أحداث 24 ساعة

مواقف وطرائف








مواقف وطرائف


- بعد أن تمسك العرب بخيارهم الاستراتيجي في عملية البتنجان ، أصبحوا طبق سلطة على موائد المفاوضات .


- جددت عودة أحمد حسام (ميدو) وعمرو زكي الى الزمالك ، إحياء أمل الفريق بالبقاء في الدوري الممتاز هذا العام .


- استطاعت حكومة الدكتور نظيف إخراج الإقتصاد المصري من عنق الزجاجة الى منطقة شِرحه وبـِرحه وهي قاع الزجاجة . ووعد الرجل بتنفيذ مشروع زجاجة لكل مواطن عشان ينسى ! .


- بعد أن كثرت عمليات السلطة التنفيذية في تعديل (ترقيع) الدستور المصري الحالي ، زادت مطالب الساسة ورجال القانون بضرورة إصدار دستور جديد ، من باب أن الضرب في الميت حرام ! .


- بنيامين بن أليعاذر، وزير دفاع اسرائيل الأسبق ذو الأصول العراقية ، أثبتت تجارب الهندسة الوراثية أن تلقيح خنزير إسرائيلي بحمار عربي ، هينتج عنه واحد شبهه الخالق الناطق !.


- أكد الطبيب الخاص للدكتور نظيف لعائلته : عنده أزمة اقتصادية حادة .. محدش يجيب له سيرة موضوع تشغيل الشباب .


- أعلنت كل حتة في الكورة الأرضية تأثرها الشديد بالأزمة المالية العالمية إلا دولة واحدة فقط ، وهي مصر. وذلك للتأكيد على أننا خِلقه ولسنا من هذا العالم .


- أعربت الإدارة الأمريكية عن قلقها البالغ إزاء الاجتماع الاخير للمدونين في حديقة الأزهر وتأثيره الخطير على الأوضاع الهادئة والمستقرة في الشرق الأوسط . خصوصا أن اللقاء حضرته عناصر في غاية الخطورة من وجهةالنظر البنفسجية . مثل الأب الروحي للحركة التدوينية المحظورة الأستاذ فشكوووول ، والدكتورة ستيته حسب الله الحمش زعيمة الحركة النسوية ، ولفيف من خيرة شباب المدونين من بينهم رئيس الجناح العسكري للحركة المعروف بـ مسدس صغير !


وفي رد فعل غير متوقع منها ، أعلنت الحكومة المصرية تأييدها لشباب المدونين ودعمهم بالهاردات والرامات وكمان بالفلاشات وشوية جيمز علىاسطوانات .. وذلك من أجل اثبات حسن نيتها في انها ليست وراء فكرة تحديد سرعات النت في مصر !.


------------------

ملحوسة تخينه :

هذا البوست مشاركة مني في حملة اضحك كركر الذي يقودها زميلنا المدون الجميل the eng

تحيتي / قلم رصاص



49 تعليقات القراء:

ليس فقيرا من يحب يقول...

سلام عليكم

شكلى كده اول تعلق

ليس فقيرا من يحب يقول...

هييييييييييييييييييييييييه

هيييييييييييييييييييييييييه

اول تعليق

ليس فقيرا من يحب يقول...

هههههههههههههههههههههههه

صباح الروقان

ثم كده احنا بننصب يوم البهجه

كان امبارح

بس بجد بوست جميل بخلاف الكورة

اللى عمرى مفهمت فيها حاجه

ليس فقيرا من يحب يقول...

كل سنه وحضرتك طيب



اقعد بالعافيه

ليس فقيرا من يحب يقول...

النكته اللى كتبتهالى غلثه

(وش مطلع لسانه)

هههههههههههههههههههههههههههه

خد النكته دى بئه

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

ليس فقيرا من يحب يقول...

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجةالتعليمات واضحة وصريحةاحنا نرمى الورقة بتاعة الناخب فى الهواولو نزلت على وشها أو ضهرها يبقى وطنى ولو على سنها يبقى معارض

كفايه كده بئه

انا لسه مفرحتش

هههههههههههههههههههههههههههههههه

مسدس صغير يقول...

فعلا ليس فقيرا من يحب
وانا بحبك بس فقير جدا
يبقى العيب فى مين؟!!
اخبار كلها روعة خاصة الزجاجة
انا عن نفسى هاطلع برة الزجاجة واكسرها على دماغكو
عشان الحكومة ترتاح
هههههههههههه
حلوة حلوة
احييك على البوست

قلم رصاص يقول...

ليس فقيرا من يحب

وعليكم السلام

اه فعلا حضرتك اول تعليق

ألف مبرووووووك دخلتي التاريخ ومش هتعرفي تطلعي منه ابدا الا اما تدفعي ربع جنيه

وبصراحة النت كان فاصل عندي يوم البهجة ده ..بس هعمل ايه بقى ماهو يوصل عندي يقطع عند مسدس..يشتغل عنده يقدع عندي حاجة بجد حلوة
ههههههههههههههههه

وحضرتك طيبة ورمضان كريم

بس بصراحة نكتك كلها بايخه

ههههههههههههههههههههههه
ههههههههههههههههههههههه

خصوصا بتاعة فرز الانتخابات بايخه جدا

هههههههههههههههههههه

دمتي في سعادة

في حفظ الله

قلم رصاص يقول...

مسدس صغير

اهلا اهلا بالمعارك

ههههههههههههههههههه

واحشني ياصاحبي

واحشني ياللي مطنشني وداير على اجتماعات مدونينك يامصر زي اللي بيشحتوا

ههههههههههههههههههه

ايه يابني موراكش واحدة متلقحه في البيت وعيال عاوزين تربية ومراعيه

انا باقولك اهه : ارجع لغيطك وبهايمك

هههههههههههههههههههه

خد بالك من مراطك وعيالك بقى يامسدس

وكمان الامتحانات اتحددت اهدى بقى واركز في البيت هههههههههههه

ياعم ابقى تعالى قابلني كل يوم طالما عاوز تقعد مع مدونين .. ولا انا معجبش
يعني هههههههههههههههههههههه

اشكرك ياصاحبي على التعليق الجميل

وحمدلله على سلامة الغالي وربنا ميقطعهولك تاني ابدا قادر ياكريم

دمت في حفظ الله

EMMY BABY يقول...

ههههههههههههههههههههههههههه ياعينى ياعينى على الخيال الواسع

عجبتنى بتاعت شبه الخالق الناطق

وبتاعت عنده ازمة اقتصادية دى ههههه


بالنسبة للحقد والضغينة على اللقاء كفاية حقد بقى
بس على فكرة فعلا احنا لو كان اتعرف اننا متجمعين كانوا يفتكروها مظاهرة ويعتقولنا كعادة الحكومة حبيبتنا

تحياتى

ايمى

قلم رصاص يقول...

Emmy

احنا أي خدمة يادكتور

ولايهمك ..خيال واسع طبعا
ههههههههههههههههه

وبخصوص اعجاب حضرتك بالحتتين دول .. اتفضليهم اهم .. اهم والله .. انا حلفت
ماهم راجعين خلاص هههههههههههههههه

وعن الحقد .. لا ولاحقد ولا حاجة
دا انا بس برفع من روحكم المعنوية
لأن انا لي ترتيبات تانية خالص
وهرد على اللقاء ده بلقاء شبهه الخالق الناطق هههههههههه حتى لو اضطريت أأجر مدونين هههههههههههه

نورتي يادكتورة ايمي

وكل سنة وحضرتك طيبة ورمضان كريم

في حفظ الله

ليس فقيرا من يحب يقول...

ماشى الله يسامحك

نكتى بايخه ؟؟؟؟؟؟

(وش بيعط)

قلم رصاص يقول...

ليس فقيرا من يحب

ههههههههههههههههه

على فكرة انتي فهمتيني المرة دي غلط

انا قولت بايخه وقصدي انها حلوة والله

بس بقولها بطريقتي
(وش حاطط باصص للأرض من الكسوف)

Sweet Violet يقول...

لا اله الا الله
يعنى الواحد بيضحك تروح انت تيجى فى اخر البوست تصدمه كده
مالك و مال "وجهة النظر البنفسجية"
انا ماقولتش اى حاجة ولا هى تدبيس و خلاص
عايز تعمل عداوة بينا و بس
بطلوا بقى حقد على بشر ده ايه ده ياخواتى
انت زعلان انك ماحضرش اللقاء و بتحقد قول ماحدش هيزعل و اكيد هما هيقدرو ده
لكن مش معقول كده كل حاجة ترميها عليا
لالالا مش معاملة دى خالص
بس بس مش عايزة اسمع صوت
خلاص المرة دى هعديها
لكن مش تتكرر تانى .. ماشى ؟؟
بدل ما نطلع ضد التيار بقى و نحط المدونة مع قائمة المدونات اللى ان شاء الله ناويين نولعها على العيد احتفالا بيه
^_^

Sweet Violet يقول...

حظك ان التعليق قبل تعليقى على طول
تعالى هنا
يعنى ايه (وش حاطط باصص للأرض من الكسوف)
ده شكله ازاى يعنى ده
و كمان "باصص" اللى حاطه على الارض عبارة عن ايه ؟؟ علشان بس نعرف الكسوف وقتها عامل ازاى
P:
ركزوا بقى و انتو بتردو
يابااااااااااااااااااااااااى
هتشلونا

قلم رصاص يقول...

Sweet Violet

بقى كده برضه

ده رد ده

انا زعلان

انتي ناقص تضربيني بالرصاص

وبعدين انتي مالك ومال البنفسجية

هي تماحيك وخلاص ؟!

انتي بلد .. والبنفسجية بلد تاني خالص

هههههههههههههههههه

وبعدين بخصوص عدم تركيزي وانا برد

فصدقيني دي تهمة لاتمت للواقع بصلة او قرابة او نسب حتى

هي بس مجرد سهو

بدل ما اقول : (وش باصص للأرض من الكسوف )

قولت : (وش حاطط باصص للأرض من الكسوف)

يعني مجرد نسيت وزودت كلمة حاطط

وبعدين انتي زعلانة ليه .. جناب سعادة حضرة السفيرة مش زعلانه

دايما كده احزاب المعارضة عاملين دوشة

زي ناموس الصيف

هههههههههههههههههههه

(وش يلوح بلسانه)

ههههههههههههههههههههه

وحمدلله على السلامة

حقيقي مبسوط انك رجعتي

والبقاء لله

في حفظ الله

قلم رصاص يقول...

Sweet Violet

نسيت اقولك حاجة مهمة

وبعدين انتي بتقري التعليقات ليه

هه قولي

مش يمكن يكون حد بيقولي كلمة سر ولا حاجة

ازاي تقري التلعيقات

ههههههههههههههههههه

سلامو عليكو

Sweet Violet يقول...

لا ده مش رد ده تعليق
و فى فرق مابين الرد و التعليق
يعنى الاول كان تعليق
اما دلوقتى هيكون رد
يبقى زعلان من ايه هه
ولا هو زعل و خلاص
ايه الناس اللى عايزة تزعل و بس دى
هو انت يعنى علشان مش عارف تحقد على الناس بسبب اللقاء تروح تطلعه عليا
ياباااااااااى على البنى ادم

و كمان مين اللى بلد و بلد تانية دى
انا اسمى اييييييييييييييييييييييه
Sweet Violet
يعنى زهرة البنفسج
يعنى اصلا منبع البنفسج كله
و انت قولت
"وجهة النظر البنفسجية"
يبقى جايب سيرتى ولا لأ هه
ماترد طبعا مش عارف ترد
اصلك هترد تقول ايه
بلاش بقى افترى على البشر
ياساتر
×_×

وكمان بقى ماهو السهو ناتج عن عدم التركيز
لانك لو مركز استحالة يجيلك مرض السهو ده ابدا
بص تخيل صعبت عليا خلاص خلاص
مدام طلع عندك سهو
يبقى ليس على المريض حرج
:P

و كمان انا لازم اعرف المعنى بدافع حقى فى المعرفة
اعترض بقى و قول لأ

و كمان مش انا قولت حظك ان التعليق قبل تعليقى على طوووول
يعنى انت السبب انى اشوفه مش انا
بلاش بقى الافترى الازلى ده
×_×

و كمان انا ماعرفش ايه هى ال "التلعيقات " دى علشان اقراها
ده ايه التهم دى ياعااااااااااااااااااااااااالم

انا قريت التعليق اللى هو جمعه تعليقات
اما التليعقات دى انا ماعرفش عنها حاجة ابداااااااااااااااااااااا

هق هق مش قولت ركزوا بقى و انتم بتردو
نيهاهاهاهاهاهاهاهاهاهاهاهاهاهاهاها

منــار فايد يقول...

اضحك كركر
بجد حمله جامده شكلها
بوست ظريف دمه خفيف
تقبل مروري

قلم رصاص يقول...

Sweet Violet

يانهار وليل مش معدي

ايه ده كله يابنت الناس

هو انا قتلت قتيل ولا نهبت بنك ومعرفش

هههههههههههههههه

كل ده شيلاه في قلبك وعقلك وساكته

دا انتي حالتك ميتسكتش عليها

لالالالالالالالالا انتي اللي زيك مش لازم يعيش

ليوم التلات ..لالالالا ولا الاربع

ههههههههههههههههه

حقك علي ياستي ان كنتي أسأت الفهم معاك

معلهش اصلي ساعات بخرف وببقى مدب

خصوصا مع الناس الكويسة اللي زيك

انا متأسف

بس برضه نورتي المكان

وانا عارف انه ده هيخرب بيتي

هدفع فواتير كهربا زيادة

هههههههههههههههههه

مليتو البلد هههههههههههه

دمتي في حفظ الله

قلم رصاص يقول...

شباك موارب

أشكرك يادكتورة منار على المرور الطيب

وفعلا فكرة الحملة دي عجبتني جدا لذلك

شاركت فيها

والحمدلله ان البوست نال اعجابكم

دمتم في حفظ الله

غير معرف يقول...

بئا دة قلم رصاص
دة طلقات رصاص

شــوَيــه كـرَامـه يقول...

صباح الخيرات يا صديقي العزيز . بخصوص موضوع البهجه ده انا ليا واحد صاحبي جدته اسمها بهجه وحكيت ليها علي الموضوع وإن فيه ناس استغلوا اسمها وبقت فضيحتها بجلاجل علي النت فمش عايز احكيلك عملت ايه اهم شئ عملته انها كشفت راسها وعينك ما تشوف الا الخير بئه .. عموما لما جت عنداسمك مسكت ايدها وبوستها وقلت ليها لاء لاءلا يا حاجه بهجه كله الا ده دا صاحبي وعمري ما شوفته بلاش تدمري صداقتنا بكلام تقوليه وبعدين تندمي عليه وعندها وقمت رفعت ايدي يا عم الحاج ووووووو الله الله ايه يا جماعه ايه فيه ايه مين اللي قطع النور يا نور يا حاجه بهجه يا يا نااااااااااس .. مش قلتلك عينك ما تشوف الا النور .. خد دي

موظف أرصاد جويه عنده بنتين

الصغري 24
والكبري 30


يارب أيامكم كلها بهجه وسرور وكل رمضان وانته بخير يا ريس .. سلااام يا صديقي

رضا الكومى يقول...

قم رصاص
الجميل أن هذه الطلقات أقصد الضحكات كانت أول شيء أقرأه فى الصباح
وهى فعلاً جت فى الصميم

أحييك عليها

أخى قلم رصاص
تقبل مودتى
وكل سنة وأنت بخير

Unknown يقول...

استطاعت حكومة الدكتور نظيف إخراج الإقتصاد المصري من عنق الزجاجة الى منطقة شِرحه وبـِرحه وهي قاع الزجاجة . ووعد الرجل بتنفيذ مشروع زجاجة لكل مواطن عشان ينسى ! .

ههههههههههههههههههه

فكرتنى امبارح لسة بيتكلموا عن كتاب انجازات سيادته واللى من ضمنها فوز مصر بكاس الأمم الأفريقية !!!!!!!!ه

أبو العريف يقول...

تسلم ايدك

ودماغك يا باشا

بوست من الاخر

لالالالالالالالالالا

بعد الاخر بمحطه


جامد قوي يا باشا

تحياتي

mohamed ghalia يقول...

حلوه الحملة دى
هههههههههههههههه
بس ياعم الحج بلاش الحملات الى تودى ورا الشمس ده هههههههههههههه
نظيف ايه وبتاع ايه يا عمنا

حياتي كلها لله يقول...

السلام عليكم

لأه بجدجميل قوي البوست ده
عجبتني قوي بتاعة الزجاجة و التهجين
خيال مبدع و الله

حلوة كمان فكرة الحملة ده جداااااااا
ياريت كل اللي كتبوا فيها يقولولي ..علشان بجد محتاجة أضحك ...

تحياتي
سلمي

قلب ارهقته الاحلام يقول...

ايه ده يعني هيتقبض عليهم ههههههههه

الحمد لله اني مكنتش معاهم :))

انا هتفرج من بعيييييد ولا اعرفكم :D

الجري للجدعان ههههههه

بوست جمييل بجد ودمه خفيف

وكل واحد يخلي باله من اقلامه :)

دمت بألف خيررر يارب

غير معرف يقول...

السلام عليكم
كويس اننا نريح نفسنا شويه بشىء من الفكاهه وخاصه اذا كانت على حاجات فى حياتنا

ربنا يكرمك

د. ياسر عمر عبد الفتاح يقول...

ههههههههههههههههه
موضوع دمه خفيف

Israa El-sakka يقول...

هههههه
اولا مسا الخير على كل الناس اللي هنا

ثاينا المدونة جامدو جدا جدا

و المواقف حلوة و بذات حتة أنه حكومة نظيف الله يخرب بيتها نحجت في اخد المواطن إلى براح قعر الزجاجة :))

زيارتي الأولى و إن شاء الله مش الأخيرة
و أتمنى دوام التواصل

قلم رصاص يقول...

مصري جدا

هههههههههههههه

اشكرك يافندم على المديح الجامد ده

بارك الله فيك

نورتني حضرتك وكل سنة وانت طيب

في حفظ الله

قلم رصاص يقول...

شوية كرامة

صباح النور والفل والياسمين

معقولة الباشا الكبير هنا عندي بنفسه
لالالالالالالالا اكيد فيه حاجة صح ..هههههه

منورني جدا جدا جدا ياريس من هنا لحد
مدونتك في المنصورة ..مش عارف اقولك ايه
انا فعلا سعييييييد جدا بالمتابعة ياريس

وبخصوص الحاجة بهجة..اعمل حسابك لازم تعرفني عليها في اقرب وقت .. بس انت بصراحة قومت بالواجب عند اللزوم..انا كنت هروح في شربة ميه لو انت كنت سيبتها تحقق اهدافها وتدعى عليا ههههههههههههههههه

وحلوة النكتة جدااااااا
هههههههههههههههههههه

وطمنا عليك ياباشا

رمضان كريم وكل سنة وانت طيب

في حفظ الله

طيبتم وطاب سعيكم وممشاكم

قلم رصاص يقول...

رضا الكومي

وحضرتك طيب استا رضا

زيارة حضرتك لمدونتي شرف كبير والله

واشكرك من كل قلبي على التشجيع

رمضان كريم وكل سنة وحضرتك بخير

في حفظ الله

قلم رصاص يقول...

إنسانة

أهلا ومرحبا بيكي اختنا ياسمين

احنا اي خدمة .. ودايما هفكركم بانجازات
الحكومة الذكية ..انا مش هحرم الشعب من حاجة

هههههههههههههههه

كل سنة وحضرتك طيبة

في حفظ الله

قلم رصاص يقول...

أبو العريف

أشكرك ياباشا على الكلام الحلو ده

وجزاكم الله خيرا

رمضان كريم وكل سنة وانت طيب

في حفظ الله

قلم رصاص يقول...

محمد غاليه

هههههههههههههه

ولايهمك يامحمد

انا لي واحد قريبي مخبر أاااااد الدنيا

اطمن متقلقش

دمت في سعادة

في حفظ الله

قلم رصاص يقول...

حياتي كلها لله

وعليكم السلام ورحمة الله وبركاته

اشكرك دكتورة سلمى على المرور والتعليق

ودامت ايامك كلها عامرة بالسعادة

في حفظ الله

قلم رصاص يقول...

قلب أرهقته الأحلام

منورة يابنت الناس

غيري استايل المدونة بقولك

ده الانذار الاخير ..بعد كده هفجر المدونة

وهعتقل كل اللي فيها

هههههههههههههههههه

كل سنة وانتي طيبة ورمضان كريم

قلم رصاص يقول...

م/محمود فوزي

وعليكم السلام ورحمة الله وبركاته

منور يا باشا

ورمضان كريم وكل سنة وانت طيب

في حفظ الله

قلم رصاص يقول...

د.ياسر عبدالفتاح

اشكرك يادكتوووووور على الزيارة والتعليق

دمت في سعادة

رضمان كريم وكل سنة وانت طيب

في حفظ الله

قلم رصاص يقول...

Israa El-sakka

مساء النور

شكرا جزيلا على المرور الطيب والتعليق المتميز

وحكومة نظيف كتر خيرها طبعا انها خلت حيتنا كلها نظافة في نظافة ,, المواطن لم حيلته الهواااااااا

ونورتي يافندم

في حفظ الله

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

حلم بيعافر يقول...

- جددت عودة أحمد حسام (ميدو) وعمرو زكي الى الزمالك ، إحياء أمل الفريق بالبقاء في الدوري الممتاز هذا العام .


هههههههههههههههههههههههههههههههه
موتوا بغيظكم

آه من قلبي يقول...

بوست جميل
وفكرته حلوةةةةةةةةةة
ممكن تزور مدونتي عشان هي لسة جديدة

قلم رصاص يقول...

ريمان ونوسه في هاكونا مطاطا

اهلا اهلا اهلا بالبطاطا

ههههههههههههههههه

ايه الهيصه اللي حضراتكوا عاملينها هنا

دي .. نقطة نظااااااام بقى

ههههههههههههههههههه

حاضر ان شاء الله نزورها وعلى الله الاجر

في حفظ الله

قلم رصاص يقول...

حلم بيعافر

ههههههههههههههههههه

وعيشوا في اواهمكم


والله صعبانين علي جدا .. نفسكوا ياعيني تفضلوا في الدوري الممتاز تحت الاضواء الكاشفة مش في دوري المظاليم

هههههههههههههههههه

والله هتتعالجوا قريب متقلقوش

في حفظ الله

قلم رصاص يقول...

اه من قلبي

اهلا بيكي يافندم

واشكرك على التعليق

وان شاء الله نزور مدونتك

في حفظ الله

Twitter Delicious Facebook Digg Stumbleupon Favorites More

 
Free Web Hosting