11:53 ص
قلم رصاص
اولا كل سنة وانتوا طيبين
وعيد سعيد عليكوا جميعا
طبعا اهم مايميز عيد الأضحى هو كثرة اللحوم
واللي خلى البعض يسميه على الاقل من باب الدعابه
ب عيد اللحمـــــــــــــــــــــــــــــــــــــة
ههههههههههههههههههههههه
الكلام ده طبعا مجاش من فراغ
لالالالالالالالالالا
دا نتيجة عادات وطقوس اعتاد كل الناس على ممارستها في هذا العيد الكريم
أهم مايلفت نظري اليومين دول في عيد اللحمة ، ان كل الناس كلهم بيدبحوا أضاحي
وللأسف الشديد ، وان بعض الظن إثم ، لكن انا شايف في جزء كبير او لابأس به
من اللي بيحصل ده .. بيكون من باب التباهي أمام بعضهم البعض
وان محدش احسن من حد ..انت دابح .. انا زيك واحسن منك وهدبح برضه
ههههههههههههههههههههههه
طبعا انا عندي أدله ، اه انا مبتهمش جزافا كده لالالالالالالالالالالا
من المعروف انه الحلال في أضحية العيد أول حاجة هو الكبش
يليه الماعز .. يليه الجمال .. بعد كده تأتي الأبقار
احنا في بلدنا على سبيل المثال ، اول حاجة بيلجأو لدبحها هي الأبقار أو العجول
دون النظر لمسالة الحلال او غيره .. !
تاني حاجة مرحلة توزيع اللحمة
دي مرحلة تضحك اوي بقى ، كل اللي دابحين أول مايبدأو يوزعوا لحمة الأضحيه
يوزعوا الاول على بعض .. والمستحقين للحمه يبقوا في الاخر
ههههههههههههههههههههههههههه
منا قولت لكم الموضوع فيه منظره شوية على بعض
ههههههههههههههههههههه
وطبعا النتيجة في الاخر واحده ، وهو ان الدنيا مليانه لحمه
تتغدى لحمه ..تتعشى والله لحمه ..وممكن تنطس في مخك وتفطر لحمه
هههههههههههههههههه
الحياه بقت كلها لحمه في لحمه
وده الحقيقة فكرني بمشهد رائع من مسرحية الواد سيد الشغال للزعيم
عادل إمام
لما كان بيقول لخاله : بقى ناس عندها لحمه .. يعزموا ناس عندها لحمه..عشان ياكلوا لحممممممه ؟!
هههههههههههههههه
وكل عيد وانتم طيبين
ويارب تكون أيامكم كلها سعادة
في رعاية الله
56 تعليقات القراء:
هههههههههههههههههه لحمه فى لحمه ؟ بس على فكرة الموضوع بتاع المنظرة ده فى دولتكو بس اما فى دولتنا متواضعين ومبيتمنظروش لأن همه مابيدبحوش اساسا..ههههههههههه كل سنه وانت طيب. وانتظرنى فى العيدان شاء الله
:) أضحكــَ الله سِنـــــك
عندك حق فعلا ,, وبوست مهم وجميل ,,لأن الموضوع اليومين دول بقى صعب ومش فى موضوع الحمه وبس ده بقى قى اغلب المواضيع ناس بتعمل علشان ناس :(
ونسيو موضوع الاخلاص
او الزحمه نستهم ان احنا اصلا فى الدنيا علشان نعمل لله مش للناس
ربنا يهدينا ويرزقنا الاخلاص فى القول والعمل
فكرتنى بمره كنا فى المسجد وواحده بتعدى علشان تبرعات وصدقه وكده
راحت واحده وعجوز كمان قالتلها تعالى
وراحت بقى مطلعه وبتعد بصوت عالى علشان تعرفنا هتدفع كام :D
آدىجنيه ,, اتنين جنيه , ,, تلاته جنيه ,, ............وقاعده تعد لحد عشره جنيه باين ولسه هتكمل راحده قالتلها يا حجه مش لازم الى انتِ بتعمليه ده انتِ بتسمعى الميجد كله
اتضايقت الست وقالتلها ي سلااااام
طييييييييب واله ما انا دافعه هاتى يا بنت الفلوس بتاعتى :D
واخدت فلوسها وما تصدقتش بعد ده كله
انا كنت صغيره ساعتها وما فهمتش اوى بس استغربت من الموقف نفسه
لكن فهمت لما كبرت يعنى ايه اخلاص
وفهمت ان مش كل حد بيعمل حاجه كويسه من الظاهر لازم تكون مقبوله
وفهمت ان الاخلاص ده مرتقى عزيز وصعب الواحد يوصله
بجد اهم حاجه ربنا يرزقنا الاخلاص فى القول والعمل
وتقبل الله منا ومنكم سائر العمال
وكل عام وانتم الى الله اقرب
آآآه نسيت اقول ان الناس ما بتفطرش لحمه
لالالا دى بتفطر كبده بقى :D
هو انا عاوزه اقولك انها مصلحه علشان انت عارف موقفي ههههههه
بس عموما الناس لجات لكده بجد علشان تكفى عدد كبير احنا عندنا بنعمل كده علشان الخرفان نونو ومش بتكفى كتير وربنا يجازي كل واحد على نيته الخير وكل سنه وانت بخير
مسدس صغير
حبيب قلبي
هههههههههههههههه
انت واخد بالك انت ؟ ههههههه
فعلا انا منكرش ان ده مش موجود غير عندنا بس ، لأننا بلد رأسمالي جدا للأسف
يعني .. بس انتوا فعلا مبتدبحوش عشان احنا مخلصين اول باول على كل الأضاحي اللي في السوق هههههههههههه
كل سنة وانت طيب ياصديقي ومنتظرك طبعا في العيد
amato allah
أشكرك أختي الكريمة على المرور الجميل ده
بجد تعليقك رائع جدا ، اقدر اسميه : جامع مانع !
وبالفعل بعض الناس بيهمها المنظره جدا حتى لو مش هيرضوا ربنا ..!
وحلو جدا الموقف اللي حكتيه ده ، لأنه فعلا بيحصل من النوع ده كتير جدا في مجتمعنا ..
الاخلاص اصبح زي مسألة نسبية بتختلف من شخص لأخر..وربنا يهدينا جميعا
بس اه صحيح فعلا ، ممكن الناس تكون بتفطر كبده ، أخف شوية من اللحمة دا لو اعتبرنا ده هيحصل بالفعل ههههههه
كل سنة وانتي طيبة وعيد سعيد عليكم
~*§¦§ Appy §¦§*~
ههههههههههههههههه
والله يا أبي من وانا بكتب البوست ده وانا عارف ردك هيكون عامل ازاي ..!
طبعا ده مصلحه جامدة بالنسبة لك انا فاهم والله .. بس انتي يعني مش ناوية تعرفي ان الخروف هيندبح هيندبح لأنه حلال يعني .. ؟!
بس انا مقدر جدا المشاعر الطفولية اللي بتربط بالخروف ..وده حاجة بجد جميلة
نورتي يا أخت أبي وكل سنة وانتي طيبة
عيد سعيد عليكي
جزاك الله خيراً ...موضوع حلو بجد
طبعاً حكاية اللحمة دي من المواضيع الكتييير الغلط اللي بتحصل عندنا، نفس حكاية عزايم رمضان و تلال الاكل اللي بتتعمل من غير لزمة
و دايماً بننسى (او بنتناسى )الهدف الاساسي من الصوم او الذبح او الصدقة او .....
ربنا يهدينا و يصلح حال المسلمين في كل مكان
و كل سنة و انتم طيبين :)
Anollipian
أشكرك اختي الكريمة على المرور والتعليق المتميز
وفعلا تشتبيهك مظبوط بمناسبة عزومات رمضان ..نفس الوضع فعلا .. !
اه والله وفكرتيني كمان بالست فشخره منظر وجوزها محسن بيه ، بتوع شهر رمضان ههههههههه
يارب اهدي الجميع
وكل سنة وانتي طيبة وعيد سعيد عليكم
وبجد نورتي المدونة ونتمنى تكرار الزيارة
مع التحية
كل عيد وحضرتك بالف خير وسلام
واسرتك وكل من تحب
بكل خير
وربنا يكتر من الخير على امة الاسلام
لحمة مين بس
الهم العيدية
هههههههههه
كل سنة وانتا طيب
mahasen saber
انتي طيبة يا أستاذه محاسن
وعيد سعيد عليكي وعلى أسرتك الكريمة
جزاك الله خيرا
وعندك حق والله ..
ربنا يصلح لنا الاحوال
*******************
قال النبي صلى الله عليه وسلم "خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك، وله الحمد، وهو على كل شيء قدير"
كل عام وانتم بخير والامة الاسلاميه بخير وسلام
دمتم بخير
mo5tar
ههههههههههههههههههههه
عيديتك موجودة يابشمهندس
حت لابتوب توشيبا هيوصلك ع البيت بعد 20 سنة ههههههههههههههه
وكل عام وانتم بخير ياباشا
نورت البوست
مع التحية
ghorBty
مرحبا بك أختنا الكريمة
أضأتي بطلتك لنا الحياه
كل عام وانتم بخير
السلام عليكم ورحمة الله وبركاته
موضوع فعلا مهمة
بعض الناس اصبحت اهم حاجة عندها هى منظرها قدام فلان وعلان
مش مهم ربنا تقبل ولا لأ
كام اسرة فقيرة قدرنا نسعدها فى العيد
حققنا الهدف من الاضحية ولالأ
ربنا يرزقنا الاخلاص فى القول والعمل
جزاكم الله خيرا
وكل عام وانتم بخير يافندم
وعيد لحمة سعيد عليكم
آلاء
وعليكم السلام ورحمة الله وبركاته
شرفتنيا بالزيارة الكريمة يادكتورة آلاء والله ..نورتي البلوج كلها
وعندك حق ..فعلا الموضوع ده مهم بالفعل
لأنه بجد بعض الناس بيهمها شكلها اوي على حساب حاجات اهم زي العلاقة مع ربنا
عموما ربنا أعلم بما في نفوس البشر وياريت يكون خير
كل عام وانتي بخير وعيدسعيد عليكم
كل سنة وانت طيب
مالها اللحمةسيب الناس تفرح يومين وبعدين يرجعوا للنكت تانى
بس عندك حق فى موضوع المنظرة بتحصل كتير :)
صحيح صورة الخروف اللى انت جايه مريب جدا كل دى قرون انا شاكة انه بقرة متنكرة
ههههههههه
انسانةعادية فى عالم مش عادى
اهلا بيكي اختي الكريمة
وانتي طيبة عيد سعيد عليكي
انا مقولتش حاجة ع اللحمه ..ما انا هاكل لحمه طبعا..وكتيييييير جدا كمان ان شاء الله ..دي فرصه ههههههههه
بس انا كل فكرتي عن موضوع المنظره فقط والعناد وكده
اما بخصوص الخروف الغريب ده اللي باينه بقره متنكره .. فاسكتي لحسن أبي تسمعك وتعمل لك مشكلة .. النت كله والدش كمان كلهم عارفين ان أبي عاشقه للخروف ومبتسمحش لحد ينهش في لحمه
ههههههههههههههه
نورتينا بجد انسانه
وكل سنة وانتي طيبة ومعاكي لحمه كتيييييييييره جدا .. وعيد سعيد
بعدد خطوات نبينا من مكه للمدينه عيد سعيد عليكم و علينا
كل عام و انت بخير
محمد ماو
وانت طيب أخ محمد وبالصحة والسلامة
وعيد سعيد عليك وعلى كل الأمة الاسلامية بطول وعرض الكرة الأرضية
نورت المدونة وخطوة سعيد ياباشا
مع التحية
السلام عليكم
كل سنة و أنت طيب
no fear
وعليكم السلام ورحمة الله وبركاته
وانت طيب اخ محمد
نورت المدونة يارجل
نتمنى تكرار الزياره الكريمة
وكل عيد وانت بخير
كل سنه وانت بالف خير
كل عام و انتم بخير .. اعاده الله علينا بالخير و البركات
قلمي
وانت بالصحة والسلامة
نورتنا اخي الكريم
وكل عام وعيد وانت بخير
ahmEd_H
وانت طيب ياأخ احمد
وعيد سعيد عليكم وعلى كل الأمة الاسلامية
الشعب بيقول
كل سنة و ات طيييييييييييييييييب
و عقبال يا رب السنة الجاية
و تكون ف الحج بقى
و ابقى ابعت لنا لحمة ف كومينت و للا حاجه من الخروف اللي انت حاططهولنا ده
عزيزى
كل سنة وانت طيب وعيد سعيد
شوف موضوع الاضحية نية والاعمال بالنيات والشرع وضح موضوع الاضحية وشرحها
واكيد اللى بيضحى بيحط فى دماغه الشرع قال ايه وقسم الاضحية ازاى
وربنا يهدى الجميع احنا لينا بالمظهر ومنعرفش القلوب فيها ايه
تحياتى
سلام
freeKiller
وانتي طيبة يا دكتورة نهال
وعيد سعيد عليكم جميعا
وبخصوص اللحمه ، انا هضغطها وارفعهالكم على موقع زي الرابيدشير واديكم الرابط تنزلوها وتشووها وبالهنا والشفا ههههههههه
نورتي البلوج
مع التحية
كلام من جوه روح لكل روح
وانت طيب وبالصحة والسلامه
نورت الموضوع والبلوج ياسيدي الفاضل
طبعا انا متفق معاك تمام الاتفاق في مسألة انه الأعمال بالنيات ..مفيش خلاف طبعا..
لكن انا قولت اني بختص الكلام ده لبعض الناس دون الاخرين .. يعني باختصار مش كل الناس اللي بتضحي كده..
وشكرا جزيلا على مرورك الكريم
وعيد سعيد عليكم وعلى كل أمة الاسلام
كل سنة وانتا طيب
اى خدعه ياعم
البت المشمشية
وانتي طيبة يااختي الكريمة
وعيد سعيد عليكم
نورتي البوست والمدونة طبعا
مع التحيه
السلام عليكم ورحمه الله وبركاته
أول مره ادخل عندك...مفيش مرحب ولا اتفضل اشرب شاي ؟
عموما قضيت وقت ممتع متعك الله بالصحه والعافيه ...
رئيس التحرير
وعليكم السلام ورحمة الله وبركاته
اهلا بيك يا أستاذ حسين
نورتنا والله ياريس
وزاي بقى مفيش ترحيب ولا هيصه
لالالالالالالالالالالالالا
أحلى فنجان قهوة لحضرتك وتشربه في أحسن مكان تختاره في المدونة
واشكرك بجد على الزيارة الكريمة دي والله
كل عام وانتم بخير يا ابو يحيي
وعيد سعيد عليكم
كل سنه و انت طيب مع انها متأخره شويه بس متأسفه ...
انت عارف بقه الدنيا تلاهى و لحمه (:
يا رب يكون العيد كان حلو بالنسبه لك ... بالنسبه لى كان عيدا صاخبا
كل عيد و انت بخير
يا صاحب القلم الرصاص .. يا اخى بالراحه علينا شويه .. هو كل من شال رصاص يضربنا بيه .. على فكره انا اول واحد من شعبك .. بس شد حيلك وانا معاك .. بس انا حاجز وظيفه حلوه يا توافق يا أنا مش معاك وانا عايز ابقى كبير واسمى كبير والناس كلها تعرفنى وتعرف فلوسى .. اشمعنى انت يعنى مش تدينى فرصه اعمل فلوس .. ولا انت حتقول انك حتبقى عادل .. اذا كان كدا انا مش معاك .. شوف يا بتاع الرصاص .. مش كل اللى بيدبحوا بيعملوا كدا .. يا اخى فيه ناس كويسين برضوا بيعملوا بما يرضى الله .. قال بيقول الدنيا كلها حتعرف .. طب خاف على نفسك بقى وخاف على ولادك وخليه بقى من هنا وجاى قلم كوبيا .. كل عام وانت بخير والعام القادم تكون على جبل عرفات
دعاء علي
وانتي طيبة يابشمهندسه
ولا داعي للأسف..كلنا ملبوخين في اللحمه
ههههههههههههههه
وعيد سعيد عليكم جميعا واتمنى لك التوفيق
نورتي البوج طبعا وياريت متكونش اخر مره !
مشكورة مرة تانية
مع التحيه
fashkool
اشكرك ياعم فشكول على زيارتك الكريمة
وكل سنة وانت طيب
بس انا زعلان من حضرتك..يعني انا حاسس انك تحاملت علي شوية في الرد المرة دي
وانا كان قصدي خير من كلامي
وانا قولت في كلامي اني مبتهمش كل الناس بكده .. لالالالالالالالالالالا.. انا قولت بعض الناس وليس كلهم .. !
يبقى ليه حضرتك تزعلني وانا بحبك والله؟!
وهي كانت مجرد رصد لحاجة انا بشوفها بنفسي ومش من تأليفي ولا افتراءات مني على حد .. !
وانا متفق معك تماما في انه الاعمال بالنيات ولكل امرئ مانوى.. وانا قولت كلامي عن البعض وليس الكل ياعم فشكول
بالاضافة الى اني قولته ف اطار ساخر الى حد ما وليس في اطار كيل اتهامات لأحد او التحقير من امرهم..!
اتمنى لحضرتك التوفيق
وكل سنة وحضرتط طيب وبخير وصحه
بقولك ايه ... ؟؟!!
كل سنة و انت طيب ... !! D:
أحسن من أي كلام ... !!
خليني ساكته بقى ... !!:(
تسلم ايدك ع البوست ... :)
و ربنا يبعدنا عن التصرفات اللي زي دي ...
fOsDö2ä
ههههههههههههههههههههه
وانتي طيبة يا فسدقه هانم
خلاص فهمت انك متغاظه من اللي بيحصل بس مش عاوزه تحرقي بنزين
هههههههههههههههههه
كل سنة وانتي طيبة وعيد سعيد
كل سنة وانت طيب
^_^
رؤية
وانتي طيبة اخي الكريمة
ومشكورة جدا على الزيارة الكريمة
وكل عام وانتم بخير وعيد سعيد عليكم
ايه دا كله يا قلم رصاص؟
انت بتجسس عليا ولا ايه ؟
انا ان شاء الله اشرب شربات اجدع فرح عندك ...بس لسه ما عرفتشهو هيكون فرح ايه ؟؟ان شاء الله يكون فرح عودتنا بالسلامه من علي جبل عرفات ...كل سنه وانت طيب.
مبروك الشعار
جامد اخر حاجة
والقلم شكلو يضحك
بربع جنيه ده ولا ايه
رئيس التحرير
ههههههههههههههههه
ولا بتجسس ولا حاجة ياريس ، أخبارك ماليه النت هو حضرتك شوية
واشكرك بجد على زيارتك التانية ويارب متكونش الاخيره .. وكمان على زوقك الرفيع في الرد
ويارب يسمع منك ربنا
كل سنة وانت طيب ياريس
البت مشمشية
هههههههههههههههههه
الله يبارك فيكي
وانا اصلي ناوي اغير شكل المدونة للأحسن ان شاء الله
وبعدين انا عجبني القلم ده اوي
زائد انه على أد فلوسي ههههههههه
نورتينا
مع التحيه
عزيزى القلم الرصاص
والله يا قلم انت راجل أمير ومجامل ..وعلى العموم نصيبك محفوظ..انامستنيك .. كل عام وانت بخير
انت غيرت وعملت تجديدات وديكورات جديده .. الف مبروك
fashkool
ههههههههههههه
بالعكس ياعم فشكول
حضرتك تستاهل كل خير والله وانت راجل طيب ومحترم وتستاهل كل خير وكل كلمة حلوة
واشكرك على زوقك في الرد
وايه رأي حضرتك صحيح في الديكورات الجديدة دي ؟! هههههههههه
الحمدلله انها نالت الاعجاب يافندم
دمت بود
كل عام وانتم بخير
مع انها جت متأخرة شوية
(:
ذات النطاقين
وانتي طيبة يا أختي الكريمة
ولامتأخره ولاحاجة مفيش مشكله
نورتي المدونة جدا وياريت متكونش أخر الزيارات
كل عام وانتم بخير
وعيد سعيد عليكي
كلامك صح مليون فى المية لانى شفت دة بيحصل قدام عينى
سبهلله
أشكرك اختي الكريمة على الزيارة
واهوه بنعمل اللي علينا ونعرف الناس بس اللي بيحصل هههههههه
كل سنة وحضرتك طيبه
عيد سعيد عليكم
كل سنة وانت طيب
والله انا فاكرة انهم زى بعض والمهم النية ما كنتش اعرف ان فيه افضليات ف الأضحية
ولما حاول بابا السنة دى يجيب خروف أنا اللي مش رضيت عشان صغير ومش هيكفي
وبصراحة أكتر عشان مش باحب ريحة الضاني ولا كنت هاقدر اتعامل معاه خااااالص
سنابل قمح
وحضرتك طيبه
وعيد سعيد عليكم
اه فعلا موضوع الافضليه ده مستحسن وده رأي ديني من احد المشايخ .. والله اعلم
بس ايه حتة انك مش هتعرفي تتعاملي مع الخروف دي ..هو حضرتك اللي بتدبحيه لا ايه هههههههههه
عموما نورتي المدونة وخطوة عزيزة
وياريت متكونش الاخيره
وعيد سعيد مرت تانية
إرسال تعليق