أحداث 24 ساعة

يامصر ولادك ماليين الميدان




غاز مسيل للدموع
خرطوش.. رصاص مطاطي، وحاجات
سكة ملهاش رجوع
فكرتنا بكل اللي فات
وقتلت فينا الحي قبل اللي مات

يامصر ولادك ماليين الميدان
واوعي تصدقي اللي خان
واوعي تصدقي الجبان
واللي خايف ينضف، واللي باع وكان
ماسك بإيده السلطة ودايس ع الزناد
دا الشعب اللي هب وثار عرف طريقه وعاد
وفَجْر بكره طالع بعد الليل بميعاد
وعددنا اليوم زاد وزاد

احنا ولادك سبعتلاف سنه
لا خايفين من حاجة ولا حد بيهمنا
كل الحكاية انك حته مننا
وتحريرك م اللي متقوش ربنا
أصبح دستور وهانكتبه بدمنا
|
 قلم رصاص



8 تعليقات القراء:

أم هريرة.. lolocat يقول...

سكة ملهاش رجوع
فكرتنا بكل اللي فات
وقتلت فينا الحي قبل اللي مات


كلمات صادقة وجميلة

لكل شىء نهاية .. الامل فى الله ويارب القادم اجمل
اسأل الله تعالى ان ينصر مصرنا الحبيبة ويحفظها من كيد اعدائها


لك تحياتى وتقديرى

مدونة رحلة حياه يقول...

السلام عليكم
الله عليك يا مصر
فى كل وقت وحين
زهرة فى كل عصر
ولادك ليكى عاشقين
يمشوا فى طريق النصر
بالدم مترابطين
سلم الله مصرنا

شيرين سامي يقول...

كلمات رائعه و صادقه جداً
مش هنيب حقنا و لا هنرضى إلا بدستور الميدان.

أرق تحية لك

faroukfahmy58 يقول...

قلم رصاصك يكاد ينطق ويصحى الشهيد وياخد معاه كل نفس وليد
حقا سكة ملهاش رجوع
فكرتنا بكل اللى فات
وقتلت فينا الحى قبل
الممـــــــــــــات
صدقت وصدقت كلماتك
الفاروق

غير معرف يقول...

ثقافة الهزيمة .. عصابة البقرة الضاحكة 4


قال المهندس عبدالحكيم عبدالناصر عقب جولته بقرى الأصلاح الزراعى فى إيتاى البارود : «للأسف الذين قاموا بالثورة لم يحكموا، والثورة لازم تكمل حتى لا يورث الأغنياء الغنى، والفقراء الفقر».

وأوضح أن عائدات قناة السويس منذ تأميمها بلغت نحو 73 مليار دولار، منها مليار واحد فى عهد عبدالناصر أقام به مشروع السد العالى، وكان يجب بناء 10 مشروعات مثله على الأقل، وقال: «لكن كلنا عارفين الفلوس راحت فين، وعارفين أننا بلد غنى يراد له الفقر». ...باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

قلم رصاص يقول...

شكرا ليكم كلكم على مروركم الطيب وتعليقاتكم الرائعة
وان شاء الله هاتعدي على خير على بلدنا
ربنا خص مصر دون سائر البلاد في كتابه الكريم، بالأمن والأمان، وقادر يحميها من اي شر

re7ab.sale7 يقول...

كل وقت بيفوت بندعي فيه وبنقول ربنا يعدي الازمة دي علي خير
نفسي ف شخص بس يحس بالبلد
مش بس للمنصب
ربنا يستر ويعدي الازمة دي علي خير
بجد انا مخنوقة لاننا كمان كنا ف ازمة ف بلطيم
ومازلنا للأسف
ومفيش اي حد عملنا حاجة
حتي حمدين صباحي نفسه اللي هو نائب عننا ومرشح رئاسي كمان
امتي بقي نلاقي الشخص المناسب

zizi يقول...

كلماتك رائعة ..وفيها كتير من الحقيقة ..ويارب تنصر مصر ..تحياتي

Twitter Delicious Facebook Digg Stumbleupon Favorites More

 
Free Web Hosting