أحداث 24 ساعة

الحمدلله خلصت

بسم الله الرحمن الرحيم

السلام عليكم ورحمة الله وبركاته

الحمدلله اخيرا ياجماعه خلصت بعون الله الامتحانات على خير ورجعنا تاني للحياه التدوينية

نسألكم فقط الدعاء بالتوفيق بالنجاح في امتحانات التحريري

واحب اقولكم على حاجة جميلة حدثت معايا في المادة قبل الاخيرة وهي مادة القانون الاداري (المسئولية الادارية ) كان الوقت ضيق جدا والامتحان طوووووووووووووويل للغاية ، هو كان تقريبا كده المنهج كله ههههههههههههه

المهم اني مكنتش نمت ليلة الامتحان والتركيز كان مش عالي اوي ، فمأخدتش معايا غير قلم أزرق واحد فقط دون شيئ أخر
وطول الامتحانات مش راضي اغير الطقوس العجيبة دي تفاؤلا مني بهذا القلم رغم انه قلم عادي جدا ، ودايما بقيت استلف مسطره من اللي جنبي عشان بأحرج اني ابقى كبير اوي كده في السن _يجي 95 سنه_واشيل مسطرة ، داحتى يبقى عيب اوي ومبتقاش منظر أدام الامم المتحدة ههههههههههههههههههههه

المهم جيت في المادة قبل الاخيرة اللي قولت لكم عليها وفي اخر تلات دقايق تقريبا ، صاحبنا القلم وحيد السن من نوعه اياه ده وقااااااااااااااام فاااااااااااااااااااااضي هههههههههههههههههههه وانا كنت لسه مكتبتش نقطتين تلاتة مهمين جدا يمكن عليهم نجاحي في المادة والله ، فطلبت من المراقبة الفاضلة اللي علينا تجيبلي قلم ازرق بسرعة ، فكتر ستين ألف خيرها والله جابت لي قلـــــــــم من زميل او زميلة مش اخدت بالي ، وعينك ماتشوف الا النور ونزلت كتابة في اخر تلات دقايق دول .. وكأن العدو ورائي والبحر أمامي ، على رأي طارق ابن زياد ههههههههههههههههه

فالقلم ده بصراحة تفائلت بيه جدا جدا جدا لدرجة بقى اني نسيت واخدته معايا البيت ومرجعتوش لصاحبه او صاحبته ، من الاخر يعني لطشته ههههههههههههههههههههه لأني ارتحت له جدا وحصلت بينا كيميا ممكن تنجحني في المادة يوميها والحمدلله

بعد كده قررت اني اخد القلم ده لوحده برضه المادة الاخيره اللي امتحنتها امبارح ، فقد كان،،،، وكان ختامها مســــــــــــــــــــــــــــــــــــك
وعندي أمل عرييييييييييييييييييييييض جدا ان الدكتور يرق قلبه ويعطيني 20/20 لأني الحمدلله حليت فيها بما يرضي الله ثم يرضي الدكتور وان شاء الله يرضيني .. وانا قنوع جدا الحمدلله ومش هقبل أقل من الدرجة النهائية في المادة ههههههههههههههههه

وبالمناسبة المادة كانت الدعوى الدستورية

فأنا اعلنها من هذا المنبر اني احببت هذا القلم واشكره جدا على وقفته جنبي في الامتحان
ويوم ماربنا يوفقني وانجح في التحريري والله ليه علي اخده معايا في امتحانات الشفوي
بس مش ههينه واشغله ، هفسحه بس في شوارع مدينة المنصورة
ههههههههههههههههههههههههههههه

سعيد جدا اني خلصت بهذا الختام المسك واتمنى ان ربنا يكلل تعبنا ده على خير وناخد الدبلوم انا وكل
الزملاء والزميلات لأنه اكيد الكل تعب ، ولكل مجتهد نصيب

وسعيد اكتر اني وانا مروح في الطريق قابلت اخويا وصديقي الغالي علي مسدس صغير ووقفنا مع بعض شوية

وسعيد أكتر واكتر اني رجعت لقيتهم عاملين في الغدااااااااا محشي ورق عنب ، والورق للعلم محلي الزرع ، من الجنينة بتاعتنا
معلهش اعذروني ، بحبه جدا وهو من اهم الاكلات المفضلة عندي وكان لازم اقول حاجة عنه
هههههههههههههههههههه

وسعيد اكتر واكتر واكتر إني رجعت لمنطقتي وحياتي التدوينية اللي مقدرش اعيش من غير اني ابص واطل عليها

وانتظروني في البوست القادم ، وان شاء الله هيعجبكم
والسلام عليكم ورحمة الله وبركاته

اخوكم / قلم رصاص

62 تعليقات القراء:

mohamed ghalia يقول...

نورت مدونتك وبيتك من جديد
فى إنتظار مواضيعك

بنجاواتى يقول...

يا عالم يا هو بالله عليكم مش عاوز حد يقول خلصت دى تانية

راعوا مشاعر اخوانكم فى طب


ربنا يلحقنى بيكم فى الامتحانات ويلحقنى بالصالحين ويا رب يكون بيكم برضه

تحياتى

Unknown يقول...

السلام عليكم ورحمة
الله تعالى وبركاته
انا مش عارفة ارد
على ايه ولا ايه؟
انت ما صدقت خلصت
وهات ياكلام:Pههههه
اولا مبروك نهاية الامتحان

Unknown يقول...

وثانيـــا بالنجاح يارب

Unknown يقول...

وثالـــــــثاً
ما تعملها حلوانة
فى سلوانة وتاخد القلم :)
رجع اقلم لاصحابه لاما حارفع
عليك قضية فى المحكمة الدستورية
العليــــــــــــــــــــــــــا

Unknown يقول...

ورابعاًولا خامساً بقى
عدها انت انا مش فاضية:)
سلم لنا على الاستـــاذ صلاح
الشهير ب مسدس صغير وهو فى الحقيقة
مدفع كبير مضاد للفســـــــاد كله

Unknown يقول...

لأ مش عايزة حاجة
بس بقولك عوووواف
والســـــــلام عليكم

اتمني الشهادة يقول...

حمداً لله علي سلامة حضرتك...
وان شاء الله بالنجاح والتوفيق وأحلي الدرجات ...
وننتظر تدوينك قريباً...
تحياتي

MakintoshQ8 يقول...

انا اصدق هذا المبدأ .. انه في اشياء تكون خير على صاحبها .. خاتم .. قلم .. ميداليه .. حتى محفظه النقود :))

الله يوفقك بالدراسه

زيارتي الاولى وان شا ءالله مو الاخيره من الكويت :))

Sweet Violet يقول...

اعوذ بالله على دى ناس ياجدع
ال متفائل ال ..رجع القلم لصحابه احسن لك
طب انت استاذنت من صاحبه ؟؟ لأ طبعا
ماهو بوضع اليد .. ترضى انت حد ياخد المدونة بوضع اليد هه
رد
عجيبة انت مش بترد ليه هه !!!!
طبعا مش قادر تقول حاجة انا عارفة .. هتقول ايه
تؤتؤتؤتؤتؤتؤتؤتؤ v_v

و انا كنت فرحانة انك اخدت بالك من خطى على المدونة وقولت عليه جميل
اتااااااااااااااااااااارى و بلاى ستيشن كنت حاطط عينك على الحبر بتاع الكيبورد بتاعى هو كمان
هع هع بس على مييييييييييييييييين ضد التيار لاينكن تنخدع ابدااااااااااا
نيهاهاهاهاهاهاهاهاهاهاها

^^^^

جد بقى شوية مش كل حاجة كده هزار هزار ايه المدونة اللى الواحد مش عارف يتكلم فيها دى

حمدلله على السلامة و بالتوفيق ان شاء الله فى النتيجة
^_^

*البت المشمشية *حلوة بس شقية * يقول...

اهلا بيك مرة تانية

ومازلتُ أتعلم يقول...

حمد الله على سلامة حضرتك

وبالتوفيق والنجاح

ميرام يقول...

أكيد ده قلمي
انا اديت قلمي لحد في اللجنه ومارجعوش
):
ربنا يسامحه بقى
(:
بالتوفيق

NEW Teawater يقول...

حمد لله ع السلامة والله نورت
تيي ووتر

هاني سعيد يقول...

عود احمد
لكن
بلاش تماحيك
لازم تجيب تقدير السنه دى
هى حقوق صعبة اه لكن والله كله يهون لو كان عندك اصرار ويقين بالله انك تكون حد نافع لنفسه وللناس
تحياتى

صمت المشاعر يقول...

ربنا ينجحك يارب وينجح الجميع

وحمدلله علي السلامه

وان شاء الله ننتظر مواضيعك

دمت بخير

لاسع افندى يقول...

على فكره القلم ده بتاعى
طيب ممكن تسلفهولى يومين اكتب بيه كام بوست ينوبك ثواب



تحياتى

من أجل التمكين يقول...

شد حيلك يا بطل

دايما الإمتحانات مقالب و محتاجة كدة

و المعلومات مبتجيش غير و انت هتسلم الورقة خلاص

بس ابقى رجع القلم أحسن صاحبه يكون بيدعي عليك

ربنا يوفقنا جميعا

-

عابر سبيل (عبدالرحمن محمود) يقول...

الحمد لله وحمد الله على السلامة
منتظرين تدويناتك

مسدس صغير يقول...

انا اى نعم جاى متأخر بس بعتبر نفسى اول تعليييييييييييييق
فردة بقى
ما احنا طول عمرنا عايشين فردة عليكو
غير كده ايه حكاية القلم ده يا حرامى
صارح الناس وخلى عندك ضمييييييييييير
وقلهم القلم ده بتاع مين؟
وايه حكاية صاحبه او صحبته؟؟؟
صحبته ميييييييييين؟؟؟
اة عليك
ههههههههههه
نورت مدونتك يا باشا
عود محمود
عود احمد
عود سيد
عود صلاح
عواد باع ارضه
يلا بقى كفاية عليك دخول التاريخ
حلوة اوى البوست
حلوة

قلم رصاص يقول...

mohamed ghalia

دا نورك يامحمد بيه

ربنا يخليك يارب ويوفقك

وانتظر ياسيدي موضوعاتي اللي على أدي
بس ان شاء الله تنال اعجابك

في حفظ الله

قلم رصاص يقول...

بنجاواتى

ههههههههههههههههه

اطمن يادكتور ماهو انا مخلصتش أوي

انا امتحنت التحريري ومنتظر النتيجة عشان ان ربنا وفقني ونجحت فيه

أمتحن الشفوي بقى

يبقىىىىىىىىىىى اييييييييييييه

انا لسه مخلصتش اهه
هههههههههههههههه

اتمنى لك التوفيق والنجاح

وزيارة ميمونة والله

في حفظ الله

قلم رصاص يقول...

norahaty

وعليكم السلام ورحمة الله وبركاته

اهلا بحضرتك يادكتورة

دا انتي نورتي المدونة

وبعدين هنعمل ايه بس
ماهو الكلام ببلاش خصوصا اني كنت بمتحن تحريري

فسيبوني بقى اتدرب على الشفوي معاكم هنا هههههههههههههههههههه

زيارة ميمونة

في حفظ الله

قلم رصاص يقول...

norahaty

ثانيا

الله يبارك في حضرتك

وتترد لك المباركة وانت راجعة من الحجاز ان شاء الله

قلم رصاص يقول...

norahaty

ثالثا

اطمني حضرتك انا موقفي القانوني سليم 100% لأن القضاء الدستوري لعبتي

وانا محدش يهددني بالمحكمة الدستورية العليا دي لأني أدرى بيها
هههههههههههههههههههههههه

أهل مكة ادرى بشعابها زي مابيقولوا

وبعدين حضرتك انا مش خطفت القلم ولا حاجة هو كان في اعارة عندي

وحصلت بينا كيميا فانا قررت أمد له العقد شوية هههههههههههههههه

واما ربنا يكرمه كده ويعمل له قرشين كويسين يقدر يواجه بيها اعداء الحياه ........قصدي أعبائها ابقى افك أسره وارجعه لصاحبه

والله المستعان

قلم رصاص يقول...

norahaty

رابعا

السلام خلاص هيوصل

مفكوك ومضغوط كمان ببرنامج وينرير المعروف ههههههههههههههههه

مسدس اخويا ده عاد مشهور جدا وكل الناس عارفينه

انا بافكر ارشحه للرياسة 2011 لأني مش فاضي ورايا مشوار للمريخ هياخد له يجي 3 سنين هههههههه

نورتنيا مرة رابعه

قلم رصاص يقول...

norahaty

خامسا

الله يعافيكم

انا هبطت من كتر الرد
هههههههههههههههههههههه

وعليكم السلام ورحمة الله وبركاته

قلم رصاص يقول...

اتمني الشهادة

الله يسلمك ويخليك

وان شاء الله ربنا يتقبل منك هذا الدعاء الجميل

وان شاء الله البوست القادم يعجبكم

زيارة غالية علي جدا

مزيد من التوفيق

في حفظ الله

قلم رصاص يقول...

Makintosh

اهلا ومرحبا بالكويت على أرض مصر

طبعا بيتكم وبلدكم التاني من غير كلام

ثانيا اشكر حضرتك على الزيارة والتعليق القيم

ثالثا رغم ان دي طقوس بس هي مجرد طقوس والحمدلله مش معتقدات يعني

وربنا يوفق الجميع

في حفظ الله

قلم رصاص يقول...

Sweet Violet

هههههههههههههههه

تعليقك يموت من الضحك

أشكرك والله على الزيارة الميمونة والتلعليق الجميل ده

ثانيا انا مش عارف أرد لأنكم مكتفني وحاطين لزق علي بقي ههههههههههههه

اودنا فرصه بس نتكلم واحنا نعرف ناخد حقنا تالت ومتلت

ثم ان حق الدفاع مكفول بنص الدستور بالظبط ، نصه بس مش كله ههههههههههه

وحلوة حتة اتاااااااوي وبلاي استيشن دي ، ده تأكيد ان حضرتك من مصر الجوانيه ههههههههههه

وفعلا بأمنه خطك حلو على المدونة
هههههههههههه

هو القلم بتاعك حلو وكويس؟
ينفعني يعني ههههههههههههههههههه

مشكورة حضرتك جدا على المرور المميز والتعليق الرائع

في حفظ الله

قلم رصاص يقول...

البت المشمشية

اهلا بيكي

ومشكورة على الزيارة المميزة

وواضح ان المشمشية قل وجودها على المدونات

ياترى ده يرجع لعوامل الطقس ولا حاجة
ههههههههههه

ربنا يوفقك

في حفظ الله

قلم رصاص يقول...

ومازلتُ أتعلم

الله يسلمك

اهلا بحضرتك في المدونة

زيارة ميمونة وان شاء الله متكونش الاخيرة

في حفظ الله

Unknown يقول...

هبـــــــطت من كتر الرد!!!
وتقولى المحكمة الدستورية لعبتك
ومش عارف ايه !طب خلاص اقولك الحل
اشرب لك حاجة حلوة ترفعلك الضغط:)
وعلى فكرة اعزازك للمسدس صغير بانت بالاوى ياأحنا :)عايز ترشحه فى الانتخابات :)داانت عايز تخلص
منه بقى :)

قلم رصاص يقول...

ميرام

لأ يافندم مش قلمك

هو ايه اللي جاب القاهره للمنصورة

دي قارة ودي قارة تانية خالص
ههههههههههه

فكرتيني حضرتك بنكتة الشقتين شخص ما
واحدة في اسكندرية والتانية في اسوان
وهيمون نفسه يفتحهم على بعض عشان الوسع بس
هههههههههههههههههه

وقلمك انا هبحث لك عنه في المدونات
جااااااايز يكون حد نعرفه اللي واخده منك

ههههههههههههه

زيارة طيبة اشكرك عليها
وياريبت متكونش الاخيرة

في حفظ الله

قلم رصاص يقول...

NEW Teawater

اهلا بحضرتك

دا نوركم والله

اشكرك على الزيارة والتعليق

في حفظ الله

قلم رصاص يقول...

هاني سعيد

اهلا بيك اخ هاني

زيارتك الاولى لي اكيد ليها معنى خاص جدا علي انا باعتباري صاحب المدونة وكسبت زبون جديد هههههههههههههههههههههههههه

ونصيحتك غالية علي جدا والله يا اخ هاني وربنا يقدرني واقدر اعمل حاجة ولو بسيطة اكون بيها نافع للمجتمع والبلاد والعباد

فنحن ما الا تروس في ماكينة الدولة

في حفظ الله

قلم رصاص يقول...

صمت المشاعر

الله يخليك واشكرك على الزيارة والدعاء وربنا يسمع منك وينجح الجميع كل في مكانه سواء في دراسة او عمل اوحياه الخ الخ الخ !

اشكرك اختي الفاضلة على الزيارة المميزة والرد الرفيع

في حفظ الله

قلم رصاص يقول...

لاسع افندي

هههههههههههههههه

ايه ياجدعان هو القلم ده ملوش صاحب ولا ايه

هو انا قلت اني لقيته ، لالالا، انا باقول اني استلفته ، واكيد هبقى ارجعه لصاحبه
ههههههههههههه

وعموما انا ممكن اسلفهولك تكتبه كام بوست كده وتجيبه تاني ياباشا

زيارة ميمونة

في حفظ الله

رؤية يقول...

حمدا لله على السلامة
ويارب تكون خلصت البحث وطبعته

وربنا معاك
اما عن المحشى فانا بحقد على حضرتك ومع ذلك... بالهنا والشفا

^_^

تحياتى

قلم رصاص يقول...

من اجل التمكين

اهلا ومرحبا اخي الفاضل

واطمن الحمدلله الحيل شادد على الاخر
ههههههههههههههههه

والمعلومات والله كانت موجةدو وكل حاجة بس المشكلة ان الوقت كان قيل جدا على طول الامتحان بتاع المادة دي

زائد ان صاحبنا القلم بتاعي جه وقام فاضي اخر تلات دقايق
هههههههههههه

وانت عارف انه يوم الامتحان يكرم المرء او يهان

عموما نورتني جداااااااا

واتمنى متكونش الزيارة الاخيرة

في حفظ الله

قلم رصاص يقول...

عابر سبيل

مرحبا واهلا بيك اخي الفاضل

منورنا دايما بطلتك والله

ربنا يوفقك ومعاك

في حفظ الله

جحا المصرى يقول...

فى إنتظار مواضيع حضرتك ونورت مدونتك من جديد

قلم رصاص يقول...

مسدس صغير

حبيب قلبي اخيرا جيت نورت الضلمة دي
هههههههههههههه

مفيش طلقتين كده في هواء المدونة تحية لرجوع اخوك لأرض التدوين من جديد ولا انت مسدس ميه ههههههههههههههههه

وبعدين انت اول تعليق ماشي
بس بمزاجي مش فرده ولاحاجة وانت عارف اني ممكن اخد خزنة مسدسك الميه ده
ههههههههههههههه

وفردة على مين ؟ احنااااااا؟
لم الدور بدل ما ابعت لكم فرقة مدرع واحدة وطيارتين يحتلوا البيتين ونخله بتوعكم دول
هههههههههههههه

بلاااااااااااد ماوراء الترعة
هههههههههههههههه

والقلم رجع لصاحبه خلاص اللي هو انا ياباشا ههههههههه

ومفيش صاحبته ولاحاجة دي حتة كده بخوفك بيها بس عشان عارف نضالك في الحركة النسوية المصرية من ايام سعد زغلول ونانسي شعراوي هههههههه
ومفيش فايدة !

والضمير والله بصحي فيه ياصديقي وعلى وشك الصحيان وهيفضح الدنيا
هههههههههههه

تعليقك اللي جميل ورائع وملوش قطع غيار

يلا بقى عشان مدخلش التاريخ واخد من وقت سعادتك اكتر من كده

في حفظ الله

قلم رصاص يقول...

norahaty

اه والله المحكمة الدستورية العليا لعبتي الحمدلله حتى بالأمارة تم انشائها بالقانون رقم 48 الصادر في 6 سبتمبر سنة 1979م على أنقاض وحلا لمحل المحكمة العليا المنشأة بالقانون 81 لسنة 1969م .

والمحكمة الدستورية العليا هيئة قضائية مستقله في جمهورية مصر العربية ومقرها مدينة القاهره(م174/من الدستور)

وتختص هذه المحمكمة بالرقابة على دستورية القوانين واللوائح (م175/من الدستور)

ويتولى القانون كيفية انشائها وتعيين رئيسها واعضائها وبيان حقوقهم وواجباتهم وحدود سلطاتهم (م176/ من الدستور)

ويعين رئيس المحكمة بقرار من رئيس الجمهورية ، وكذلك يعين الاعضاء بقرار من الرئيس من بين اتنين يرشح احدهما رئيس المحكمة والاخر ترشحه الجمعية العامة للمحكمة بعد أخذ رأي المجلس الأعلى للهيئات القضائية

وتصدر أحكام المحكمة من سبعة أعضاء وتصدر باسم الشعب

واحكام المحكمة الدستورية العليا غير قابلة للطعن بأي طرق من طرق الطعن العادية لأنها ليست جهة طعن

وتؤلف الجمعية العمومية للمكحمة من جميييييييييييييع اعضائها

وتتولى هيئة المفوضين تحضير الدعاوى امام المحكمة الدستورية العليا

ههههههههههههههههههههههههه
هاااااااااه لسه فيه كلام بعد كده؟!

لعبتي ولا لأ ؟!

خلاص لعبتي
هههههههههههههه

اما بخصوص اخلاصي لاخويا وصديقي الغالي مسدس فدي حقيقة لاجدال فيها وعلاقتي بالرجل لايشق لها غبار

وعن ترشيحي له للرئاسة ليست تضحية بالرجل من جانبي ، بالعكس .. دي تضحية بمصر نفسها هههههههههههههههههه

نورتي حضرتك لسادس مرة

في حفظ الله

قلم رصاص يقول...

رؤية

الله يسلمك ويحفظك

واهلا وسهلا بحضرتك وبأهل القانون

وعن البحث اه طبعا البحث الحمدلله خلص وطبُع وسلم أيضا للدراسات العليا

لكن سبحانك اللهم ربي ، ضاقت بي الدنيا والكلية ومش لقيت من الدكاترة والأساتذة يشرف لي على البحث اللي هو تحت عنوان (الخصخصة وانعكاساتها على الانفاق العام) الا سيادة الأستاذ الدكتور السيد احمدعبدالخالق عميييييييييييد الكلية

وربنا يستر ويعديها على خير

وأما عن المحشي فتأكدي انا مقدر حقد حضرتك جداااااااا لأن محشي ورق العنب مزعل الناس كلها من بعضها ههههههههههههههههههههههههه

وربنا مايجيب زعل ، والله لو اعرف عنوان حضرتك أبعت لكم شوية ورق عنب من الجنينة بتاعتنا ، ما احنا عندنا جنينة والله واسألوا مسدس صغير وهو مش هينكر ههههههههههههه

نورتي حضرتك المدونة
وكسبنا زائر جديد على قدر كبير من الاحترام

في حفظ الله

قلم رصاص يقول...

جحا المصري

دا نورك والله

وان شاء الله الموضوعات القادمة ستنال اعجابكم

وزيارة ميمومنة نتمنى الا تكون الاخيرة ان شاء الله

ومبرووووك على المدونة

في حفظ الله

Hossam يقول...

حبيب قلبى وصديقى الغالى اللى بعشقة قلم رصاص
وحستنى جدا جدا جدا جدا والله
ربنا يا رب يكرمك فى الدبلومة وانشالله تنجح بتفوق وتبقى قاضى اد الدنيا يا رب
المواقف اللى مريت بيها جميلة جدا والله خصوصا بتاع القلم
ومشتكر جدا على طبق الورق عنب اللى عزمتنى علية يا جميل واللى ياكل لوحدة يزور
طمنى عليك لانك وحشتنى جدا والله
تحية لك صديقى

قلم رصاص يقول...

Hossam

اخيرا وصلت ياحسام باشا
والله انت اللي واحشتنا طلتك الجميلة على جنبات وطرقات المدونة

جزاكم الله كل خير ياصديقي الغالي

وبعدين ياحبيب قلبي انت في القاهره عمااعزمك على طبق ورق العنب هيبرد ونسخنه 30 مرة عما توصل للمنصورة وبكده تبوظ اللأكله ويضيع عليك ورق العنب
ههههههههههههههههههه

الا اذا بقى ابيتك عندي غصب عنك ونعمل لك ورق عنب تاني يوم على الغدااااااااااااااااااااء

موافق ؟ خلاص موافق ههههههههه

واشكرك على دعوتك الحلوة اللي حاسس انها من القلب للقلب مباشرة
بس ياريت تعدلها لأني مش ناوي ابقى قاضي ، انا مقدرش على المهمة المهمة دي

انا ناوي ان شاء الله ياصديقي اكمل الدبلوم التاني السنة القادمة في الاقتصاد والعلوم المالية ، لأني حابب المجال ده جدا وان شاء الله ربنا يعيننا على مافيه الخير

وان شاء الله نتواصل اكتر واكتر حسام بيه

في حفظ الله

AhMeD RaDy يقول...

ندخول على طووووووووووووول فى الموضوع

انت بتفكرنى ... بايام الامتحانات .. انا كمان كنت بتفائل باول قلم بمتحن به

فعلا بيبقى ليه طعم مختلف كدا .. وبينى وبينك ما برضاش اسيبه ابدااااااااااا

وربنا معك يارب يارب فى الامتحانات .. وربنا ان شاء الله هينجحك

خالد فوده يقول...

الف مبروووك
وعقبال النتيجه
وتفرح ونفرح معاااااك

Unknown يقول...

طيب هنا أقولك ايه أقولك مبوك انك خلصت ازاي وانت مخلص من 20 يوم تقريبا
ربنا يكرمك على مرورك وزيارتك بجد طمنتني اني اكتسبت قارئ جديد تابعني وهتفهم طريقتي وتعرف أنا بكتب ازاي مش معضلة دي زي شربة المية ههههههههههههه
أهلا بيك في ممكلتي وأهلا بيا في مملكتك
ربنا يكرمك
مودتي

قلم رصاص يقول...

AhMeD RaDy

أهلا وسهلا بيك أخي الفاضل في مدونتي المتواضعه

وشكرا على الزيارة الميمونة

وفعلا على رأيك هي بتبقى مسألة تفاؤل بس يا اخي رغم انها حاجة انا باعتبرها كويسة الا انه يقال مسألة تعليقك لحدوث شيئ ما على حدوث حدث ما بيكون فيه جزء حرمانية .. والله اعلم برضه!


زيارتك أسعدتني ياباشا
وربنا يوفقك يارب

في حفظ الله

قلم رصاص يقول...

خالد فوده

الله يبارك فيك يارب اخي الفاضل

مشكور على الزيارة الميمونة

وربنا يسمع منك

مزيد من التوفيق

في حفظ الله

قلم رصاص يقول...

كاتب مصري

اهلا اهلا بيك ياباشا في مدونة اخوك قلم رصاص

وبعدين انا مخلص يادوب بقالي 4 ايام فقط من يوم 24 يونيه الجاري واللي اتقطع نفسه من الجري ههههههههههههههه

والله يبارك فيك على كل حال طبعا

وطبعا انا اكيد هفهم ماستسطره في المستقبل ان شاء الله عما مدوناتنا ياخدوا على بعض كده ويبقوا زي السكينة في الحلاووووووووة على رأي الزعيم المصري الخالد اللمبي !
هههههههههههههههههه

فعلا انت كسيت قارئ جديد
المهم انك تحافظ على بلاغة قلمك وفصاحته ونصاحته وخطه الجميل أيضا

اتمنى لك التوفيق
واتمنىاني اكون انا كمان كسبت اخ وصديق جديد من شعبي الصديق

في حفظ الله

قلب ارهقته الاحلام يقول...

مبروووك انك خلصت وعقبال لما نباركلك ع النجاح والفلاح ^^

وبعدين بلاش حركات ال اقلام دي عارفينها كويسسسسس

بلاش كده مكشوووفة وبعدين اوصفلي القلم لوسمحت شكله بتاعي ههههههه

انت كنت بتمتحن اسفل عبد الفتاح حسن ؟ اعترف

هو قلمييي ههههههه طلعه احسنلك بدل ما اشتكيك للعميد (:

ودي اول زيارة ان شاء الله مش تبقي الاخيرة

ومش تقولي زيارة ميمونة علشان ميمونة بتنط ع الشجرة دي ومجنونة :) ههههه

دمت بخيررر

تحياتي ,,,,,

عايش... ولكن !!!! يقول...

نورت مدونتك من جديد
ويارب بالتوفيق دايما
فى انتظار جديدك

قلم رصاص يقول...

قلب ارهقته الاحلام

الله يبارك في حضرتك

واشكرك على الزيارة الغير ميمونة ههههههههههههههههههه ولاتزعلي نفسك

انا مكنتش بمتحن في الفتاح حسن ولا حاجة
وانا اساسا مش في حقوق الممنصورة ولا في مصر ولا الكووووووووورة الأرضية اصلا

القلم ده مقدرش افرط فيه وانسي محاولاتك دي خااااالص
هههههههههههههههههههههه

وبعدين وصفه كالأتي : هو أخضر وبأستك منه فيه ههههههههههه

أكيد متعرفيهوش أكييييييد

اشكرك جدا على تكرمك بالزيارة واديني كل يوم بكسب قارئ جديد لما يسطره قلمي الرصاص وليس القلم اللي اخدته في اللجنة دي نقره ودي نقره ههههههه

لي اقتراح بسيط جدا ، ياريت تغيري الاستايل بتاع مدونتك وتشيلي المهرجانات اللي حضرتك عاملاها فيه دي عشان بصراحة دخلتها كام مرة عشان احاول اقرأ منها حاجة او احاول اترك تعليق ولكن دوووووووون جدوى

ايه ده كله ، انتي عامله فرح في المدونة
ههههههههههههههههههه

اتمنى لحضرتك التوفيق

ونورتي المدونة ولو انه ده على انا وهضطر ادفع فاتورة كهرباااااا كبيرة
ههههههههههه

في حفظ الله

قلم رصاص يقول...

عايش ... ولكن

دا نورك ياباشا

واشكرك على الكلام الجميل ده والله

ربنا يخليك ويوفقك

وزيارتك على العين والراس

في حفظ الله

فشكووول يقول...

العزيز قلم رصاص
تحياتى
دعواتى لك بالتوفيق فى امتحان الدبلوم وتجيب 20/20 يعنى امتياز
صحيح التفاؤل والتشاؤم لا ينفع فى الامتحانات بس برضه يعنى كتر خيره القلم انه بقى يكتب لك من غير ما تفكر انت بس كنت تحط ايدك على الورق وهو ما شاء الله شغال يوفيفرسال
وحالة التفاؤل من مزاياها انها بترفع الروح المعنويه والانسان مادام روحه المعنويه عاليه بيقدر يعمل عمايل ويسوى الهوايل
تمنياتى ودعائى لك بالتوفيق

قلم رصاص يقول...

فشكووول

استاذي الغالي وعمي المحترم صلاح بيه
مرحبا بك في أرضي ومنورني دايما بطلتك الحلووووووة علي

وربنا يسمع منك الدعوة الجميلة دي يارب

وبصراحة انا مقدرش انكر دور القلم ده معايا ووقفته جنبي في الامتحان

بس مش لدرجة انه امسكه وهو يفكرلي ويكتب هههههههههههه

عموما نورتنا والله
ومتحرمناش من دخلتك الحلوة علي المدونة

في حفظ الله

كلمات من نور يقول...

ولسه الثانوية العامية مخلصتش

ربنا ينجحكم يا أبنتائي ويا بناتي ويوفقكم لما يحب ويرضى

على فكرة يا قلم رصاص

ادعي ربنا ان اللي ادتلك القلم الازرق تكون أو يكون سامحك فيه

علشان بس نتيجتك تبقى مشرفة

مش كنت تسأل بس القلم بتاع مين وترجعه

ههههههههههه باهزر والله بس الأسلم شوف تمنه كام وتصدق بالمبلغ علشان ربنا يبارك

قلم رصاص يقول...

كلمات من نور

اهلا وسهلا بحضرتك
وشرفتي ونورتي والله المدونة

بس ثانوية عامة ايه بقى
انا مخلص ثانوي من زمااااااان
انا في مرحلة الدراسات العليا
ههههههههههههههه

اما بخصوص القلم ففكرتك رايعة بجد
انا فعلا هتصدق بتمنه ان شاء الله وان كان تمنه زهيد فاأنا هزود شويتين من عندي هههههههههههه

في حفظ الله

Twitter Delicious Facebook Digg Stumbleupon Favorites More

 
Free Web Hosting