادكتور عشان ننسى ههههههههههههههههههههه

اه والله فعلا كوتهم وكسه

عرفتي كمان ان فيه واحده منهن لامؤاخذه حامل في 4 شهور

تخيلي بقى حضرتك لما دي تيجي توضع مثلا ايه اللي هيحصل....؟!
بدل ما اهلها يكونوا معاها في المستشفى ..هتلاقي كل مجلس الشعب منتظر يطمن على صحتها تحت العياده
ههههههههههه

يعني ضاقت بيهم الدنيا ملقوش واحده غاويه سياسه ..عشان يروحوا يجيبوا واحده من وسط عيالها يدخلوها السياسه
منهم لله

بجد احنا منظرنا وحش اوي براااا وجوا بردو

منوراني دايما يادكتور
^^

شــوَيــه كـرَامـه يقول...

عجبي عليك يا وطن فيك القطط تتكلم
وأسود كتير يا وطن شغاله بتسلم
وتزوير إرداه يا وطن معدومه يا معلم
طظ في شعب يا وطن مش عايز يتكلم

إحنا وكل اللي بيلبسوا بدل وقاعدين في التكيف يحلوا مشاكل الوطن من خلف الميكروفونات السبب في ده . إرادتنا مسلوبه غصباً في الظاهر وفي الباطن رضا تاااااام من جوانا . إلي الأن مشوفتش نقاش واحد في التلفزيون أثمر عن نص نتيجه حتي أو أمل في أي شئ . صدقني يا صديقي كله بيطبل بس حجم ونوع الطبله ونوع اللي بيسمع الطبل هو اللي بيختلف . أنا مصمم إن إحنا شبه دوله وشبه شعوب وشبه مظاهرات وكله شبه اللي بنشوفه برا بس . إنما مش حقيقه وأهو كله من باب التقليد للتقليد مش للتغيير .
تحيتي يا صديق .

أنا - الريس يقول...

كل اللي أقدر اقوله بعد اللي حصل .

إيكش تولع علي اللي فيها .

لأن البلد بقت خرمانة

والدنيا مضبحة والناس سكتم بكتم

Rosie يقول...

أوافق..أوافق..و بشدة...قبل ما أعلق عايزة أقول إن فى الآخر افتكرتك هتكتب بدل إلى لقاء لا حول و لا قوة إلا بالله..أو البقاء لله فى شوية البتاع الأحمر ده اللى اسمه دم..
و على طريقة الأغانى ممتاز القط ده بيتزصف..ب..الرااجل ده هيجننى هيجننى..ده حتى اللى بيكتبه فى ملحق النهاردة اجازة بمستحملش اقراه..هو و اسامة سرايا..ساعات أقول عايزة أشوف الناس دى بتفكر ازاى..بس فعلا مبستحملش اكمل مقالة على بعضها..
...
أسلوبك طبعا كان هايل..فى كل الصفات النقد الاذع مع حس الكويديل و من غير ما توه اللى بيقرا..عشان كل الناس بتكتب على الانتخابات..الأيام دى..بس الواحد بقى بيتوه من كتر اللى بيتكتب..معلش على التطويل..

قلم رصاص يقول...

شوية كرامه

"أنا مصمم إن إحنا شبه دوله وشبه شعوب وشبه مظاهرات وكله شبه اللي بنشوفه برا بس . إنما مش حقيقه وأهو كله من باب التقليد للتقليد مش للتغيير ."

بأيدك جدا يامحمد في جزئية التقليد دي جدا..احنا فعلا أمة مقلده للأسف لكل ماهو غربي..والأسف الأكبر اننا مش بنقلدهم الا في الجانب السيئ فقط

ان غدا لناظره قريب

منورني جدا ياريس
^^

قلم رصاص يقول...

مستر بريزيدنت

هههههههههههههههههه
انت يأست ياريس
امال الشعب يعمل ايه بقى

ربنا يوريني فيك يوم يافخري

منورني جدا
^^

قلم رصاص يقول...

Rosie

أولا اهلا بحضرتك
تعليفاتك بجد بترفع من روحي المعنويه
جزاكم الله خيرا ^^

دا انا لو اتكلمت عن بقية قطيع المطبلاتيه مش هنخلص منهم وكلهم يجيبوا الضغط ..اسامه سرايا،محمدعلي ابراهيم،عبدالله كمال،جهاد عوده، ونبيل لوقا بباوي الخ الخ الخ

رغم سواد الصوره الا اني بردو مازلت متفائل بقدوم التغيير لأن دي طبيعة الحياه ولاتستقيم من غيره طبعا
لكن امتى وازاي ..دا بقى مقدرش اجزم بيه حاليا

منوره بمرورك وتعليقك

^^

غير معرف يقول...

ههههههههههههههههههههههههههههههههههههه لاء والانكت بقا لو لو طلع النايب والنايبه متجوزين هيردحوا لبعض على حق وفعلا هيصدق القط وهتبقى اشرس مصارعه قصدى معارضه فى قهوة الشعب
جتهم 200 نيله على 200 وكسه على 44 هم وبكده يكون عدد اعضاء الهم اكتمل

صبرنا ياااااااااااااارب

Lady E يقول...

الحمد لله اني مشوفتش البرنامج

اكتر حاجة ضحكتني موضوع البرطمان ده

حاول متركزش اوي مع الناس دي علشان من راقب الناس اللي زي دي مات هما

قلم رصاص يقول...

غير معرف

امين ياااااااااااارب ونشفي غليلنا بصراحه

شكرا للمرور
^^

قلم رصاص يقول...

Lady E

اه والله بجد حظك كان من السما انك مشوفتيش البرنامج

لكن انا بقى فضولي على الناس دي مش عارف ليه مش بينضب..يمكن عشان اضحك بجد من قلبي على كلامهم اللي اكيد ملوش علاقه بمصر هههههههه

شكرا لمرور وتعليقك
^^

غير معرف يقول...

السلام عليكم و رحمة الله و بركاته أخي الكريم المشرف على المدونة

أن صاحب مدونة الأمل أردت أن أدعيك لزيارة مدونتي و ترك بصمتك فيها و الادلاء على رأيك فيها

تقبل مني فائق الاحترام و التقدير

فاروق سحير ( فاروق بن النيل ) يقول...

أستاذى الفاضل ........
ماذا تنتظر من نظام سرق الشعب ونهب منه حتى رأيه أرجوا أن نتواصل بمدونتى وشكرا لك

فاروق سحير ( فاروق بن النيل ) يقول...

أستاذى الفاضل ........
ماذا تنتظر من نظام سرق الشعب ونهب منه حتى رأيه أرجوا أن نتواصل بمدونتى وشكرا لك

قلم رصاص يقول...

مدونة الأمل

شكرا لك اخي الكريم على زيارتك

وتمت زيارتي لمدونتك الرائعه

اتمنى دوام التواصل

وتحيا الأمه العربيه

^^

قلم رصاص يقول...

فاروق ابن النيل

اهلا بك اخي الكريم
وشكرا لزيارتك
وان شاء الله يدوم التواصل

^^

Lady E يقول...

شوفت اللقطات اللي اتكلمت عنها عاليوتيوب بيتهيألي أبلغ رد ان الضيوف اللي كانوا معاه كانوا بيضحكوا جدا يا ترى فهم هما كانوا بيضحكوا ليه؟ !!!!!!!!

قلم رصاص يقول...

Lady E

عمره ماهيفهم ..هو النوع دا مش بيفهم غير شيئ واحد وميعرفش يمارس غير دور محدد

ممتاز القط ومن على شاكلته تربية اجهزه
وموجهيين .. وبالتالي هم لايعرفون الا القاء الخطب والجدل العقيم..لكن ان يناقشوا الحجه بالحجه وبموضوعيه ..هذا اقرب مايكون الى المستحيل.

شكرا جزيلا ليكي على المتابعه

منوره
^^

Unknown يقول...

طول عمري اسمع تكنة بيخة نكته تضحك لكن حقيقي اول مرة اسمع نكتة تخليني عايز ابكي

فتــافيت (رحاب الخضري) يقول...

هههههههههههههه
مع القط.. الدنيا لسه فيها ضحك

مسخرة بجد.. مش لاقية تعليق
نفاق وتملق.. وزفت على دماغهم كلهم

يلا .. وخلي الكوتة تاخد فرصتها
هههههههه

إنسان || Human يقول...

للأسف ياعزيزي أن هؤلاء هم من يعطون النظام قوة الدفع ليتمادوا
أمثال القط لن ينتهوا ابدا ...كانوا موجودين ومازالو موجودين بمقلاتهم وعلى شاشات التلفزيون
...
تشرفت كثيرا بوجودي وتعليقي

قلم رصاص يقول...

واحد من الناس

فتافيت

Hu man

شكرا جزيلا لمروركم الكريم
ولكِ الله يامصر

كل سنه وانتوا طيبين

^^

Twitter Delicious Facebook Digg Stumbleupon Favorites More

 
Free Web Hosting