أحداث 24 ساعة

رجع بخـُـفـي حـُنين




فاروق حسني


ايرينا بوكوفا


السلامـ عليكمـ ورحمة الله وبركاتهـ




فازت البلغارية ايرينا بوكوفا بمنصب أمين عام منظمة اليونيسكو بباريس التابعة للأمم المتحدة وانتزعت المنصب الدولي الرفيع من المرشح المصري فاروق حسني وزير الثقافة وبفارق طفيف في الأصوات بلغ 4 أصوات .. بعد أن كان مكتسحا في الجولات الأولى للمعركة الديبلوماسية للفوز بهذا الموقع الفريد




والحقيقة عدم فوز فاروق حسني أخذني لعدة جولات في عقلي


اولا
انا حزنت لخسران مصر لهذا المنصب الدولي الرفيع


ثانيا
كنت اتمنى ان يفوز حسني لسبب واحد وهو ان يبتعد عن وجوهنا كأحد الأعمدة العتيقة للنظام المصري والذي وهو وكرسي وزارة الثقافة يكادا ان يكونا شيئا واحدا .. ربما بسبب عوامل التعرية سواء السياسية او الطبيعية .. الله اعلم


ثالثا
فرحت فرحا شديدا لعدم توفيقه في هذه الانتخابات الدولية والفوز بالمنصب لأني أراه ليس أهلا لتمثيل مصر في ادارة هذه المنظمة الهامة على الصعيد العالمي في المجالات التربوية والثقافية والعلمية .. فهوضار أكثر منه نافع .. ورُب ضارة نافعة .. فدعوننا ألا نحزن على خسارة المنصب

فمصر لها تجارب ناجحة في رئاسة منظمات عالمية مثل الأمم المتحدة (الدكتور بطرس بطرس غالي ) و


الوكالة الدولية للطاقة الذرية ( الدكتور محمد البرادعي ) وغيرها وغيرها .. فالحمدلله ان فاروق حسني لم يحالفه الحظ حتى تظل الصورة المصرية ناصعة البياض .. كفاية سقطاته في الداخل .. وعلى رأسها تردي حال الثقافة المصرية والفساد الاداري في عهده في أروقة الوزارة وحرائق دور الثقافة وتصريحاته المستفزة عن الحجاب واخر حاجة عملها ولن تشفع له ابدا عندما كان سببا من اسباب عدم منح جائزة الدولة التقديرية للعلم الثقافي الرفيع الأستاذ فاروق جويدة .. ومن بعدها بفترة تـُمنح الجائزة للمتطرف فكريا سيد القمني




ولن تشفع له تصريحاته قبل ذلك التي قال فيها انه سوف يحرق أي كتاب يهودي في مصر .. حتى لو كان ذلك السبب الحقيقي وراء تصدي الأمريكان والأوربيين لعدم توليه المنصب بسبب ادعائهم معاداته للسامية .. دي مش ميزة عنده .. لأنه من المفترض انه بيكره اليهود والصهاينه بحكم حاجات كتير اوي .. ولا يمكن شعبولا أحسن منه ولا أرجل منه ولا حاجة ههههههههههههههههههه


المسألة كانت سياسية بحته .. والحمدلله انها جت على دماغه .. ولو اننا هنفضل نشوفه كزير (عذرا لم أجد حرف الواو في اللوحة هههه ) للثقافة .. لكن مش مشكلة .. يقرفنا في الداخل بدلا من ان يفضحنا في الخارج



ما أدهشني بجد وانا باسمع الخبر في قناة النيل للأخبار بتاعتنا .. انهم وهما بيستطلعوا رأي الشارع حول هذه المسألة ..معظم الناس كانت زعلانه لخسارة مصر المنصب زيي بالظبط ..عادي جدا وده الطبيعي .. دي بلدنا غالية علينا .. ومصر هي اللي بتدفع يا رأفت طبعا هههههههههههههههه



لكن ما أدهشني وضحكني اني لقيت بكل استفزاز واحد قعد يمجد في فاروق

حسني ويوجه له رسائل على الهوا .. وحسسني ان الرجل بطل قومي وعلم من اعلام الفكر والثقافة المصرية . ومن بين الكلام مثلا :


ولا يهمك ياسيادة الوزير .. انت طول عمرك بتخدم بلدك .. وانت مش خسرت .. انت تفضل في مصر وتفيدها من الداخل احسن من برا


خليك جوا البلد .. مصر محتاجاك .. اه والله قال له : مصر محتاجاك هههههههههههههههههههههههه

تصوروا بقى

هههههههههههههههههههههههه


شوفتوا الإعلام المصري العجيب .. أنا لا أستبعد ان يكون مثل هذا الاستطلاع منظم من قبل القناة المصرية ومدفوع أيضا .. وأفكر أخويا وصاحبي مسدس صغير انه يبقى يحكي لكم على موقف شبيه بده هو شافه بنفسه في القاهره


عموما عاوز أشير لحاجة واحدة ايجابية حصلت في هذه الانتخابات الدولية الهامة .. وهو ان مصر حصلت على كتلة تصوييتية كبيرة كادت أن تأتي لنا بالمنصب لولا تحالف الأمريكيين والأوربيين ضدنا ورغم ذلك كان الفارق أربعة أصوات فقط


واحب أقول لفاروق حسني مبروك على الألم التمام ( يوازي قوة القفا في التوجيه والإصابة المباشرة للهدف ههههههههههه ) واقول لبلدنا الغالية مصر القاهره حظا أوفر مع مرشحين أجدر من هذا لمناصب عالمية أخرى


دمتم على خير


أخوكم / قلم رصاص

50 تعليقات القراء:

أم مالك يقول...

اولا كل سنة وانت طيب
وعيد مبارك عليك
انت جبت من الاخر يقرفنا من الداخل
ولايفضحنا من الخارج
والله انا بس فرحت علشان يحس
بالزعل ويتقهر و.يموت ويبقى خلصنا منه
برضه ربك كبير
تحياتى

أبــــو ضـــيــاء يقول...

على فكرة انا معاك في كل الكلام ده , بس انت لو كنت متابع هتعرف انه اعتذر لاسرائيل رسميا قبل الانتخابات لمقولته بتاعت حرق الكتب , وانه بسبب ده رجعت الثقه ليه وخد كمية الاصوات الرهيبه اللي خدها في الاول دي

بجد انا فرحان لأنه خسر , بس عشان حاجة واحده , عشان يعرف بس انه تنازل ورجع كلامه عشان مصلحة هو بيجري وراها وفي الآخر ما خدهاش

مصري جدا يقول...

دة شلوت من النوع المفتخر

لأحد الحلاليف

واللي جايبة

ما ينفعش يدير منظمة خيرية

واخد بالك

ازاي يكون وزير قرابة العشرين عام

وكما يقول الفرنجة

شرشية لا فام

ويا بخت من كانت شوزي واسطتة

ضكتور جدا يقول...

كنت اتمنى ان يفوز حسني لسبب واحد وهو ان يبتعد عن وجوهنا كأحد الأعمدة العتيقة للنظام المصري
................................
وده كان رأيي برضه

تحياتي وعيد سعيد

Sweet Violet يقول...

ليه بس الكل جاى على الجدع كده .. ايه مافيش وطنية خلاص
مش شايف الناس الوطنين بيقولوا مصر محتاجاه نعرف ايه بقى عن مصر ولا عنه علشان نفرح و نقول احسن هه هه
صحيح شعب بلوجرى مفترى

طب ممكن تقولى مين كان ممكن يحل محله و يعمل المجهودات الجبارة اللى بيعملها ولا التصريحات الرااائعه بتاعته هه هه
ولا قرارته اللى الواحد مهما قال عنها مش هيقدر يوفى حقها

فعلا يافرحة مصر بإعلامها الجميل
v_v

اللى موش عارف يتغير يقول...

كل سنة وانت طيب
وسلامى للجميع

مسدس صغير يقول...

والله وعملوها الرجالة
ورفعو راس مصر بلدنا
ووقفو وقفة رجالة
مدوش لروقة اصواتهم
الكل طاير م الفرحة
وروقة لبسالنا الطرحة
وانا كمان طاير من الفرحة
وانتو كمان طايرين من الفرحة
ههههههههههههههههههههه
حلوة؟
انفع اعمل النشيد الوطنى؟؟
حظظظ
هههههههههه
فعلا فاروق جعفر اقصد فاروق حسنى مكانه مصر لأنه مش هيعرف يولع فى حاجة تبع اليونسكو يعنى مثلا هيجيبولو قصور ثقافة يولعها منين؟؟؟؟
فعشان كده
الطير المسافر
رجع لمصر
مبروك لمصر
ولع يا بنى ولع

3mr wa2el يقول...

اقوللك على حاجة

انا لما وف ان فية حملة ضد تنصيب حسني لليونسكوا تعاطفت معاه

عارف لية لان بقت نوع من التحدي

اليهود ام العرب

القوة انهي فيهم

اكتسحح ف اول جولة و التانية و هكذا و لكن يا قلبي لا تحزن

بس كان نفسي يخدها عارف لية كان هيقولوا مصري امين اليونسكو مش حسني بس زىا اللبرادعي فهمت قصدي

يا قلبي لا تحزن

*البت المشمشية *حلوة بس شقية * يقول...

انا زعلانة عشان حاجة واحدة بس
انو هيرجع يقرفنا فى عشيتنا تانى
هو احنا ناقصينو

norahaty يقول...

(لكن ما أدهشني وضحكني
اني لقيت بكل استفزاز
واحد قعد يمجد في فاروق
حسني ويوجه له رسائل
على الهوا)يمكن كان
قريبه ولا حاجة؟
او يمكن كان حد
مرفعه بمسدس
لاجل ما يقول
الكلام دا؟
وبعدين انت
حتدقق على كلام
(البرامج المطبوخة)مساكين
دول بتاع معاهم معاهم
عليهم عليهم !!!
الحاجة الوحيدة اللى
مزعلانى انه :قاعد قاعد قاعد !!

Soul.o0o.Whisper يقول...

" لأني أراه ليس أهلا لتمثيل مصر في ادارة هذه المنظمة الهامة على الصعيد العالمي في المجالات التربوية والثقافية والعلمية .. فهوضار أكثر منه نافع "

بالظبط كدا

و عشان كدا قلت الحمد لله ... ان الله حليم ستير ..
ماحبش يفضحنا قدام الاجانب :)


دمت بخير

الشعب لابد له من حكومه تشكمه يقول...

ما انت قلت.منصب دولى رفيع..
مجاش على مقاسه يعنى اصله تخنان شويه:)
بس سيبك انت يكفينا التمثيل المشرف كالعاااده..خساره كان نفسى يكسب والله مش علشان نرتاح زى ما انت قلت تؤ تؤ كان نفسى اسمع اغنيه ياحبيبتى يامصر ياااماااصر ومشافش الرجال السمر الشداد وصبايا البلد اصله معداش على مصر,وبعدين بعث الرئيس مبارك ببرقية تهنئه للسيد فاروق حسنى..
بالمناسبه صحيح انا كنت بتفرج على النيل للاخبار فى نفس ذات الوقت اللى بتتفرج فيه مشوفتنيش:)
وشفت الناس اللى اتكلمت عنهم شفت انت باه الراجل بتاع انها مؤامره من الولايات المتحده الامريكيه:)

حـــلـــم كــــان يقول...

كل سنه وانت طيب
انا عايزه عيديه مليش دعوه
يلا هات

والله انا مبسوطه ان مش نجح فى الانتخابات عشان اساسا سورى يعنى ده حيون وحيوان كمان من غير سورى

يلا

ربنا يطهر البلد منه ومن امثله

mohamed ghalia يقول...

تتعوض المرة الجاية
نرشحك يامان للمنصب وانت أولى من الغريب ههههههههههههه

قلم رصاص يقول...

أم مالك

وحضرتك طيبة يافندم وبألف صحة وسلامة

حتى العيد طلع ملك للرئيس مبارك
ههههههههههههههههه

ربنا يستر

وطبعا حضرتك اول مرة يبقى عندي حق فعلا

يقرفنا في الداخل ولا يجرسنا في الخارج

ومش هيزعل صدقيني هنا احسن له .. هنا السبوبة كبيرة شوية عن برا

دا يمكن هو زعل ان مصر رشحته

ربنا يهدينا جميعا

وكل سنة وحضرتك طيبة

قلم رصاص يقول...

أبو ضياء

فعلا اخي الفاضل هو اعتذر لليهود وانا عارف هذه المعلومة .. وعندك حق في انه يستاهل بسبب اعتذاره لحفدة القردة والخناذير عشان مصلحته .. وفي الاخر ادو له استمارة ستة برضه

اسم مصر مش لعبة لكل من هب ودب يتاجر بيه .. مصر ولادة وطول عمرها بتطلع رجالة بييرفعوا راسها في كل مكان من العالم ليس من فصيلة سي حسني افندي

كل سنة وانت طيب ونورتني

قلم رصاص يقول...

مصري جدا

عندك حق استاذ هانئ

هو شلوت في السليم لجنابه

بس بلاش كلام في شئون المطبخ أصل الحيتان ليها وداااااااااان

ههههههههههههههه

كل سنة وحضرتك طيب

قلم رصاص يقول...

ضكتور جدا

دا كان حلم يادكتوووووور لينا كلنا

كان حلم انه يغرب عن وجوهنا بقى

كفاااااااااااااية

دا الكرسي بتاعه سووووووس

هههههههههههههههه

دمت على خير

قلم رصاص يقول...

Sweet Violet

اهلا ومرحبا بالكوماندة

كل سنة وانتي طيبة وعيد سعيد ومبارك كمان عشان محدش يزعل هههههههههه

عندك حق شعب مفتري

مش شايفين انجازات الراجل

وبخصوص مين يحل محله .. بصراحة أي سباك في مصر يقدر يدير وزارة الثقافة

لأن جنابه خلاها في عهده بقت في الحضيض

بس مش حضيض عز .. دي عزبة ودي عزبة تانية خاااااااالص

هههههههههههههه

نوووووووورتي المدونة

قلم رصاص يقول...

اللي موش عارف يتغير

وانت طيب يابن خالي

وعيد سعيد عليك

وزعلاااااااااان منك جدا جدا جدا

يا راجل يابخيل كنت افتكرني حتى برسالة
في العيد .. طول عمرك جدع ايه اللي جرى

ههههههههههههههه

طمنا عليك

قلم رصاص يقول...

مسدس صغير

صديقي العزيز شيمون عمييييييير

ههههههههههههههههههه

انت فعلا تنفع تعمل النشيد الوطني وبكل براااااااااعه وتمام

بس مش عندنا ياحبيبي .. دا هناك في بلاد ماوراء الترعة .. عارفها ؟!

هههههههههههههههههههه

وفاروق اللي يمسيه بالخير هنا احسن له كتير .. هنا يعرف يقلب عيشه .. بره مش هيعرف ولو عرف هينفخووووه

هههههههههههههههههههه

ثم انه فعلا كانوا يجيبولوا دور ثقافة منين يحرقها ؟؟

نورتني ياصاحبي

بقى تبقى معايا امبارح .. النهاردة تضم الرز

هههههههههههههههههههه

قلم رصاص يقول...

عمر وائل

مقدر وجهة نظرك جدا
بس صدقني اخي الكريم عدم التمثيل خير وانفع من التمثيل الغير مشرف

الرجل لايصلح بأمانة لإدارة منظمة بحجم اليونيسكو.. فهي منظمى الأمم المتحدة للتربية والعلوم والثقافة

وهو لايمت بصلة لأي من المجالات هذه بصلة

فهو مجرد رسااااااااااااام فقط

وانا اما باقول رسام لا اسخر منه ولا من الرسم ، ولكن هذا تخصصه ولايعرف غيره
سوى شوية مظهره كدابة وشوية مجاملات وبدل شيك ونضاره فرنسية

دمت على خير

وتتعوض في احسن منه

قلم رصاص يقول...

البت المشمشية

عندك حق

احنا مش ناقصينه

كل سنة وانتي طيبة

قلم رصاص يقول...

norahaty

ممكن برضه يادكتورة

عادي جدا ممكن يحصل

الغريب في الامر كمان انه يقال ان الحكومة المصرية صرفت مايقرب من 200 مليون دولار على حملة فاروق حسني الانتخابية في باريس

ههههههههههههههه

خلي الشعب يعيش

كل سنة وحضرتك طيبة

قلم رصاص يقول...

د.سووووول

وبأكد على كلامي كرة تانية

يخليه في وسطنا بدل مايفضحنا برا

نورتينا يادكتورة

وكل سنة وانتي طيبة

قلم رصاص يقول...

الشعب لابد له من حكومة

هههههههههههه عندك حق

فعلا المنصب رفيع والراجل شكل كان بيتقل في رمضان اوي

وتصوري فكرة حلوة بتاعة الاغنية رغم اني معدتش بسمع الحمدلله .. وياسلاااااااام بقى لما تنتهي بتهنئة الريس .. ويجي وديع الصافي يقوةل : عظييييييييمة يامصر يا أرض النعم

وفعلا ده اللي انا شوفته على النيل للاخبار.. بس يمكن فيه جزء مشوفتوش ولا حاجة .. هي ناقصه كمان
ههههههههههههههه

عموما نورتي المكان

وكل سنة وانتي طيبة

قلم رصاص يقول...

حلم كان

وانتي طيبة اختي الكريمة

وعيد سعيد عليكي وعلى كل الأسرة

وبخصوص العيدية للأسف كل فلوسي برا مصر

ههههههههههههههه

وبخصوص فاروق حسني أعتقد مفيش داعي للتجريح والهجوم الشخصي

دعونا نتكلم بموضوعية عن الرجل كوزير للثقافة ومرشح لليونيسكو فقط

دمتي على خير

قلم رصاص يقول...

محمد غالية

انت شايف كده يامحمد

طب خلاص زوق بقى

هههههههههههههههه

كل سنة وانت طيب

ليس فقيرا من يحب يقول...

يا سلااااااااااااااااام

اخيرا صفحه التعليقات فتحت

كنت جايه ومش كان فى غير 4 تعليقات

بس يلا مش مشكله

طبعا حبيبنا فاروق حسنى
ولا يهمك ياسيادة الوزير .. انت طول عمرك بتخدم بلدك .. وانت مش خسرت .. انت تفضل في مصر وتفيدها من الداخل احسن من برا


خليك جوا البلد .. مصر محتاجاك

انا بضم صوتى لصوت هذا البنى ادم

هما دولا المصرين اللى بجد

هما دولا المصرين بصحيح

هما دولا المصرين بحق وحقيق

وطبعا كلنا بنحبك يافاروق

انت قاعد على قلوبنا

لا قصدى جوة قلوبنا ومستربع كمان

واحب اسمع اغنيه قاعدين على قلبكم

لطولون

الا امتى طولون ده يا اخويا

لا بس قفله البوست تجنن وربنا

صح هو قلم بيوازى قوة القفا فى

التوجه مباشرة للهدف

ههههههههههههههههههههههههههههههههههههههههههههههههههههههههههههههههههههههههههههه

تحياتى

قلم رصاص يقول...

ليس فقيرا من يجب

اولا مرحبا بسيادتك

ثانيا كل سنة وانتي طيبة

ثالثا انا مش قافل التعليقات ولا حاجة
ودي مش حاجة عشان برضه اقولك : غيري استايل المدونة بقى
ههههههههههههههههه

وبخصوص عمكم فاروق .. فهو يستحق هذا التكريم الذي به يليق

ونهاية البوست طبيعية جدا لشخص في وضعه

ودامت دياركم عامرة بالأعياد

نورتينا

في حفظ الله

حـــلـــم كــــان يقول...

على فكره مش قصدى اجرح فيه
بس بعد اللى عمله مع القمنى
اكيد يتستاهل ان اى حد مش يحبه

ومازلتُ أتعلم يقول...

السلام عليكم
كل سنة وحضرتك بخير

حضرتك قولت كل اللى نفسى اقوله بالظبط
مابين فرحة فى الراجل ده وحزن على مصر كلها

يالا مش عايزة اجيب قى سيرته علشان مغلطتش:)

تحياتى

EMMY BABY يقول...

ههههههههههههههههههههههههههههههه احنا معاك بالروح والدم

بس لو اتمسكت ولا نعرفك

كل واحد خد اللى يستحقه فعلااااااااا وهو يستاهل اللى حصله وعلشان كدة ربنا اداله

وفعلا زى مانت قلت بالرغم اننا زعلانين على المنصب الا ان الزعل ده احسن ماكان ياخد المنصب ويشوه الصورة

طبعا الاعلام لما بيجى يعمل تقرير زى ده ياما بيملى الناس كلام يقولوه ياما بيحذف نص الاراء ويعرض اللى يعجبه

وهذا هو حال بلدنا

تحياتى

ايمى

اللى موش عارف يتغير يقول...

كل سنة وانت طيب
كان نفسى السيد الوزير ينجح عشان نرجع لمصر ثقلها الدولى مرة اخرى
مجرد نجاحة كان هيبقى نجاح للدبلوماسية المصرية

اللى يفتكر التانى مين يا حبيب قلبى اللى عندك ولا اللى هنا عموما عيد سعيد

حلم بيعافر يقول...

احسن يستاهل
كل سنة وانت طيب

hager za3bal يقول...

انا برضو كنت محتاره
نفسي يسيب كرسي وزير الثقافه
بس في نفس الوقت
مش ده اللي يمثل مصر ..

بس سيبك انت
هو انت بتصدق الكلام اللي بيطلع علي قناة النيل ده
هههههههههههههههههههه

كلو قابض عشان يقول كلمتين حلوين .. وخد بالك ، حاله من الحزن تسيطر علي الشعب المصري
:))))))))))))))))))))))))))

قلم رصاص يقول...

حلم كان

انا متفق مع حضرتك في الهدف

دمتي في حفظ الله

قلم رصاص يقول...

ومازلت أتعلم

وعليكم السلام ورحمة الله وبركاته

احنا اي خدمة يافندم

انا باقول اللي انتوا عاوزينه عشان

اشيل عنكم عبء الضرب على لوحة المفاتيح

هههههههههههههه

وحضرتك طيبة

دمتم في حفظ الله

قلم رصاص يقول...

Emmy Baby

اهلا بحضرتك دكتورة ايمي

اشكرك على التعليق والتفاعل مع الموضوع

وان شاء الله مصر ستظل بخير مهما كانت الصورة غير واضحة هذه الأيام

كل سنة وحضرتك طيبة

ودمتم على خير

قلم رصاص يقول...

اللي موش عارف يتغير

وانت طيب ياابن خالي

وعيد سعيد عليكم وعلى كل المسلمين ان شاء الله

اتفق معاك انه كان هيضاف لرصيد انتصارات مصر الديبلوماسية على الصعيد الدولي ، لكن رُب ضرة نافعه يا أخي

عدم تمثيلنا أشرف لنا في هذا المحفل العالمي لأن الممثل غير أهل بالمرة لهذا المنصب

ومعلهش حقك علي ياعم.. انا اللي مقصر معاك

بس كان غصب عني بجد .. كنت في دوامة وصداع وأرق الفترة اللي فاتت

عموما كل سنة وانت طيب على الهواااء مباشرة اهه هههههههههههه

دمت في رعاية الله

قلم رصاص يقول...

حلم بيعافر

عندك حق يامحمد

وكل سنة وانت طيب

قلم رصاص يقول...

هاجر زعبل

اه والله عندك حق يادكتورة

ناس معندهاش لا اخلاق ولادم ولاقيم ولا اي حاجة

وتناقض رهيب في المعاني والافكار والاهداف وهلم جراااااااااااا

وكل سنة وانتي طيبة

حياه بلا عنوان يقول...

السلام عليكم ورحمه الله وبركاته
طبعا لاتعلق على البوست انت قولت حاجات كتير الواحد كان عوز يقولها
الحمدلله على كل شىء
تحياتى

أبو العريف يقول...

والله يا قلم يا اخويا

سواء في الداخل او الخارج

اهو قارفينا وفاضحينا

ثم هو من امتي واحنا بننجح في اي انتخابات نزيهه

وتحيا مصر

وسلملي علي صفر الموندياااااال

norahaty يقول...

السلام عليكم
بقولك ياقلم
انت قرأت المقالة
بتاعة :علاء الاسوانى
من الخاسر فى معركة اليونسكو الاخيرة؟
ممكن لو مش كنت قرأتها تقرأها عن طريق
الرابط الموضوع لها فى (مدونتى)وشكراً

شاب فقرى يقول...

مش عارف اقولك ايه

موقفك غير مبرر

بيتهيألى الأفكار اللاسعة للوزير المحترم كانت كانت هتلاقى اعجاب من اليونسكو

ارجو التفكير فى الأمر مرة تانية

تحياتى وان شاء الله اكون زائر مستديم لمدونتك

شاب فقرى

شاب فقرى يقول...

مش عارف اقولك ايه

موقفك غير مبرر

بيتهيألى الأفكار اللاسعة للوزير المحترم كانت كانت هتلاقى اعجاب من اليونسكو

ارجو التفكير فى الأمر مرة تانية

تحياتى وان شاء الله اكون زائر مستديم لمدونتك

شاب فقرى

محمود رياش يقول...

كتاباتك جميلة جدا ماشاء الله

الى الامام وبالتوفيق ان شاء الله

دعوة لزيارة مدونتى
http://mahmoudryash.blogspot.com/

اتمنى قبول الدعوة

شكرا مقدما

Beram ElMasry يقول...

أخي الكريم قلم رصاص
صدقني وحشتني وأنا سعيد لتكرمك بالزيارة والتعليق وأنا أعرف جيد ما يكنه قلبك الطاهر من حب وصدق ومودة فلا تحرمني معاودة الزيارة ولا تطيل الغياب فأنتم مداد ما أكتب ودعما لما يخطر في خاطري من خواطر مع خالص تحياتي والسلام ولا سلام مع قتلة الأنبياء والأطفال بني إسرائيل .

صمت المشاعر يقول...

بصراحه انا مبحبش فاروق حسني اطلاقا

واحسن انه ماخدش المنصب ده

هي مصر ناقصه فضايح بره


شكرااا علي التوبيك

Twitter Delicious Facebook Digg Stumbleupon Favorites More

 
Free Web Hosting