أحداث 24 ساعة

رسائـــــــــــــــــــــــــــــــل








الكابتن حسن شحاته :
ألف مبروووووك الفوز الكبير على نسور أفريقيا .. فرحت الشعب المصــــــري كله .. وصدقني الفرحه لما بتكون عاوزه تيجي بتيجي من غير واسطة ولا رشـــــوة . أحييك بشدة على إدارتك الفذة للمباراة .. لكني أخـــذ عليك تمسكك بالاستعانه بمحمود فتح الله وهاني سعيد .. حتى وان كانوا يجيدون اللعب في مراكز اخرى افضل. فهم في النــــهاية يفتقدون للقتال داخل الملعب علاوة على بطء أدائهم المثير للأعصاب . والمعيار لوكان متعلقا بالسن فقط لكان المقاتل اللواء أركان حرب أحمد حسن خارج التشكيل من سنوات لكنها القدرات الخاصة ياسيدي .. واعتب عليك في عدم الاستعانه بميدو .. فهو الأن جيد جدا عن ذي قبل .. وان كان القرار النهائي يرجع لك كمدير فني ..فنحن نحترمه ، لكن ده مجرد رأي .



قناة الجزيرة الرياضية : 
أثبتم بمالا يدع مجالا للشك أنكم أقزاااااااااام أمام كل ماهو مصري .لو كان الموضوع ينحصر في مفاوضات واحتكار للبث الفضائي .. فهذا حقكم وكنت كمصري سأتفهـــــــم موقفكم ولن يلفت نظري تصرفاتكم التافهه .. لكنكم أقحمتم الوسائل الاعلامية الرياضية كما من قبل ذلك السياسية في التنكيل بمصر ولا أستطيع اقناع نفسي أنكم تدركون ما تقومون به ضدنا .. أو انكم تدركونه جيدا وانا من يعيش في أوهامه للتطبيل للقوميه العربية المنشوده. عندما فشلت المفاوضات بيننا في الحصول على حقوق بث مباريات البطولة الأفريقية بالطبع عشتم لحظات انتصار زائفه وتافهه .. لكن سرعان ما اكتشفتم عجزكم أمام الشعب المصري الذي عرف انه سيتمكن من متابعة البطولة عبر فضائيات اخرى بدون إذعان لشروط مجحفه .. هرولتم وقررتم فتح البث عبر شاشتكم لإثبات حسن نواياكم تجاه المصريين .. لكن بكل أسف أدنتم أنفسكم بأنفسكم وأثبتم أنكم تلعبون لعبه لايجيدها سوى ضعاف النفوس .
أنا احترم مهنيتكم في قناة الجزيرة الأم لكني أختلف معكم في هجومكم المستمر طيلة الفترة الأخيره على مصر وتطاولكم عليها ..بدعوى الانحياز للشعب الفلسطيني ..فأنا رغم اني افرق بين مصر الدولة  ومصر النظام فهناك فرق كبير بين الاثنين ورغم اعتراضي على نظام بلدي فيما يتعلق بسياسته وعلاقته بإسرائيل .. إلا ان هذا النظام الذي اختلف معه في هذه النقطة تحديدا  أوضح منكم ..فعلاقته بإسرائيل تتم في وضح النهار ويجاهر بها .. أما دولة قطر فلديها وجهان ، الأول يدعي الانحياز للقضيــــــــــة الفلسطينيه .. والثاني له عاقات متينه بإسرائيل ولديه إستثمارات كبيره بها .. بل أنتم من يفتح أبواقكم الاعلاميه لحفدة الخنازير بدعوى معرفة الأخر . لذلك فوقوا من سباتكم .. فمصرالدولة أكبر من أي نظام تختلفون معه ان كنتم حقا تختلفون.!

رجب طيب أردوغان :
كل يوم بتثبت انك رجل محترم .. تنتصر دائما لكرامة تركيا حتى مع ماتعتبرون من الدول الصديقه لكم .فأنا عندما أسمع خبر استدعائك للسفير الصهيوني بتركيا ردا على معاملة إسرائيل السيئة لسفيركم فيها فأنا لا أبدي أي استغراب .. فقد خبرنا دائما غيرتك على بلادك حتى ولو كانت متورطة في علاقات مشبوهه بإسرائيل .أنت كتركيا لست أفضل من بعض الدول العربية في علاقاتك بإسرائيل .. ولكن الفارق الجوهري أنك دااااااااااااائما تحتفظ بخطوط حمراء للكرامة التركيه ولا تسمح لأحد بتجاوزها مهما كان .فتحيه إعزاز وتقدير واعجاب لشخصك المرموق .


الأمن المصري :
أحملكم المسئولية كااااامله عن أحداث نجع حمادي الأخيره ، ولست مقتنعا بالأصـــوات التي تقول انه من الظلــــــم تحميل الأمن كل شيء وأن  المسألة أكبـــر من الأمن وأننا كمسلمين نحن من نسيئ الى إخواننا الأقباط . أنا مقتنع جدا ان المسألة تقصير أمني لايمكن إغفاله. وتأكيدا لذلك ، حدوث غضب الكثيرين من الأقباط بعد تراجع الأنبا كيرلس أسقف نجع حمادي في تصريحاته التي اتهم فيها أجهزة الأمن بالتقصير في حمايــــــــة الأقباط . فالأمن المصري بكل أسف تراجع عن دوره الرئيسي في حفظ أمــــن الناس .. وفي بعض مناطق مصر بدلا من أن يقدم الأشقياء وتجار المخدرات والمجرمين للعدالة ، أصبح يقيم معهم صداقات مشبوهه .. أنا أعلم أنها أحداث فرديـــــــــه ولكنها بكل أسف استفحلت وانتشرت .



وانا متأكد من متانة العلاقة بين جناحي الأمة المصرية المسلم والمسيحي .. ولا يلفت انتباهي أبدا مايمكن تسميته بفتنه طائفية .وعندي شخصيا تجربة في المنطقة التي أسكن فيها . حيث يعيش بيننا كمسلمين طبيب مسيحي ترك مسقط رأسه البعيد نسبيا وترك أهله وزوجته وأولاده ولايزورهم سوى يوم واحد في الأسبوع منذ أكثر من 25 عاما . فهو طبيبنا منذ ذلك الحين وحتى الأن .. يفرح معنا ويحزن معنا .. وفي شهر رمضان قيل أنه أحيانا بيصوم معنا مشاركة منه لنا فرحتنا بالشهر الكريم .. ونفس الشعور متبادل من الجميع للرجل . فنكن له كل الحب والود والتقدير والاحترام.


يستطيع البعض القول أن ما أقوله مجرد حالة فرديه لاتعبر عن الخط العام للعلاقة بين المسلمين والمسيحين ، وهذا وارد جدا ولكني قلت ما أعتقد أنه الصواب من وجهة نظري.


وللرسائل بقية 
تحيتي
قلم رصاص
 

21 تعليقات القراء:

خواطر شابة يقول...

الرسالة الاولى للكابتن حسن شحاتة انا معك فيها خصوصا انه بعد مباراة الجزائر كانت الاصوات قد بدأت تعلو في مصر لاستبعاده وتعييره وهو الان رد على هذه الاصوات في الملعب واثبث انه فعلا يستحق لقب المعلم عن جدارة واستحقاق
الرسالة التانية للجزيرة ما فعلته الجزيرة الان هو نفس ما فعله التلفزيون المصري مع القنوات الخاصة مودرن دريم والحياة عندما كان يمتلك حق مباراة مصر والجزائر نفس الموقف تتخذه الان الجزيرة لافرق انها المصلحة والربح وقواعد المنافسة
رجب طيب اردوغان ارفع له القبعة ومنذ يوم قمة دافوس وحتى لو كانت ثورثه هي لكرامته او لبلده فانه شفى غليلي واحترمته جدااااااااا ولازلت
الامن المصري لاتعليق فقط دعوة لله ان يصلح الاحوال
تحياتي لك

المجاهد الصغير يقول...

شاركنا فى حمله مليون توقيع لوقف بناء جدار العار

جارة القمر يقول...

ممممممممممممم

حسن شحاته اكيد مدرب يستحق الاحترام


الأمن هو احنا عندنا حاجه اسمها أمن ... للاسف بقى كله كلام و بس مافيش وجود حقيقى له

منتظرة بقيت الرسايل :)

Unknown يقول...

كلام سليم
خصوصاً موضوع اردوغان
اما موضوع نجع حمادى
فأعتقد انه اختلف معاك
الموضوع كله امن و سياسة و دين

Unknown يقول...

رسائل قوية وموجزة
أتفق معك فى السيد
رجب اردوغان حتى
وإن كانت غضبته
لنفسه أما الكرة
فلا أحبها وشئونها
لأنها عودتنا على
العلو فووووووق
ثم النزوووووووول
تحت اوووووووووووى
وحادث نجع حمادى مازلت
مقتنعة انه حادث ثار
يحدث كثيراً فى الصعيد ولكنه
(أُلبس )ثوباً غير ثوبه وأكبر منه
لمصلحة جهات واشخاص ومؤسسسات
كبيررررة!

مدفع رمضان يقول...

جميل جدا ربنا يوفقك على هذه المدونة الرائعة جدا .

ليس فقيرا من يحب يقول...

يا سلام على الرسائل الجميله الموجزه

الا مين اللى كتبهالك يا ريس نفس الراجل

اللى بيكتبلك الخطب برده

ههههههههههههههههههههههههههههههههههه

بالنسبه للكورة فانا مش بفهم فيها الحقيقه

وقناه الجزيره بقى عمرى ماحبتها ولا

ارتحتلها

والامن المصرى بقه ميت فل وعشرة

وكل الكلام اتقال فى حادثه نجع حمادى وخلص كمان

وتحيه كبيره قوى للسيد رجب اردوخان واحب اقوله

انت راجل جدع جدا جدا جدا

تسلم ياشيخ

اما انت بقى يا ريس فمفيش داعى تفطس

فى كل الاوضاع كده هننتخبك وامرنا لله

وخلاص مش هارشح نفسى قصادك انا هارشح

نفسى للرئاسه فى دايرة تانيه

ههههههههههههههههههههههههههههههههههه

فى انتظار البقيه

اقعد بالعافيه

قلم رصاص يقول...

خواطر شابه

أشكرك على ردك الجامع المانع
كل سنة وحضرتك طيبه

_________

المجاهد الصغير

ان شاء الله اخي الكريم
ولو اني مش فاهم لو احنا حتى جمعنا عشره مليون توقيع هنعمل بيهم ايه
أصل التوقيعات دي تنفع في الانتخابات او المسائ السياسيه اما المسائل الأمنيه او السياديه فمظنش

عموما معاكم ان شاء الله
ونورتني

قلم رصاص يقول...

جارة القمر

يامرحبا بأهل الفضاء

اشكرك على المشاركة جدا

في حفظ الله

_______

بدراوي

اشكرك على ردك
وان كنت اتفق معاك في انه موضوع نجع حمادي يرجع لأسباب امنيه وسياسيه ودينيه وغيرها .. لكني اعتقد ان الجانب الأمني يعم ويطغى .. وحتى ان كان للموضوع جذور دينيه مثلا .. انا مش بحب اضخم من ده ..عشان نلم الدور
احنا تعبنا ..!

دايما منورني

في حفظ الله

قلم رصاص يقول...

norahaty

اهلا بيكي يادكتوره نورا

اشكرك على رأيك .. وجايز جدا يكون لموضوع نجع حمادي مايتعلق بالثأر .. وياريت يكون كده .. لأن الثأر ملهوش علاقه بدين .. وده اللي انا اتمناه بصراحه .. نفسي بجد ننحي الجانب الديني من علاقاتنا ببعضنا البعض كمصريين حفاظا على تماسك وكيان الدولة الى ان تقوم الساعه

في حفظ الله

ــــــــــ

الصقر الجرئ

أشكرك اخي الكريم على رأيك في المدونة
كل سنة وانت طيب

في حفظ الله

ــــــــــ

ليس فقيرا من يحب

اه هو نفس الشخص اللي بيكتب لي .. هو هو بغباوته هههههههههههه

اشكرك جدا على المرور والتعليق
والحمدلله ان الرسايل نالت اعجاب سيادتك

وفكرة رائعه انك تترشحي في دايره تانيه .. افترح عليكي جمهورية زفتي !!!

في حفظ الله

♥نبع الغرام♥♪≈ يقول...

مش معقوله

حمدالله على السلامه يا كبير

بجد وحشتنى أووى ايه الغيبه الطويله دى كلها
ربنا يطمنى عليك وتفضل منور مدونتك كده على طول

نهاية البوست

تجيبها كده هى كده
هههههههههههههههه
سلام ياريسنا

ستيتة يقول...

متفقة مع جميع الرسائل
وخاصة رسالتك لأردوغان
أما قناة الحضيرة
فدي حقيرة حقيرة
كلنا كاشفنها
وبالمناسبة فتحت التشفير لأنها تأكدت إن كل بيت وكل منطقة عمل كابل والأمن مش ها يروح يدور على الناس وهي ها تخسر فلوس اكبر بلد في تعداد السكان فعملتها بجميلة
لكن دي قناة حقيرة
ولذلك لا أحترم ابدا شخص يدافع عن تواجهاتها
"بشك فيه فورا انه داسوس":)

قلم رصاص يقول...

ابتسامة ملاك

الله يخليكي واشكرك اختي ايناس على المرور والكلام الطيب

ودمتي بكل خير

ــــــــ

الدكتوره ستيته

منوراني دايما يازعيمة
وارائك دايما بتكون محل اعتبار وفحص وتمحصيص عندي في مكتبي بأمن الدولة
هههههههههههههههههههههههههههه

كل دقيقه وحضرتك بخير

في حفظ الله

هناء محمود يقول...

رسائل حلوة وجامدة شكلك متابع الحياة كويس .. مش زى حالاتى قاعدة فى المطبخ

مسدس صغير يقول...

رسائلك روعة اخى قلم كعادتك فى الابداع
اعجبتنى رسالتك الى قناة الجزيرة جدا
وكذلك حسن شحاتة والامن المصرى
واعجبنى ايضا كلام بالعربية الفصحى لذا آثرت ان كاتب تعليقى بها
وارى أن فى هذا الموضوع حاجة حلوة اوى وتمام جدا وشكرن ع الاخر
هههههههههههههههه
وحشتنى

mohamed ghalia يقول...

جميلة أوى ياصاحبى رسايلك
متفق تماما معاك فيها

الشعب لابد له من حكومه تشكمه يقول...

انا جييييييييييييت:)
اولا:حسن شحاته,بعد كاس العالم والله متفرق معانا الاسماء بس برضه الواحد مش هاين عليه ميشجعش:(


ثانيا:
قناة الجزيره:( لاتعلييييييييييق.


ثالثا:
اردوغان:عمرك شفت اسرائيل تعتذر لحد؟؟؟؟
لما موتت جنود عندك على الحدود,لما شريط الاسرى نزل,,سمعت اعتذار.
لكن اعتذرت لتركيا,تفتكر دا يدل على اييييييييييييييييه؟


رابعا:
نجع حمادى:
اممممممممممممم هختلف معاك باه.
مش كل حاجه فى الموضوع ده بالذات نقول الامن وبسسسسس.
الموضوع اكبر من كده بكتيييييييييييييييير.

ظل السماء يقول...

السلامُ عليكُم.
هوَ بصراحة يعني أنا لم أُشاهد كُل هذه الأحدااااااث المذكورة في الرسائل و فوتت على نفسي حاجات مُهمة
سامحني يا حضرة الريييس آخر مرة و الله ههههههههههههههه
بسسسسسس آه طبعاً رأيك موثوق فيه مع إني دُهشت من رسالتك لقناة الجزيرة و من بعض التعليقات يعني , ما هوَ كُل القنوااااات بتعمل كده لأسباب ربحية و تجارية بحتة و أنا مش معاااك في الهجوم عليهُم مش بس و الله عشان بيتكلمو كتيير عن فلسطين بما إني فلسطينية, بس كمان بحاول أكون حيادية و أحُط نفسي مكانهم اللي أقصُده يعني إحنا ما بنعرف العلاقات الموجودة في الإعلام و الإتفاقات ما بين القنوات عموماً يعني!
أما حسن شحادة فأنا بحبه مهما اتقال عنه و بحترم ذكاؤه :)
و معاك في كُل كلمة قُلتها حضرتك عن أردوغان بجد راجل مُحترم و جريء جداً..

الأمن المصري بقى و حمادي و المشاكل الداخلية أنا ملييييييش فيها يا عم ههههههههههه ما أنا خلاص هتعين وزيرة الخارجية و الا نسييييت? هههههههههههههههههههه

سلاااام و يا ريت تكمل في موضوع الرسائل هاشوف إيه آخرتها معاك بقى :)

Asmaa Fathi يقول...

رسائل في الصميم

تحياتي

قلم رصاص يقول...

أم بوبه

أشكر جدا على المرور والتعليق
ولعلمك القاعدة في المطبخ مفيدة جدا
خصوصا لو كان المطبخ السياسي
هههههههههههههه

في حفظ الله

ـــــــــ

مسدس صغير

اي خدمه ياصاحبي
ايه الحلاوة دي
ايه الجمال ده كله

لعلمك انت اوحش ياواد
هههههههههههه

منورني يابوصلاح
وهنيجي قريب انا وانت المنصوره عشان نقعد مع مرعي ونفضفض.. استعد بقى

في حفظ الله

_________

محمد فغالية

انت الأجمل يامحمد والله
مرورك بيسعدني يابني
دمت في سعادة

في حفظ الله

قلم رصاص يقول...

الشعب لابد له من حكومه

نورتي ياشيما
ولازم تشجعي مصر .. دا مش بمزاجك مهما كنتي زعلانه بسبب كاس العالم .. هو انتي مشربتيش من نيلها؟

وبعدين احنا منروحش كاس العالم .. كاس العالم هو اللي يجيلنا هههههههههه

أشكرك على المرور والتعليق .. نتفق ونختلف في الرأي ولكن تظل حبال الود والاحترام المتبادل موصوله

في حفظ الله

ــــــــ

ظل السماء

وعليكم السلام ورحمة الله وبركاته

يااهلا بيكي يا اخت رنا وبكل الفلطسينين على أرض قلم رصاص .. بلدكم التاني طبعا ههههههههههههه

واشكرك على مرورك ورأيك

وان شاء الله الجزء التاني من الرسايل النهاردة

في حفظ الله

ــــــــــ
أسماء فتحي

أشكرك أستاذه أسماء على المرور والتعليق

في حفظ الله

ونورتوني جميييييييييييييعا

Twitter Delicious Facebook Digg Stumbleupon Favorites More

 
Free Web Hosting