أحداث 24 ساعة

الست فشخره وجوزها محسن بيه منظر منهم لله رفعوا الأسعار..!



مدام فشخرة منظر و جوزها محسن بيه منظر عاملين عزومة
و يتقدم أكل كتير على السفرة و بعد كده نص الأكل يترمى
اللى بناكله فى رمضان و فى شهر واحد ممكن يكفينا فى 365 يوم

لحد هنا حلو و جميل و دعوة لعدم الاسراف و التبذير

خدوا بالكم بقى من باقي الاعلان

اللى يولع الأسعار و يخرب الجيوب هوا الفشخرة و المنظرة يا حبوب

ونقول ليه السكر غلي .. وليه الرز غلي .. وايه اللي غلى التوم .. ياعم صحي النوم

وبعد كده نلاقي الاعلان برعاية

بنك الأسكندرية - بورسعيد الوطنية للصلب - البنك العقارى العربى - بنك التعمير و الاسكان .

باختصار يا ساده .. اللي الاعلان ده عاوز يقوله : ان الفشخرة والتنبذير من الناس هي السبب الحقيقي اللي أدى الى رفع الأسعار..

بقى بالذمة دي ناس عندها دم .. ؟!
بقى دي ناس عارفه أدنى قواعد اللياقه حتى.. ميش هقول الفهم ؟!
لأنه واضح انهم ميعرفوش يفهموا..

والله ناقص يقولوا ان الست فشخره وجوزها محسن منظر هما اللي ورا الأزمة المالية اللي حصلت في أمريكا اليومين دول .. ههههههههههههههههه

طب انا هسلم بكلامهم وافترض جدلا ان الفشخرة في شهر رمضان من الناس هي السبب ورا رفع الأسعار..

طيب يا محترمين قولولنا بقى : مين السبب اللي ورا ارتفاع الأسعار في بقية أيام وشهور السنة ؟؟؟؟؟ !

ردو بقى يا بتوع الاعلانات يامحترمين ..
ردوا بقى ياساده ياوزرا يا نضاف ..
ردوا بقى يارجال الاقتصاد يا فاهمين ..
ردوا بقى يا كوادر الحزن الوطني ..

اللي يعرف الاجابه ياريت .. ياريت يكلمني على 0900

بس بسرعه قبل المراره ماتتفقع م اللي بيحصل

تقبلوا تحياتي



5 تعليقات القراء:

FreeKiller يقول...

ههههههههههههههههه
الحمد لله
مش لوحدي اللي بتنقط من إعلانات التلفزيون و بنزل فيها بوستات
لاقيت حد معايا ف الليلة اهو

فعلا
تلاقي الاعلانات بترررررفع الضغط
و على رايك كلها برعاية البنوك
عشان الناس تحط فلوسها هناك

ربنا يرحمنا من الغباء بقى

تسلم ايدك عالبوست الجميل

simple girl.. ..simple dream يقول...

اصلا منظرة ايه
هى الناس لاقية الاساسيات عشان تتمنظر

قلم رصاص يقول...

هههههههههههههه

نهال

اطمني نحن نشارك نفس الاحساس بالغيظ من الاعلانات

ولاعزاء للوزارة النضيفه

أشكرك بجد على المرور الجميل

تقبلي تحياتي

simple girl

نورتينا بجد

وعلى رأيك هي الناس لاقيه الأساسيات يعني
هههههههههه


نورتي البلوج كلها

تقبلي تحياتي

fOsDö2ä يقول...

ههههههههههههه
حد قالك تتفرج على إعلانات ... ؟؟!!

قلم رصاص يقول...

هههههههههههههه

هو انا بتفرج عليهم؟!
لالالالالالالالالالالالا

الاعلانات اللي بتفرض نفسها في التليفزيون اللي عندنا في البيت غصب عننا

ههههههههههههههه

الحكومة عاوزه تحدد الزيادة السكانية عن طريق لجوئها للاعلانات المستفزة

حاجة كده زي أسلوب الصدمة والرعب

نورتي البوست يافسدقة

تقبلي تحياتي

Twitter Delicious Facebook Digg Stumbleupon Favorites More

 
Free Web Hosting