أحداث 24 ساعة

سنة أولى تدوين

 
 

بسم الله الرحمن الرحيم

السلام عليكم ورحمة الله وبركاته

في الخامس من أغسطس من العام الماضي 2008م في تمام الساعة الثامنة مساءا .. أي على بعد عام  بالتمام والكمال من الأن.. كانت بدايتي مع دخول عالم التدون

كان موعدا عاديا بالنسبة لي ، فأنا لي تجربة سابقة في التدوين لكنها لم تكتمل لعدم ادراكي أهمية وجمال هذا العالم الغير عادي
فكان عاديا لأنه لم يكن النافذة الأولى لي لإبراز بعض  مالدي مما يمكن تسميته بمواهب ..فقد كان ينشر لي دائما بعض كتاباتي وأعمالي الفنية خصوصا فن الرسم في صحف اقليمية واخرى كبرى كالوفد ومجلات متخصصة  منذ طفولتي

ده بالإضافة لتواجدي منذ فترة طويلة على بعض المنتديات العربية الشهيرة على شبكة الانترنت ، وكان يحسبونني ذو بصمة ..لكني كنت لا أشعر بذلك صدقوني بجد ..مكانش فيه بيني وبين هذه النوافذ أي كيميا تجعلني أشعر بالانتماء لمكان معين .. أحبه بإخلاص.. ومستعدا للزود عنه في وجه أي عقبات ..الخ

الى أن دخلت عالم التدوين بحماسة جديدة ..جعلتني أشعر بأهمية الحدث ..وضرورة أنه يجب علـًـي أن أرتقي الى مستوى هذا الحدث
وكان ذلك على يد أعز أصدقائي المقربين ..صلاح ..صاحب مدونة مسدس صغير .. الذي أبعث له بتحية من أعماق قلبي لاعتزازي الشديد بأخوته وصداقتي له .. وده كلام صدقوني بعيدا عن مجال المجاملة ولايمت له بصله الحمدلله

مع صلاح تغير إحساسي التدويني نحو هذه المساحة على الشبكة العنكبوتية رغم اني كنت امتلك مساحات اخرى وفي ساحات اكثر رحابة وشهرة من هنا سواء عربية أو أجنبية .. لكن أول مرة أحس بأن الكلمة التي اكتبها مسئولية على عاتقي ..لأني أعلم أن هناك من يقرأونها وهناك من ينتظرونها مني كما أنا انتظر كلمات الاخرين وابداعاتهم
تعرفت في عالم التدوين على قوة مصر الحقيقية ، ليست القوة الاقتصادية التي لانملكها ولا القوة العسكرية التي أعتقد انها لدينا ، وانما عرفت قوة مصر بمخزونها الاستراتيجي من الشباب الواعي صاحب الفكر المستنير المتطلع دوما للأمام بحماسه أعتقد انها محسوبة بعكس مايُتهمون ظلما ..تعززت بداخلي ثقافة الاختلاف وتأصلت لدي الروح الرياضية عند الهزيمة ان جاز التعبير ..صدقوني لا اعرف كيف أعبر عما أشعر به في هذا الموضوع 

مرت سنة بكل حلوها ومرها .. بكل أحداثها .. كتبت في السياسة ..كتبت في المشكلات الاجتماعية ..كتبت في الأحداث الجارية..حاولت أن أكتب في الشعر ومازلت أحاول لأنه ليس لي  شأن فيه .. واعرف نفسي..لكني أدعي أني محسوبُ على متذوقيه وقارئيه ..  بل وعاشقيه

وهاقتبس جملة من صلاح ، لما قال : أنا الحمدلله راضي عن نفسي في الفترة اللي فاتت ، لكن يا هل ترى هل الأخرون راضيين عني..هو ده الأهم

رغم ان هذه السنة أخرجت فيها جزء كبير مما لدي من أفكار واطروحات ورغبة في مشاركة الأخرين لبعض انتاجي ، إلا أني  أشعر بأنه مازال هناك طريقا طويلا داخلي حتي أصل لما أريد أن أقوله ..والأيام بيننا

أتمنى ميكونش حد زعلان مني الفترة اللي فاتت ..حقيقي ده تمني أريد أن يتحقق لأنه يمثل لي فاصلا مهما بين راحة البال وماسواها
أتمنى ان تكون الفترة القادمة أفضل لي ولكم جميعا

أهم حاجة كل منا يخرج مالديه ويفجر طاقاته لإثراء العمل التدويني الذي يعد نقله بكل المقاييس في عالم الكلمة والتعبير عنها دون غل من أية أيادي سواء رسمية او غير رسمية ، ولكن كل ذلك في إطار مرسوم ومحدد بأسوار المسئولية ..فنحن ضد الفوضى  حتى لو كانت الفوضى الخلاقة التي تعد جسرا لكل منا يعبر الى اهدافه .. فانا ضد أصحاب الفكر الميكيافيلي الذي اتخذ من الوسيلة هدفا للوصول للغايات .. فديننا جميل وأتى بكل مانحتاجه في حياتنا ونحن عنه غافلون .. والعجيب ان الغرب يكتشفون اسرار فسرها القرآن الكريم منذ 1400 عام .. واهل الاسلام مغيبون 

والله أسأل التوفيق لي ولكم ولكل أمة الإسلام

في حفظ الله

كان معكم

اخوكم / قلم رصاص

65 تعليقات القراء:

لاسع افندى يقول...

كل سنه وانت والمدونه بخير وعقبال 100سنه تدوين


تحياتى اللاسعه

بنجاواتى يقول...

السلام عليكم

ما شاء الله بقالك سنة بتدون يا بختك

بجد انت من اجمل الناس اللى عرفتهم فى عالم التدوين

كل سنة تدوينية وانت طيب

ويا رب دايما فى نجاح وود وصفاء معانا ومع نفسك ومع كل الناس

تحياتى

Empress appy يقول...

كل سنه وانت طيب ومدونتك طيبه يا رب وتكون بتستفيد اكتر واكتر

ليس فقيرا من يحب يقول...

السلام عليكم

كل سنه وحضرتك طيب يارب

وزى ما قولتلك قبل كده

عقبال خمسين سنه تدوين

ان شاء الله

وحقيقى حضرتك من اجمل الاقلام فى

عالم التدوين اى نعم انا مخى فاضى

ومليش اهتمامات باللى بيحصل

فى الدنيا بس الصراحه لما بدخل هنا بخرج

وانا مستفاده حاجات كتير

كل سنه وحضرتك طيب مرة تانيه

تقبل تحياتى
فى حفظ الله

شبه إنسانه .....( سهوره ) يقول...

كــــــــل سنة وانت طيب

والمدونة طيبه وبخير

وفعلا وبدون اى مجامله انته من الاقلام التى تحترم

وان شاء الله معانا لالف سنه جاين ان شاء الله

تحياتى لك

قلم رصاص يقول...

لاسع افندي

وحضرتك طيب يافندم

اشكرك على المشاركة الطيبة والتهنئة الجميلة

دمت في حفظ الله

قلم رصاص يقول...

بنجاواتي

وعليكم السلام ورحمة الله وبركاته

اهلا اهلا بصديقي الدكتور الجميل

يابختي ؟ انا عارفك طيب من يومك ومش بتقُر
بتنؤ بس هههههههههههههه

وانت طيب ياجدع دكتور

واشكرك على كلامكم الجميل اللي مستحقهوش وان دل على شيئ فانما يدل على طيب خلق من شخصية محترمة مثلك

نورتني بجد والله

دمت في حفظ الله

قلم رصاص يقول...

Appy

وانتي طيبة يا أبي

اشكرك جزيل على الزيارة الميمونة دي والتعليق

وطبعا استفدت جدا جدا جدا من عالم التدوين واتمنى ان استمر ان اراد الله لي ذلك

دمتي في حفظ الله

قلم رصاص يقول...

ليس فقيؤا من يحب

وعليكم السلام ورحمة الله وبركاته

أهلا بيكي اختي رانيا

وانتي طيبة واشكرك جدا على الزيارة وعلى التعليق المتميز والمشجع

واشكرك مرة تانية على الثناء الكبير ده اللي اكيد مستحقهوش

والله تعالى أسأل التوفيق لي ولكم ولكل المسلمين في أي مكان

دمتي في حفظ الله

قلم رصاص يقول...

شبه انسانه

وانتي طيبة يا اخت سهوره

ربنا يبارك فيكي يارب على التشجيع ده

واشكرك من كل قلبي على الزيارة والتعليق

دمتي في حفظ الله

اللى موش عارف يتغير يقول...

عقبال 100 سنة تدوين

بس واضح انك بتدخل عالياهو قبل العصر أهو
ايه ايميلى ضاع منك ولا ايه؟

غير معرف يقول...

كل سنة و انت بألف خير وصحة انت و المدونة
و إن شاء الله كل سنة تمتعونا عن السنة اللى قبلها يا رب

قلم رصاص يقول...

اللي موش عارف يتغير

في حياتك ان شاء الله يا ايهاب

بس والله ما بدخل ياهو بالنهار غالبا بسبب النت وبسبب اني مبقعدش بالنهار على النت .. المهم طمني عليك

في حفظ الله

قلم رصاص يقول...

انا ودماغي

وانتي طيبة اختي الكريمة

واشكرك على المرور الطيب والكلام الجميل

دمتي في حفظ الله

ومازلتُ أتعلم يقول...

عقبال إحتفالك بالسنة ال100

وتحكى برده عن ذكريات قديمة جميلة عشتها

بالتوفيق

قلم رصاص يقول...

ومازلتُ أتعلم

اشكرك يادكتورة على الزيارة الميمونة والتعليق المتميز

دمتي في حفظ الله

المهندس يقول...

انت تعرف تدي بالكوع ؟ ...ههههههه

كده هنخليها قلم وكوع رصاص

كل سنة وانت و المدونة ...من تألق .. الي تألق ... وعقبال عيد الميلاد رقم 60 للمدونة ....

تحياتي

المهندس يقول...

الصديق / قلم رصاص

حضرتك.. شرفتني بزيارتك الاولي ... التي اتمني استمرارها ... ودوامها ... وعدم انقطاعها ... واشكر ..الاخت " رانيا " ... لانها كانت سببا في تشريفك لمدونتي "

حضرتك صوت براااااااااحتك .... هيكون عندي احلي موسيقي ...هههههه.

انا تشرفت بزيارة مدونتك ... واري ان تظلمها ... باسم قلم رصاص ... اسمها المفترض ان يكون " قلم ذهب " ... محتوي في غاية الدسامة ... والرشاقة والعمق.. في آن واحد .

حضرتك في يوم 10 اغسطس ...هتنزل بوست ...ليه علاقة ... بما يبهجك ... موقف .... نكتة .... قصة .... شئ فعلته ...واسعدت به شخصا ... وجعلك هذا سعيدا .... اي شئ يمثل ما يسعدك ...ويجعلك تبتسم .

بعدها ستشرفني علي مدونتي ...حالما يسمح وقت حضرتك ... وتطالع البوستات ... التي سنحاول ... ان نتتبعها ...علي المدونات المختلفة .... وتشارك مع الاخرين ... في اختيار اجمل بوست من وجهة نظرك.

ادام الله عليك نعمة السعادة ... والفرح ... وجعل ايامك كلها ... لا تخلو من البهجة .

شكرا والسلام عليكم

تلميذة سلمان الفارسى يقول...

عام جديد وملىء بالطاعه ان شاء الله
انا كمان تقريبا بدأت تدوين فى نفس الوقت بس الفرق بقى انى نسيت ولسه فاكره حالا.

فشكووول يقول...

يا خبر يا قلم رصاص

كل سنه وانت طيب يا راجل

كل سنه والمدونه طيبه وبخير

شنه مليئه بالابداع عقبال السنه الجايه وناخدها سنه سنه وكل ما نخلص سنه نقول عقبال السنه الجايه

دائما بالتوفيق ونتمنى مزيد من ابداعاتك وبوستاتك الرائعه

تحياتى قلم رصاص

منــار فايد يقول...

قلم رصاص باشا
كل سنه وانت طيب يارب
ويارب مليون سنه
يارب الجاي يكون احسن
يارب يكون كله تمام معاك

في حفظ الله

akeed يقول...

كل عام وانت فى خير حال فعلا انت انسان جدير بالاحترام و مواضيعك الرائعة

تحياتى و تقديرى

dalia يقول...

كل عام وانت مدون ناجح عقبال السن الخمسين في التدوين ومزيد من التواصل مع المدونيين
تحياتي الراقية
داليا

مسدس صغير يقول...

كاتب نص البوست بس عنى؟؟؟؟
ايه الجشع ونكران الجميل ده؟
انتى مش عارف ان لولا انا مكنتش هتشوف النور والشمس والترعة؟؟
انت ناسى انا انا.........
ههههههههه
ايه ده؟؟
ايه التواضع بتاعى ده؟؟
ههههههه
لا بجد يا عم قلم انت قلم يستحق ان يكتب
انت قلم له مباؤه
انت قلم مش ممكن اسيبه يعيش ليوم التلات ولا الاربع
انا
انا اللى حرمت نفسى من التدوين عشان تستدون
انا اللى حرمت نفسى من الحما عشان تستحمى!!
ههههههههه
بجد يا عم قلم ان غاب عنى حبيبى همنى خبره
" همنى " من الاهتمام مش من الهم
ههههههه
انت انسان رائع
نشكرك انك اثريت عقولنا بعام كامل من وقت سيادتك
اسأل الله ان يغفر لك ويرحمك
ويسدد خطاك
ويحقق لك اكثر مما تتمنى
ادعيلى بقى
وعقبال 200 سنة تدوين وتفضل تحكى عن مسدس صغير الله يرحمه
وتقول للناس مين هوه مسدس صغير
هههههههههه
حلوة؟؟
حلوة؟؟
اكيد حلوة..

طوبه فضه وطوبه دهب يقول...

kol sana w7drtk wmdontk bkol kher wsa3ada wela alamam daamn ya rab

قلم رصاص يقول...

المهندس

اهلا اهلا بيك ياهندزه

وايوا فعلا اعرف ادي بالكوع بس ده سلاح استراتيجي عاينه للوقت المناسب
هههههههههههههه

واشكرك جزيل الشكر على هذا الاطراء والكلام المشجع وربنا يكرمك يارب

بس اصل فكرة قلم رصاص ليها وقع خاص عندي .. فكرتها حلوة من زاوية اني مقتنع اه بأفكاري وارائي لكن لو اكتشفت اني اخطأت مثلا او جانبني الصواب في هذه الحالة أعدل عن رأيي ، فالرجوع للحق فضيله وكل البشر خطائون وخير الخطائين التوابون

من هنا جاتلي فكرة قلم رصاص اللي هي في نفس الوقت عنوان لبرنامج شهير للاعلامي الرائع حمدي قنديل

وان شاء الله بخصوص البوست بإذن الله هشارك معاكم ببوست عندي واجي عند حضرتك برضه للمتابعه

وانا الأسعد بالزيارة يافندم

في حفظ الله

قلم رصاص يقول...

تلميذة سلمان الفارسي

ربنا يتقبل منك يابشمهندسه الدعوة الحلوة دي يارب نحن واياكم

وياستي اديني كنت سبب انك افتكرتي معاد التدوين

أي خدمة !

ههههههههههههههه

نورتينا بأمانة

دمتي في حفظ الله

قلم رصاص يقول...

فشكووول

وحضرتك طيب ياعمي الغالي فشكول بيه

اني احبك في الله يارجل

اي والله العظيم زي مابقولك كده

وربنا يتقبل منك الدعوة الحلوة دي يارب

زيارتك لي دايما بتحسسني بقيمة ما أكتبه

ده حقيقي والله من قلبي ياعمو العزيز

دمت في صحة وعافية وفي حفظ الله

قلم رصاص يقول...

شباك موارب

وانتي طيبة يادكتورة منار

واشكرك من كل قلبي على الكلمة الحلوة دي

ربنا يوفقك يارب

دمتي في حفظ الله

سنابل يقول...

كل سنة وانت طيب وعقبال ما نحتفل معاك بعيد ميلاد المدونة ال 100

بجد مدونتك محترمة اوى
ان شاء الله تكون دايما راضي عن نفسك

تقبل مروري و تعليقي

قلم رصاص يقول...

akeed

وحضرتك بخير

اشكرك جزيل الشكر على هذا الكلام المشجع

دمتم في حفظ الله

قلم رصاص يقول...

dalia

وحضرتك طيبة أستاذه داليا

أشكرك جزيل الشكر على الزيارة الميمونة

وعلى الكلام الجميل

دمتي في حفظ الله

قلم رصاص يقول...

مسدس صغير

هههههههههههههههههههه

تمام اوي الرد ده يا ابوصلاح

هههههههههههههههههههه

انا مقدرش انكر انك حرمت نفسك من النت

عشان استنتت .. وحرمت نفسك من

التدوين عشان استدون

ههههههههههههههههههه

ربنا يخليك ياصاحبي لمصر

دايما كده منورني انا خلاص بيتي هيتخرب

من فواتير الكهربا ههههههههههههه

تعرف اني محسش بقيمة التدوينة الا اما

انت تعدى عليه ..!

خد في نفسك مقلبا كبيرا بقى

ههههههههههههههههههه

دمت في حفظ الله

حـــلـــم كـــان يقول...

كل سنه وانت طيب والمدونه اجمل واجمل

وده كان يوم كويس لينا عشان عرفانك

حلم بيعافر يقول...

سنة حلوة ياجميل

شويه كرامه يقول...

كل سنه وانته بالف خير وسعاده يا قلم أفندي ودايما تكون معانا وتمتعنا بكل كلمه كتبتها وهتكتبها وكل فكره تحارب من أجل نشرهاإن شاءالله؛معلش التهنئه متاخره شويتين بس أنته عارفني في المواعيد كويس ؛ كل سنه وانته بخير يا ريس ونشوفك قلم رصاص زي ما بتتمني وأحسن ونشوف مدونه قلم رصاص زي بيت العيله بتلم كل الحبايب وفيها كل الخير والحب دايما بإذن الله ..

جحا المصرى يقول...

كل سنة ومدونتك بخير
كل سنة وانت دايما بينا

قلم رصاص يقول...

طوبة ذهب وطوبة فضة

وحضرتك بخير

شكرا جزيلا على المرور الطيب والتعليق الجميل

دمتم في حفظ الله

قلم رصاص يقول...

حـــلـــم كــــان

وحضرتك طيبة

واشكرك على التعليق

دمتي في حفظ الله

قلم رصاص يقول...

سنابل قمح

وحضرتك بألف صحة وخير

واشكركم يافندم على الكملتين الحلوين دول

دمتم في حفظ الله

قلم رصاص يقول...

حلم بيعافر

وانت طيب يامحمد

دخلت التاريخ ياض خلاص
هههههههههههههههه

في حفظ الله

قلم رصاص يقول...

شوية كرامة

معقوله ياناس

الباشا عندي بنفسه لالالالالا اكيد فيه حاجة صح ههههههههههههههه

والله واحشني جدا ياريس
ومقولكش اد ايه انا مبسوط انك اخيرا علقت عندي على بوست

اظهر وبان عليك النشان على رأي صلاح
ههههههههههههههههه

وانت طيب ياحبيب قلبي
وكل سنة وانت اخويا وصديقي الغالي علي

وعاوزك كده على طول تظهر هنا

خد بالك صاحبك مبياكلش بني آدمين والله

هههههههههههههههههه

مش هقولك حاجة غير : خد راحتك المدونة بتاعتك من غير كلام..عاوز تاخد شاور وتنام ماااااااشي ..عاوز عشا ماشي برضه .. أي حاجة اعملها انا تحت امرك ياريس

منورني حقيقي مش عارف انقلك ازاي انا سعييييييييد بمرورك ده النهاردة

دمت في حفظ الله

قلم رصاص يقول...

جحا المصري

وانت طيب ياجحا

واشكرك من كل قلبي على المرور والمشاركة

دمت في حفظ الله

Maryama Qandil يقول...

كل سنة وتدوينتك منورة باضافاتك و بصمتك,,,

غير معرف يقول...

ايه ده
كان عيد ميلاد مدونتك .. وفاتني :((((

غير معرف يقول...

عموما .. كل سنه وانت قلم رصاص قوي .. مبيتأصفش ..

مهندس مصري بيحب مصر يقول...

كل سنة و انت طيب
:)

قلم رصاص يقول...

♥ Am fOpa'D ♥

وحضرتك طيبة يافندم

شكرا جزيلا على الزيارة

في حفظ الله

قلم رصاص يقول...

♥ Am fOpa'D ♥

وحضرتك طيبة يافندم

شكرا جزيلا على الزيارة

في حفظ الله

قلم رصاص يقول...

hager_za3bal

اه تصوري ههههههههههه

عموما وانتي طيبة يا دكتورة هاجر

وعقبال مدونتك

في حفظ الله

الشعب لابد له من حكومه تشكمه يقول...

كل سنه وانت طيبوعقبال متشوفها وهى عروسه وعندها 20 سنه:)) وتدخل تكتب يومياتك وانت اب وبتجوز ولادك وبعدين احفادك ان شاء الله

قلم رصاص يقول...

الشعب لابد من حكومة تشكمه

دا يوم المنى ان ده يحصل

هههههههههههههه

أشكرك يافندم على الزيارة والتعليق

وكل سنة وانتي طيبة

في حفظ الله

Unknown يقول...

عـــــــام جديد
وعمـــــــر سعيد
لك ولمدونتك بأذن الله
ياقلــــــــم رصــاص

Unknown يقول...

وضعت التعليق بأول
تدوينة وبالتدوينة دى
يعنى كتبتلك مراجعة شاملة :)

Unknown يقول...

عفواً ياقلم رصاص
ولكن اعتقد ان هناك
خطاً فى التاريخ المدون
لوفاة المغفور له بأذن
الله تعالى الدكتور ابراهيم على
فكيف يوافق 15 شعبان1430هـ
(اى هذا العام)و6اغسطس2008
اى العام الماضى؟

EMMY BABY يقول...

اووووه ايه الكلام الكبير ده

ايه ياعم انت انا مش واخدة عليك فى جو الدراما ده انت علطول بتضحكنى

ههههههههههه معلش حبة غلاسة زى ماغلست عليا فى عيد ميلاد بنتى ضنايا

كل سنة وانت طيب وعقبال سنين كتير وانت معانا

وصلاح حكالنا لما اقلك اعمل مدونة وانت قلتله لا ياعم انا مشهور على المنتديات ههههههههههه


عالم التدوين كسب مدون جميل

تحياتى

ايمى

قلم رصاص يقول...

norahaty

وحضرتك طيبة يادكتورة

اشكرك جزيل الشكر على المرور والتعليق

وخصوصا في اول تدوينة لي

وبخصوص التاريخ الخاطئ .. فعلا عندك حق

الخطأ طلع من عندي .. وتم التعديل

ولكم جزيل الشكر وجزاكم الله خيرا

ونورتينا بأمانة يافندم

في حفظ الله

قلم رصاص يقول...

EMMY BABY

هههههههههههه ده على أساس اني بلياتشو يعني .. ماشس ماشي

عموما انا بقول زيك كده برضه .. واطمنك انا هنزل بوست النهاردة مختلف وهو جزء من حملة عاملها واحد زميل مدون جميل عن الضحك والبهجة ودعوة للفرح

وعموما وحضرتك طيبة يادكتورة ايمي

وبنتك مين ؟

ااااااااااااه هههههههههههه

مدونتك يعني .. انتي لسه فاكره

المهم خدي بالك منها كويس أصل بيقولوا المدونات بتتخطف اليومين دول
خصوصا الصغيرين هههههههههه

نورتينا

في حفظ الله

Unknown يقول...

هل لىّ ان أسأل
من هو الفقيد
رحمة الله عليه
وعلى أمى وابى
واموات المسلمين
اجمعين؟ام هو شىء خاص؟

*البت المشمشية *حلوة بس شقية * يقول...

عقبال 30 سنة كمان كفايه علينا

عطش الصبار يقول...

كل سنه وانت طيب

قلم رصاص يقول...

norahaty

طبعا من حقك تسألي يادكتورة

والمرحوم مش حاجة خاصة ولا حاجة

الله يرحمه يارب ويدخله فسيح جناته

هو من بلدي في المنزلة .. وكان صديق

وقريبي برضه من بعيد شوية ومعرفة اوي

يعني .. وزميل ابن خالي وصديقه المقرب

وجزاكم الله كل خير

قلم رصاص يقول...

البت المشمشية

وماله ياستي 30 سنة حلوين برضه مش قليلين

وشكرا جزيلا على المرور

قلم رصاص يقول...

عطش الصبار

وحضرتك طيب

شكرا جزيلا على المرور الكريم

قلم رصاص يقول...

عطش الصبار

وحضرتك طيب

شكرا جزيلا على المرور الكريم

Twitter Delicious Facebook Digg Stumbleupon Favorites More

 
Free Web Hosting