أحداث 24 ساعة

الفساد المحلي وصل للعالميه !







ان كنا بنعاني من الرشوه والفساد داخل البلد ، فعزائنا كان دايما انه بيننا وبين بعض .. ومحدش ليه عندنا حاجة !

صحيح كل حاجة بتحصل في الداخل بتتعرف في الخارج  لحظة وقوعها دا بفضل .. وسائل الاعلام والاتصال المختلفه خصوصا الفضائيات والانترنت ...!

وصحيح الفساد وصل في المحليات للركب على رأي الدكتور زكريا عزمي في عهد النظام 

اللي هو بردو واحد من ابناءه الثقات ، ودا طبعا كان من باب تطيب الجروح الغائره في جسد الوطن لامتصاص شيئ من الغضب في نفوس الشعب المكبوت سياسيا ...!

لكن وأن يصل فساد بعض المسئولين المصريين المفسدين في الأرض من المحليه الى العالميه 

فدا بقى شيئ يشعرنا بالفخر جميعا .. احنا مبناخدش الأيزو 9001 في تغليف الجبنه المثلثات  وتصنيع الطيارات الورق وبس ..

لالالالالا ياجماعه دا احنا كمان دخلنا في الصناعات الثقيله

وعلى رأسها صناعة السيارات ._.

شوفوا الخبر دا الأول كدا وعيشوا اللحظه 


فضيحه بكل المقاييس وعلى كل الأصعده وفي وش كل مصري

كرامة مصر بتوجعني أوي ياناس

انا ميهمنيش يطلع مين المسئول دا .. يكفي انه مصري زيي وبس ،  عشان اقدر اشعر بالغـُصه في نفسي مما فعل وأساء الى كرامتنا أمام العالم .. اللي اكيد كلكوا هتقولولي : كرامة مصر
ماهي متهانه من زمان ..!

بس مهما كان ، بردو أملي كبير جدا في انقاذ مايمكن انقاذه مما تبقى منها !

الخبر دا زعلني وجه في وقت ، أشعر فيه اليوم ببداية دور برد تأخر قليلا ويأتي بسرعة البرق
وكأني علـيً ليه 100 جنيه ههههههههههههه

دعواتكم بقى ،، لي ولكرامة المحروسه

تقبلوا تحيتي

26 تعليقات القراء:

فتاه من الصعيد يقول...

ده عاااااادي

كل الشركات العالميه بتعمل كده

واذا كنت في روما فأفعل كما يفعل اهل روما

واذا كنت في مصر .... فادفع رشوه

تحياتي

حفيدة عرابى يقول...

اشياء معينةتتعب كثيرا لو امتلكتها فى هذا البلد
عقل يفكر
ضمير يعذب
احساس
والشىء الاخير العجيب الذى تحدثت عنه
الكرامة
ربنا يشفيك
ويشفينا
ويشفى حبيبتك اللى زعلت على كرامتها

ماما أمولة يقول...

الفساد مثل الماء والهواء فلا تتعجب ولا تحزن وأسأل الله النبات على هذا البلاء



سلامتك الف سلامة

ربنا يشفيك ويعافيك اللهم امين

مجرد بنت يقول...

عارف المثل الى ببيقول
لو عملوا نهر النيل صلصة مش هيكفى الكوسة الى فى البلد
اهى دى بقا جزء من صلصلة الكوسة
عزيزى
البقاء لله

كلمات من نور يقول...

يا الله يا ولي الصابرين

بس اللي خلاني اتعجب أكتر يا قلم رصاص إن ألمانيا تدفع رشوة دي كارثة تانية ....العيب مش في مصر المحروسة العيب في أهل العيب اللي مصر تتبرأ منهم إلى يوم الدين .....

هراء لا داعى له ..... يقول...

طب كويس بدأنا ننافس على العالمية أهه

ربنا يوفقنا بقى

norahaty يقول...

ياااااااقلم!
لا هى أول مــرة
ولا حتكون أخر مرة
كرامة بلدك محفـوظة
انما كرامة ناسها هى
اللى (بردون متبعترة)
وزى ما قلت مفيش حاجة
بتستخبى فى الزمن دا!

ستيتة حسب الله الحمش يقول...

عزيزي السيد سي السيد
كل صفقة
كللللللللللللل صفقة حكومية
لها سماسرة وبها عمولات "الكلمة المهذبة لرشوة"
وكل شركة عالمية عارفة ده لكل دولة من دول الديكتاتورية والبيروقراطية مش مصر بس
ومش في العهد ده بس

في الصحيحين عن أبي حميد الساعدي رضي الله عنه قال: بعث رسول الله صلى الله عليه وسلم رجلاً من الأزد يقال له ابن اللتبية على الصدقة، فقال: هذا لكم، وهذا أهدي إلي، فقام النبي صلى الله عليه وسلم: فحمد الله وأثنى عليه، ثم قال: "ما بال العامل نبعثه فيجيء فيقول: هذا لكم، وهذا أهدي إليّ؟‍‍‍‍. ألا جلس في بيت أبيه فينظر أيهدى إليه أم لا‍‍‍‍‍‍!! والذي نفس محمد بيده، لا نبعث أحداً منكم فيأخذ شيئاً إلا جاء يوم القيامة يحمله على رقبته، إن كان بعيراً له رغاء، أو بقرة لها خوار، أو شاة تيعر، فرفع يديه حتى رأيت عفرة إبطيه فقال: اللهم هل بلغت ثلاثاً".

وكنا بنسمي ده اقرار الذمة المالية
بس بما ان مفيش ذمة اصبح الإقرار بسيط
ورثته عن جوز عم مرات ابويا

رشوة من المواطن ورشوة من اليانكيز ورشوة حتى من العجل اللي في بطن امه
عاااااااااااااااااااااااادي

بيقولوا لك فيه ترليون جنيه مش لاقينها
ههههههههههههههههههههههههه
الا الترليون جنيه ده اكتر من الميت الف يا خويا؟ :)

دعاء العطار يقول...

للأسف المؤؤؤؤؤؤؤسف الاسف

هى دىىىى مصر

لكن ارجع وااقول " الخير فى وفى امتى ليوم الدين "

ربنا يشفيك ياارب

قلم رصاص يقول...

فتاه من الصعيد

اه يمكن بعض الشركات العالميه بتعمل كدا بس طبعا متقدرش تقدم مثل هذه الرشاوي الا لأشخاص او مؤسسات في دول ناميه او دول عالم تالت زي مبيقولوا

مستحيل يقدموا رشوه لحد في دوله غربيه او دوله متقدمه .. صعب جدااااااااااا

يحضرني كلمه مهمه اوي لأحد المفكرين البريطاينين كان بيقول فيها :
"لو حدثت عملية فساد واحده في بريطانيا لأقيلت الحكومه او لانهار النظام..أما مصر فبتنهب وتسرق منذ 7 الاف سنه ولسه قايمه على رجليها"

احنا جامدين بردو
هههههههههههههههه

منوره اختي الكريمه

في امان الله

قلم رصاص يقول...

حفيدة عرابي

اه والله عندك حق
امتلاك عقل يفكر ، ضمير يعذب ، احساس ، وكرامه .. شيئ يتعب !

جزاكم الله خيرا على المرور والتعليق

قلم رصاص يقول...

ماما أموله

الله يسلم حضرتك
واشكرك على الدعاء الجميل

وفعلا ليس أمامنا فيما يحدث لنا الا الثبات

منوره جدا ماما اموله

في امان الله

قلم رصاص يقول...

مجرد بنت

فعلا مثل حقيقي حقيقي

وللكوسه حضور عظيم على المائدة المصريه

في امان الله

قلم رصاص يقول...

كلمات من نور

اه بس حضرتك مش واخده بالك
الشركات العالميه ممكن بعضها بيعمل دا صحيح زي ما فتاه من الصعيد قالت
بس انا اعتقد انه ده لايحدث منهم الا مع الدول الناميه او العالم الثالت ومستحيل يحصل في الغرب ..عندهم شفافيه الناس دي
بصرف النظر عن سياساتهم او نواياهم العدائيه والأبديه تجاهنا نحن العرب والمسلمين ^_^

منوره حضرتك بشدة

في امان الله

قلم رصاص يقول...

هراء لا داعى له

اه طبعااااااااااا امال ايه
احنا عالميين في حاجات بردو

منور يادكتور

في امان الله

قلم رصاص يقول...

norahaty
صح صح .. انتي صح
كرامة البلد محفوظه والحمدلله
المشكله في اولاد البلد
احنا بنعيش أزمة أخلاق بكل أسف

الراشي والمرتشي معاقبون دينيا بين يدي الله
ودنيويا بقوانين السلاطين

منوره يادكتوره

في امان الله

قلم رصاص يقول...

ستيته

اه يادكتور دا حقيقي .. مش بيحصل الا مع الديكتاتوريات والدول الناميه !

في أوروبا والدول المتقدمه لالالالالالا يمكن دا يحصل !

اه حقيقي صحيح ..هو التريليون دا يطلع كام جنيه ؟ ههههههه

منوره حضرتك

قلم رصاص يقول...

دعاء العطار

اه طبعا الخير في امتنا الى يوم الدين مهما تجاوزت تصرفات بعض أبناءها


منوره يافندم

في امان الله

الشموع السوداء يقول...

يا عم وايه المشكله هو ده التميز
ربنا ينتقم من الجميع

SHAPE YOUR LIFE (ABOALI) يقول...

الله الله الله
هو ده التقدم ولا بلاش اعد يا سيدى اعد
فى اوربا والبلاد المتقدمة هناك دارسات لطبيعة الاسواق قبل اختراقها
منها معرفة الطبيعة الشخصية واهتمامات الفرد داخل تلك الدولة
لذا احيى تلك الشركات على سرعة معرفة المفتاح السحرى

واحب ان انبه انه بعد وجود تحليل للدم
وتحليل للسكر وتحليل للبول وتحليل انفلونزا خنازيرى وطيورى
جااااااااااء الينا من بعيد
تحليل مرسيدس

والسلام عليكم ورحمة الله

اتمني الشهادة يقول...

الرشوه في مصر ليست جريمه لكنها
اصبحت الوسيله الوحيده لأخذ حقك
فأدفع والذنب علي الي بياخد
او اعطي الرشوه بنيه صدقه علي الموظف الفقير الي مش لاقي ياكل هو غلبان معذور في قرشين علشان يعلم ولاده ويأكلهم
والمسؤلين معذورين في ارنبين بردو علشان يفسحو عيالم
يا استاذي الرشوه اصبحت ثقافة شعب
وثقافات الشعوب لا يمكن الاحتفاظ بسريتها


نسأل الله الصلاح للرعاه فينصلح الرعيه

MR.PRESIDENT يقول...

عجبي عليك عجبي عليك يا بلد
حضنيتي الخئون ورميت الولد
لو كان ليك في يوم ضمير
مكنش حد فيك اتجلد

قلم رصاص يقول...

الشموع السوداء

يااااااااااارب
بس طبعا حضرتك تقصدي المفسدين

نورتي

قلم رصاص يقول...

أبو علي

ههههههههههههههه
حلوه تحليل المرسيدس دا

شكرا على التعليق يا أستاذنا

وعليكم السلام ورحمة الله وبركاته

قلم رصاص يقول...

أتمنى الشهاده

تعليقك رائع والله
وان كانت الحقيقه تدمي القلوب

في امان الله

قلم رصاص يقول...

MR.PRESIDENT

احييك على الرباعيه الحلوه دي

منور ياريس

Twitter Delicious Facebook Digg Stumbleupon Favorites More

 
Free Web Hosting