أحداث 24 ساعة

الفول .. وأعراض الفهـــم !



الفول عند المصريين ، أكله شعبيه بفعل فاعل .. فمعناه الاصطلاحي يحمل بين طياته 

عدم القدره على الاستيعاب وقتل أي فرصه للفهم.

ومن أهم أعراضه ، الهطل والدماغ العاليه ومتابعة مشاكل مرتضى منصور مع بر مصر.

فحينا تجده ساندوتشا تحصل عليه من البغل وأنت في طريقك الى الجامعه ، ليعطي 

العقل أجازه مفتوحه.. ويفسح المجال لمشاهدة بنات المنصوره اللائي يتبخترن ذهابا 

وإيابا أمام عينيك ( اللي يندب فيها رصاصه ) ، حتى تفقد عقلك ولاتستطيع استيعاب 

محشي ورق كتب أفشل نظام تعليمي في العالم .

وحينا آخر تجده متربصا بك وسط مائدة طعامك وقد أتت عليه عوامل التعريه .. فحولته 

إلى شيئ لاينقصه سوى سيخين حديد ، ليتحول إلى خرسانه.

ونظرا للمفعول السحري للفول على الشعب ، نفضت الحكومه (تعبير كوول) لمشروع 

الإكتفاء الذاتي من القمح لخطب ود أمريكا، وأعطته الأولويه . وتعمل الآن على تحسين 

وإنتاج نوعيات مضاده للإضراب والمظاهرات .. لتكمل بذلك مشروعها القومي لعمل 

دماغ شعبيه عاليه .. لاترى ، لاتسمع ، ولاتتكلم .!


قارئي العزيز ، ونظرا لأني لم أتعاطى الفول منذ حين ، وجدت نفسي قد ظهرت عليً 

أعراض الإدراك لما يحدث حولي والارتفاع لمستوى الأحداث.وأمام ماتعرضت له من 

آثار جانبيه كادت تعصف بمعنوياتي المرتفعه صعقا مما يحدث على أرض الوطن .. 

ونظرا لأنه مفيش فايده .. أوجه ندائي لكل مصري يريد أن يظل إبنا لأم الدنيا : 

تمسكوا بالفول .. وريحوا العقول !


_____________

تقبلوا تحيتي .....

26 تعليقات القراء:

كلمات من نور يقول...

وماذا إن خلص الفول؟؟؟؟؟؟ والا يخلص ازاي أساسا الكيس أبو 3 جنيه بقى ميأكلش نفرين يعني الفول متوافر في كل مكان .وبالهنا والشفا يا أهل مصر المحروسة دمتم ودام الفول

حلم بيعافر يقول...

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول

http://www.google.com.eg/url?sa=t&source=web&cd=3&ved=0CBcQtwIwAg&url=http%3A%2F%2Fwww.youtube.com%2Fwatch%3Fv%3DTIQfNsFaKyA&ei=KMCbTI-eAc3f4AbayMWZAQ&usg=AFQjCNGCBwtmYr_B8RPHEBNekAcFH_I83g&sig2=NE7na98_1En_LFuJpN9tlg


ولا كلمة....

MR.PRESIDENT يقول...
أزال المؤلف هذا التعليق.
MR.PRESIDENT يقول...

يا عمنا بغل ايه بس .. دا الشقه بقت ب75 وتحس ان مفهاش بركة .

كل من عند الحجاز احسنلك طبيق كشري مخصوص .
وادعي لي

الاعراض
مثل اعراض الفول مع اختلاف الطعم

دينا يقول...

ادام فى فول يبقى لازم أعلق..:)
الفول دا طبعا ميوصفهوش كلام
بس بردو كان لازم تقول فوائد الفول اللى الكل بينكرها رغم انها كتيرة .. أصل لو واحد (ضارب) فول - باعتبار الفول مادة قابلة للف - ممكن يفهم ، لو حاول يعنى يفهم ، ان الفول هو سبب الحال المزرية اللى هو فيها .. ودا طبعا صح زى ما انت عارف .. واحنا يهمنا كمواطنين مصريين شرفاء .. وبنحب اخواتنا .. اهم حاجة ان محدش يفهم حاجة .. الموضوع معقد وواحد مننا أكيد صابب معدتة بخرسانة مسلحة بطبق فول منزلى أكيد مش انا اللى عاملاه... ودا سبب علامة التبلد اللى ظاهرة عليا دلوقتى او على القارىء والله أعلم..
بس مدونة زى الفــ(و)ــل الحقيقة

خواطر شابة يقول...

ذكرتني بمشهد لسمير غانم في مسرحية المتزوجون بيتكلم عن نفس الموضوع بس بطريقة كوميدية
دمت بكل ود

رحــــيـل يقول...

هههههههه

انا بقيت احس انه اتغش ومابقاش مفعوله زى الاول ولا بيعمل دماغ ولا حاجة
تفتكري ليه ياترى ؟

اتمنى انك تكون بخير

د. ياسر عمر عبد الفتاح يقول...

وماله الفول بس
وبعدين الفول بجد بيفتح المخ
ويخليك تصحصح

فكك من الكلام بتاع البليم والتوهان

دول أعداء الفول همه اللي قالوا الكلام ده

فتاه من الصعيد يقول...

هههههههههه

لماذا تتهم الفول ... إنه منقذ العقول :)

وانا بحبه جداااا على فكره ... ولسه بعقلي اهو

وبتابع الاخبار وبتهم واتغم :(

تحياتي

قلم رصاص يقول...

كلمات من نور

مش هيخلص هههههههههههههههه
لأن زي ما انا قلت الحكومه عاملاه مشروعها القومي الاستراتيجي للسيطره على دماغ الشعب ....!

شكرا على التعليق

قلم رصاص يقول...

حلم بيعافر

ماشي ياعم نجم

قلم رصاص يقول...

مستر بريزيدنت

هههههههههههه مبحبش الكشري لو موتني

منور ياريس

قلم رصاص يقول...

دينا

يبدو انك خبيره في الفول
ربنا يديمه نعمه على الشعب المصري

اشكرك على المرور والتعليق

قلم رصاص يقول...

خواطر شابه

سمير غانم طول عمره ابن نكته

شكرا على المرور

قلم رصاص يقول...

رحيل

اشمعنى هو اللي متغشش
بس الحكومه يهمها ان الفول بالذات يفضل سليم عشان يسيطروا بيه ع الشعب

وعشان كدا انا قلت في البوست انهم بيحاولوا اليومين دول تحسين وانتاج نوعيات جديدة مضاد للاضراب والمظاهرات
هههههههههههههه

شكرا على المرور

قلم رصاص يقول...

د.ياسر

انا عارف نفسي ياعم
ههههههههههههههههه

منورني

قلم رصاص يقول...

فتاه من الصعيد

أشك في هذا

^_^

norahaty يقول...

الفول دا نعمة
ياريت تدوم:)
الأجيال القادمة
ياصديقى سوف تحُرم
منه نهائى لا حيبقى
فيه لاحديد ولا زرنيخ
ويقولوا ساعتها

norahaty يقول...

☺ ☺
حلو الكلام
والفول كمان
☺ ☺ ☺ ☺ ☺ ☺

علاء المصرى كل يوم يقول...

السلام عليكم

مشكورا مجهودك

ألا طالعت قصيدة للرد على حرق القرأن

دعوه للأطلاع

فتافيت يقول...

ههههههههههههههههههههههه

انا بحب الفول اوي بجد والله

وخاصة لما كنت بنزل المكنصورة كان لازم اضرب فول من عند البلغل اللي في شارع جيهان تقريبا.. بيكون تحفة :)

ادام الله علينا نعمة الفول
اللي بيغيب العقول.. وبيربي العجول

غير معرف يقول...

ثقافة الهزيمة.. أسكندرية ليه؟

مصر تركز فى الدعاية و التسويق السياحى بالخارج على السياحة فى البحر الأحمر و سيناء و الرحلات النيلية من القاهرة لأسوان ، و هناك تصور خاطئ بأن الأسكندرية هى للسياحة الداخلية بالأضافة لبعض السياح العرب خاصة من ليبيا و هذا فقط فى شهور الصيف، و عندما شاهدت درجات الحرارة بمدينة الأسكندرية طوال العام فهى حتى فى شهور الشتاء تتراوح ما بين 8 و 18 درجة مئوية ، و هى تعتبر دافئة بالنسبة لسائح من أوروبا فينبغى عمل تخطيط لجذب ملايين من السياح الأجانب على مدار العام للأسكندرية، سيما أن هناك مواسم أجازات فى أوروبا و أمريكا فى الشتاء يستغلها الكثيرين للسفر و السياحة.

الأسكندرية مدينة تاريخية و لا تقل بأى حال عن مدن اليونان و إيطاليا و هى تستحق الزيارة، الأسكندرية فقط بمفردها و بما بها من أمكانيات سياحية تحتاج فقط إلى تحسين فى البنية التحتية و زيادة الطاقة الفندقية مع التسويق الجيد ليزورها 10- 15 مليون سائح سنويا مثل دبى و سنغافورة…

باقى المقال ضمن مقالات ثقافة الهزيمة بالرابط التالى:

http://www.ouregypt.us/culture/main.html

منى القلب ليلى يقول...

لا فعلا تدوينة جامدة انا اول مرة ادخلها بس اسم المدونة شدنى بس انا بحب الفلافل مش الفول

boda_style يقول...

بسم الله الرحمن الرحيم

أنا كنت مواظب على الفول
لحد ما بدأت صحتي تتدهور
والله العظيم بحاول كتير جدا أحذر الناس من الأكلة دي لأني للأسف عرفت بعد فوات الأوان أضرارها الرهيبة وللأسف كل الكلام اللي بيقوله أهلنا عن فوائد الفول المدمس خاطئ
أولا احب ان أعرف الجميع إن حبات الفول التي يدمسها المصريون لا تاكل غير في مصر ففي الدول الأوروبية تعامل هذه الحبوب على انها علف للحيوانات
المعيد اللي كان بتاعنا في يوم من الأيام عزم دكتور ألماني كان جاي للمعهد زيارة الألماني عجبه مطعم فول حب يخش ياكل
أكل وهو مش عارف هو أكل إيه وطبعا إنبهر بالطعم زي معظم السواح وتقل
ولما بدأ يحس بالأعراض الغريبة اللي بيعملها الفول سأل المعيد وألح في السؤال هو أكل إيه بالضبط حاول المعيد يشرحله مفهمش
في الأخر أخده عند تاجر حبوب ووراله الفول وساعة ما شافة الدكتور الألماني صعق ورجع وظل يردد كالمجنون هورس بين هورس بين ( حب الأحصنة ) لأنهم هناك بيعطوا الفول للأحصنة كغذاء
خد بقا عندي يا سيدي أضرار الفول
أولا نسبة المخدر اللي في الفول عالية جدا ومواظبة الناس على أكل الفول يوميا زي بالضبط مواظبة من يتعاطي المخدرات مرة أسبوعيا وده طبعا بيفسر التهييس الطبيعي اللي عايشه المصريين
ثانيا من أعلى الأكلات اللي بتزود معدل اليوريك أسيد في الدم وده طبعا بيسبب مرض النقرص يعني بداية فشل كلوي من الآخر
السوس اللي جوة الفول د مصيبة مش في السوس بس لا
في البكتريا والطفيليات اللي مكن يحملها السوس ده لجسم البني أدم
أكل الفل يوميا يؤثر على المخ وقد يتسبب على المدى الطويل في إتلاف خلايا المخ نتيجة نسبة المخدر العالية فيه

دا غير بقا بلاوي تانية كتير لسة مستخبية

boda_style يقول...

بسم الله الرحمن الرحيم

أنا كنت مواظب على الفول
لحد ما بدأت صحتي تتدهور
والله العظيم بحاول كتير جدا أحذر الناس من الأكلة دي لأني للأسف عرفت بعد فوات الأوان أضرارها الرهيبة وللأسف كل الكلام اللي بيقوله أهلنا عن فوائد الفول المدمس خاطئ
أولا احب ان أعرف الجميع إن حبات الفول التي يدمسها المصريون لا تاكل غير في مصر ففي الدول الأوروبية تعامل هذه الحبوب على انها علف للحيوانات
المعيد اللي كان بتاعنا في يوم من الأيام عزم دكتور ألماني كان جاي للمعهد زيارة الألماني عجبه مطعم فول حب يخش ياكل
أكل وهو مش عارف هو أكل إيه وطبعا إنبهر بالطعم زي معظم السواح وتقل
ولما بدأ يحس بالأعراض الغريبة اللي بيعملها الفول سأل المعيد وألح في السؤال هو أكل إيه بالضبط حاول المعيد يشرحله مفهمش
في الأخر أخده عند تاجر حبوب ووراله الفول وساعة ما شافة الدكتور الألماني صعق ورجع وظل يردد كالمجنون هورس بين هورس بين ( حب الأحصنة ) لأنهم هناك بيعطوا الفول للأحصنة كغذاء

heba atteya youssef يقول...


التدوينة دي السي ان ان جابتها على نسختها العربية :)

ماشاء الله عليك .. دائماً موفق من نجاح لنجتاح ملئ السمع والبصر

بس والله طريقة السرد بمنطق هزلي رائع
عجبتني اوي لا وايه تحس ان الألفاظ والافكار مطروحه بمنتهي الجدية

المشكله ان الفول ده بقي ( حبوب منع الفهم ) وحينما اكتشف هذا الشعب العبقري هول الفاجعه
ففاجاً العالم أجمع بأهم اختراعاته وهي تحويل الفكرة إلي ( أقراص منع الفهم ) اللي هي الطعمية

دائماً وأبداً مانبهر العالم باكتشافاتنا الشنيعة

ههههههههههههههههههههههههههههههههههه


Twitter Delicious Facebook Digg Stumbleupon Favorites More

 
Free Web Hosting