أحداث 24 ساعة

أبو الهول اتسرق يارجاله !

أولا السلام عليكم ورحمة الله وبركاته
وبمسي على كل الموجودين أدام شاشات الكمبيوتر عشان جم على نفسهم أوي وتنازلوا عشان يزورا مدونتي الغلبانة دي
ماعلينا
ندخل في المهم
هل حد فيكم يتصور ان أبو الهول طلع صايع .. وبيلف العالم من ورانا واحنا نايمين على وداننا
حصل فعلا .. انه يوجد جبل في السعودية في حائل .. الجبل ده جزء فيه مكون بطريقة غريبة جدا تشبه الى حد كبير أبو الهول بتاعنا
ههههههههههههههههههه
وانا هسيبكم مع الصور .. هي اللي تكمل الحكاية بقى معاكم













طبعا احنا ادام حاجة من اتنين :
يا إما هو ده أبو الهول فعلا .. وبيصيع من ورانا
أو ده شبيه أبو الهول .. ماهو يخلق من أبو الهول اتنين على رأي المثل
ههههههههههههههه
زائد انه ممكن ابو الهول السعودي ده يبقى يقوم بدور أبو الهول لونوينا نعمل له فيلم تاريخي ولا حاجة
اشمعنى هو يعني .. ماكل من هب ودب اتعمل له فيلم كقصة حياة
ههههههههههههههه
يلا أنتظر تعليقاتكم
تقبلوا تحياتي

27 تعليقات القراء:

مسدس صغير يقول...

على فكرة انت معلوماتك التاريخيه صفر . ده مش ابو الهول دا هرم خوفو وبيصيع عشان يلبسها لابو الهول ساعة محد يرفع عليه قضية تهرب ضريبى.ههههههههه تقبل تحياتى وغير كده تانى مرة لو وقفت ادامى وانا خارج هفرمك

قلم رصاص يقول...

مسدس صغير

حبيب قلبي
ههههههههههههههههه

انت واخد بالك انت اهه

طيب ياعم عدي ولايهمك انا مبجيش هنا أساسا .. رغم انها مدونتي
الشبيه بتاعي اللي بيجي هنا يرد على الزوار
هههههههههههههههههه

تقبل تحياتي

اسماء يقول...

سلام عليكم
بعد السلام والتحية
اهلا يا اجمد قلم رصاص
ومتشركة ع مرورك ع مدونتي
بجد فرحت اوي لما لقيت ان فيه ناس اهتمت ودخلت وكتبت
ونفسي بجد اني اعمل حاجة جامدة لان موضوع المدونات مش بس بقا اعلام جديد لا ده بقا فرصة حلوة اوى لينا اننا نعبر عن نفسنا ونقول كل اللي جوانا
وبما انك بقا بتاع العالم اليوم يبقا احنا كدة ضمنا يا باشا انك تنفعنا
وتزود المبيعات
هههههههههههه
يا ريت تتابع المدونخانة كل خميس في ملحق تيلي بيزنس وتقولي رايك
سلام

مهندس مصري يقول...

هو ده فين في حائل بالضبط ؟
اصل انا ساكن في حائل
:)

قلم رصاص يقول...

أسماء

وعليكم السلام

العفو يا أستاذه .. انا مش بجاملك والله.. انا بس متفائل وبحب أشجع أي حد نفسه يعمل أي حاجة كويسه

وان شاء الله متوقع لك مستقبل في بلاط صاحبة الجلالة .. لا يضيع الله اجر من احسن عملا

وطبعا المبيعات هتزيد اتأكدي .. طالما انا هشترييها .. وطالما انتي بتكتبي ههههههههههههههه

نورتي المدونة واللي عاملين المدونة
وان شاء الله انا متابع مدونتك ..وانتي كمان متقطعيش عننا الزيارة

اتمنى لك التوفيق

تقبلي تحياتي

قلم رصاص يقول...

مهندس مصري

منورني ياباشا

انا بصراحة مش عارف فين بالظبط في حائل أصلي انا مزورتش السعودية قبل كده..بس
انا عثرت على الصور دي في منتدى سعودي
وقالوا انها فعلا موجودة في حائل

تقبل تحياتي

Anollipian يقول...

ايه ده ... حائل !!
طيب يا جماعة السبب واضح جداً
اصل انا سافرت حائل 3 سنين و طبيعي جداً ان ابو الهول لقى مصر من غيري ملهاش لزمة فجالي على هناك
متخافوش هيرجع اول ميعرف اني جيت مصر تاني p:p:
:D:D
تحفة الصور ... Thanks :)

قلم رصاص يقول...

Anollipian

اهلا ومرحبا في مدونتي

نتمنى ان لاتنقطع الزيارة

تحياتي

fashkool يقول...

ازيك يا قلم رصاص .. اصل يمكن ابو الهول بتاع السعوديه دوبلير لابو الهول المصرى وبعدين ممكن يكون الفراعنه راحو صحراء الجزيره العربيه وحاولوا يحفروا ابو الهول هناك عشان يدللوا على انهم كانوا بيروحوا هناك .. والله ممكن اصل ما كانش فيه الحدود دى ولا جوازات ولا فيزات ولا حاجه اللى كان عايز يروح حته كان بيروح .. يعنى ما كانش جد جد جد جدى كان راح وكان زمانى سعودى آخد ريالات على قلبى احسن من الفقر اللى احنا فيه ده .. تحياتى يا قلم رصاص (حمدى قنديل)

قلم رصاص يقول...

fashkool

الحمدلله ياعمو فشكول

وانت منورني النهاردة والله
وفعلا عندك حق..يمكن صحيح ده الدوبلير بتاعه ههههههههههههههه

بس مينفعش تمشي كده من غير أي واحب نعمله لك..طب حتى فنجان شاي طيب

خلاص اتفضل مع السلامة

تقبل تحياتي

deja vu يقول...

هناك أبحاث موثقة بالفيديو تقول بأن الوادي المقدس في أصله في بقعة ما في أرض السعودية ، وهناك دلائل تشير إلى تأكيد ذلك

طبعا دي معلومة كدة هدية لانها تتماشى مع ابو الهول اللي صاع هناك وما حدش قدر عليه ههههههه

تحياتي

انسانةعادية فى عالم مش عادى يقول...

ياسبحان الله لا فعلا ابو الهول صايع صايع وتقريبا متنكر شوية علشان محدش يعرفه
بس على مين انت عرفته ابئا بلغ عنه بئا علشان مش بيشوف شغله بضمير

قلم رصاص يقول...

deja vu

شكرا اختي الكريمة على المرور الكريم على المدونة

واشكرك مرة تانية على المعلومة

تقبلي تحياتي

قلم رصاص يقول...

انسانةعادية فى عالم مش عادي

انا لسه في حتة التبليغ دي بشاور عقلي
انا بقول نديبله فرصه اخيره قبل مانبلغ
ههههههههه

نورتي اختي الكريمة المدونة

تقبلي تحياتي

fOsDö2ä يقول...

أغلب الناس بتصيع اليومين دول ... !!
جات على أبو الهول يعني ... ؟؟!! D:

أول مره أعرف الخبر ده ...
شكراً ع الأخبار الجديدة .. و عقبال باقي الأخبار ...

تسلم ايدك يا قلم ... (f)

حروف (دلو مرة ثانية وجرح ثاني سابقا) يقول...

لا الخبر صحيح دة ابو الهول بس بعد الخصخصة والعالم بئا قرية صغنونة عادي يعني بكرة تتباع الاهرامات متظلموش ابو الهول هو مكنش راضي الراجل عشان العشرة بس الحكومة اتزنقت في قرشين ففرت فية هههههههههه
جميل البوست وعجباني مدونتك جدا
تعالوا زورونا باي باي

~*§¦§ Appy §¦§*~ يقول...

بس انا حاسه انه حاجه طبيعيه يعنى مش حد اللى نحته او يمكن بصراحه مش عارفه
بس الراجل بينفس عن نفسه او يمكن دى مرات ابو الهول هههههههه

fashkool يقول...

الحبيب القلم الرصاص :اشكرك يا قلم على مديحك لى والله يا بنى انت اللى زى العسل واهو الواحد مش عارف يقول آه فبيقول فى المدونات آآآآآه على اخره .. اهى حاجه نفش غلنا فيها.. تحياتى
كل عام وانت بخير

amato allah يقول...

:)) أضحكــَ الله سِنَكــ

قلم رصاص يقول...

fOsDö2ä

ههههههههههههههههه

منورة يافسدقه والله كالعادة

ولايهمك احنا أي خدمة..انتوا تأشروا بس
وانا آاااااااااكل
هههههههههههههههه

تقبلي تحياتي

قلم رصاص يقول...

حروف (دلو مرة ثانية وجرح ثاني سابقا)

نورتينا اختي الكريمة والله

تحليك ممكن يكون فعلا محل اعتبار من الحكومة
ههههههههههههههه

مشكورة للمرور الكريم ولزيارة المدونة
وان شاء الله نزور مدونتك

تقبلي تحياتي

قلم رصاص يقول...

~*§¦§ Appy §¦§*~

أبي

مين قال ان حد نحته ..لالالالالا..يمكن انتي بس مخدتيش بالك ..هو فعلا جبل طبيعي جدا زيه زي اي جبل..بس الصدفة بتاعة مراحل تكوينه جعلت جزء منه شبيه بالواد أبو الهول بتاعنا

ويمكن صحيح يطلع مراطه ههههههههههه على رأيك

منورة يا أبي

تقبلي تحياتي

قلم رصاص يقول...

fashkool

عمي الكريم : فشكول

مديحي لحضرتك شيئ في محله ومكانه الطبيعي ،
فأنت رجل محترم وذو فكر وجميل جدا اننا كشباب يكون بيننا أب زي حضرتك نتونس بيه في هذا العالم الجديد

وعند حضرتك حق فعلا.. التدوين على الأقل متنفس بيخرجنا من الخنقه اللي كلنا بنعيشها بسبب الظروف اللي بتمر بيها البلد من شرقها لغربها ومن جنوبها لشمالها

وكل سنة وحضرتك طيب وعيد سعيد عليك وعلى الأسرة الكريمة

تقبل تحياتي

قلم رصاص يقول...

amato allah

شكرا جزيلا أختي الكريمة على التعليق والمرور الكريم

واشكرك كمان على اضافتي عند حضرتك

لك كل الود والاحترام

تقبلي تحياتي

koukawy يقول...

يخلق من الشبه 40 هول

غير معرف يقول...

滿.......................................................

غير معرف يقول...

滿.......................................................

Twitter Delicious Facebook Digg Stumbleupon Favorites More

 
Free Web Hosting