أحداث 24 ساعة

إفتح الحنفيه .. تجد مايسرك



في الأول إقرأو الخبر الجميل ده .. وبعدين لينا قعده

تسربت كميات كبيرة من المازوت إلى نهر النيل بمنطقة محافظة حلوان وذلك للمرة لثانية خلال شهرين.

الحادث وقع يوم الجمعة أمام محطة كهرباء جنوب القاهرة شمال محافظة حلوان، عندما تسربت كمية تصل إلى 10 أطنان من المازوت إلى أحد المصارف التي تتصل بنهر النيل .

وكشفت التحقيقات عن تسرب البقعة من محطة الكهرباء نتيجة حدوث خلل بها‏,‏ وقد أصلحت الأجهزة المعنية ذلك الخلل‏.‏

كان الحادث قد تم اكتشافه أثناء مرور أحد العاملين بفرع القاهرة الكبرى بجهاز شئون البيئة بمنطقة المعصرة حيث شاهد بقع الزيت فى مرسى العبارة الذي يربط بين منطقتي المعصرة والحوامدية .

قامت سلطات وزارة البيئة باستدعاء إحدى الشركات المتخصصة فى أعمال شفط الزيوت وتطهير المجارى المائية لسحب الزيت الموجود فى مياة نهر النيل باستخدام طلمبات خاصة ونقلة الى إحدى الشركات المتخصصة لإعادة استخدامه كما تم الاستعانة بكميات من قش الأرز وكمية من المواد التي تمتص الزيت .

وقد تجمعت كميات من المازوت امام البيارة الموجودة شمال المحطة شرق طريق الكورنيش والتى تتصل ببيارة أخرى غرب طريق مكشوف يؤدى إلى المصرف .

ومن ناحية أخرى أكدت وزارة الرى والموارد المائية بأنه تم السيطرة بالكامل على بقعة المازوت التي وصلت حوالى 10 اطنان من المازوت بمصرف حلوان الزراعي المغطى بطول 4 كيلو مترات .

-----------------------------------------------------------------------------


والله يعني ما انا عارف اقول ايه يابني آدمين

حاجة بجد تفقع المراره لعدة أسباب :

أولا - لما بقعة زيت بالحجم الضخم ده تتسرب من محطة كهرباء جنوب القاهرة .. !! يبقى ازاي وزارة الكهربا بوضعها ده هتقدر تدير برنامج الطاقة النووية لتوليد الطاقة البديله إزززززززاااااااااااااااااي ؟؟!

حاجة بجد تدعو الى التنغيص .. وياشعب مصر عيش وهيص .. !

ثانيا - هو بسهولة ممكن البترول او أي حاجة ضاره او ملوثه تتسرب لمياه النيل كده عادي .. وبالشكل ده .. ؟!

يعني الواحد يفتح الحنفيه بدل مايلاقي مياه حاف كده.. هيلاقي كوكاكولا ولا بيبسي .. هههههههههههه

زغرطي يالي منتيش غرمانة .. !

ولا على ايه .. ما ياما مصانع ومعامل ويمكن وزارات كمان بتصرف مخلفاتها في النيل من سنين طويلة.. وعلى عينك يا تاجر.. واللايحة مبتمنعش ياسيد.. وفوت علينا بعد 3 سنين .. والشعب يأربع مياه ببلاوي .. مع عيش بزلط .. ويعمل أحلى دماغ !

ثالثا - والاهم اللي غايظني اكتر ان الموضوع تم اكتشافه بالصدفه من أحد العاملين بفرع القاهرة الكبرى بجهاز شئون البيئة بمنطقة المعصرة..!

ههههههههههههههههههه

يعني بدل ما يبقى عندنا نظام الكتروني يراقب الحاجات المهمة اللي زي دي .. أو نظام انذار مبكر أو أو .. الخ ..

لأ يا جماعه .. احنا بقى لسه بندقدق بظلطين على رأي اللمبي .. !

وأخير أقول :

ياحكومة ياجمـــــــــيله

خليتي عيشتنا نيــــــله

فين الذكاوة والنضافة

ولا أقولك : جتنا نيله

**************

قلمي الرصاص من كتر اللي بيحصل في المحروسة ده .. شال في نفسه كتير .. وزعل جدا .. وسنه اتقصف على طول

وبناءا عليه ، أعلن تجديد النيه .. وانعاش الهمة .. قررنا .. نبري القلم من جديد .. لأجل البلاد والعباد .. !



16 تعليقات القراء:

لؤلؤة الاسلام يقول...

ما شاء الله
بجد بجد المدونة جميلة

اول زيارة ليه
بس ان شاء الله تتكرر

و تحيااااااااااتى
رمضان
كريم

قلم رصاص يقول...

العفو أخت خديجة

أشكرك بجد على رأيك في البلوج المتواضعة دي

وعلى فكرة انا لسخ بقول ياهادي.. وعلى الله تدبير الأمور

الله أكرم وكل عام وانتي بخير

وانا أسعد بدوما الزيارة

تقبلي تحياتي

غير معرف يقول...

يبقى انت اكيد ما شربتش من نيلها ولا حتى حلفت تغنيلها يا ندل الوطنيه فين؟ ولا حتى سمعت الصحفى السودانى اللى كانو بيسألوه عن ان مصر والسودان اخوات وابوهم هوه النيل قال "بلا نيل بلا نيله"اشكرك على الروعه المياهيه دى وبلاش تشرب من النيل وعايزك تقف زى الواد بتاع بكار اللى كان بيقول "انا لا الوث ماء النهر" مسدس

قلم رصاص يقول...

هههههههههههههههه

ازيك يامسدس افندي

العيب لو في انا كنت ضحيت بنفسي عشان مصر.. لأن مصر أمي

ههههههههههههه

لكن العيب مش في المصري العيب في الحكام

والله الناس ماعادت عارفه تلاقيها منين ولا منين .. الإهمال والفساد للركب على رأي الدكتور زكريا عزمي .. وشهد شاهد من أهلها ..
صحيح كان رأيه ده بخصوص المحليات .. بس انا حبيت أقتبسه لموضوعنا ده

تقبل مروري ياحبيب قلبي

غير معرف يقول...

السلام عليكم

اخى العزيز


المدونه بتاعتك طلعت تجنن والله

دى اول زياره لي

بجد عجبتنى جدا واتمنى لك الاستمرارية

كل عام وانتم بخير ورمضان كريم

تقبل الله منا ومن جميع المسلمين القيام والصيام

اختك فى الله وفى البيت برضه

السلام عليكم

blue-wave يقول...

ما دا احدث نظام اليكترونى للتبع
ما اللى اكتشف البقعه دى مش انسان عادى
دا انسان الى:))
بجد ربنا يلطف بينا

قلم رصاص يقول...

وعليكم السلام

هههههههههههههههه

مرحبا بيك اختي الكريمة

يارترى انتي مين .. انا تقريبا عرفتك

أيوا أيوا .. عرفتك
ههههههههههههههههههههههه

معقولة

طيب معدتيش تمعليها تاني هنا

هههههههههههههه

كويس اوي ان البلوج عجبتك

دي شهادة ووسام على صدري يعني

ويلا اعمليلي شاي عشان اعرف اتصفح المدونة كويس
ههههههههههههه

تقبلي تحياتي



أخي الكريم Blue - wave

تحية طيبة

كلامك سليم ياباشا

وربنا يطلف بينا نحن المصريين

تقبل تحياتي

اللى موش عارف يتغير يقول...

ليه الفضايح دى بس
سيبها ماشيه
ما الناس طول عمرها بتشرب ميه
وميه ميه وعايشين
وطول عمر الناس بتاكل لحم حـمـير
ولا عمرهم اشكوا لاوم يعنى نعرفهم
ههههههههههههههههههههههه

قلم رصاص يقول...

ههههههههههههه

معلهش بقى يا ايهاب يا اخويا

رقاصة وبترقص

انا بس حبيت اوعي الناس بس ان الحكومة النضيفة قايمه بالواجب وزيادة

شرفت البلوج
ومتقطعش الزيارة واديك عرفت السكة

تقبل تحياتي

اللى موش عارف يتغير يقول...

انت لم تضيفنى ليه فى قائمة مدوناتك الكفاءه ههههههههههه

Unknown يقول...

عاوزه ايس كريم
يا كده يا هقطع الميه عن المنطقه

حلو قوي التطور دلوقتى الحنفيه بتطلع بترول
زمان كانت بتطلع مجاري
بكره تطلع قماااااااااااش

قلم رصاص يقول...

Ehab

ان شاء الله هعرض الأمر على اللجنة ونشوف ان كانت هتوافق على ضمك لليست بتاعي ولا لأ .. !

ههههههههههههه

نورت للمرة التانية

-------------------

دكتورة لماضه

هههههههههههههههه

ده شرف كبير اوي اوي انك تزويني في البلوج بتاعتي المتواضعه بجد

وحلو اوي تعليقك
هههههههههههههههههه

وابتسمي سيدتي الجميلة ، انك تعيشين في المنهوبة ..لالالالالا .. أقصد المحروسة
هههههههههه

متقطعيش الزيارة بقى

تقبلي تحياتي

fOsDö2ä يقول...

ههههههههههههههههههه
أهو ده اللي بيقولوا عليه ...
" هم يبكي .. و هم يضّحك "
كل سنة و انت طيب بقى ... !!

بعتذر عن غيابي ...
إن شاء الله هـ احاول أقلل الغياب ...
شكراُ على تعليقك الكبير عليّا قوي فـ مدونتي ... (f)

قلم رصاص يقول...

فسدقه

نورتيني بجد

وطبعا هم يبكي وهم يبكي
هههههههههه

وولاد الحرام مسابوش حاجة خالص
ههههههه

وبعدين انا مقولتش في حق مدونتك غير الحقيقة

اتمنى لك كل توفيق

ومتقطعيش الزيارة بقى

انتي عارفه الطريق اهه
هههههههههه

تقبلي تحياتي

rab3a يقول...

السلام عليكم

أيوه ياسيد ازيك كويس

عاملت بلوج خاص بيا

ضيفنى عندك

سلام

قلم رصاص يقول...

وعليكم السلام

أهلا بيكي اختي الكريمة

نورتي

ومبروك على البلوج الجديدة

وتمت الاضافة
حكم القوي بقىىىى..ههههههه

بالتوفيق ان شاء الله

Twitter Delicious Facebook Digg Stumbleupon Favorites More

 
Free Web Hosting