أحداث 24 ساعة

حاله .. متى ستأتي؟!



بحبك

في هدوئك وثورتك
وضعفك وقوتك
وجبروتك ورقتك
ولما اغيب عنك واحس بلهفتك

عاشق وصابه سحر عيونك
سر اتدفن والدوا ف جفونك

بحر الهوى ملوش أول ..عني بيتاخر
ومهما دابت سنيني..ملوش بر ملوش أخر



ـــــــــــــــــــــــــــــــــــــــــــــــــــ


عندي مشكلة ..بكتب حاجات كتيره ..بس معظمها بكسل اكمله
فقلت اعرض عليكم منها نموذج 


وده بس عشان تعرفوا اني لسه عايش ومشطب أولا بأول على الحلل .. ومش عاوز اكتب حاجة في 
السياسة دلوقتي عما أظبط تردد أفكاري


طبعا الكلام اللي في الأول موجه لمصر مش لأي برايه
هههههههههههههه


سلاموا عليكم


قلم رصاص












60 تعليقات القراء:

جارة القمر يقول...

ممممممممممم

طب وليه مش تكمل الحاجه اللى بدأتها
بجد الكلمات حلوة اووووى و ياسيدى عارفين انها لمصر هااا لمصر مش واحدة يعنى متأكد ؟؟ ههههههههههه

مجرد حلم صغنتوت يقول...

حلوة الكلمات فعلا
بس ليه نعتبرها لمصر؟؟ ما هي لو كانت لمصر كانت هتكمل على فكرة :D :p
كمل الجو ده حلو :D

P A S H A يقول...

مساء الفل يا معلم

عاوز رأيي بصراحة ؟؟

بصراحة بصراحة ومن غير زعل ؟؟


حلوة



بس أكتب لنفسك وما تاخدش رأي حد .. أكتب اللي تحسه أول بأول .. هاييجي وقت هاتكمله .. بس ما تغصبش على نفسك تكمل .. وقت ما تحس إنك عصرت اللي جواك أعمل استووووب .. لأن أي إضافات بعد كده .. إممممممم .. مش هايبقى ليها نفس الطعم ..هاتلاقي النتيجة زي شوب زبادي الخلاط اللي في وسطه عود قصب .. لا منك هاتعرف تشرب الزبادي .. ولا منك ......... أيوه أنت كده فهمتني .
وبعدين طالما لمصــر يا سيدي .. ذيع

:))

سلام

ولد تحت الصفر يقول...

في الحالة دي أنصحك بقلم جاف تغرزه في دماغك تسحب بيه المعلومات و تخرجها على الورق ، و في حالة لو عايز تحط حبة مشاعر ...تروح غارزه في القلب مطلع شوية مشاعر و مزين بيهمن الورقة


كده بقى عندك فكرة و عاطفة


ناقص اللي يجي يقرأ لك



اللي المفترض هما الاقلام الجاف دي



شكلك مستخسر فينا كلمتين الحب

على العموم


عديها المرة دي


المرة الجاية لو جيت هنا و ما لقيت بوست سياسي طويل عريض




هرشح نفسي ف الانتخابات


ذنبو على جنبو


أخوك

محمد

Unknown يقول...

حمداً لله على السلامة
ياقلم ذهب 24
عجبتنى دى
(بحر الهوى ملوش أول
..عني بيتاخر
ومهما دابت سنيني
..ملوش بر ملوش أخر)
كمل كلامك ياقلم وأحنا حنقرأ
أمال الاصدقاء لزمتهم ايه؟ماهم
لازم يستحملوا:)
لأ بجد بقى أكمل ما بدأته
فهو جميل:)

mohamed ghalia يقول...

بالتوفيق ياصاحبى دايمااااا

اللى موش عارف يتغير يقول...

يا بخت مصر
وربنا يخلهالك
بس ربنا يستر بس لان واضح البريات مليين المدونة
ههههههههههه
عدووووووووووو
تخيل نسيتها
بس ايه رايك
دا انا مسحت كمان ناس كتير قولت كفاية كده بلاش فضايح
هههههههههه
اظهر الليلة يامعلم
وفين الحاجات اللى قايلك عليها
فين ياد الخمستاشر جنيه اللى عليك ؟
هغزك
.

فشكووول يقول...

ازيك يا قلم رصاص

تحياتى

هو كلنا كدا ساعات تدخل دماغنا افكار وما نكملهاش لكن مع الايام الافكار بتتبلور وبتكون مواضيع كبيره

آه يا قلم رصاص ببجينى زوار اجانب برازيليين وفرنساويين وكمان يابانيين ولى تقريبا حوالى 6 اجانب بروح عندهم وبعلق وهما ببيجوا عندى وبيعلقوا بس انا لقيت عندهم حاجات مش ممكن تكون عندنا .. هما صرحاء قوى وما عندهمش اى مجاملات وبيتكلموا براحتهم خالص خالص . بس طبعا عمك فشكول ما لوش فى الخالص ده وباتكلم معاهم من الناحيه اللى انا عايزها اما حاجاتهم ما ليش دعوه بيها هما يتكلموابيها مع بعض

بس ساعات الترجمه بتكون رديئه باقعد اجيب القواميس واعمل تعديلات لها لحد المواضيع ما تبان على حقيقتها

ويعدين .. انت ايه اللى مزعلك .. فى الخباثه يعنى تعالى وانا اعلمك تروح وتيجى ازاى وتتكلم معاهم ازاى وبلاش فضايح بقى

تحيات

мαησηα يقول...

ههههههههههههههه ال مش لاى براية ال

هههههههههههههههه طااااااااا

مصر هنا يا ريس مارحتش ف حتة علشان تيجى ههههههههه

بس جميل والله العظيم

وع فكرة بقه مش لازم يعنى علشان تبقى شاعر وبتكتب يبقى لازم تكتب بقه 100 سطر ونقعد نحتاس فيهم والفكرة تتوه منك
اكتب حتى ولو بيت صغنون بس له معنى وفيه احساس

طلع طلع اللى ف الجراب انت شكلك مش عايزنى احسدك

يابختك يا مصر بالريس القادم هيروقك

حفيدة عرابى يقول...

مش مهم رأى الناس فيها
مادام انت بتحب كلامك ده وكاتبه باحساس
بس هى حلوة فعلا
والاجمل انها لمصر :)

صبرني يارب يقول...

هى كده حلوه هاتكمل فيها ايه

لو كان جواك حاجه ساعتها كانت طلعت

الا لو كنت وانت بتكتب فى مليون حد بينده عليك زيي كده

جميله اوي الكلمات

لمصر لليبيا اي حاجه ياعم المهم الكلام حلو

خواطر شابة يقول...

انا عن نفسي لم احسها لا غير مكتملة ولا مبثورة المعنى واضح وجميل انت فقط من ينشد الكمال
تحياتي لك

بحر الالوان يقول...

السلام عليكم

مبدئيا كلمات رقيقة ومعبرة .... اما بالنسبة لعدم اكتمال الافكار ... فلا تصعب المسالة علي نفسك .....اي لا تتقمص روح الشاعر والناقد في نفس الوقت ...... اكتب ولا يهمك

تحياتي

ستيتة يقول...

كلمات جميلة جدا
وكنت فاكراها لبراية ففرحت
طب سيبني فاكراها لأي براية
كده تفوقني
اللهم ارزق مسيو سي السيد الإلهام ............. وبراية :)

قلم رصاص يقول...

جارة القمر

مش عارف والله ليه مش بكمل
وبعدين مصر دي أميييييي
هههههههههههههه

نورتي المكان والله
بس فاتورة الكهربا عليكِ ^_^

في حفظ الله

قلم رصاص يقول...

مجرد حلم صغنتوت

أشكرك يادعاء على رأيك

هي مش لمصر بالظيط .. بسي أكيد لواحدة عايشه في مصر هههههههه

وان شاء الله احاول اتحدى الملل واكمل

أسعدني مرورك وتعليقك

في حفظ الله

قلم رصاص يقول...

P A S H A

مساء الجمال ياعم الباشا

بأمانه تعليقك ريح بالي جدا
لأنك قولت حاجة كنت محتاج حد يقولها
انت فكيت شفرة المعادلة الصعبه

أسعدني جدا مرورك وتعليقك والله

في امان الله

قلم رصاص يقول...

رجل تحت الصفر

ههههههههههههههههههه

منور يامحمد
ونصيحتك خلاص هاحطها في الأجندة بتاعتي
بس ايه حكاية الغرز دي
انت عنيف (بكسر العين) على رأي اللمبي
ههههههههههههههه

وكله كوم وانك ترشح نفسك للرئاسة دي كوم تاني ..انت باصص لي في الشغلانه انا عارف هههههه

نورت يازعيم

في حفظ الله

قلم رصاص يقول...

نوراهاتي

الله يسلمك يادكتره
ومش للدرجة دي كلامي فظيع كده
دا انا على ادي في الشعر جدا ولسه يادوب بخطي ههههههههههه

وان شاء الله هحاول ادوس واكمل

نورتينا والله

في حفظ الله

قلم رصاص يقول...

محمد غاليه

كفاية نورك علي يامحمد

وربنا مايحرمنا من طلتك يا اخي

في حفظ الله

قلم رصاص يقول...

اللي عمره ماهيتغير

ههههههههههههههههههههههه
ازيك

كلااااااااام جميل كلام معقوووووول مقدرش أقوووووووول حاجة عنه

اخلفني ابوس إيدي
هههههههههههههه

اه فعلا البوست عندك حلو اوي
وكويس انك قصرت عشان الفضايح
وانتظر مني حاجة قريب شبيهه بذلك
بس مختلفه عن فكرتك عشان بس متقولش اني متأثر بنظرياتك ..
الا من حق اخبار النظريات ايه ..كل ماافتكر انا وصلاح نقعد نضحك عليك لما نموت هههههههههههههههههه

بخصوص تفقيط الأكسيل ..صدقني النت مليان طليبات من ناس كتير عليه ومحدش عارف يوصل فيه لحاجة حاليا..بس والله مش ساكت ..انا عندي الملفات بس بحاول اعدلها عشان تشتغل معاك ع لى اكسيل 2007

هعمل لك ايه ما انت اللي مكلكع ..ماله اكسيل 2003

وبخصوص الخمستاشر جميه ..احب اقولك :

ياد عيييييييييب عييييييييب

هههههههههههههههههههه

نورتني ياحبيبي

في حفظ الله

قلم رصاص يقول...

فشكووول

الحمدلله بخير ..ازيك انت ياعمو صلاح
واحشني طلتك علينا والله..وكل سنة وحضرتك طيب وبخير والأسرة الكريمة

وعندك حق فعلا ..احيانا أنصاف الأفكار بتيجي عليها الأيام وتبقى معجزات
هههههههههههه

وبخصوص وصولك للعالمية ..دا امر انا مش شاكك فيه اطلاقا ..بس انا بجد كنت فاكر انهم اللي بيعلقوا عندك بس ..الا اني اتفاجئت منك بتقولي انك بتعلق عندهم انت كمان ..جرى ياعمي ..انت هتعلن الحرب امتى هههههههههه

وايوا والنبي ينوبك في ثواب علمني

هههههههههههههههههه

نورتني جدا جدا جدا

في حفظ الله

خواطر شابة يقول...

اهديك هذه القصيدة لاحمد مطر

جس الطبيب خافقي

وقال لي :

هل هنا الألم؟

قلت له نعم

فشق بالمشرط جيب معطفي

وأخرج القلم

هز الطبيب رأسه

ومال وابتسم

وقال لي:

ليس سوى قلم

فقلت: لا يا سيدي

هذا يد، وفم

رصاصة ، ودم

وتهمة سافرة تمشي بلا قدم

قلم رصاص يقول...

مانونا

ههههههههههههههههههه

فهمتيها ازاي دي بس
ان كيدكن عظيييييييم

بجد أشكرك على تشريفك وتعليقك

ويبدو ان عندك حق ..في انه مش شرط الواحد يكتب معلقه من 1000 بيت عشان الفكره توصل

ويابخت مصر بي فعلا ..الرئيس الشاعر ابو خط حلو ههههههه

سعدت بإثبات حضورك في دفتر الزيارة

في حفظ الله

قلم رصاص يقول...

لقد خلقنا الله احرارا

انا برضه يهمني رأي الناس خصوصا ما اثق في أرائهم وتفكيرهم ..لأني أقوي بنقدهم قلمي ضد القصف

سعدت جدا بمرور حضرتك

في حفظ الله

قلم رصاص يقول...

صبرني يارب

ايوا انا فعلا مكملتهاش عشان بيتنا دوشه جدااااا ..عامل زي محطة مصر تقريبا ..وزي حضرتك ..فيه مليون حد بينادي علي وعاوزني في حاجة
ههههههههههههههه

اشكرك يا ام مريم على مرورك وتعليقك

في حفظ الله

قلم رصاص يقول...

خواطر شابه

جزاكِ الله خيرا على رأيك الجميل والمفعم بالتشجيع

وفعلا انا عندي عيب فظيع ..دايما ببقى عاوز اطلع في احسن صوره .. واحيانا بتبقى الصوره كويسه ..بس بتعنتي ببوظها والخبط ملامحها

اسعدني تعليقكم

في حفظ الله

قلم رصاص يقول...

بحر الالوان

وعليكم السلام ورحمة الله وبركاته

عندك حق اخي الكريم ..مشكلتي اني بتقمص دورين .. اخطرهم دور الناقد مع اي حاجة بعملها ..واما بخصوص الشعر فانا لست شاعر ولا ادعي اني اكتبه ..انا فقط متذوقه للغاية ..وان كانت لي بعض المحاولات ليس الا

نورتني

واسعدني تعليقك


في حفظ الله

قلم رصاص يقول...

ستيته

هب فعلا كده ..بس محدش بيفهم اللي بين السطور الا حضرتك ههههههههههههه


ربنا يرزقنا ببرايه ..حد يكره

مرورك وتعليقك بيوصلني لمود جيد جدا
بيحسسني بإني مهم في البلد دي هههه


في حفظ الله يادكتره

ليس فقيرا من يحب يقول...

احبطتنى يا ريس

ههههههههههههههههههههه

قال مصر قال

انا على فكرة عندى برده حجات كتير جدا

اكتب جزء منها ومكملهاش

بس بجد كلماتك جميله ورقيقه جدا جدا

اتحفنا كده على طول

بالتوفيق يارب

Aиgel يقول...

لا براية براية يعني
هس بس ولا كلمة هي براية
اعترف الإنكار مش هيفيدك

هههههههههههه

مشطب ع الحلل ده اكييييييد
لسه بتجوع بالليل ولا ايه ؟؟
D:

زعلانة منك أساساً بس ما علينا

بجد بجد أنت كده بقيت خطر وهتنافسنا في الرومانسية

حلووووووووو أوي يا سيد بجد والله
بس بردو فيها براية الخاطرة دي
(:

بجد كمل بقى عايزين الريس بتاعنا يبقى رومانتيكي (:

وعليكم السلام يا جميل

دمت في كل ود وخير وسعادة واحترام
وبرايات ههههههه

Angel love

قلم رصاص يقول...

خواطر شايه

أشكرك بجد على القصيدة الرائعه للرائع احمد مطر

قلم رصاص يقول...

ليس فقيرا من يحب

هههههههههههههههههه
الله يخليكي ياست رانيا على التشجيع ده

ولا اقولك يادكتور يوسف
هههههههههههههههههه

عارف انك طمعانه في الوزارة دي جدا
ربنا يسهل

واشكرك بجد على مرورك الكريم

في حفظ الله

قلم رصاص يقول...

أنجل

ههههههههههههههههه
ازيك ياختي
عامله ايه ..بسو اضح انك كويسه وده المأمول اكيد

واشكرك بجد على تعليقك الجميل

واطمني مفيش بجد برايات
بس انا اكره يعني .. طب لوعندك واحدة
ابعتيها ..اخوكي مزنوق في واحده
ههههههههههههههههههه

كل سنة وانتي طيبه

في حفظ الله

هناء محمود يقول...

حلو أوى بس ياريت تكمل ولا القلم عايز يتبرى

قلم رصاص يقول...

أم بوبه

هو فعلا القلم محتاج برايه

شكرا لمرورك الكريم يا ام بوبه

في حفظ الله

ظل السماء يقول...

حلو كتييير كلامك و الله بس يا ريت تكملُه فعلاً, ما كُنت بدي الكلام يخلص بجد :)

و رجوعك حلو كمان...
أنا عن نفسي من الناس اللي ما شُفت أي شي ناقص في كلامك , بالعكس كان مرتب و جمييييييييل!
و خصوصاً كلامك الحلو اللي لَمصر, لَمِصر مش لأي حددد تااااني :)))
هههههههههههههه

تحياتي إلك يا أستاذ سيد و يا ريت نبقى على تواصل
رنا :)

رضا الكومى يقول...

طالما الكلام جميل كده كمله

وبعدين الكلام ده مش لمصر صح ؟؟؟

فلسطينية الهوى يقول...

جميلة

أبو العريف يقول...

ازيك يا باشا

كلام جميل جدااااااااا

وحسيته اجمل لما عرفت انه لمصر

علي فكره الحاجات اللي ما بتكملش دي بتبقي اجمل من اللي بتكمل

دمت مبدعا

قلم رصاص يقول...

ظل السماء

اهلااهلا بأهالي فلسطين الأعزاء

ازيك اخت رنا كيف حالكم

والله نورتي المدونة

وتعليقكم يسعدني جدا بل ويشجعني كمان

واشكرك على رأيك في التدوينه

ويبقى التواصل يافندم طبعا

في حفظ الله

قلم رصاص يقول...

رضا الكومي

ههههههههههههههههههههه

حاضر يا أستاذي هحاول اكمله ان شاء الله

واه طبعا مش لمصر ههههههههههههههه

مصر دي امي ..حد هيقول لامه الكلام ده
ههههههههههههه

في حفظ الله

قلم رصاص يقول...

فلسطينيه الهوى

ماشاء الله الفلطسينين مشرفني النهاردة كتير

أمجاد ياعرب امجاد هههههههههه

بجد نورتي حضرتك

واشكرك على المرور والتعليق

وكل سنة وانتوا طيبين

في حفظ الله

قلم رصاص يقول...

أبو العريف

حبيب قلبي

كله تمام والله ياريس
الحمدلله

واهو انت الوحيد اللي فهمتني صح
الحاجة اللي مبتكملش هي اللي حلوة
ههههههههههههههههههههه

أشكرك جدا على مرورك وتعليقك

في حفظ الله

الشعب لابد له من حكومه تشكمه يقول...

انا جييييييييييييييييت:)
ايه ده انا متأخره كده ليه:(
انا عمر ترتيبى مكان وصل كده خالص فى الفصل:(
انا زعلانه بجد..

وايه العاتفى دى,,انتو بتتعدوا من بعضيكو ولا ايه؟:)

بجد ياسيد تحفه والله عجبتنى جداااااااااااااااااااااااا...
ومش فاهمه ليه هتكملها هى اصلا كده كامله..:)

ماشاء الله بترسم وبتألف شعر (حقد)
لا بجد والله جميله.عجبتنى دى:

بحبك

في هدوئك وثورتك
وضعفك وقوتك
وجبروتك ورقتك
ولما اغيب عنك واحس بلهفتك


*** انت فينك مختفى من فتره ليه كده؟ ما اسكت الله لك حسا.:))

استمر يا رومانسى:)

الشعب لابد له من حكومه تشكمه يقول...

اه بالمناسبه.
طول عمرى كنت اقرى كلمه برايه وعمرى مفهمتها.
اخيرا فى البوست ده فهمتها ههههههههههههه.

هى باه اسمها برايه اليومين دول:)دنا ثقافتى ضايعه خالص:)
ال برايه ال...

قلم رصاص يقول...

الشعب لابد له من حكومه تشكمه

حمدلله على السلامة ياشيما
وصلتي الى أوطاني بسلام
ومش تزعلي ..بجد مكانك محفوظ مهما كان الترتيب .. وانتي على فكره اللي مختفيه

بس بجد سعيد انها نالت اعجابك
يعني شايفه انها كامله .. غريبه الكل ومنهم انتي كمان بتقولوا انها كامله مع اني حاسس ان ناقصها حاجات برضه

معرفش يمكن عشان انا فعلا دايما ببص لنفسي بعين الناقد الى جانب الكاتب

بس عاوز اقولك حاجة مهمه انا بجد مبعتبرش نفسي شاعر بمعنى الكلمة ..انا مجرد بحاول ..ولسه غير راضي تماما عن محاولاتي الحاليه والقديمة يمكن عشان مش عاطي للشعر الوقت الكافي من اهتمامتي
لكن تبقى حقيقه مؤكده وهي اني قارئ نهم للشعر واحسب نفسي من متذوقيه الحمدلله .وده يمكن مع الأيام يقوي محاولاتي كي اعتبرها أعمال شعريه قوية

وحلوة اوي كلمة عاتفي دي
هههههههههههههه
بقعد اضحك عليها منك

وبخصوص البرايه .. احنا اي خدمة
معلومه اهه بنص أرنب هههههههه
على فكره دي من اختراعي انا باعتباري قلم رصاص

بجد تعليقك أسعدني جدا ياشيما

نورتي المدونة
بس فاتورة الكهربا عليكي بقى
هههههههههههههههه

في حفظ الله

بنت النيل يقول...

ههههههه
زمان كن فى اوبريت لياسمين الخيام كانت بتقوم بدور مصر والمطرب اللى قدامها كان شعب مصر وكان بينادلها كأنها عروسته وكانت ترد عليه وتقوله من غير ماتنده انا جاية
انا من زمان مستنية
توب الفرح والصبحية
فستانى بحراوى
والحنة سيناوى
بلد إبنى شرقاوى
مصرية من ارض الفيروز

انت فكرتنى بالاوبريت ده
وانت بتاعب وتشتاق لحبيبتك مصر
أشكرك

قلم رصاص يقول...

بنت النيل

اهلا وسهلا بحضرتك

وانه لشيئ جيد ان اكون سببا لتذكيركم بأعمال فنيه كبرى زي اللي الأوبريت اللي قولتي عليه ..رغم أني اعتزلت النساء ههههههه قصدي الغناء

اشكركم جزيل الشكر على المرور

Beram ElMasry يقول...

صديقي العزيز القلم الرصاص

اسعدني شهامتك ونخوتك المفتقدة بين الكثيرين من شباب اليوم وهذة الحمية والغيرة علي بناتنا اسعدتني كثيرا وعليك ان تعرف ياصديقي اني لا اسيئ الي انثي

لك تحياتي والسلام ولا سلام مع بني اسرائيل

قلم رصاص يقول...

عمنا بيرم

جزاك الله خيرا يا أستاذنا الجميل على مرورك وردك وكلامك الحلو ..
والحمدلله اني في نظرك بهذه الصورة ويارب دايما كده

وانا طبعا متأكد ان نيتك كانت سليمة فيما كتبت عندك في المدونة ..بس انا بس انا بس تضامنت مع زعل أساتذتنا وتاج راسنا الدكتورة ستيته .

كل سنة وحضرتك طيب

في حفظ الله

خواطر شابة يقول...

انا كتبت لك هذا الرد على تعليقك في مدونتي لكن مخافة ان لاتطلع عليه سأنقله لك هنا
"هل عرض "انت تسأل وقلم رصاص يجيب " لازال مفتوح لان عندي سؤال بس لاازم اعرف هل العرض لازال ساري ام توقف
تحياتي لك"

قلم رصاص يقول...

خواطر شابه

طبعا اختنا الكريمة مازال ساري وللأبد

اتفضلي اسألي انا تحت امرك

وان شاء الله احاول اقدم المساعدة على قدر ما اعلم

في حفظ الله

كلمات من نور يقول...

بصراحه كلام زي داه لازم يتكمل علشان بجد في حب مصر ومن القلب وكمان جميل ...يبى لازم تكمله وبلاش تكاسل ...داه نوع من أنواع اتقان العمل ...إن الله يحب إذا عمل أحدكم عملا أن يتقنه وطالما انت مدون يبقى الكلمة عملك ولازم الإتقان..وفقك ربي لما يحب ويرضى

اقصوصه يقول...

بدايات كثيرا

في حياة كل منا

تنتظر من يكملها :(

خواطر شابة يقول...

عندما وضعت لينك الاغنية في تدوينتي الاخيرة لم يكن هذا ما أبحث عنه انا كنت اريد طريقة تجعل بمجرد فتح البوست تسمع الاغنية وفي نفس الوقت انا عندي مجال لكتابة ماأشاء
لاأعرف ان كنت استطعت ان اشرح ما احتاجه
شكرا لك على اهتمامك
تحياتي

شيرين يقول...

حاول بجد تكمل اللي بتكتبه لان فعلا كلامك حلو

غير معرف يقول...

ازيك يا عم الحج

ايه الكلام الجميل ده

روعه بجد والله

بجد والله كمل اللى بتكتبه لان احساسك عالى جدآ

وبعدين فينك مش ظاهر ليه :D

*همسة حب * زوزو يقول...

جميل اوي الكلام و احساسه عالي
بلاش تكسل تنشره و لو حتى مكتملش
مش مهم الكم قدر ما مهم المضمون
تحياتي

لمسة حنان يقول...

كلام جميل جدا ....

انا احترم جدا عبدالله جول ورجب اردوغان


يارب تتحول لقلم جاف

عشان كلامك الجميل لا يتمسح

Twitter Delicious Facebook Digg Stumbleupon Favorites More

 
Free Web Hosting