أحداث 24 ساعة

مادو والحبر الفوسفوري




   من كواليس المعركة الإنتخابية، امبارح وانا رايح أدلي بصوتي، طالع من اللجنه لقيت مادو ابن اخويا- جي مع بقية أفراد العائلة- مقابلني عند الباب. طبعا مرضيتش أوجهه، ﻷني عارف دماغه الثورية وواثق كمان. بعد مارجعت البيت، لقيته جي من ورايا، ملوحا بإصبعه الصغير وهو يهتف عاليا: شوف ياعمو.. شوف ياعمو انا عملت صوباعي أزرق زيك.. أنا أصلا رررراجل وكبير...
.
.
. طبعا انا انهارت من الضحك، وأعدت خبطه للحضن التاريخي بتاع حوار التوازن الإستراتيجي في الشرق الأوسط.. الأسبوع الماضي ههههههههههههه. وسألت: ازااااااي يسمحوا لمادو يحط صوباعه في الحبر الفوسفوري؟!!! تم الرد علي: ماهو اللي صمم، وامام إلحاحه، لم يمانع رئيس اللجنة من ذلك.. على سبيل الدعابه...
.
.
. على فكرة، مادو في كي جي ون. بس يثبتكوا كلكم :D
والمفاجأة، قرر بيبو- ابن عمه وصديقه الأول- أن يقلده بالذهاب للجنة اليوم :D

5 تعليقات القراء:

AhMeD RaDy يقول...

على فكرة بقى

دى احلى حاجة بجد .. النهاردة هتكون مجرد زيارة

مجرد دعابة

لكن بكرة هتبقى عادة

ان الانتخابات = صوابعى لازم يكون لونه حبر

لو عرف رئيس اللجنة هو عمل ايه ! هيعرف انه مش مجرد دعابة

دا رسم مستقبل لطفل .. هيصنع قرار

قلم رصاص يقول...

عندك حق جدا في رأيك يا احمد بيه

احسنت وصف الحدث :)

وربنا يصلح الأحوال وتعدي سفينة مصر لبر الامان ان شاء الله

الأمل فعلا في الأجيال الجاية

ليلى الصباحى.. lolocat يقول...

ماشاء الله عليه :)
ربنا يبارك فيه وفى عمه :)

تحياتى اخى شادى

قلم رصاص يقول...

ام هريره

أشكرك يافندم :)
وربنا يكرمك

على فكرة انا مش اسمي شادي :)

اسمي/ السيد عبد الرازق :)

faroukfahmy يقول...

انا هنا اشكر شخصين
الاول الشخص الذى اصطحب صغيره لكى يتعود من صغره على رؤية العمل السياسى
والشخص الثانى رئيس اللجنه الذى سمح بغمس اصبعه الصغير فى الحبر الفوسفورى
كلاهما ستحق التقدير والشكر

Twitter Delicious Facebook Digg Stumbleupon Favorites More

 
Free Web Hosting