أحداث 24 ساعة

كل سنة وانتوا طيبين + الحمدلله لسه عايش







السلام عليكم ورحمة الله وبركاته

كل سنة وانتوا طيبين ياناس ياطيبين


عيد سعيد عليكم وعلى كل الأمة العربية والإسلامية من مشارقها لمغاربها


معلهش اتأخرت جدا في اني اقولهالكم .. وده كان لسبب خارج عن ارادتي


لأنه النت كان فيه مشكله وخرج الموضوع من ايدي .. وبقى في ايد واحد تاني 


هاااااااه اخبار اللحمه ايه ؟ متكالوش كتير وبلاش طفاسه ارحموني
هههههههههههههههههههههههههه


بخصوص اللحمه ، تذكرت موقف طريف جدا للزعيم في الواد سيد الشغال لما قال :


بقى ناس عندها لحمه .. بتعزم ناس عندها لحمه .. عشااااااااان ياكلوا لحمه ؟!


ههههههههههههههههههههههه


تصوروا فعلا والله ياجماعه انا فعلا بانقطاع النت عني كنت مفتقدكم جدا ومفتقد جو الألفه والاخوه اللي بيني وبينكم جدا


بأمانه كنت حاسس بفراغ كبير .. انا فعلا بحبكم في الله .. وربنا يديم المعروف


ويديم اللحمه برضه .. متبصليش كده ياد انت وهو وهي .. كلوا جامد  براحتكم .. بس متقلوش


ههههههههههههههههههههه


والست هانم اللي بتقول : اني رديت على التاج واتقبض علـًي ههههههههه .. انا عارف ان الاعلام معاها


بس انا بحذرها وبشدة تاخد بالها من مستقبلها السياسي .. وممكن جدا اعمل تعديل وزاري واقعدها في المطبخ


هههههههههههههههه


كنت متوقع انكم تقلبوا الدنيا علـًي .. وتقلبوا المنتديات والمدونات وتطلعوا على الفضائيات وتتسائلوا جميعا 


بشغف محفوف بالقلق والارتباك الشديدين عني قائلين : هو فين قلم رصاص ؟!


او تجيبوا بطيخه وتيجوا تزوروني .. او حتى تبعتوا لي التلت اللي مسدس موصيكم عليه 


ههههههههههه






كل سنة وانتوا طيبين .. وعيد سعيد عليكم .. وربنا يجعل كل ايامنا اعياد وفرح وسعاده

وشاكر جدا لكل اللي سألوا في البوست اللي فات



وتقبلوا تحيتي


اخوكم : قلم رصاص ابو سن حديد




42 تعليقات القراء:

norahaty يقول...

كل سنة وانت طيب ياقلم
دهب عيار 33مفيش زيه
أضحى مبارك عليك
أن شاء الله وملكش
دعوة بالتلت أنا
منظرة عليه من
الأول فوسع
كده
وخليك لارج:)

الأحــــــ إيناس ــــــزان يقول...

عيد سعيد عليك

كووووووووو ل سنه وحضرتك طيب

ويارب منور فى وسطنا
ويعود عليك الايام بالخير يارب
تحياتى
ايناس

ريتاج يقول...

عيد سعيد عليك

وينعاد عليك بالخير يارب

تحاتى
ريتاج

خواطر شابة يقول...

وعليكم السلام ورحمة الله وبركاته
عود محمود
كل سنة وانت طيب وينعاد عليك بالخير دائما يارب
تحياتي لك

مجرد حلم... صغنتوت يقول...

حمد لله على السلامة
وكل سنة وانت طيب وعيد سعيد عليك يا رب

بيطرية ومش بايدى يقول...

ان ان ااااااان
كوع مين ياعم وممنوع مين احنا بتوع الحاجات دى برده

حمد الله على سلامتك اولا واخيرا

وعارفة انى مقصرة بس اعمل ايه برده مش بايدى



المهم كل سنة وانت طيب وبخير وصحة وسعادة وهنا ورشا ومنى ورنا وسما وكل اسامى البنات الحلوة:))))


يلا فوتك بعافية ورايا اكل

رضا الكومى يقول...

كل عام وأنتم بخير
وجعل الله كل أيامك أعياد

ستيته حسب الله الحمش يقول...

كل سنة وانت طيب
وبعدين انا بعيط ومعرفتش اعدل تحرير الرسائل
وسيبت لك رسالة كلها دموع عندي في التعليقات
انا بيني وبينك قلت يمكن اصعب على حد وياخد مفتاح المدونة ويعدل تحرير الرسائل :)
كل لحمة كتير يا اخ
عاوزين وحوش
تعبنا يا اخي من ميمي وسوسو اللي راحوا السودان عيطوا واستخبوا ورجعوا لينا
عاوزين عودة لصميدة ومغربي وسيد وعباس
لازم نرجع للأصالة
اللحمة والسمن البلدي والفووووووووووووووووووول :)

حلم بيعافر يقول...

واللى سالوا عليك بس مش فى البوست اللى فات؟

هييييييييه يللا هو انا كده دايما

بحب اخدم بس مفيش نصيييييييييب

كل سنة وانا طيب

وانت كمان ياعم متزعلش

ليس فقيرا من يحب يقول...

الف حمد على السلامه يا ريسنا

كانت الدنيا مضلمه ورجعت نورت من تانى

عيد سعيد عليك وعلى كل حبايبك

كل سنه وحضرتك طيب

وكل براحه راحتك محدش واخد منها حاجه

انا بقى جيبالك شويه فته بالخل

والتوم بس الصراحه معلهمش لحمه

اصلى اكلت اللحمه وانا جايه فى السكه


ودلوقتى هاروح اضربلى شويه كباب حله

ههههههههههههه

اقعد بالعافيه

قلم رصاص يقول...


norahaty

وانتي طيبة يادكتورة
اشكرك على المرور الكريم والكلام الحلو

وخلاص مسامح في التلت

في امان الله

قلم رصاص يقول...


ايناس

وعليكِ اخت ايناس
وانتي طيبة

اشكرك على المرور والتعليق

في امان الله

قلم رصاص يقول...


ريتاج

وحضرتك طيبة

وعيد سعيد على الجميع

نورتي المكان

في امان الله

قلم رصاص يقول...


خواطر شابة

وحضرتك طيبة اختي الكريمة

وعيد سعيد على كل المسلمين وتحياتي لاهل المغرب اخواتنا في الله

واخبار اللحمه عندكم ايه ؟!
هه

في امان الله

قلم رصاص يقول...


مجرد حلم

وانتي طيبة يادكتورة دعاء

وعيد سعيد عليكم وعلى كل الأمة الاسلامية

نورتي المدونة

في امان الله

قلم رصاص يقول...


بيطرية ومش بايدي

وانتي طيبة يادكتورة
وعيد سعييييييد عليكِ وعلى الأسرة والامة الاسلامية كلها

وهو كل حاجة عندك مش بإيدك؟!
ههههههههههههه

وايه أخبار اللحمه !

في امان الله

قلم رصاص يقول...


رضا الكومي

وانت طيب يا أستاذنا
وعيد سعيد علي حضرتك وكل أسرتك الكريمة
والامة الاسلامية

في امان الله

قلم رصاص يقول...


دكتورة سوتيته

وحضرتك طيبة يادكتورة
وعيد سعييييييييد على حضرتك والأسرة الكريمة نفر نفر .. وعلى الأمة الاسلامية كلها

انا سيبت لك تعلق تاني عندك بخصوص مسألة تحرير الرسايل في المدونة

واطمني هنااااااكل لحمه ومش هنبطل لحد مانموت من الاكل .. طول عمرنا رجااااله وواقفين واقفة رجاله

ومصر لسه بخييييييييير

في امان الله يادكتور

قلم رصاص يقول...


حلم بيعافر

ههههههههههههه ولايهمك يامحمد
حقك علي .. بس مش ناسيك والله

ورسالتك وصلت على الميل واشكرك من كل قلبي
وليه مجيتش في العيد .. دا بيت خالتك ياد
ههههههههههههههههه

كل فترة تقعد تقول جي جي جي ومبتجيش.. انت حررررررررر ياعم

كل سنة وانت طيب
وسلم لي على خالتي

في امان الله

قلم رصاص يقول...


ليس فقيرا من يحب

وانتي طيبة يا ست رانيا

والله يسلمك وكل سنة وانتي طيبة وكل الأسرة الكريمة بخير والامة الاسلامية جمعااااااااااء

وهديتك مقبوله بس بالله عليكي من غير توم
انا مش ناقص هههههههههههههه

واكلتي اللحمه كلها ؟

ارحمي .. انا عارف ان البنت تاكل اد الواد 6 او 7 مرات .. عشان كده فيه مجاعه في افريقيا ههههههههههههههه

وكلها مشاكل انا اللي هورثها سياسيا بعد ماتولى الحكم .. ان شاء الله هحركمك من الاكل لمدة شهر لما اتولى القيادة.. عشان الدايت وكله يشوف شغله هههههههه

نورتي المكان

بس ده هيكلفني فاتورة كهربا عاليه .. مش مشكلة هههههههههههه

في امان الله


mohamed ghalia يقول...

كل سنة وانت طيب ياباشا
وعيد سعيد عليك

قلم رصاص يقول...

محمد غالية

وانت طيب يامحمد

عيد سعيد عليك وعلى أسرتك الكريمة والأمة الاسلامية

اخبار اللحمه ايه ههههههههههه

في امان الله

الشعب لابد له من حكومه تشكمه يقول...

اييييييه ده هو فى حد ف بلوجر اسمه الست هانم؟؟؟؟؟؟؟؟
تصدق ولا اعرف...:)

وبعدين كل شويه هتقعدها فى المطبخ,هتقعدها فى المطبخ هو المطبخ تهديد ولا معتقل اليومين دول..؟؟

قعدها انت فى المطبخ وقابلنى لو شربت كوبايه ميه حتى...
على راى سعيد صالح ودينى لقطع عنك المصروف.
هى باه هتقطع عنك ميه واكل وهتخلي اللى يشوفك يقول تبرعوا لاخوانكم فى الصومال وتكون عبره لمن يعتبر...:)

كل سنه وانت طيب وعيد سعيد.
مليش انا فى اللحمه :) اه والله لا تقلق هسيبهالك كلها ليك.

قلم رصاص يقول...


الشعب لابد له من حكومه

ههههههههههههههههه
اخيرا جيتي

بس بالله عليكي بلاش .. كله الا قطعة الميه والأكل .. يرضيكي ابقى صومالي على اخر الزمن ههههههههههههه

كل سنة وانتي طيبة ياشيما

منوره دايما والله

في امان الله

واحده من الناس يقول...

كل سنه وانت طيب بقا
ولو ان العيد خلص
هاتلنا بقا بوست من اياهم اللى يودى ورا الشمس
ههههههههههههههه
انا مستنيه

قلم رصاص يقول...


واحدو من الناس

هههههههههههههه
وانتي طيبة

وان شاء الله تزوروني قريب في مزرعة طره

هههههههههههههه

نورتي

في امان الله

Soul.o0o.Whisper يقول...

لا يا عم

و لا دراع و لا كوع

هأدخل اهو فى الموضوع
:)


كل سنة و انت طيب
و عيد سعيد عليك


بس إزاى ماوصلتش لك أخبار المظاهرات اللى عملتها عشان ترجع للنت من تانى !!!


لالالالالا
كدا النت هيوقع بينا :)


خللى بالك


دمت بخروف

قلم رصاص يقول...


دكتورة سول

وانتي طيبة وعيد سعيد عليكِ وعلى الأسرة والأمة الاسلامية كلها يارب ان شاء الله

واطمني .. طالما فيه خروف يبقى العلاقات ستظل سارية ويمكن نطبع كمان ونعمل مناطق حره ومصانع كمان هههههههههههه

نورتي المكان

في امان الله

غير معرف يقول...

بلاش سرقة افكار ومجهود غيرك

ساعد على عدم سرقة الافكار


فية ناس بتسرق مواضيع من منتديات ومدونات وتنسبها ليها وفية مواضيع فى مدونات مسروقة من منتديات

فى مدونة عاشقة الاحزان ايناس

فية موضوع باسم ملاك الروح حبيبى

مسروق من منتدى تعب قلبى

http://forum.te3p.com/27986.html

http://froum.com/27986.html

ومنتديات مكتوب وكان مكتوب فى المنتدى بتاريخ 19/6/2009 قبل مايتنشر عندها فى المدونة

http://support froum.maktob.com/showthred.php?=454

وموضوع بعنوان معنى الوفاء مسروق من منتدى تعب قلبى

http://forum.te3p.com/304846.html

واغلب المواضيع اللى على مدونتها مسروقة من منتديات الفرق انها بتغير عنوان الموضوع علشان محدش يشك


بلاش نسرق مجهود غيرنا

غير معرف يقول...

بلاش سرقة افكار ومجهود غيرك

ساعد على عدم سرقة الافكار


فية ناس بتسرق مواضيع من منتديات ومدونات وتنسبها ليها وفية مواضيع فى مدونات مسروقة من منتديات

فى مدونة عاشقة الاحزان ايناس

فية موضوع باسم ملاك الروح حبيبى

مسروق من منتدى تعب قلبى

http://forum.te3p.com/27986.html

http://froum.com/27986.html

ومنتديات مكتوب وكان مكتوب فى المنتدى بتاريخ 19/6/2009 قبل مايتنشر عندها فى المدونة

http://support froum.maktob.com/showthred.php?=454

وموضوع بعنوان معنى الوفاء مسروق من منتدى تعب قلبى

http://forum.te3p.com/304846.html

واغلب المواضيع اللى على مدونتها مسروقة من منتديات الفرق انها بتغير عنوان الموضوع علشان محدش يشك


بلاش نسرق مجهود غيرنا

S.M.G يقول...

كل عام وانت بصحة وسلامة ^^
شكرا أخي ع الموضوع
وفعلا مشتاقين لك حقيقة ^^
شكرا لك

عابرة السبيل يقول...

والله كنا مشغولين باللحمة
هههههههه

كل سنة وانت طيب

والحمد لله انك عايش وبتخط على الورق

ذات النطاقين يقول...

و انت طيب

انا كمان كان عندي مشاكل في النت ولسة داخلة من يومين بس

حمدلله علي السلامة

قلم رصاص يقول...


غير معرف

اخي الكريم اولا كل سنة وحضرتك طيب

ثانيا انا اتفق معك في مسألة السرقة من الانترنت والمحافظه على الملكية الفكرية للأفكار الخاصه بأي انسان مهما كان

ومستعد للمساعدة في محاربة هزه الظاهره

لكن بخصوص مدونة الاخت ايناس
اعتقد انك ظالمها .. صدقني مش بقولك كده علشان هي مدونة زينا لاابدا والله

وانما عشان هي فعلا انسانه محترمه جدا في كتاباتها وافكارها ومعتقدش اخلاقها تسمح لها بتاتا نقل افكار الاخرين

وربنا يجازيكم خير

في امان الله

مصري جدا يقول...

الف سلامة عالنت
تلاقيك ما دفعتش عالعادة

لية الار دة بس

ما يطفحوا ويطفحوا مالة الفول شغال بضو


وانتا بالصحة والسلامة

والسنة الجاية اكون مشيت في فرحك يا قادر يا كريم

إحنا شباب النهارد يقول...

السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .

نتمنى قبول التاج ونشر إجابته بمدونتك مشاركة منك فى افتتاح المدونة

نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة

مع خالص تحيات
أسرة رابطة هويتى إسلامية
فريق عمل إحنا شباب النهارده

قلم رصاص يقول...

S.M.G

وانت طيب اخي الكريم

في امان الله

قلم رصاص يقول...


عابرة السبيل

الله يخليك يااختي الكريمة

واللحمه عامله عمايلها الظاهر كده
هههههههههههههه

في امان الله

قلم رصاص يقول...


ذات النطاقين

اهلا وسهلا بيك يادكتورة

وعيد سعيد عليكِ وعلى الأسرة والامة الاسلامية

والنت ده كان مشكله فعلا

المهم انه رجع بالسلامة

في امان الله

قلم رصاص يقول...


مصري جدا

هههههههههههههههه

الله يسلمك

ووالله ماهي مسألة دفع بالعكس .. دا حتى جهازي كان بايظ بقاله كام يوم ودفعت النت .. ده واااااااجب علينا لشركات النت برضه ههههههههههههههه

وكل سنة وحضرتك طيب

وهتمشي في فرحي ازاي بقى ومفيهوش عروسة
.. طب ده ينفع ؟ هاتلي العروسة اول وبعدين نشوف موضوع المشي ده

هههههههههههههه

نورت يا استاذ هانئ

في امان الله

قلم رصاص يقول...


احنا شباب النهاردة

وعليكم السلام ورحمة الله وبركاته

اهلا وسهلا اخي الكريم

وكل عام وانتم بخير

وان شاء الله هزور المدونة

في امان الله

كلمات من نور يقول...

عيد سعيد أيها القلم الرصاصي

متأخرة شويتين بس صدقني صدقني عندي ما شاء الله مدونين و مدونات بالعشرات يعني كل كام يوم أمر عالكل و اصبح و أمسي و أعيد ...يجعل أيامك كلها أعياد بعيدا عن طرة وجونتناموووووووو

Twitter Delicious Facebook Digg Stumbleupon Favorites More

 
Free Web Hosting