أحداث 24 ساعة

الإعداااااااااااام هو الحل !!!







((  160  ))

دا عدد المشجعين اللي مصر هتعبتهم لمأزرة الفريق المصري في مباراة الجزائر يوم

الخميس الجي في أنجولا


متخيلين هذا الرقم الفكليىىىىىىىىىىىىىىىىىى ؟!


وياريت مصر الدولة أو النظام أو الحكومه هي اللي بعتاهم كمان
دا كمان اللي مطلعهم بعض فاعلي الخير على حسابهم على متن طياره إيجار

شوفتوا بقى احنا ازاي بنتعلم من أخطاء الماضي 
نحن نختلف عن الاخرووووووون فعلا 


الجزائر عامله نفس الاستعداد اللي حصل في ام درمان بالسودان
عندها دلوقتي 9 طيارات عسكرية بنتقل مايقرب من 5000 مشجع جزائري 
واخدين بالكم من كلمة عسكريه ديىىىىىىىىى


المسؤولين المحترمين بتوعنا بيقولوا ان التذاكر لأنجولا غاليه اوي والعيشه في انجولا ناااااار
مصدقكم مصدقكم والله من غير حلفان
عييييب



وان الخطوط الجوية مشغوله كلها 
ومفيش فرصه نبعت حد من مصر اكتر من كده دا اذا العدد الفظييييييع دا وصل او هيوصل اصلا


طب فين حتى رجالة مصر اللي كانوا بيعيطوا يوم المباراة واللي حلفوا بدقن جدودهم انهم
هياخدوا بتار مصر .. طبعا مش حرب .. انا اقصد هيقفوا مع الفريق يعني ويروحوا يشجعوا


كان منهم اللي بيقول انه على اتم استعداد يطلع ناس كتير من شبرا على حسابه
وغيره وغيره
وطبعا حسن صقر وسمير زاهر فاصلين شحن من زمان ولاهما هنا


كل المسئولين في مصر بيعلقوا اخطائهم على شماعة بعض
كل المسئولين منتظرين ضوء اخضر من الرئيس في كل حاجة عشان كل واحد يشوف شغله
اللي الرئيس معينه عشان يقوم بيه

منهم لله 
فضحونا ومقصرين رقبتنا


والله العظيم احنا كمصريين مفروض  ما ناخد أي موقف عدائي ابدا من الجزائر
بل العكس دا مفروض نحييهم من قلوبنا
ناس شايفه شغلها صح ياجدعان
عشان كده مبيوصلوش للي بيوصولوا دا من فراغ


شكلي برضه هاستمر في الاعتماد على دعا الوالدين


انا لو بإيدي أعدم مسؤولين الكوره في مصر في ميدان عااااااااام رميا بالجزم حتى الموت



مصر بتتنيل بيناااااااااااااا


24 تعليقات القراء:

Mahmoud Ahmed يقول...

يا باشا
صدقني مش مستاهله
و صدقني مش هيحصل حاجه ان شاء الله تعالي
لأن انجولا مش مستحمله حاجه تانيه و خصوصا بعد الى حصل ما توجو
المره ده هستوف نظام ان شاء الله تعالي
و تعال ندخل انا وا نت كده في مسابقه مش عايز اقول رهان عشان ميبقاش حرام علينا
انا بقولك ان شاء الله الماتش هيتعدي على خير !!
^_^
و ابقي قول spiderman قال ^_6

Mahmoud Ahmed يقول...

انا كنت بدخل عندك كتير
بس تصدق اول مره اقرا الأبيات الى فوووق ده في الصوره ^_6
بس حلوين قوي و الله ^_^

الشعب لابد له من حكومه تشكمه يقول...

امممممممممممم انت لا تقرأ الواقع جيدا :)
حلوه اوى الحته دى مش كده:)اجنن وانا عمله مثكفه.

شوف ياسيد اولا تراهنى على شيكولا جالاكسى ببندق كبيره(شوف الوصف وافتكره علشان هتجيبلى واحده)
تراهنى انه مش هيحصل اى حاااااااااااجه بعد الماتش, وعاااادى جدااا مش هتلاقى اى قلق ومش بعيد شحاته وسعدان يبوسوا بعض والاعيبه يقفوا يغنوا وطنى حبيبى الوطن الاكبر.

شوف اللى بيحصل حواليك,اولا كله بيطبطب من الطرفين,
ثانيا على مستويات عاليه كله بيطبطب,
دا غير انى اصلا معتقدش ان فى حد من الطرفين بعد ميسافر 11 ساعه هيكون فى حيل يضرب:) دول مش بعيد يناموا فى المدرجات:)


متنساش الشيكولا علشان هتجيبلى واحده:)

بس دا ميمنعش انى برضه معاك فى اعدام المسؤلين عن الرياضه مش علشان الحركه دى لااااااااااا بس ليهم حركات من زماااااااااااااااان يستاهلوا عليها الاعدام,
كنت بتفرج على حوار لسامى العدل اسمه بدون رقابه,
بيسألوه عن سمير زاهر قالهم خلوه هو وجوده زى عدمه هيشيلوه ويجيبو واحد اسوأ يباه خليه لا بيهش ولا بينش:)

الشعب لابد له من حكومه تشكمه يقول...

يانهارى انا وسبايدر توارد خخواطر عجيب:)
مع انى جايه قبله بس على مكتبت الرغى دا كله:(

دعاء العطار يقول...

بجد مش عايزين لا التهريج ولا التعصب اللى حصل المره اللى فاتت ومش عايزين نصعد الامور بينا ده فى الاول والاخر مجرد ماتش كوره

وليك حق فعلا كل حد بيعلق اخطائه على حد تانى

ربنا يرحمنااا

Mahmoud Ahmed يقول...

طب كويس يا شيماء
انا و انتي نفس الكلام اهو
و من غير تفكير كمان ^_^
و ان شاء الله بجد مش هيحصل حاجه
و ابقي اعمل حسابي مع شيماء في حته شوكلاته بقي ^_^
او شيماء تعمل حسابي في حته بقي
المهم مطلش فاضي من الليله ده
هههههههههههه

قلم رصاص يقول...

سبيدرمان

هههههههههههههههه
عارف و الله انها مش مستاهله
ولعلمك انا من الناس الغير متعصبة حتى في قمة أزمة ماتش ام دورمان والله

وكنت دايما عمال اهدي النفوس المشتعله
وبرضه مازلت زيك بالظبط متوقع ان الماتش هيعدي على خير المرة دي

بس يا اخي انا اللي مزعلني اننا مبتعلمش من اخطائنا
بسسسسسسسس دي النقطة وبس

وبخصوص اعجابك بالكلام اشكرك والله دا من زوقك بس

نورتني جداااااا

في حفظ الله

قلم رصاص يقول...

شيما

ياستي قاريه والله كويس جدا وحافظه
تحبي أسمعهولك ؟!

ولعلمك برضه انا مش عاطي الموضوع اكبر من حجمه زي ماناس كتير عاملين خصوصا اني كنت من هادئي الاعصاب جداا في الموقعه الاخيره في السودان وعمال اقول احنا حاجة واحده الخ الخ

وبرضه والله حد دلوقتي متوسم خير انها هتعدي بسلام

بس انتي بقى اللي مفهمتنيش في حكمة الدرس قصدي ابوست ، وهي اني متغاظ من اننا مبتعلمش من اخطائنا كمسئولين .. بس خلص الدرس

انما بقى بخصوص شيكولا جالاكس .. من عنيا قصدي من السوبر ماركت .. بس هوصلهاللك ازاي بس

هبعتهاللك في طياره خاصه

منوره دايما

في حفظ الله

قلم رصاص يقول...

دودو

نفس الكلام اللي قولته لسبايدر وقولته لشيما هقوله ليكي
انا اللي مزعلني اننا مبنتعلمش من اخطائنا بس

انما انا شخصيا متفائل على مستوى الحدث الرياضي والسياسي كمان بين البلدين ووالله كمان بين اللعيبه وبعض ان شاء الله

شكرا ع المرور والتعليق

في حفظ الله

قلم رصاص يقول...

سبايدر مان

هههههههههههههههههه
ماشي ياعم ليك عندي حته
بس نتقابل على أرض محايدة المهم ميكونش في افريقيا انا تعبت من البلاد المتخلفه
ههههههههههههه

منور بشدة

في حفظ الله

الشعب لابد له من حكومه تشكمه يقول...

يارااااااااجل ال يعنى كنا بنتعلم قبل كده:))

هاتلى مره واحده احنا فى مصرررررررررررررر اتعلمنا حاجه من اللى حصلتلنا قبل كده,
لو كنا اتعلمنا مكنش دا بأأه حاااالنا:)

اقولك مثال بسيييط كلل مررررره فى شهر 7 يعلن الرئيس هزود مرتبات الشعب هييييييييييييييييييه والشعب يفرح وارقص ياحسين وغنى ياحسين(فيلم الخطايا)
والناس بتفرح بجد,مع انهم عاااااااااارفين كويس اوى ان اللى اخدوه بط بط اونكل بطرس غالى واونكل نظيف هيطلعه عليهم وز وز,وبالرغم من كده مبيتعلموش ,وبيفرحوا اوى يا اخى.


احنا شعب ومسؤلين بتوع عيش اللحظه وسيبك من امبارح وبكره:)

وبطل تلاكيك وهات شيكولا جالاكسى بالبندق وتجيبها كبيييره علشان ادى سبايدر حته ,عينه فيها وممكن اموت:)

غير معرف يقول...

هي دي مصر .... عاااااادي يعني

ربنا يستر بس ومحدش ينضرب تاني ... شكلنا هيبقى وحش اويييييي

تحياتي

Mahmoud Ahmed يقول...

هههههه
عملت زي و الله
قعدت بعد الماتس الى كان في السوادن
في منتدي و اهدي في الناس
و خدتلي شويه شتايم
بس الحمد لله ربنا هدي الناس على طول
و الموضوع هدي
.....
و متخفيش يا شيماء
مش بحسد خالص
بس برضه هاخد حته ^_^

خواطر شابة يقول...

تعرف امبارح المعلق في قناة حنبعل التونسية في برنامج رياضي عن المباراة قال انا والله ما خايف لا من الجماهير المصرية ولا من الجماهير الجزائرية بقدر ما خايف من الامن الانجولي لانه مراسل القناة أكد انه الامن الانجولي امبارح كان ماسك رشاشات للصحفيين عشان حبوا يصورو تدريبات المنتخب المصري وهي كانت متباعة حصري لشركات خاصة فهو عشان يفرقهم مسك لهم رشاشات تصدق بالله أكأنها حرب فده يعيني اذا كان عمل كده فصحفيين فحيعمل ايه في مشجعين لو تصادموا ده حيفتح النار على الكل انغولا ليست ليها اي خبرة في تنظيم مثل هذه المباريات ومعندهمش ياأما ارحمينا
الان الحمد لله الرغبة في التهدئة وطي صفحة الماضي واضحة من الجانبين وان شاء الله يوم الخميس يكون فرصة لفتح صفحة جديدة وتحكيم صوت العقل ان شاء الله

Dr. Ibrahim يقول...

انا بقول كده
نشجع الجزائر عشان ناس جدعان وعرفوا يعملوا اللى هما عايزينه

شاب فقرى يقول...

والله أنا رأيى
إننا نقتلهم هنا قبل ما يروحوا أحسن
مش طالبة مشاكل مع الجزائر
وزرع حقد وكراهية بين الشعب المصرى والجزائرى
كفاية ان اسرائيل اخر مرة تدخلت لمحاولة الصلح

صبح تاتا

الحق اشترى الهدية وابعتها مع ابو صلاح

مش هسيبك يا صديقى :D

فقرى

ليس فقيرا من يحب يقول...

لالالا لالالالالالالالالالالا

تؤ تؤ تؤ

الهى اللى يزعلك يتكسر 100 حته

بص ياريس احنا عمرنا ما بنتعلم من اخطائنا بالعكس دا الاخطاء دى بتستفحل
وتتضخم وتكبر ودا العادى بتاعنا

بقولك ياريس تعالى نعمل عشاء عمل ونتفق
نبعت عشرة خمشاشر طيارة نعتقهم امن مركزى وانا عليا الجنازير وميه النار
هههههههههههههههههههههههههههههههه

هم يضحك وهم يضحك برده

بس لما نيجى نعدم منعدمش مسئوولين الكورة هو احنا هنسيب الراس ونمسك فى الرجلين احنا نعدم الكبير فالصغير هيخاف علطووووووووووووووووول

هههههههههههههههههههههههه

واضم صوتى لصوتك

مصر بتتنيل بينا

تسلم ايديك يا ريس

لــــ زهــــــراء ــــولا يقول...

ربنا يستر عليناااااااااااااااااا

فشكووول يقول...

يا قلم رصاص
ازيك

الكلام ده مضبوط
ما حدش يقدر يعمل حاجه الا بتكليف من الرئيس

قريت عن اختصاصات الرئيس
اختصاصات الهيه
واى حد بيتعين بيكون مالوش اى اختصاص الا الى بيديه له الرئيس
دى الحقيقه المره
وتتعب نفسك ليه
هى يعنى بلد ابونا
بلدهم وهما حرين فيها
اما احنا غرباء فى اوطاننا
تحياتى

мαησηα يقول...

وياكسفة الناس اللى حاطة اعلام مصر

احنا شعب غاوى يتوكس هههههه اه والله ياريس

شوفلك جمهورية تانية بقه خلينا نشوف اكل عيشنا هه :))))

روووووووووق

محدش واخد منها حاجة ادينا قاعدين جنب الحيطة لحد ماهتقع علينا الحيطة

мαησηα يقول...

نسيت اقول تسلم الايادى ياريس

كلمات من نور يقول...

قلم رصاص

بغض النظر عن مئات المجموعات الجديدة والإيميلات اللي بتشتم في الجزائر ...شفت كاريكاتير يمثل اسرائيل و أمريكا وهم ايديهم في ايدين بعض وفرحانيين قوي ومنتظرين الماتش القادم بترقب وبيقولوا : مش محتاجين نحاربهم هم بياكلوا بعض...يلا عليه العوض

ظل السماء يقول...

أنا قرأت الرقم ١٦٠ و ذُهلت!

لا عن جد شي بيدايق فعلاً يعني أنا مش شايفة الهدف او المنطق من هادا القرار!
هُما خايفين يعني إنو تحصل مشاكل زي المرة اللي فاتت?
طيب هو دا الحل اللي هيمنع المشاكل دي!
ما هُما هيك بيستفزوا المُشجعين المصريين أكتر و أصلاً دا مش عدل بالمقارنة مع (التجهيزات ) الجزائرية و عدد المُشجعين بتوعُهم
انا اتغظت بصراحة من الخبر ده
و الضغط هيعلا عندي و هرجع أتعب تااااني

و خلاص همشي هلأ
سلام

راء يقول...

السلام عليكم...

والله انا سمعت اقاويل كتير اوي حوالين الموضوع ده..موضوع الساعة وكل الساعة مصر والجزاير وكأننا حررنا الاقصى ومبقلناش غير الكورة!!!

موضوع الاعداد ده بصراحة مش عارفة ممكن يكون مبالغ فيه لأني سمعت برضه ان فيه فنانين اجروا طيارات وهيطلعوا مشجعين كمان ما يعادل 200 مشجع بس بصراحة...أنا مش بثق في الاعلام

هقول لحضرتك أصلا الجزاير مش هتجرؤ تعمل حاجة من رأيي ومظنش مصر بالغباء انها تسيبهم يعملوا حاجة وماتش فيه مشادات زي كده هيبقى عليه اهتمام على مستوى عالي ..

وهنشوف ف الماتش كله..ربنا يستر

Twitter Delicious Facebook Digg Stumbleupon Favorites More

 
Free Web Hosting