أحداث 24 ساعة

المنصـ ♥ ـــورة





المنصوره .. منصوره 
حلوة جميلة .. ف أحسن صوره


منين ماتشم هواها
مش ممكن يوم تنساها


ومسيرك ترجع ليها 
مهما تلف الكــــــــــــــــوره


شوارعها في قلبي إترسمت
من أول يوم .. دي قضية اتحسمت 
♪♪



بناتها الحلوة .. دليل .. عنوان
واولادها المجدع .. إصحابي كمان


حبيتها ومش عارف اعبر
لا بـ شعر .. ولا حتى بـ رسم مكان  




ــــــــــــــــــــــــــــــــــــــــــــــــــــــــــــــــــ

بقالي حوالي شهرين مروحتش المنصوره 
وحشتني جدااااااا .. وهروحها الأسبوع الجي 
فقولت أكتب لها الكلمتين دول .. رغم اني مش بعرف اعبر

أنا عشقي للمنصوره أكبر من أي كلام .. لأني قضيت فيها احلى أيامي لحد دلوقتي ..
في فترة الجامعه

خدوا بالكم ، المنصوره بلدي بلدي يعني .. لأني دقهلاوي متين .. اوعى ألاقي واحد يطلع يحسسني إني لاجئ سياسي ولا حاجة هههههههههههههههههه
أنا عيشت فيها سنين .. وهي الحياه ايه غير سنين وشوية حاجات فوق بعض 




اعذروني على جفاف كلماتي .. فأنا لست بشاعر .. ولكني أحاول
وتبقى المحاولات إلى أن أصل لحالة الرضا عن نفسي في الكتابه




قلم رصاص



45 تعليقات القراء:

ستيته حسب الله الحمش يقول...

مش الدقهلية عاصمتها المنصورة؟
والا انا في الطراوة والا ايه

ولو هي عاصمتها حد يحسسك بأنك لاجيء سياسي ازاي؟

هو انتوا ها تنفصلوا زي جمهورية زفتى؟ :)

إبتسامة ملاك يقول...

تانى تعليق مش بطال

هههههههههههههههههههه

إبتسامة ملاك يقول...

ازيك يا أبو الرجال

أخبارك ايه
سيد مقص بيسلم عليك

ههههههههههههههههههههههه
بجد وحشتنى اووى ربنا يطمنى عليك يارب

donya يقول...

مسااااء الخير

كلااااااااااام جميل
كلااااااااااام معقول مااقدرش اقول حاجه عنه

ههههههههههه

بجد الجد كلام حلو اوي
بتتغزل في المنصوره

طيب خالي بالك لاتروح هناك يبندجوك علشان بتعاكسها

باي

إبتسامة ملاك يقول...

طبعآ وأنا بقول المنصوره فيها حظر تجول وبينظفوها وبيعلقو الزينه
ممممممممممم
عشانك رايح هناك
طبعآ هتنور بيك يا قمر
كلماتك جميله اوووى
ربنا يكرمك خير يارب ويحفظك من كل شر

انت باشا من يومك
واسفه انى متأخره عليك
التمس العذر واطلب السماح يا جارى العزيز
موودتى
ايناس

صبرني يارب يقول...

جفاف الكلمات ؟؟؟

ايه الكلام ده يا عم

طب شوية مايه مبلولين وطريهم يعنى


المنصوره هاتنور يا باشا


استنى لما اشرح لخالتي

بصي يا ستيته

اصل هما مش من المنصوره هما من بلد تانيه بس انتى عارفه بقى بيتلزقوا فينا وكده

(وش مطلع لسانه )

يعنى اه دقهلاوي انما لاجيء منصوراوي عادي
هههههههههههههههههه

мαησηα يقول...

انا علقت ع الفيس بوك اعمل كوبى وبست واجيبه هنا هههههه

انا بمسى بس يعنى

يارب تكون بخير وف احسن حال

رضا الكومى يقول...

عمرى ما روحتها
بس هى جميلة كده ؟؟؟؟؟؟
على العموم زيارة موفقة

الشعب لابد له من حكومه تشكمه يقول...

منصورتى حبيبتى قمر ياناس:))
حلوه اوى بجد تسلم ايدك.

وبطلوا تماحيك كده:))
قل دقهلاوتس وليس منصورتس,كده ممكن اسمحلك:)

قلم رصاص يقول...

ستيته

اه طبعا هي العاصمه يادكتور
وطراوة ايه بس ..امال احنا نبقي فين
هههههههههههههه

حضرتك عارفه بقى الحقد الطبقي .. فلازم يبقى فيه حقد على الطبقة اللي انا بانتمي ليها لأنها قربت تنقرض
هههههههههههههه

منوراني دايما وربنا مايقطع لك عادة

في حفظ الله

ـــــــــ

إبتسامة ملاك

أهلا بيكي ياأخت ايناس
أخبار سعادتك ايه

والله الحمدلله انا تمام اوي

واشكرك على المرور

واما اشوف ان كان هيبقى فيه مطبات ولا لأ وانا هناك ههههههه

في حفظ الله

قلم رصاص يقول...

دنيا

هههههههههههههههه
يعني كلام زين زين يعني؟

أشكرك والله على المرور والتعليق

واطمني حضرتك انا شايل مطوه .. يعني يبندجوني ولا يهمني .. هقتل نفسي قبل ما اقع أسير ههههههههههههه

في حفظ الله

ـــــــــــ

صبرني يارب

ههههههههههههههههههههههه

ماشي ياستي .. بنتلزق بنتلزق .. بس لينا فيها أكتر منكم وانا معايا مستندات وورقي سليم وانتي عارفه اننا بلد ورق
ههههههه

زائد انتي عارفه عندي ليكي مفاجأة صاعقه بقي بس جمدي واستحملي النتيجة

تعرفي صاحب معارض الغلبان بتاع السيارات يبقي مين في الواااقع؟

يبقي انا
ههههههههههههههههههههههه

يعني انا من الأساطين في المنصوره


واستعدوا بقى انا جي لكم الأسبوع دا
يعني مشوفش مطب واحد في البلد .. دا انا بقالي شهرين مجيتش بحالهم

وحضروا الكيك بقي

انا هخلص الجديد والقديم ههههههه

أشكرك جدا على المرور والتعليق


في حفظ الله

قلم رصاص يقول...

مانونا

مسي براحك زي بيتكم

هههههههههههههههه

أشكرك على المرور والمتابعه

في حفظ الله

ــــــــــــــ

رضا الكومي

دا حضرتك تنورها يا أستاذ رضا والله

بس انوي بس

تعليقك أسعدني جدا

في حفظ الله

قلم رصاص يقول...

الشعب لابد له من حكومه تشكمه

تماحيك ؟

هههههههههههههههههههه
ماشي

تعرفي انتي بالذات متتكلميش عن المنصوره
رغم انك منها .. وهقولك ليه

لأنك مقضتيش أجمل فتره في حياتك فيها .. ألا وهي الجامعه ..

إنما أنا قضيت فيها جامعتي حبيبتي ..

(وش مطلع لسانه)

بالغيظ فيكي بقى
ههههههههههههههههههههههههههه

تنكري ؟

والله حجه حجه قوية يعني .. مفروض مش هتقدري تردي .. طب هتقولي ايه لسه

خليكي في عين شمس حلوة
ههههههههههههههههههههههه

ال دقهلاوتس ال

وبعدين انا بحثت واكتشفت انكم مش من المنصوره أشاسا .. وجيتوا سكنتوا فيها

تنكري ؟ هههههههههه

نورتي كعادتك ياشميا

في حفظ الله

norahaty يقول...

المنصورة منصورة
كلامك مضبوط وتمام
ياقـلم دهب 24

أبو العريف يقول...

ازيك يا باشا

ايه ده هو فيه بلد اسمها المنصوره

فين دي

ههههههههههههههه

يا باشا اجمل بلد بلدي

واجمل ولد مهند طبعا

كلمات جميله

دمت بكل خير

الشعب لابد له من حكومه تشكمه يقول...

اهااا انا فعلا مقضتش فترة الجامعه فى المنصوره بس لعلمك كنت كل خميس تلاقينى عند كلية هندسه كده كنت هناك مع اصحابى ودى تفوتنى برضه اناااااااااا مش هدخل جامعه المنصوره:)

دنا كان ناقص امتحن فيها.
فكرتنى بمحمد عمود نور يوم لقاء المنصوره قعد مفهمنى انه من المنصوره وعايش فى القاهره واذ فجاه بسأله انت منين فيها يقولى اجا :))
قلتله هى اجا بات المنصوره؟ بطلوا تماحيط فينا باه:))

اهو انت عامل زيه كده:))

بطلوا بأأأأه حقد ياساتر يارب.
انت دقهلاوتس لكن انا منصورتس.
ييعععععععععععععع انتو من اكاليم المنصوره (وش بيطلع لسانه)


**تعليق على كلام د.ستيته.
ياسلااااااااام ما القاهره عاصمة مصر وبتحسسونا اننا لاجئين سياسين عندكو:))
الموضوع كبيييييير دا نظره الاستعلاء اللى كلمتكو عنها قبل كده :))

قلم رصاص يقول...

Norahaty

أشكرك يادكتور على مرورك وتعليقك

في حفظ الله

ـــــــــــــ

أبو العريف

هههههههههههههههههه

منور ياباشا والله

وسعيد بتعليقك اوي

مهند مين ؟

تقصدني أنا ؟ صح؟
ههههههههههههههههه

في حفظ الله

قلم رصاص يقول...

شيما

"لعلمك كنت كل خميس تلاقينى عند كلية هندسه كده كنت هناك مع اصحابى ودى تفوتنى برضه اناااااااااا مش هدخل جامعه المنصوره:)"

متغيريش الموضوع
انا ايه عرفني انك كنتي بتروحي جامعة المنصوره .. كنت بضرب الودع .. اللي انا اعرفه كويس انك ملكيش دعوة بجامعة المنصوره لا من قريب من ولامن بعيد
انتي ساكنه في البلد بس

(وش مطلع لسانه بكل ثقه)
ههههههههههههههههههههههههههه

كأن أنا لو زرت جامعة القاهره كام مره كده هحسبها اني كنت بحضر فيها واني خريجها .. تؤ تؤ

انتي صعبانه علي بصراحه
ههههههههههههههههههههه

وبعدين موقفك دا عامل ارتباط في دوران الالكترونات بتاعة ذرة مخي .. اقصد مزعلني

بحسبك بتقولي هتنورنا .. وتجهزي أجدع واجب

تؤ .. طلعتي مش زي ماكنت فاكر

تماحيك ؟
ههههههههههههههه ماشي

ولا كأني قريت حاجة

منوره لتاني مره

قلم رصاص يقول...

شيما

ثم انك ازاي تدخلي جامعه مش بتاعتك من غير كارنيه هههههههههههههه

متخيله وضعك كان عامل ازاي .. أكيد حسيتي بالغربه كده في بلدك

صعبانه علي والله
هههههههههه

أم .. بوبه يقول...

انا كمان بحب المنصورة علشان فيها شيما صاحبتى :)

مجرد حلم... صغنتوت يقول...

حلو الكلام اوي
انا اه بحبها.. بس يمكن علشان فيها مخرجتش منها مش حاسة بكده اوي

قلم رصاص يقول...

أم بوبه

عشان شيما .. طب والله كفايه
هههههههههههههه
هي مش شوية برضه .. مبنحبش نقولها عشان ماتتغرش أكتر من كده
ههههههههههه

نورتي ياام بوبه

في حفظ الله

ــــــــــ

مجرد حلم صغنتوت

معقوله كده .. بس يمكن عندك حق عشان زي مابتقولي مش بتخرجي منها

بس عموما المنصوره مش محتاجه رأيي فيها يعني .. دي من اجمل مدن مصر

نورتي بشدة

في حفظ الله

الشعب لابد له من حكومه تشكمه يقول...

لعلمك باه كان معايا كارنيه والله اومال لا اومال طبعاااا,,
دنا كليه تجاره وهندسه والكافتيريا اخدوا منى راااقااااات :))


**بقولك دا لينك الكتب نزل اخر 3 كتب واقرا وادعيلى:))نزلهم كلهم بس اقرا دول الاول وانت تعرف انت فاتك اد ايه.

http://www.bramjnet.com/vb3/showthread.php?t=542164

البيروني يقول...

انا مرحتش المنصورة بس من كتر الكلام عليهل تشوقت لزيارتها
ربنا يكتبلنا زيارتها

فتاه من الصعيد يقول...

بيقولوا عليها عروسه النيل

انا عمري ما زرتها بس باين انها حلوه من الصور

تحياتي

reem يقول...

انا بئا هاتجنن واجى المنصورة

من كتر ما سمعت عنها

وحلو اوى حبك ليها

وضحكتنى جدا انت وشيما وانتو بتتخانقو كدا على مين احق بالمنصورة

وان شاء الله توصل المنصورة بالسلامة وتنورها

فشكووول يقول...

هو حد عمل لك حاجه ولا ايه
يعنى انت شاكك انك دقهلاوى

لا يا سيدى انت منصورى كمان ولاتزعل
بس بصراحه بلد حلوه قوى ... واخد بالك انت منى .. حلوه قوى

سلم لى عليها

قلم رصاص يقول...

شيما

سهل جدا الواحد يعمل كارنيه لأي حاجة .. حتى كارنيه بوظيفة رئيس جمهورية .. عادي
هههههههههههههههه

اللي انا اقصده احساسك بارتباطك المعنوي بالمكان .. فاهمه قصدي؟!!!

(وش مطلع لسانه تاااااااني)
هههههههههههههه

وعارفه لو كنت اعرفك أيامها انا كنت روحت جبت حرس الجامعه يخرجوكي
هههههههههههههه
ـــــــــــــــ

أشكرك ياشيما جداوالله على الكتب .. وان شاء الله هنزلهم واقراهم .. بس عارفه .. انا بحب أقرأ الكتاب الورقي جداااااا
وبحب ريحة الحبر بتاعه كده .. بجد احساس مختلف بيشعرني بالاندماج معاه اوي
لكن انا هقرا دول عما احصل على الكتب المطبوعه قريب اوي ان شاء الله

منوووووووووره

في حفظ الله

قلم رصاص يقول...

البيروني

دا انت تنورها يادكتور
بس انوي انت بس

في حفظ الله

ــــــــ

فتاه من الصعيد

فعلا هي عروس النيل من غير كلام

مشكوره على المرور والتعليق

في حفظ الله

قلم رصاص يقول...

reem

دا المنصوره تنور بيكي والله

وخناقي انا وشيما دا مجرد نتيجة طبيعية لحب كل حد فينا للمنصوره

والمنصوره فعلا بلد تستاهل الحب لأن بجد اللي يعرفها مش يقدر ميحبهاش

اشكرك جدا على الزياره

في حفظ الله

ـــــــــــــ

فشكووول

هههههههههههههههههههه
اه حلوة طبعا ياأستاذنا حد يقدر ينكر

وانا دقهلاوي متين طبعا .. ولي في المنصوره علامات يكتب عنها التاريخ ويقول ماشاء
انا عندي المنصوره احب واجمل الأشياء

هههههههههههههه

حضرتك والله نورتني جدااااااا

في حفظ الله

ليس فقيرا من يحب يقول...

بناتها الحلوة واخد بالك انت

ياريس من البنات الحلوة

لاااااااااااااااااااااااااااا

دى مؤشرات خطر على ريسنا القادم

هههههههههههههههههههههههههههههه

طبعا المنصورة اسمع انها بلد جميله

بس اياكشى بعد ما تمسك الرئاسه تسيب

مصر كلها وتقعد تهد وتبنى فيها

تسلم ايدك يا ريس

قلم رصاص يقول...

ليس فقيرا من يحب

هههههههههههههههههههه
طب وهو دا كلامي يعني
ما الدنيا كلها بتقوله

لا طبعا انا هظبط المنصوره عن أي مدينه تانيه ..

وبفكر اني اعملها العاصمه بدل من القاهره ههههههههه

نورتي ياميس رانيا والله

في حفظ الله

عمــود نــور يقول...

كلماتك حلوة احسنت

عايز ارعف ايه حكايتك يا صبرنى انتى وشيما فى ان اى حد يتكلم عن المنصورة تقولوا تماحيك؟؟؟

لا تعليق على كلمكوا هههههههههههه

قلم رصاص يقول...

عمود نور

شكرا ليك يامحمد على المرور

ولاتعليق برضه على موقفهم .. بس ثق يابني كويس واعرف ان المنصوره من غيرنا تُحتل
وتصبح مرتع للفرنجه
ههههههههههههههههههههه

نورتني جدا والله

في حفظ الله

هي وظروفها يقول...

ازيك يا باشا اخبارك
كلنا بنحب اللي الحته اللي اتولدنا فيها وكبرنا فيها ومهما رحنا او جينا تفضل مسقط راسنا في عنينا

توصل لها بالسلامه ونشوفك ونتشرف بيك يوم الجمعه ان شاء الله

اخوك وليد

دينا يقول...

جميلة ما شاء الله

سلمت يداكم

saheda.com يقول...

اخوانى فى الله

اخوانى الكتاب والعظماء والمفكرين
اخوانى المدونين والصحفين
اخى اختى فى العمل
اخى واختى فى الشارع
اخى واختى فى المسجد
اخى واختى فى كل مكان وزمان
ان الاوان ان نصنع المجد بايدينا
ان الاوان نجاهد مع اخواننا
ان الاوان ان نفيق من الثبات الكبير
ان الاوان ان نتغير ونغير
ان الاوان ان نتحدث مع الناس بحديث مختلف
ان الاوان ان نقف ونصحح الاوضاع بدل استنكار والرفض
فكلا منا له قلمه فليكتب
ويراسل كل الصحف
كلا منا يرسل رسائل للقنوات الفضائية
كلا منايراسل الكتاب والمفكرين
كلا منا يكلم خطباء المساجد
كلا منا يكلم اهله واهل شارعه
كلا منا يكلم زملاء العمل والدراسة
كلا منا يكلم تلميذه فى المدرسة والمعاهد
كلا منا يكلم الناس فى الباص والقطاروغيره
كلا منا يبذل جهدا
كلا منا يستيقظ
كلا منا يبنى له جدار عز وكرامة
كلا منا يبنى جدار يكون له شفيعا من النار
كلا منا يدون ويدون الى ان يفهم الناس
هذه حرب لاتضع فيها الاسلحة ابدا
كلا منا سلاحه الايمان
كلا منا يطلب الجنة
كلا منا لايترك سلاحه الا عندما تنتهى الحرب
اما نصر او استشهاد
اخوتى كلكم مسئولون امام الله
فلنجعلها حربا عالمية فلنراسل الصحف العالمية
والقنوات العالمية
والمدونات الغربية
من منكم معى
من منكم يبنى جدار العز والكراة
من منكم يفك الحصار عن غزة
من منكم لاخوانكم فى غزة
من منكم لنصرة الاقصى
من منكم
يكن مع اسماعيل هنية وابوعبيدة
فى ساحة الجهاد
من منكم يحب الجنة والشهادة
فلينضمن الينا
صانعوا جدار العز والكرامة

قلم رصاص يقول...

هي وظروفها

الحمدلله تمام
ازيك ياعم وليد
نورتني والله

وعندك حق في كلامك
بس هي المنصوره مش مسقط رأسي بالظبط ولكن هي بلدي او عاصمة محافظتنا يعني
تبقي بلدنا
هههههههههههههه

المهم نورتي

في حفظ الله

ـــــــــــ

دينا

شكرا جزيلا دكتوره دينا على مرورك وتعليقك

في حفظ الله

هتلاقينى هنــــاك اوعى متجيش يقول...

مجاملة جميلة من شخصية جميلة
بارك الله فيكم وعمّر صحيفة حسناتكم يوم القيامة

اشكركم على حسن تعليقكم
واتمنى دوام التواصل والمشاركة

احمد بدر الدين يقول...

جميلة
ابدعت ربنا يكرمك
حلوة المواطنة دى

عفوا أنا أميرة يقول...

السلام عليكم
والله الكلمات حلوه مش عارفه ليه كل اللى بيسافر المنصوره بيحبها قوى كدااا، أكيد هى حلوه وكلماتك أحلى

قلم رصاص يقول...

هتلاقينى هنــــاك اوعى متجيش

اهلا بيك أخي الكريم
نورتني والله
واشكرك على الزيارة

في حفظ الله

ــــــ

أحمد بدر الدين

شكرا ليك يا احمد
ونورتني جداااااا

في حفظ الله

ـــــــ

عفوا أنا أميره

وعليكم السلام ورحمة الله وبركاته

هي فعلا كده ومش عشان انا اتكلمت عنها

نورتي يافندم

في حفظ الله

mohamed ghalia يقول...

جامد ياعم جاهين ههههههههه
والله محاولة كويسه

well يقول...

افتكر اخر مرة روحت فيها المنصورة من كتر الشبورة شوفت الشمس افتكرتها قمر

....

تحياتى

كلمات من نور يقول...

ماشاء الله ..داه شعر وكلمات رقيقة معبرة ...أنا أعرف بنات و أخوات و مدونات ومدونيين كتير من المنصورة ...ربنا يكرمهم ويكرمك و يكرمنا جميعاوسلامي لأهل المنصورة

Twitter Delicious Facebook Digg Stumbleupon Favorites More

 
Free Web Hosting