أحداث 24 ساعة

سؤال دمه خفيف أوي !




في المؤتمر الصحفي بين مبارك وبيرلسكوني أثناء القمه المصريه الإيطاليه بالعاصمه 
 
روما عصر اليوم الأربعاء 19 مايو الجاري .. وجه أحد الصحفيين الإيطاليين سؤال 
 
للرئيس مبارك  ...

 قائلا له :

سيادة الرئيس ، من سيخلفكم في رئاسة مصر؟!

فرد الرئيس مبارك :

الله وحده يعلم .. وانا سأوافق على من سيختاره الله

ثم استطرد الرئيس قائلا :

هأ هأ هأ .. سؤال دمه خفيف أوي !

35 تعليقات القراء:

خواطر شابة يقول...

"وانا سأوافق على من سيختاره الله" التغيير والخلافة لن تكون الا اذا غيبه الموت اما طيلة حياته فلا اعتقد ان مصر ستعرف رئيسا غيره وفي حالة وفاته لن ثؤثر موافقته ام لا على من سيختاره الله.
تعرف اكثر يوم عرفت فيه ان الحياة لاتساوي شي يوم جنازة الملك الحسن التاني رحمه الله وطيب ثراه حيث وقف الامام وقال صلاة الجنازة على رجل اختفت الالقاب اختفى لقب جلالة الملك وقتها عرفت ان هذه الدنيا فانية ولاينفع لا عز ولا مال ولا جاه الا من يلقى الله بوجه كريم
تحياتي

اتمني الشهادة يقول...

سيادة الرئيس استهزاءعلي السؤال الذي من المفترض في اعتقاده ان اجابته لدى علم الجميع
لكنا اذا وافقنا فسنوافق من باب ان المؤمن مبتلي وسنصبر علي كل الابتلاءات باذن الله حتي يرينا الله في انفسنا وفي اوطاننا خيرا

أنا - الريس يقول...

ههههههههههه
اصبح التحدث هنا بالدين ..
وعلي فكرة جمال مش هيمسك يا هندسة طبعا الخطاب لمن يحكم مصر .
جمال مش هيمسك .

وربنا يكرمك يارب .

غير معرف يقول...

هو فعلا دمه خفيييف اوى
ههههههههههههه

اصل مش مصدقة ان هيجى رئيس تانى خلاص اتعودت ان حسنى مبارك هو الرئيس

زهرة يقول...

الصحفى دة ملوش حق والله ..ربنا رحمه إنه مش صحفى مصرى ..كان خد بال....

بس حقيقى سؤال يموت من الضحك ؟؟

قال مين بعدة قال !!

ليس فقيرا من يحب يقول...

ههههههههههههههههههه

يا سلام على التقوى والورع يا سلام

اللهم قوى ايمانه

ايه ده

الراجل ده معندوش خبر انك هترشح نفسك وهتفوز بالاجماع

ولا ايه يا ريس

تقبل تحياتى

تلميذة سلمان الفارسى يقول...

لا كتر خيره انه هيوافق على اللى ربنا هيختاره

شــوَيــه كـرَامـه يقول...

السلام عليكم ورحمه الله وبركاته
السؤال أساسا غريب شويه لأن من سيخلفكم في حكم مصر معناه في وجه نظري إن الصحفي علي علم ولو مش أكيد إن حسني مبارك لن يكون رئيس مصر في 2012 وبالتالي كان الرد البسيط بإنه سؤال دمه خفيف وكان المفروض يتبع الرد كلمه ( ومين قالك إني هسيب الحكم يا دلبيرو ) ربنا بس اللي يعرف إمتي ومين يا بتاع البيتزا يا خايب

علي فكره نسبه كبيره جدا من المصريين لا يعنيهم رئيس مصر القادم في شئ وبالتالي أنا مستغرب هما الإيطاليين شاغلين بالهم ليه ؟!! ههههههههههه

في حفظ الله

dr.lecter يقول...

الله سيختار مبارك ليصعد الي السماء علشان كده خلاص جاب اخره معانا

د. ياسر عمر عبد الفتاح يقول...

لسه قاري الخبر ده دلوقت
لا رئيس صايع

فارس عبدالفتاح يقول...

على فكرة أنا اعتقد أن حسني مبارك صادق في رده لأنه على حسب تحليلي وقد يكون خطأ انه لن ينصب احد نائب له بسبب موضوع المنصة هذا أولاً ..

ثانيا : سوف يترك هذا المنصب فارغ بحيث يدخل الشعب في حيرة كبيرة وخطر عظيم بسبب فراغ السلطة في النظام الحاكم في مصر .. وهنا بيت القصيد فانه يراهن على الشعب المصري وتدخل الجهات الخارجية في تحديد من سوف يختار الشعب لإنقاذ البلد من فوضى سياسية قد تجتاح مصر بسبب الفراغ السياسي


طبعاً هو يراهن على الشعب المصري .. فإذا وضع الشعب المصري في هذا الضغط السياسي غير المعتاد عليه فانا سوف يختار جمال مبارك دون وعي حقيقي لطبيعة اختيار لأنه يريد أن يخرج من هذه المشكلة السياسية من الفراغ السياسي بأي شخص في أسرع وقت .. من منطلق اللى تعرفه أحسن من اللى متعرفوش

ثالثا : قيادات النظام والمنتفعين من هذا النظام سوف يدافعون عن هذا الاختيار بل وسوف يشجعون عليه .

رابعا : الأنظمة العربية في المنطقة كلها سوف يتمثل أمامهم هذا المنظر في النظام المصري والدولة المصرية اكبر دولة في المنطقة فان الدول الخليجية سوف تشجع على جمال مبارك خوفاً من أن يأتي نظام ثوري مثل نظام عبد الناصر يسبب لهم المتاعب مثل ما كان نظام عبد الناصر بسبب مشاكل دائمة مع الدول الملكية مثل السعودية والمملكة الأردنية الهاشمية والمملكة المغربية وغيرهم وكان يصفهم بالدول الرجعية والأنظمة المتحالفة معا الامبريالية

طبعاً هما مش مستعدين أن يخوضوا هذا التجربة من تاني فهم إما سوف يرحبوا بجمال مبارك ويشجعون عليه اختياره في الأوساط السياسية المصرية النخبوية ومن الممكن أن يدخل المال السياسي في هذا الإطار في الصراع على السلطة في مصر من خلال دفق المال الخليجي بصفة خاص


رابعاً : إسرائيل طبعا دي مش عايزة تحليل كتير المهم يكون نظام خاضع مثل نظام مبارك يجي علاء يجي جمال يجي عباس يجي محمد المحمد يكون تابعة سياسي ينفذ ما يلقى إليه من أوامر وسوف يشجعون على من يرون فيه هذه الصفات أو استمرارية هذا النظام بطريقة أو بأخر

إن لم يحاولوا أن تكون هناك مشكلة داخلية تؤدي إلى تفكك الدولة وانهيارها أو دخول أطراف سياسية جديدة في هذا الصراع على ملء الفراغ السياسي في النظام المصري وان استطاعوا أن يحدثوا فتنه داخل البلد فلان يترددوا في ذلك .. لكن اعتقد أن القوات المسلحة إن لم تكن مخترقة سوف تكون صمام الأمان في هذا الجانب

خامساً : أمريكا والأوروبيين لان يريدو اكثر مثل ما تريد إسرائيل ولكن دون فوضى لأنهم يعانون من مشاكل كثيره فأمريكا تعاني في أفغانستان معاناة رهيبة

أوروبا تعاني من مشكلة اقتصادية حادة ومزمنة بسبب اليونان وديونها المستحقة وانهيار قيمة اليورو أمام الدولار الذي يهدد مستقبل اليورو والاتحاد الأوروبي كله



لم يبقى إلا الصين والروس

وهنا موقفان متباينين فالروس بعد ما فعلوه مع حليفهم جمال عبد الناصر في المنطقة الذي كانوا يساعدونه بالأسلحة التي وصلت في بعض الأحيان بعد النكسة 1967م، مجانية ... اكرر مجانية

ثم توفي واتى بعده السادات الذي سفهه الروس وأنكر ما فعلوا من تضحيات مادية جسيمة في ذلك الصراع العربي الإسرائيلي تعلموا الدرس جيداً وهو أن العرب ليس لهم عهد ولا وعد وان التضحيات التي قاموا بها لابد أن لا تتكرر مع مثل هؤلاء البشر

وعليه فان الروس يريدون تأمين البترول ورواج سلعهم الصناعية والتجارية وعلى رأسهم السلاح الروسي ولكن دون أي تعاطف سياسي أو انحياز ضد أميركا أو أوروبا وليذهب العرب وعلى رأسهم مصر إلى الجحيم


أما الصين


فأمرها مختلف تماما في لا تطمع في توسع إقليمي أو بسط نفوذ أو صراع على الموارد مع أميركا ولا أوروبا ولكنها تريد الحد الأدنى من تأمين مواردها الأولية من المواد الخام لتأمين الدورة الصناعية في الصين

واعتقد أن بين الصين وأميركا اتفاق ضمني يؤمن مثل هذه الأمور المتفق عليها مسبقاً


يعني بالمختصر المفيد المرشح الأكبر هو جمال مبارك

وكله بالقانون وكله بالدستور وكله بالشرعية دون أن يكون هناك أدنى شك بأنه لم يختر من الشعب المصري

ستيتة يقول...

لعلمك انا كنت مش مصدقة تماما انه مصري
كنت بقول بعد ما ربنا يكرمنا ان شاء الله ها نكتشف انه جنس تاني

بس كده اثبت انه مصري
لأ مش النيل رواه
لكن أرن أرن يعني

دودي فلسطين يقول...

بس نشوف الى بعد حسني مبارك
شو راح يطلع

يا رب حال مصر يتغير

غير معرف يقول...

ههههههههه

ماهو التغيير موش هيجي غير لما ربنا يختاره بقا :)

تحياتي

Tarkieb يقول...

بصراحة سؤال صعب الاجابة عليه ..لان اكيد مفيش بعده اصلا حاجة حتفضل م البلد تتحكم...ح نبقى الصومال

ahmed_k يقول...

هو طبعا الريس قصده بأن العالم كلله عارف مين اللي سيخلفه في الرئاسه
فهو تهكم من جهل السائل بمعلومه بديهيه بالنسبه للرئيس

ابن الإخوان والأزهر يقول...

سؤال دمه خفيف

و إجابه دمها تقيل

Haytham Alsayes يقول...

ياخوفي لما سيادته الجاثم علي انفاسنا جميعا يأتي من هو العن واضل سبيلا

لازم الشعب يفوق عشان اللي عليه العين ميجيش بس انا عندى اطمئنان داخلي الحقيقة ان جمال مش عينولها واظن والله اعلم لو الوضع ظل علي كدة واحد من الجيش يمسكها

ربنا يستر

واثقة بربها يقول...

سؤال دمه خفيف ازاى ؟؟!!!
استخفافه بالسؤال هو للى مش خفيف
الله اعلم فعلا مين هيبقى رئيس

-_- يقول...

انا الرئيس الجاي ان شاء الله !!
.
.
.
.
.
.
.
.
.
.
مش دي انتخابات فصل رابعة / اول ولا ايه بالظبط !!

موناليزا يقول...

إجنا اصلا شعب دمه خفيف:)
وهذا ما يميزنا عن الاخرين
والمهم ان الريس انبسط وضحك على السؤال

قناه ايما يقول...

انا عن نفسى برشح الرئيس حسنى مبارك لانى معرفش اللى هيجى بعده هيكون شكله ايه

أبو العريف يقول...

الرد اللي دمه خفيف جداااا

فعلا رد عبقري

طاب طبعا هيوافق عاللي ربنا هيختاره غصب عنه

دا اذا كان موجود اصلا

Beram ElMasry يقول...

العزيز الغالي قلم رصاص حي
وسلمت ودمت في خير وسعادة.. مرهف الحس قوي العزيمة
لقد لبيت تعودتك بنشر فيديوهات الاسري تضامنا مع حملة التي تشاركوا فيها.... وقد تم نشر ابياتك في صدر موضوع اليوم

وسلام ولاسلام مع بني اسرائيل

موناليزا يقول...

رابط موضوعى الاخير تحت أمرك يافندم

ذو النون المصري يقول...

ساوافق علي من سيختاره الله
هو ربنا هينتظر موافقتك يا زعيم
روح الله يجازيك علي قد عملك

kafrawy يقول...

و الله الرئاسه دى مكتوبه لمن سيختاره الله فعلا مش بايديك و لا بايدى

بس المشكله ان الصحفى دةلو كان هنا

.كان زماااااانه و لا بلاش

تحياتى

مصطفى عبدربــه يقول...

الأيام الجاية غالبا هتبقى أسوء من اللي فات بكتير

ربنا يستر

ahmed_k يقول...

سؤال دمه خفيف لأن من وجهه رجل إيطالي يعلم أنه من بلد تحترم آدميته وأنه لن يمس بسوء حتى لو جاء لمصر سائحا
اما لو وجهه صحفي مصري كنا زمانا دلوقتي بنقراله الفاتحه

Unknown يقول...

في الحقيقة الإجابة هي اللي دمها خفييييف خاااالص (مع جز السنان على الصاد)!!!!
-------------

هذه زيارتي الأولى لمدونتك.. أعجبني ما بها من نشاط وحيوية.. وفقك الله أخي الكريم.
تحياتي.

boda_style يقول...

ٍسمعت طراطيش كلام من أحد الناس ليه علاقة بأحد العسكريين بيقولي إن أكتر ناس هتتضايق لو جمال مسك هما الجيش

وقالي إن الجيش سعيد جدا بالرئيس الحالي نظرا لأنه رجل عسكري وفي حالة الحرب يتم عرض الخطط العسكرية على الرئيس ليتناقش فيها مع العسكريين والرئيس مبارك لديه حنكة عسكرية ممتازة ويتناقش في جميع القضايا العسكرية بكل الوعي والفهم والإهتمام

أما السيد جمال مبارك فرجل سياسي من المدنيين وليس من العسكريين مما يجعله لا يستطيع نقاش أي وضع أو خطة عسكرية ويوافق عليه بدون أي إعتراضات مما يجعل البلد عرضه لمن يتلاعب بها من أحد النفوس العسكرية الضعيفة كما كان يحدث سابقا

ولهذا السبب فهو أيضا رافضين للدكتور البرادعي نظرا لأنه أيضا رجل مدني ليس لديه خبرة عسكرية

boda_style يقول...

ٍبسم الله الرحمن الرحيم

سمعت طراطيش كلام من أحد الناس ليه علاقة بأحد العسكريين بيقولي إن أكتر ناس هتتضايق لو جمال مسك هما الجيش

وقالي إن الجيش سعيد جدا بالرئيس الحالي نظرا لأنه رجل عسكري وفي حالة الحرب يتم عرض الخطط العسكرية على الرئيس ليتناقش فيها مع العسكريين والرئيس مبارك لديه حنكة عسكرية ممتازة ويتناقش في جميع القضايا العسكرية بكل الوعي والفهم والإهتمام

أما السيد جمال مبارك فرجل سياسي من المدنيين وليس من العسكريين مما يجعله لا يستطيع نقاش أي وضع أو خطة عسكرية ويوافق عليه بدون أي إعتراضات مما يجعل البلد عرضه لمن يتلاعب بها من أحد النفوس العسكرية الضعيفة كما كان يحدث سابقا

ولهذا السبب فهو أيضا رافضين للدكتور البرادعي نظرا لأنه أيضا رجل مدني ليس لديه خبرة عسكرية

Beram ElMasry يقول...

ابني الغزيز قلم رصاص حي
الرباعية الخاصة بك جميلة وتستحق النشر واني اري انها بشائر خير لشاعر جميل ان طور نفسه ولم يتعجل النشر قبل ان يتسلح بسعة الاطلاع علي العديد من الوان الشعر والوقوف علي اسراره وخباياه...والنتيجة ستكون مبهجة ان شاء الله

عن موضوعك في مدونتك:
هههههه السؤال دمه خفيف فعلا لكن الاجابه لا
سلام ولاسلام مع بني اسرائيل

BNT ELISLAM يقول...

هههههههههههههههههههههه



فعلا دمه خفيف اوى

ده اكيد صحفى ميعرفش الرئيس كويس ويقناعه الرئيس انه بيرضى بالى بيقسمه ربنا

قلم رصاص يقول...

شكرا لكل اخواني واخواتي واساتذتي الكرام على مروركم الجميل ومشاركتكم الغاليه على قلبي

واني لاعتذر عن تقصيري في الرد على كل تعليق فهناك بعض الظروف

وانتظروا البوست الجديد بعد دقائق

تقبلوا تقديري وتحيتي

Twitter Delicious Facebook Digg Stumbleupon Favorites More

 
Free Web Hosting