أحداث 24 ساعة

نــــــــاس !




في ناس ماتت فيها الأماني
بتغني للماضي وعايشه الأغاني
ع الخيبه التقيله بقول لنفسي
هو اللي راح بيرجع تاني؟!

عجبي !

ـــــــــــــــــــــــــــــــــــــــــــــــــــــ

37 تعليقات القراء:

غير معرف يقول...

اوووووووووووووول تعليق

يلا حلاوة يا ولاد

غير معرف يقول...

وكمان التانى

غير معرف يقول...

ارد بقى كفاية كده

احنا هنهزر ولا ايه

غير معرف يقول...

لا معتقدش بيرجع تانى

اللى راح عمره ما بيرجع ممكن يجى احسن منه او اسؤا منه بس يرجع تانى لا
اللى بيروح بالضبط زى الوقت
دور على غيره واستفيد بالباقى بس متدورش عليها

غير معرف يقول...

اكيد ممكن اللي راح يرجع تاني ... لو اردنا بقوه أن يعود

تحياتي

شاب فقرى يقول...

على راى اوبريت السلطانية اللى كانوا بيجيبوه فى الراديو زمان

البوست دا يختصر فى كلمتين

يا خبيبتى القوية ... السلطانية :D

والحدق يفهم
تحياتى يا قلم

شاب فقرى

Rosie يقول...

المختصر المفيد..
مش عارفة ليه الكلام
مدى شوية على المصريين
...و اللى راح ممكن آه يرجع تانى..لازم يبقى عندنا امل..بس مش هيرجع و احنا قاعدين قى بيتنا حطين ايدنا على خدنا..

ستيتة يقول...

اه بيرجع تاني عادي خالص
عارف مين اللي يعرف يخطط لك ويكون لاعب استراتيجي في تخطيط مستقبل بلد؟
عالم التاريخ
اللي يستقرأ الماضي صح
يعرف يجيب أجوان
بس احنا مش بلد علماء
احنا يا سيدي سي السيد بلد عوالم وزفة وبس

دعاء العطار يقول...

ماهى المصيبه انه مش بيرجع تااانى

عشان كده كل اللى يقدر يعملهولنا الماضى اننا نتعلم من اخطائه

ونحاول نخلى بكره احسسسسسسسسن

حلوه اوى الرباعيه دى

تسلم ايدك

عايش... ولكن !!!! يقول...

اللى فات دايما بيبقى احسن من اللى احنا فيه
لاننا بنفتكر اجمل حاجات فيها
لكن لو رجعنالها هنقول ياريت اكون زى ما انا

كلمات من نور يقول...

فيه ناس تودع الماضي و أخطاؤه ويوم ما تبتدي من جديد بتعيده بنفس الأخطاء و احنا اللي المفروض لا نلدغ من جحر مرتين وعجبي

هي وظروفها يقول...

ابو سيد

من حيث اللي راح ومبيرجعش تاني

حتي لو كان احسن منه ميت مره

لان كل حاجه حصلت كان ليها طعم مختلف غير اي حاجه هتصحل

كفايه ان اللي راح كنا في عمر اقل وكنا اكتر براءه مننا الان

واكيد لقله خبره

او لسوء تصرف

ضيعناه

ومحلتناش غير ذكري ليه ويا سلام لو كانت حلوه بنفتكرها

لما نشوف الاسوء

تحياتي يا ابوالسيد

خواطر شابة يقول...

اناضد البكاء على الاطلال ما فات فات بحلوه ومره نتوقف عنده فقط لنبني عليه ونستفيد منه غير هذا لا

Humman being يقول...

والله ياريت نعيش على "أمــــــل" انه اللى جاى يبقى أحسن "لو بطلنا نحلم هنموت" وممكن اللى جاى أحسن ده يمحى ولو شوية من أى خيبة قديمة

صيدلانيه طالعه نازله يقول...

و الله لو اللى فات مش قد كده بلاش يرجع و يتعبنا معاه
و لو اللى جاى احلى يبقى يا اهلا بيه

البكا على اللى فات نقصان عقل
الكبار قالولنا كده زمان
و كلامهم كله حكم

ليس فقيرا من يحب يقول...

ازيييييييك يا ريسنا

اخبارك اييييه يارب تكون بخير

معذرة على التأخير لظروف غير قهريه

وبعدين ايه الكلمتين اللى فى العضل دول

بصراحه كلامك صح جدا وعايز اللى يعقله

ويفهمه كويس قوى قوى علشان كل واحد يفهم

ان اللى راح عمره ما بيرجع والمفروض

الناس تقوم وتنفض هدومها من كل اللى فات

وتفتح صفحه جديده من الكتاب

كلامك زى الفل يا ريس

تسلم ايديك يارب

Mahmoud Ahmed يقول...

على رايك
هو الى راح هيرجع تاني
استحاله ابدا :(

قلم رصاص يقول...

star in the sky

مبروك اول تعليق

واهلا بيكي

انا فكرتي عن اللي بيروح مبيرجعش تاني مش اللي انتوا فهمتوه

لأ طبعا .. دا وارد جدا اللي راح يرجع تاني عادي جدا

لكن انا اقصد الناس اللي معادش عندها احلام في بكره ولا طموح في المستقبل وعايشين يهللوا بماضيهم اللي ملوش علاقه بالواقع الحالي ....!

نورتي يافندم

ـــــــــ

فتاه من الصعيد

اه طبعا ممكن جدا يرجع تاني

بس زي ما انا قولت انا اقصد الناس اللي عايشه للماضي وبسسسسس

منوره دايما

قلم رصاص يقول...

شاب فقري

هههههههههههههههه
البطيخه !

ايه ياد ياكريم انت شارب حاجة

اوعىىىىىىى تقولي شارب شاي بلبن ههههههه

منور يافقري

ـــــــ

Rosie

فعلا انتي قربتي للي انا اقصده
الكلام ينطبق على حال المصريين دلوقتي والعرب بشكل عاااااااااام
اللي عمالين يتغنوا بالماضي
وامجاد ياعرب امجاااااااااد

بس برضه الكلام يمشي مع كل حاجة في حياتنا

منوره

قلم رصاص يقول...

ستيته

تمام حضرتك يادكتور
وانا كلامي مكانش في المطلق كده
انا كنت باقصد بالتحديد الناس اللي نايمه في سبات عميق
وقاعده بس تتغنى بماضيها العتيق
ومبيعملوش اىىىىى حاجة في الحاضر وبالتالي المستقبل

تمام يادكتور زي مثلا واحد وارث ثروه كبيره عن عيلته .. وقاعد يصرف فيها ويبعتر شمال ويمين بدوووووووون ماينمي الثروه دي بأي شكل

هو الكلام يدي على حاجات كتير

منوره دايما يادكتور
ودايما بتجيبي اجوان حلووة اوي

في امان الله

ــــــــــ

دعاء العطار

هو في المطلق بيرجع تاني
في حالات معينه ويمكن كتيره

بس يا أستاذه دعاء انا أقصد زي ماقولت في تعليقات سابقه ، الناس العويله اللي عمر مايدعون من امجاد عمرها ما هترجع تاني طوووووووول ماهما نايمين !

وسعيد ان الرباعيه نالت اعجابكم

في امان الله

قلم رصاص يقول...

عايش... ولكن !!!!

غالبا ياخي كلامك دا صح
بس والله مش عارف ليه انا بحس انه فيه حاجات حلوة في اللي جي هتكون حلوة برضه

اظن المسألة نسبيه
وبتتوقف على مجهود الانسان في الحياه

ـــــــــ

كلمات من نور

الشاطر فعلا اللي يتعلم من اخطاء ماضيه

ايه النور دا كله

قلم رصاص يقول...

هي وظروفها

منور وليد بيه الدوغري

طبعا كل مرحله في حياتنا ليها مميزاتها وليها عيوبها .. ليها جمالها وليها مساؤها .. هي دي الحياه !

وانا زي ما قولت مرارا وتكرارا في التعليقات اني باقصد من اللي راح ومبيرجعش تاني ، انا باقصده للناس النايمة على ودانها وعايشه للماضي وبسسس

منور بشدة

ــــــــــــ
خواطر شابه

أقطع دراعي ان كنت فاهم حاجة
ههههههههههههههههه

بجد دايما بتدعمي ردودك بكام كلمة بليغه فظيييييييعه

ربنا يبارك فيكي يارب

منوره

قلم رصاص يقول...

shaimaa

ردك يعتبر هو الحكمه المفهومه او المقصوده من كلامي في البوست !

طالما انا بانتقد اللي بيغنوا بماضيهم وهما نايمين ، يبقى اكييييييييد انا اقصد اننا يجب علينا ننظر لبكره ويكون عندنا امل كبير فيه !

نورتي حضرتك

ـــــــــ

صيدلانيه طالعه نازله

ويامرحبا باللي جاي

منوره يادكتوره

قلم رصاص يقول...

ليس فقيرا من يحب

اهلا بيكي ياأستاذه رانيا

وانا الحمدلله بخير

ومشكوره جدا على التشجيع والكلام الطيب دا !

البني ادم الصح اللي يتعلم من اللي فات عشان اللي جي يكون افضل

منوره دايما

ـــــــــ

سبايدرمان

اهلا بيك ياباشا
والله زي ما انا قولت هو في المطلق ممكن اللي راح يرجع تاني عادي اوي

بس قصدي اني متغاظ من الناس اللي عايشه للماضي وخلاص وشايفه ان دا دورها في الحياه.

مع انه غلط .. لااااااااازم يبقى عندنا امل في المستقبل .. امال احنا عايشين ليه بقىىىىىىىىىىىىىى !

منورني دايما

في امان الله

الشعب لابد له من حكومه تشكمه يقول...

وعايزنا نرجع زى زمان قول للزمان ارجع يازمان...

كمان رباعيات؟؟
بترسم وخواطر وكاريكاتير وكمان رباعيات,,
ايه الناس دى؟؟سيبلنا حاجه

قلم رصاص يقول...

الشعب لابد له من حكومه تشكمه

مواهب بقى اعمل ايه
خلقة ربنا
احقدي براحتك
انا محصن كويس

منوره دايما

في امان الله

محمد فؤاد (صاحب عمود النور) يقول...

ترجع تانى؟؟

واللهى هى لسه الامانى ممكنه والواحد لازم يعيش على امل ...انا عن نفسى مستنى حاجه تخلينى يرجعلى الامل من تانى هى ايه بقى الله واعلم
متاهه

اللى موش عارف يتغير يقول...

فاكر برنامج امانى واغانى
هههههههههههه
طبعا اللى راح يرجع تانى
انا مؤمن بكده
لا حياة بلا امل

Soul.o0o.Whisper يقول...

ممممممممم

هى فعلا تبقى خيبة لو فضل يندب حظه كدا


الحياة ماخلصتش
و طول مانت لسه فيها
دا معناه ان
( Please Try Again)

أو
( Play Again)

لكن الشاطر هو اللى يفهم كدا :)


دمت بخير

قلم رصاص يقول...

عمود نور

انا مقصدتش ان الاماني مش ممكنه .....!
بالعكس دا انا من اكتر الناس تفاؤلا ونظره للمستقبل !

بس انا قصدي على الناس اللي عايشه للماضي وبس .. ومش بتتحرك من مكانها ولابتبص لبكره !

منورني يامحمد

في امان الله

ـــــــــ

اللي موش ناوي يتغير

طبعا فاكره ، وفاكر كمان برنامج تاكسي السهره ههههههههههههه

ويابني افهم ، هو انا قولت اني ضد الأمل في الحياه .. بالعكس .. انا زي مازهقت اقول في التعليقات اني اساسا ضد الناس اللي مش عايشه بأمل في الحياه وكل عيشتها مكرساها لماضيها وبس

فهمت؟ ولا لإيه لازمة السؤال .. دي خلقة ربنا ههههههههههههه

منور ياــــــــــ بولندا وشمال افريقيا

قلم رصاص يقول...

Soul.o0o.Whisper

انتي اكتر حد فهم قصدي من الكلام يادكتوره

يعني انا بقى مش محتاج اشرح وجهة نظري بقى

منوره جدا

z!zOoOo يقول...

السلام عليكم

ازيك يا عم قلم

يارب تكون بخير

يعني لازم اجي انا اديك بالكوع

عشان تزورنا مره

D:

والله هو فعلا ممكن راح يرجع تاني

بس بفكر تاني

وبتخطيط تاني يناسبني دلوقتي

يعني هي كل العلوم الي فاتت غيه غير العلم القديم

بس إتطور وإتكمل عليه

عشان يبقي مناسب لدلوقتي

يعني كل واحد بيزود علي نطريه قديمه بيحيي الي فات

والمفروض إننا نبص فعلا لبكره

بس هي المشكله

والي حاسه من غير ما تكتئب

منيل بجد وهنفضل نندب

لإننا عشان نرجع تاني

نكون زي ما كنا

صدقني هنلاقي حرب رهيبه

ولو قدرنا يبقي ديه حرب اخر الزمان

انا لسه شايف أمبارح مجموعه فيديوهات

مبشره قوي

بص من النهايه بدل الرغي

والله العظيم هو فعلا مخطط وبروتوكول عالمي

من الاخر عارفين خطرنا لو بطلنا مخططاتهم ومشينا للتقدم

علي العموم كفايه عشان انا الي إكتئبت

بس هقولك رباعيه في الجون

وهستناك دايما

تحياتي المكتئبه

:(

قلم رصاص يقول...

زيزو

وعليكم السلام ورحمة الله وبركاته

اهلا بيك يا اخي ومنور

وهزورك طبعا ياعم متزوقش ههههههههه

سعيد جدا بمرورك وتعليقك

في امان الله

فشكووول يقول...

آه اللى راح بيرجع تانى
امنا الغوله قاعده وكاتمه نفسنا وهى المفروض فى عداد الموتى .. قصدى ابونا الغول

شوف بقى لما يجيب نسخه منه ويقعده على كرسى فوتيه نضيف ووثير .. مش يبقى ابونا الغول رجع تانى

شايف كلام فشكول ملخبط ومالوش ملامح ..
اصله خايف من ابوه الغول ومراته امنا الغوله

رضا الكومى يقول...

ممكن يرجع والله يا قلم
بالإيمان بالله والثقة فيه

Ms Venus يقول...

اسمح لى اترك هنا تحية

لفكرك وقلمك الرصاص

قلم رصاص يقول...

فشكووووووول

كلام مين اللي ملخبط وملوش ملامح؟
لالالالالالالالالالالالالالالالا
كلام حضرتك واضح جدا ياعمو صلاح
وشكلك ناوي تشتي في طره
ههههههههههههههههههههه

منورني دايما ياراجل ياطيب

ـــــــــــــــ

رضا الكومي

ممكن جدا يا أستاذ رضا
بس في المطلق طبعا

منورني ياباشا

ــــــــــــــ

Ms Venus

ونحن تقبلنا التحيه

وشكرا لمرور حضرتك وتعليقك

Twitter Delicious Facebook Digg Stumbleupon Favorites More

 
Free Web Hosting