أحداث 24 ساعة

حقـــك علـــــــــــــَي

 
بسم الله الرحمن الرحيم

السلام عليكم ورحمة الله وبركاته
أشكر اختنا الكريمة صاحبة مدونة البت المشمشية على فكرة الحملة التي قادتها لإرساء فكرة روح التسامح بيننا وبين كل منا والاخرين

الحقيقة التسامح أقصر طريق بين الانسان واخوه الانسان ، فدعونا نسامح بعضنا بعضا 

فبالتسامح تقوى أواصر الصلة بين كل الناس .. والقوي من يعفو عن الاخر .. فالعفو من شيم الكرام

قال تعالى في كتابه الكريم : (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ
عاوز أقول لكل حد زعلان مني حقك علي

عاوز أقول لكل حد فهمني غلط في فكرة مقدرتش اوصل له معناها صح برضه حقك علي

عاوز أقول لكل حد اخد عني فكرة مش مريحاه مني برضه برضه حقك علي

تعرفوا بجد انا مقدرش يجيني نوم واحس بالأمان والسكينه وراحة البال وانا عارف ان فيه حد واخد على خاطره مني او فيه بيني وبينه 

أي حاجة مزعلاه مني .. قمة سعادتي اني الاقي احترام الاخرين لي ظاهر في عيونهم في كلامهم ..حتى في حركاتهم ان كنت باشوفهم

رمضان خلاص قرب .. أيام كريمة متتعوضش .. دي فرصتنا عشان نقرب لربنا اكتر واكتر .. وطبعا لما نكون كلنا مسامحين بعض 

دي خطوة كبيرة جدا في هذا الطريق اللي مفروض نمشي فيه عشان نوصل لرضا ربنا

معلهش البوست جه متاخر شوية نتيجة ظروف

وبأمانة فكرة البوست جت في وقت متميز جدا بالنسبة لي شخصيا  ولذلك بأوجه شكري لأختنا شيماء مرة تانية

أولا رمضان قرب لسه 20 يوم فقط وكل سنة وانتوا كلكوا طيبين وبخير

ثانيا لأني هاحتفل مع نفسي واكيد معكم برضه بمناسبة مرور سنة على دخولي عالم التدوين من خلال مدونتي اللي أصبحت جزء هام 

جدا من حياتي قلم رصاص

اتمنى اكون خفيف عليكم

وربنا يوفق الجميع

طيبتم وطاب سعيكم وممشاكم

والسلام عليكم

38 تعليقات القراء:

أم مالك يقول...

ايه ده اول مرور ليا
واول تعليق احمد الله على ذلك
اللهم اجعلنا من اهل التسامح
وينزع مافى صدورنا من غل وحقد
اعجبتنى جدا المدونة بعد مرور سريع
وسوف اعود فى الاحتفالية بها وابارك
اتمنا التواصل بيننا
تحياتى

أم مالك يقول...

على فكرة نسيت اقولك
حقك عليا انى تاخرت فى الدخول
عندك لغابة دلوقت

قلم رصاص يقول...

أم مالك

اهلا ومرحبا بحضرتك في اول زيارة للمدونة

وان شاء الله يكون هناك تواصل ولنا الشرف

ولايهمك حضرتك يافندم

في حفظ الله

حلم بيعافر يقول...

الفكرة جميلة قوى ان كل الناس تكتب فى الموضوع ده
وانا بقولك حقك عليا يابن خالتى
وسلاااااااااااااااام

قلم رصاص يقول...

حلم بيعافر

هي فعلا الفكرة حلوة اوي يامحمد وعجبتني

مع اني مكنتش ناوي اكتب بوستات جديدة قبل تلات ايام

المهم

حقي عليك ليه يابني انت عملت لي حاجة

هههههههههههههههه

والله اللي يعيش ياما يشوف

ابقى كلمني على الياهو عشان اشوف ايه حكايتك

في حفظ الله

بنجاواتى يقول...

باش مهندس قلم:

حقك عليا
ارجوك سامحنى..ارجوك..ارجوك

يللا ياض امشى من هنا علشان هنرش ميه

انا بقى عايزك تنزل بوست تطلب فيه السماح من شخصية البوست اللى قبل ده علشان رمضان كريم ههه

يا رب ايامنا تكون كلها تسامح ويا رب لما نسامح نعرف نسامح لله من غير ضغط من الاصدقاء او غيرهم
ويا رب يكون رمضان السنة دى موفق ونملاه بالطاعة
وكل سنة ومدونتك الجميلة دى بخير

عايز كمان ولا كفاية؟؟؟ ههههههه
سلام

شباك موارب يقول...

ربنا يبلغك رمضان يارب
وكل سنه وحضرتك طيب
ربنا يتقبل منك

منار

محمد عبد الباسط يقول...

فمن عفى واصلح فاجره على الله

فكرة جيده جزيتم خيرا على نشرها وارسائها

حلم كبير

تلميذة سلمان الفارسى يقول...

لا على فكره انا مشمسامحه
وحقى هاخده يوم القيامه
...
اكيد بهزر
بارك الله فيك

اللى موش عارف يتغير يقول...

أهاً على قلبه هواه محكما

ازيك حقى عليك
اظهر عالياهو عشان اسامحك

انا ودماغي يقول...

ربنا يجعله فى ميزان حساناتك إن شاء الله

Hossam يقول...

حبيب قبى وحشتنى جدا صديقى
وبجد انت شخصية جميلة ومحترمة وبتفرض احترامها لكل اللى بيخشوا مدونتك الجميلة
انا عرفتك شخصية جميلة ومتحصرة واتمنالك كل الخير
بجد موضوع ينم على نضافة قلبك وصدرك
اتمنى انك تكون بخير
تحياتى

غير معرف يقول...

ياريت حضرتك لوموجود عرفنى انا عايزك ف موضوع ضرورى ومش عارف اكلمك ازاى

غير معرف يقول...

ياريت حضرتك لوموجود عرفنى انا عايزك ف موضوع ضرورى ومش عارف اكلمك ازاى

قلم رصاص يقول...

بنجاواتي

بشمهندز مين يادوك انت بتشتغلني؟
هههههههههههههههههههه

ربنا يخليك لينا يادكتووور

والله انت راجل محترم وعزيز علي جدا

وخلاص متعيطش والله مسامحك ياعم في المليون

جنيه اللي انا عاطيهولك هههههههههههه

وما اجمل التسامح بالفعل والله يادوك

ويلا هوينا بقى

هههههههههههههه

في حفظ الله

قلم رصاص يقول...

شباك مواب

وانتي طيبة يا دكتورة منار

نحن واياكي يارب ان شاء الله

دمتي في حفظ الله

قلم رصاص يقول...

محمد عبد الباسط

ونعم بالله يادكتور محمد

اشكرك على المرور الكريم

نورت المدونة

دمت في حفظ الله

قلم رصاص يقول...

تلميذة سلمان الفارسي

ههههههههههه ليه بس يافندم

ما حضرتك فعلا كده كده هتاخدي حقك يوم

القيامة

بس برضه ، لو عليكي حاجة هتدفعي هتدفعي
ههههههههههههههه

دمتي في حفظ الله

قلم رصاص يقول...

اللي موش عارف يتغير

"أهاً على قلبه هواه محكما"

هههههههه بتقول ايه يابني مش فاهم

ترجم .. الظاهر الغربة لحست مخك

هههههههههههههههه

وبخصوص الياهو ماشي بس هتدفع كام اول

ههههههههههههههه

ربنا يسهل ونحاول نديك خمس دقايق من

وقتنا الثمين

في حفظ الله

قلم رصاص يقول...

انا ودماغي

ربنا يتقبل منك يا اختي الكريمة الدعوة الحلوة دي

نحن واياكم ان شاء الله

وكل سنة وانتي طيبة


في حفظ الله

قلم رصاص يقول...

Hossam

صديقي الغالي حسام

والله لا أجد من الكلمات ما استطيع التعبير

به عن امتناني لكلماتك الرقيقة والجميلة

في حق شخصي المتواضع

دا كرم اخلاق منك والله ياحسام

كل سنة وانت طيب

دمت في حفظ الله

قلم رصاص يقول...

غير معرف

اهلا بيك اخي الفاضل

موجود فين يافندم بالظبط ؟

لو تقصد المدونة .. انا موجود فيها كل يوم ان شاء الله

أي خدمة انا تحت امرك ، بس الاول عرفني اسم حضرتك عشان افهم انا باتكلم مع مين

وتحت امرك في اي حاجة

نورت المدونة

في حفظ الله

ليس فقيرا من يحب يقول...

السلام عليكم

كل سنه وحضرتك طيب

وربنا يبارك لنا فى شعبان

ويبلغنا رمضان

وعقبال 50 سنه تدوين ( كفايه عليك كده)

وربنا يطهر قلوبنا يارب

تقبل تحياتى
فى حفظ الله

ومازلتُ أتعلم يقول...

كل سنة وحضرتك بخير والمدونة متألقة دائماً
وفكرة بوستات التسامح ديه جميلة جداً
جزاكم الله كل خير..

رضا الكومى يقول...

عندما نريد التسامح فليس صعباً
ونخلق الأعذار لمن نريد أن نسامحه
ولكن أحيانا يطغى الغضب ولا يجعلنا نفكر فى المودة .
فاللهم بلغنا جميعاً رمضان ونحن متسامحون

قلم رصاص
جميل جداً أن تكون أول زيارة لى فى هذا الجو المتسامح

تقبل مودتى

قلم رصاص يقول...

ليس فقيرا من يحب

وعليكم السلام ورحمة الله وبركاته

وحضرتك طيبة يافندم

اشكرك على الزيارة الكريمة والتعليق

الاجمل

و50 سنة حلوين اوي نحمد ربنا ونشكر فضله


دمتي في حفظ الله

قلم رصاص يقول...

ومازلتُ أتعلم

وانتي طيبة يادكتورة

ورمضان كريم خلاص اهه على الابواب

ربنا يجعل ايامك كلها سعادة وود وتسامح

دمتي في حفظ الله

قلم رصاص يقول...

رضا الكومي

أهلا بحضرتك في المدونة اخي الفاضل

واصبت كبد الحقيقة في مقتل

عندك حق فعلا فيما قلته

وجزاكم الله خيرا

ودمتم في حفظ الله

المعلم محمد صاحب المطعم - طعمية سخنة يقول...

طيب و اللي قلبه اسود يعمل ايه !؟

غير معرف يقول...

هو انا هخطفك بجد عايزك ضرورى وع فكرا انت متعرفنيش لو مش هيضايقك عايز الايميل الخاص

قلب ارهقته الاحلام يقول...

جزاك الله خيرا ع البوست الجميل

ومشاركتك ف الحمله

وبرده مش هغير الاستايل عند بأة ههههههههههه

دمت بألف خيرر

قلم رصاص يقول...

المعلم محمد صاحب المطعم - طعمية سخنة


ههههههههههههه

والله مش عارف

تصور صحيح اللي قلبه اسود يعمل ايه!

ربنا يسهل له بقى

المهم انك نورتني

وكل سنة وانت طيب

في حفظ الله

قلم رصاص يقول...

غير معرف

ولايهمك يافندم انا أسف متزعلش مني

ده الاميل
sayedxp66@yahoo.com

دمت في حفظ الله

قلم رصاص يقول...

قلب أرهقته الأحلام

وإياكم ياستي ان شاء الله

وكل سنة وانتي طيبة

بس بخصوص مسألة تغيير استايل المدونة
أنا معدتش هقولك تاني على الموضوع ده
لأني قررت اغيره بنفسي
هههههههههههههههههههه

هاخترق المدونة بتاعة حضرتك واغير الاستايل زي ماانا عاوز

امكانيات بقى !
ههههههههههههههههههههه

شكرا جزيلا اختي الكريمة على المرور الطيب وكل سنة وانتي طيبة

في حفظ الله

اقصوصه يقول...

دعوه جدا جميله :)

صمت الحنين يقول...

السلام عليكم ورحمة الله وبركاته

كل سنه والامه الاسلاميه كلها بخير
وياريت نبقى كلنا داخلين رمضان ومافيش اى خصومه بينا وبين اى حد

قلم رصاص يقول...

اقصوصه

والله زيارة حضرتك الاجمل

وكل سنة وحضرتك طيبة والى الله اقرب

نورتي المدونة

في حفظ الله

قلم رصاص يقول...

صمت الحنين

وعليكم السلام ورحمة الله وبركاته

وحضرتك طيبة والأمة الاسلامية كلها بخير

ويارب نسأل الله تعالى أن يصفي قلوبنا

وأن ينقيها كما ينقى الثوب الأبيض من

الدنس وان يباعد بيننا وبين ذنوبنا

كما باعد بين المشرق والمغرب

نورتي حضرتك المدونة

في حفظ الله

Twitter Delicious Facebook Digg Stumbleupon Favorites More

 
Free Web Hosting