أحداث 24 ساعة

الأستاذ هيكل .. ومشروع قومي للأمة العربية + تحديث





ملحوظه :
بعد قراءة موضوع البوست ، يوجد رد مطول على احد المدونات التي أبدت رأيا مخالفا في الأستاذ هيكل ، فالرد لم يقبل الاضافه في التلعيقات ، لذا قررت وضعه في تحديث في نهاية البوست .

------------------------ بداية البوست ---------------------------

إن الأستاذ محمد حسنين هيكل تجربة مصرية وعربية فريدة تجعلنا جميعا نشعر بالفخر والاعتزاز بكون هذا الرجل واحدا من أبناء مصر الذين صنعوا جزءا من التاريخ ، واستحق عن جدارة احترام وتوقير الدوائر السياسية وصنع اتخاذ القرار في العالم عبر مايزيد عن نصف قرن .

فالأستاذ - كما يحب أنا يناديه الأخرون - أحد أهم الصحفيين والمفكرين السياسيين في القرن العشرين على مستوى العالم .فقد عاصر فترات زمنية شهدت فيها مصر والعالم تحولات فاصله في الحرب والسياسة ، ولم يكن بعيدا عنها ، بل كان شاهدا ومنظرا وفي احيان أخرى مشاركا.

فقد كان مراسلا حربيا للصحف المصرية والأجنبية في الحرب العالمية الثانية وحرب الكوريتين ، وعاش فترة من حياته في ظل الحكم الملكي ، ثم شهد الثورة في مصر وكان من الرجال الثقات عند عبدالناصر في سابقه لم تحدث من قبل تجمع بين رجل دولة كعبدالناصر وصحفي كمحمد حسنين هيكل .وفي عهد رئاسته لمجلس ادارة وتحرير الأهرام ، أصبحت الأهرام واحدة من أهم عشرة صحف في العالم.وفي عام 1970م عين وزيرا للارشاد القومي الى جانب رئاسته للأهرام . وعينه الرئيس السادات مستشارا سياسيا له عام 1975م إلا انه اعتذرعن هذا المنصب واختلف معه عندما نوى الذهاب الى اسرائيل وتوقيع معاهدة السلام . فهذه الشخصية المصرية الفريدة لم تنل حظها من الالتحاق بالتعليم الجامعي مكتفيا بشهادة التجارة المتوسطة أنذاك ، وهو ما أخذه عليه بعض خصومه السياسيين من ذوي الافق الضيق ، بلد شهادات صحيح .... ورغم هذا لم يستسلم الرجل لهذا الامر ، فقد التحق بالقسم الاوروبي بالجامعة الامريكية في سنة 1942 وهو في سن مبكره ايضا وهي سن 19 سنة .....والتقى بالرجل الذي اعطاه فرصة العمل في جريدة الايجيبشان جازيت الصادرة بالانجليزية وانطلق هيكل بعدها في عالم صاحبة الجلالة بسرعة الصاروخ .

فأنا هنا لستُ محاولا رصدا تاريخ الأستاذ هيكل ، فهو لايحتاج لمئات من أمثالي كي يقوموا بذلك ، فهذا الأمر يحتاج الى جيوش جرارة من الباحثين والمتخصصين ، ويكفي الرجل أن كتاباته ومؤلفاته ومواقفه الصحفية والسياسية محطا لدراسات ورسائل دكتوراه في العلوم السياسية في أعرق جامعات أوروبا وأميريكا .ويكفي أيضا ماقاله عنه وزير خارجية الولايات المتحدة هنري كيسنجر : " إن مفاتيح قضايا الشرق الأوسط كلها عند محمد حسنين هيكل " وفي رواية اخرى عنه انه قال رأيه في هيكل بهذا الشكل : "شخص واحد تعرف كل شيء عن منطقة الشرق الأوسط لو التقيته" ويقصد الأستاذ هيكل بالطبع . وكذلك ماقاله عنه أنتوني ناتنج (وزير الدولة للشؤون الخارجية البريطانية في وزارة أنتوني إيدن) ضمن برنامج عن محمد حسنين هيكل أخرجته هيئة الاذاعة البريطانية و وضعته على موجاتها يوم 14 ديسمبر 1978 في سلسلة " صور شخصية " : عندما كان قرب القمة كان الكل يهتمون بما يعرفه ... و عندما ابتعد عن القمة تحول اهتمام الكل إلى ما يفكر فيه .

ومن أشهر مؤلفاته السياسية باللغة العربية :

1 - عند مفترق الطرق - حرب أكتوبر .. ماذا حدث فيها ... و ماذا حدث بعدها ! . 2 - بين الصحافة و السياسة - قصة ( و وثائق ) معركة غريبة في الحرب الخفية ! . 4 - زيارة جديدة للتاريخ . 5 - حرب الثلاثين سنة - ملفات السويس . 6 - أحاديث في العاصفة . 7 - حرب الثلاثين سنة - 1967 الجزء الأول : سنوات الغليان . 8 - الزلزال السوفييتي . 9 - حرب الثلاثين سنة - 1967 الانفجار . 10 - حرب الخليج أوهام القوة و النصر . 11 - أكتوبر 73 السلاح و السياسة . 12 - اتفاق غزة - أريحا أولا السلام المحاصر بين حقائق اللحظة و حقائق التاريخ . 13 - أقباط مصر ليسوا أقلية رسالة إلى رئيس تحرير جريدة الوفد . 14 - مصر و القرن الواحد و العشرون - ورقة في حوار . 15 - 1995 باب مصر إلى القرن الواحد و العشرين . 16 - أزمة العرب و مستقبلهم . 17 - المفاوضات السرية بين العرب و إسرائيل - الأسطورة و الإمبراطورية و الدولة اليهودية .

ومن أشهر مؤلفاته الانجليزية في السياسة :


Cutting the lion's tail, Suez through Egyptian eyes
Illusions of triumph - an Arab view of the Gulf war
Secret channels, the inside story of Arab - Israeli peace negotiations





ولايعني هذا ان الرجل لم يُهاجم أو لم يكن هناك نشاطا لأعضاء حزب أعداء النجاح تجاهه . فقد هاجمه الكاتب محمد جلال كشك واعتبره مزورا للتاريخ ، وبأنه عميل للمخابرات الامريكية ، ولكنه فشل في اقامة الدليل على ذلك . وهذا كان دائما حال مهاجميه الذين لايتعدى صيتهم حدود البلد ، في حين ان الرجل ترجمت كتبه الى 32 لغه ، فهو نجم ثقافي و مؤلف جدلي يثير الاهتمام حينما يكتب أو يصمت أو يتحدث !

ومن النكت الرائجة على هيكل أنه لا يروي القصة إلا بعد موت جميع شهودها، حتى لا يتسنى لأحد تكذيبه.ولكن الوقائع تشهد بعكس ذلك فقد اتهم هيكل صراحة كلامن الملك حسين ملك الأردن والملك الحسن ملك المغرب قبل وفاتهما اتهم الاول بالعمالة لل CIA وذكر الرقم الذي كان يتقاضاه كمرتب واتهم الثاني بنقل وقائع القمم العربية التي كانت تعقد في المغرب إلى إسرائيل من خلال شركة اتصالات فرنسية التي كانت تتولى تهيئة قاعات الاجتماعات وقد قال بالنص انا اروي هذه القصة وجميع ابطالها احياء ليستطيعوا الرد .كما انه الكاتب الصحفي الوحيد الذي تجد في نهاية كتبه ملحق كامل بصور الوثائق، كما ان الاحترام الذي يلقاه في الداخل والخارج ناتج عن مصداقيته والتزامه أما من يهاجمونه بهذا الشكل فهم المختلفون معه سياسيا واولئك اللذين لا يريدون للضوء ان يكشف عوراتهم السياسية فيتهمونه بالكذب ، بينما هو بإعتراف الكثير من الهيئات والمؤسسات الدولية ودور النشر الكبرى في الداخل والخارج ، هو بلا جدال أهم صحفي وكاتب سياسي في تاريخ العرب وهو خبير بخفايا النفس البشرية،معلوماته دقيقة للغاية،واسلوبه بسيط سهل يسهل على اى قارئ فهمه،ويتميز بأنه شاهد عيان ومعاصر لكل الاحداث الكبرى .

فكل ما أتمناه من الأستاذ محمد حسنين هيكل بعد هذه الرحلة الطويله مع الحياه والسياسة والصحافه التي جعلت منه حالة فوق العادة وموسوعة حيه لأحداث العالم ، ان يضع تصورا فكريا لمشروع قومي ينهض بالأمة العربية بين سائر الأمم اعتمادا على مقدراتها الداخلية والذاتية والتخلص من التبعية الأزلية للمستعمرين القدامى والجُدد.

وليس بالضرورة ، أن يكون هذا المشروع واجب التطبيق في الأجل المنظور ، نظرا للعقبات الموجودة الآن .بل من المستحسن أن يكون غير مرتبط بزمان محدد ، حتى يمكن للأجيال القادمة الاستفادة منه ومحاولة مزجه بالواقع لتغيير الأوضاع السائدة للأمة العربية الغارقه في بحار الفرقه والتناحر والتخلف الاقتصادي للعبور الى بر آمن.!!!

---------------------

تم توثيقي للموضوع بعد مراجعة المعلومات الواردة فيه من هذا المصدر

http://en.wikipedia.org


تحيتي / قلم رصاص


------ التحديث -------

nody

أولا مرحبا بحضرتك
ثانيا ، دعينا مبدأيا نتفق على التمسك بمبدأ الخلاف في الرأي لايفسد للود قضية، وان نحسن ثقافة
الاختلاف البناء لا التصادم الهدام

أنا احترم رأيك عن الأستاذ هيكل ، فلا أنا ولا غيري ولاالرجل شخصيا يعتبر نفسه ملاكا،فهو بشر
ويعمل بالصحافة والسياسة وطبيعي أن تكون له سقطاته مهما كان قدره او حسن نيته او حتى عبقريته
وذلك وفقا لقانون الطبيعة البشرية

لكن هذا لايعني أننا نجرده من كل مزاياه مثله مثل أي بشر له أخطاؤه وانجازاته ونجاحاته في شتى
فروع العلم والحيااااااااه.فنحن إن سرنا في تقييم الآخر على أنه إما أن يكون ملكا أو أن يكون شيطانا
فالمسألة ستصبح كارثه.فيجب علينا عند تقييم أي تجربة ، أن نقول مالها وماعليها ، أي أن نسلط الضوء
على الاخفاقات لنحذر منها وان نصفق للنجاحات ومانعتبره انجاز

فلنأخذ الرئيس جمال عبدالناصر كمثال لنقيمه ، فإن استخدمنا نظرية إما شيطان أو ملك كأداة للتقييم ،
فالبعض اعتبره أخفق اخفاقا ذريعا بسبب نكسة 67 لكن إن قيمنا تجربة الرجل بمالها وماعليها ستختلف النتائج كثيرااا.
فالرجل شهد عصره انجازات لم تحقق في تاريخ مصر الا في فترة رئاسته، فقد حرر الوطن من سطوة الاستعمار
الأجنبي عسكريا ونجح وزملاؤه في عمل انقلاب يوليو الذي تحول فيما بعد الى ثورة غيرت المفاهيم الاستراتيجية المصرية
الى طريق الصواب الى ان يرث الله الارض ومن عليها ، وخلصها من قبضة حكم ملكي فاشل مص دماء الشعب
الغلبان لحساب اصحاب الاقطاع،فكان حكما غير وطنيا..والجميع يعلم ان الاسره العلوية ليست مصرية،محمد علي باشا
نفسه مكانش مصري كان ألباني الأصل ولم يكن يتحدث العربية..واخر واحد فيهم الملك فاروق الذي ورط مصر في حرب 48 وضيع فلسطين
واداها لليهود بعد قضية الأسلحة الفاسدة الشهيرة ، وادارته للبلد من غرفه نومه

ثم قاد ناصر مصر وخلصها من براثن الاستعمار الاقتصادي بتأميم القناه عام 56 حتى يستطيع بناء أمجد مشروع
في تاريخ مصر والعرب وهو السد العالي الذي يعد بشهادة العالم أضخم صرح معماري في العصر الحديث
وانقذ زراعة مصر اللي هي عصب اقتصادنا من خطر الفيضانات الموسمية ووفرنا الميااااااااااااااااااااااااااااااه
هل نقدر ننسى ان الرجل بنى قاعدة مصر الصناعية بالتعاون مع الاتحاد السوفييتي السابق التي تقوم معظم
صناعاتنا الوطنية الان عليها، ولتعلمي حضرتك، مصر في الستينيات كانت تعيش فترة رخاء اقتصادي كبير

السقطة الوحيدة المحسوبة على عبد الناصر، هي النكسه، ولكن لم تكن غلطته وحده فلم يكن عبدالناصر الوحيد
الذي يحكم مصر في حينه،نظرا لوجود مراكز القوى والجيش ولاهو ولاعشرة مثله كانوا يستطيعوا تغيير شيئ في هذا
الأمر لسبب بسيط ، أن معظم من كانوا يحكمون البلد في عصره هم زملاؤه في الثورة وكان بمقدورهم الاطاحة به
كرئيس للبلاد من خلال مجلس قيادة الثورة الحاكم الفعلي لمصر،وكانوا له كالند ولم يعاملوه على انه رئيسهم بل زميلهم
وكنتي تلاحظي حضرتك حتى من خلال افلامنا القديمة أنهم كانوا ينادونه : ياجمااااااااااال !
فعندك عبدالحكيم عامر وزير الحربية كان لايسمح لناصر رئيس الجمهورية التدخل في شئون الجيش، وهو السبب
الرئيسي اللي ادى للهزيمه وانتهى بانتحار عامر والكل يعرف القصه

هل نقدر ننسى لناصر انه هو من اعاد بناء الجيش المصري في الفترة من 67 الى 1970 حتى وفاته لمدة
ثلاث سنوات وشبكة صواريخ سام السوفيتيه اللي حمت سماء مصر من احتلال اسرائيل لها في حرب اكتوبر
عبدالناصر اللي عملها قبل مايرحل الى الرفيق الاعلى ويكمل السادات من بعده المشوار

حضرتك ليكي بوست قديم شوية عن الاستاذ هيكل وهاجمتيه فيه ، ومن بين كلامك ان الرجل من وجهة نظرك
يعتبر أحد أسباب فشل الفترة الناصرية..طبعا انتي تقصدي النكسه ، طب لما احنا اتفقنا نقول اللي لينا واللي
علينا ، ليه بقى مذكرتيش للرجل المساهمه في النجاحات الجبارة والعظيمة لجمال عبدالناصر وخصوصا مساعدة هيكل
له في الاتصال بالسوفييت لبناء السد والجيش والصناعة الوطنية ،وليس المدنية فقط، لأ طبعا ، احنا كان عندنا ايامها
صناعة عسكرية كمان..ليه نسيتي أن تذكري ماله..ليه كل تركيزك كان على ماعليه ..دا ان كان عليه أصلا

فعبدالناصر الزعيم الوحيد في تاريخ العرب الذي كان يخطط لوحدة عربية حقيقية ،وهو مادفع القوى الغربية التي
تقف دائما لنا بالمرصاد انذاك وعلى رأسها بريطانينا الى انشاء حلف بغداد للتصدي لمشروع ناصر لتوحيد الأمة العربية
هل نسينا نجاح عبدالناصر في تجربة اندماج مصر وسوريا كنواة للوحدةالعربية الشاملة سنة 58 تحت مسمى
الجمهورية العربية المتحدة وانتهت سنة 1961 لعدة اسباب اهمها عبدالحكيم عامر

ولم يكن عبدالناصر يتخذ قرارا او يفكر في فكرة دون ان يستشير هيكل ، فكان عقله الذي يفكر به.. وحلما سويا
بوحدة شاملة للعرب تجعل منهم احدى القوى الكبرى على الساحة العالمية ، ولكن كان التيار أقوى منهم الاثنين
سواء في الداخل المصري او الخارج من قوى الاستعمار البغيض...هل تعلمي ان هيكل هو اللي كان يكتب لناصر
كل معظم خاطاباته الرئاسية واهمها أشهر خطاب رئاسي في تاريخ مصر الحديث وهو خطاب الرئيس جمال عبدالناصر
بإعلان مصر تأميم الهيئة العالمية لقناة السويس في 26 يوليو1956

طب تعالي حضرتك قيمي فترة الرئيس الراحل السادات بحياديه ، هنذكرله انجازه التاريخي في انتصار حرب اكتوبر
المجيدة ، وهنذكر له أيضا أنه عمل انفراجه سياسية التي بدأت بالمنابر ثم فيما بعد تحولت تعددية حزبية الخ
لكن على الجانب الاخر لايتسطيع البعض ان يغفر له انه كان السبب المباشر والرئيسي في انقسام العرب على انفسهم
على أثر ذهابه للكلاب الصهاينه في عقر دارهم وهو منتصر عليهم ، ثم راح يعرض عليهم السلام اللي من وجهة
نظر من كانوا مؤيدين له ...إستسلاااااااااااما ، ندفع ثمنه غاليا من يومها حتى الان والصهاينه بيبرطعوا في البلد
والرئيس مبارك بيقابلهم بالأحضان ..والله مابيقابل رئيس عربي بالحفاوة دي كما يقابل آل صهيون

أنا تعبت من كتر الكتابة ..هههههههههههه
عموما الأحسن تحاولي تخلي أي قناة تستضيفني مع حضرتك وانا اوضح وجهة نظري بالصوت والصورة لأن
إيدي وجعتني من الكتابة .......هههههههههههههههههههههههههههههههههههههههههه

وأما بخصوص إن هيكل اتغير عشان بيقبض من قطر، أحب أقول لك : مش محمد حسنين هيكل اللي يعمل كده،
ويوم ماينوي يبيبع دماغه بفلوس هيجي يعمل كده في أخر أيامه..هو الراجل محتاج يعني للدرجة دي؟!
ده رااااااجل طول عمره مستور..فبلاش نضخم من الكلام اللي ملوش أساس من الصحة ده
واحنا لاعندنا عمر ولا خبرة ولاتجربة هيكل عشان نقدر نقيمه صح ..احنا مجرد شباب بنقول رأينا في حدود
مالدينا من معلومات وخبرات تتوافق واعمارنا التي تتوه الى جوار حد بحجم هيكل..ومش الأسرة العلوية اللي
تزعلي نفسك عليها..ربنا مايرجع ايامها..وان كنت أتحفظ على كلام هيكل عليهم بهذه الطريقة

واما بخصوص قناة الحظيرة ، فعاوز اقول لك اني لم اعد ارتاح لهذه القناه هذه الايام بعدما هاجمت مصر أثناء
حرب غزة في ديسمبر الماضي وان كنا كلنا نؤيد ماقالته ضمنا حنقا منا على موقف مصر في الازمة
لكن لاتنكري انها قبل هذا التاريخ نالت اعجابنا جميعا كمنبر عربي حر بالفعل وبدون ادنى تزييف للحقائق
كانت كاشفا لحقائق رهيبة في الدول العربية لشعوبها لم تكن لتعلمها لولا وجود الجزيرة ..ماجعلها حصلت على
اكبر خامس علامة تجارية في العالم سنة2006 من الناحية المهنية فقط

عاوز اقول لحضرتك حاجة مهمة جدا، لو كان فيه في مصر بلدك وبلدي إعلام حر ونزيه ماكان محمد حسنين هيكل سمح لنفسه بعد هذا المشوار
الطويل ان يتحدث الى ابناء بلده عبر نافذه غير مصرية .ورغم ذلك أحب أقو ل لك واكيد حضرتك تعرفي ان الرجل معاهم من عدة سنوات..قبل
ان نفقد كمشاهدين ثقتنا في القناه .ولو كانت قناة المنيرة (على رأي شومان بتاع اعلانات الضرايب هههههههههه) خطر على مصر، لماذا لم تضغط
مصر بقيادة الرئيس مبارك شخصيا على قطر لوقفها او حتى تغيير سياستها تجاهنا في الفترة الاخيرة.احنا ليه عاوزين نفضل معتقدين اننا الوحيدين
اللي من حقنا كمصريين ننتقد العرب ومنسمحش لأي دولة عربية تنتقدنا..هنفضل لامتى نضحك على نفوسنا وامتى هنعرف ان الدنيا
اتغيرت واللي عملناهم في نصف قرن في الخليج ..اصبحنا محتاجين 300 سنة عشان نلحقهم مش بسبب غناهم ولا فلوسهم لأ طبعا
بسبب انهم اتطوروا بالفعل مش بالكلام .. القمر الصناعي المصري واحد واتنين مش صناعة مصرية ولانعرف عنه حاجة
كله مستورد من فرنسا..تعرفي ان السعودية اطلقت قمر صناعي بصناعة سعودية وخبرات وعلماء سعودييين صرف
ابقى اسألي وانتي تعرفي الحقيقه..وليه عاوزين نفضل مخبين الحقايق عن الناس..هي الحقيقة بقت حرام ولاعيب
عشان نتطور لااااااااازم نبدأ بتشخيص حالتنا عشان نقدر نتعالج..وده اللي بيعمله هيكل ليس الا

لوعندنا اعلام حر، ماكنش حد محترم زي حمدي قنديل يطفش من مصر ويروح لقناة دبي ، ومع ذلك لم يسلم وجوده هناك من ابتزاز بعض المسئولين
المصريين ، وضغطوا عليهم ومشوه....وعايش دلوقتي في لندن..كل ده عشان بيقول الحقيقة ولاسواها

عاوز انهي كلامي بحاجة اخيرة عن الاستاذ هيكل ، وهي انه الرجل تتكالب عليه أشهر وسائل الاعلام في العالم كله لينهلوا من تجاربه ليس فقط مع
مصر بلده ، ولكن لأنه شاهدا ومنظرا ومحللا لكل أحداث العالم الكبرى فيما يزيد عن نصف قرن من الحرب العالمية التانية لدرجة جعلته
كذاكرة حيه لكل ماحدث ويكاد يحفظ كل التفاصيل منذ ذلك الحين الى درجة تزهل العقل..فهيكل التقى بكل قيادات ومشاهير وعلماء العالم منذ
الاربعينيات الى الأن

فمحمد حسنين هيكل تجربة نادرة في التاريخ العربي ، ليس من الانصاف والعدل والامانة ان تسقطيها الى هذه الدرجة وتصفيه بالانحطاط والعماله
والتآااااااامر لمجرد سقطة او اكثر له ، وتناسيتي انه بشر وكل البشر خطاء ..وليس معنى قرائك لمذكرات كريم ثابت أن الاخير على حق
وأنتي تنكري على هيكل الأدلة ..كيف هذا الكلام ؟ الم يلفت نظرك كيفية حرصه على توثيق كل حرف من كلامه بوثائق مصرية واجنبية
سبحاااااااااااااان الله

واشكرك على الصبر على قراءة هذا الرد الطويل والزائد عن الحد

لكني أردت أن أجلي الصورة في حدود ما أعرفه

ولا يبقى سوى أن الخلاف في الرأي لايفسد للود قضية

تحيتي / قلم رصاص



73 تعليقات القراء:

حلم بيعافر يقول...

هع
انا اللى جاى الاول

حلم بيعافر يقول...

هيكل تاريخ بيمشى على الارض
بس بص يابن خالتى
والله انا غلبان ومابعمل حاجة وعيب عليك كلامك ده لان انت عارفنى كويسي انا اكتر حاجة تغيظنى ان حد يتعدى على خصوصية من خصوصيااتى وبديهى جدا انى معملش كده فى حد حتى لو كان هو بيعمل ايه ووالله والله والله بيبقى البتاع مفصوك عنى بنت كت وببقى عارف مين اللى عمله ومابرضى اعمل حاجة بسيب الكمبيوتر واقوم وابقى اقعد وقت تانى
شفت بقى انا فى حالى قد ايه؟
وبعدين لو كنت عرفت او معرفتش فانت زى مابتقول معدينى بمرااااااااااحل يجى من هنا للطوابرة فازاى انا اعمل حاجة او اقرفك؟
بطلوا حقد طبقى بقى
يخربيتكوا
هههههههههههههههههههههه
حبيبى والله يا ايها القلم الذى.....

beautiful mind يقول...

طبعا الاستاذ هيكل غني عن التعريف
وهو من اولئيك القلائل الذين احتفظوا لانفسهم بخصوصيه فريده وشخصيه سياسيه وفكريه في منتهي العبقريه
تحياتي اليك
وشكرا لتميز موضوعك

engy يقول...

بجد باهنيك على موضوعك الرائع
ماشاء الله
محمد حسنين هيكل من الشخصيات اللى صنعت التارخ

اتمني الشهادة يقول...

موضوع جميل وذكتنا بمن لا ننسي وجعلتنا عالنت (مع هيكل)
بحييك ودمت مثقفاً ومنبعاً للثقافه

وجميل الإقتراح وياريت ان كنت تقدر توصله للاستاذ هيكل فينفذه باذن الله فنحن نحتاج الكثير للنهوض بنا
دمت موفقاً لكل الخير

nody يقول...

هيكل ده اكبر كداب ومزور للتاريخ
والكلام ده مش من عندى
اقولك ابسط حاجه
اقراء كده مزكرات كريم ثابت عن الملك فاروق الى هيكل افندى صاغها وكتب له المقدمه
ومع العلم كريم ثابت لم يتم الافراج عنه بعد الثوره غير لما كتب المزكرات دى
هيكل ده قال
ان الملكه فريده كانت على علاقه غير شرعيه بظابط انجليزى ولما الحكومه الانجليز نقلت الظابط خارج مصر
من غير اى دليل او بينه
دا غير الحلقات الى عملها على قناه الحظيره عن اميرات العيله المالكه وكلها خوض فى الاعراض
وبارضه من غير اى دليل

Soul.o0o.Whisper يقول...

السلام عليكم و رحمة الله و بركاته

بصراحة الموضوع جميل
و المعلومات قيمة




دمت بود

عطش الصبار يقول...

السلام عليكم
اول زياره تسمحيلى بالدخول
شوفى تاريخ الراجل ده عامل ازاى وكل كلامه موثق وهو صحفى عالمى ومع ذالك يتعرض هذه الايام لهجمه شرسه من بعض الاقزاممن الصحفيين
تقبلى تحياتى

طوبه فضه وطوبه دهب يقول...

هكذا دائما كل ناجح وكل من تكلم بصدق عادته الدنيا باكملها ولكن كل ما قدمته عنه من معلومات جديده عليا قرائتها فاشكر لك دقت كلامك وتعرفيك له

مهندس مصري بيحب مصر يقول...

هيكل أستاذ كبير و عظيم
و لكنه ليس منزه عن الخطأ
فمن شدة حبه لجمال عبد الناصر فلا يجب أن تصدق كل ما يرويه عنه قبل أن تتثبت منه بالوثائق أو من شهود آخرين و مصادر أخرى
أما في غير هذه النقطة فلا غبار عليه على ما أعتقد
و يبقى دائماً أن كل كلمة تقرأها له أو تسمعها منه تدفعك للتفكير و البحث خارج نطاق بحثك المعتاد
فهو الأستاذ بحق

mohamed ghalia يقول...

الراجل فعلا شخصية هايلة وعقلية سياسية ولو انى فى ناس معترضة على حاجات فيه لكن يبقى عقلية سياسية جبارة

عابر سبيل (عبدالرحمن محمود) يقول...

السلام عليكم ورحمة الله
لا خلاف على ان هيكل من اشهر واقوى الصحفيين المصريين والعرب
وليس معنى هذا انه منزه عن الخطأ
فقد وقع فى بعض التناقضات فى كتبه تظهر واضحة جلية عند المقارنة بين الطبعات الاجنبية لكتبه والطبعات العربية
ولقد جمع الكاتب محمد جلال كشك بعض هذه التناقضات فى كتبه واخص منها بالذكر كتاب ثورة يوليو الامريكية
والرجل له وعليه
ومن اهم ما اتعجب له كيف حصل على هذه الوثائق التى لديه وما هى علاقاته بأجهزة المخابرات (ليس هذا اتهاماً بالعمالة )
ولكن صلته الوثيقة بالسلطه ايام عبد الناصر والسادات تلقى ظلالا قويه انه كان يلعب دوراً استخباراتياً على الشعوب لمصلحة النظام

منــار فايد يقول...

انا بصراحه ماقريتش الموضوع كويس
بس احلى حاجه اني شوفت صورته بجد ماكنتش اعرف شكله خالص
شكرا كتير ليك

قلم رصاص يقول...

حلم بيعافر

مبروك عليك المركز الاول

وفعلا هيكل تاريخ بيمشي على الارض بس مش عشان انت قولت ..دي الحقيقة
هههههههههه

اما بخصوص خصوصياتك ، فخلاص انا اتأكدت انه مش انت طالما انت حلفت هههههههه
وابقى عارفني مين ده اللي بيلعب في النت عشان نعرفه مقامه كويس احنا مش فاضيين للعب العيال ده
وبخصوص اني معديييييك بمراحل ، فدي الحقيقة يابطل ومتنساش نفسك ههههههه

وحتة الحقد الطبقي دي مستبعدة جدا من قاموسي لأني اساسا معرفش انت تنتمي لأي طبقة ..!

اوعى تقولي انك تبع طبقة الاوزون ؟!
هههههههههههههههه

نورت يابن خالتي وكفاياك دخول تاريخ بقى يازملكاوي ههههههههههه

دمت في حفظ الله

قلم رصاص يقول...

beautiful mind

صديقنا الجميل اهلا ومرحبا بك هنا

واشكرك على التعليق والتواصل

دمت في تميز

في حفظ الله

قلم رصاص يقول...

engy

اشكرك يافندم على الزيارة والتعليق

وهذه حقيقة لاجدال فيها ، هيكل مهما اتفقنا او اختلفنا معه فمازال يبقى نجما في عالم الصحافة والسياسة

دمتي في حفظ الله

قلم رصاص يقول...

اتمني الشهادة

ياسيدي اشكرك على الكلام الكبير اوي الذي لا استحقه

جزاك الله خيرا على هذا الكلام الجميل والمشجع وبارك الله لك

ووالله انا اتمنى بالفعل ان يصل اليه هذا الكلام ولكني لا اعلم كيف

دايما منورني

دمت في حفظ الله

جحا المصرى يقول...

شخصية هايلة فعلا
وتجميعك رائع
دمت بكل الود

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟

و مزيدا من التفاصل توجد فى مقالات ثقافة الهزيمة فى هذا الرابط:

www.ouregypt.us

قلم رصاص يقول...

nody

اولا مرحبا بحضرتك

باعتبار ان رد حضرتك مختلف عن كل الردود
فأنا كتبت رد مطول وفيه تفاصيل على ردك
لكني كلما اضعه في التلعيقات لاتقبله
لذا انا سأضعه في تحديث في نهاية البوست
والرجاء المتابعه

ودمتي في حفظ الله

قلم رصاص يقول...

Soul.o0o.Whisper

وعليكم السلام ورحمة الله وبركاته

أشكرك على هذه الاطراء والتشجيع

واتمنى ان يفيدكم الموضوع

دمتي في حفظ الله

قلم رصاص يقول...

عطش الصبار

وعليكم السلام ورحمة الله وبركاته

اهلا ومرحبا بك استاذنا الفاضل في زيارتكم الاولى للمدونة ونأمل الا تكون الاخيرة ان شاء الله

وعند حضرتك حق فعلا ، الرجل يتعرض لهجمه شرسه من بعض الأقزام في عالم الصحافة والسياسة

هكذا هو دائما قدر الكبار المتميزين

دمت في حفظ الله

قلم رصاص يقول...

طوبة ذهب وطوبة فضة

مرحبا بك يافندم

واشكر حضرتك على الرد المشجع لمجهودي المتواضع للغاية

والأستاذ هيكل دائما محلا للجدل لأنه يقدم حقائق

فدائما ماتكون الحقيقة موجعه

دمتم في حفظ الله

قلم رصاص يقول...

مهندس مصري

بالفعل يافندم رغم ان الاستاذ هيكل رجل فوق العادة ، هذا معناه انه ليس منزها عن أي خطأ..فهو بشر وكل البشر خطائين

ولكن كيف لنا ان نبحث وراء عملاق كهذا الرجل الذي تمنح كبريات جامعات العالم شهادات الدكتوراه في العلوم السياسية عن منهجه وفكره السياسي

فهو فعلا كما قلت بحق : الأستاذ

دمت في حفظ الله

قلم رصاص يقول...

mohamed ghalia

فعلا اخي محمد ، هيكل شخصية جدلية بطبعه
لأنه عميق التفكير ..دقيق المعلومات..قوي الذاكرة والتوثيق

دمت في حفظ الله

قلم رصاص يقول...

عابر سبيل

وعليكم السلام ورحمة الله وبركاته

اخي الفاضل مرحبا دائما منورني

أؤيد كلامك وبشدة..فمن قال ان هيكل منزها عن الخطأ..فمعروف ان البشر خطائون

ولكني اتحفظ على رأيك في اعتقادك انه كان يلعب دورا استخباراتيا لمصحلة الشعوب لمصلحة النظام
كيف يعقل هذا الكلام ؟ فهذا ليس عمل الرجل .. لذا فماذا كانت تفعل اجهزة الأمن والاستخبارات في العهدين الناصري والساداتي .

محمد حسنين هيكل رجل فكر اولا واخيرا، فهو كاتب وصحفي ومحلل سياسي ولم يكن في حياته وقتا لممارسة ادوارا اخرى خارج هذا النطاق

انظر مثلا عندما كان يرأس مجلس ادارة وتحرير الاهرام لمدة 17 سنة .. انظر ماذا وصلت له الاهرام من سمعة وصيت عالمي في حينه .. فكانت واحدة من كبريات الصحف في العالم.اما وهي الان اصبحت مجرد جريدة اعلانات واخبار حكومة الحزب الحاكم فقط.

لردجة انه لما عرض على الرجل وزارة الارشاد القومي ، اشترط لقبوله هذا المنصب ان يحتفظ برئاسة تحرير الاهرام والا لن يقبل المنصب ويظل في الاهرام
وكان هذا من دافع حبه وعشقه الشديد لعمله الفكري والصحفي اولا واخيرا

واما بخصوص محمد جلال كشك واتهامه لهيكل بتناقضات طبعاته العربية عنها الاجنبية ، واتهامه له ايضا بالعماله للمخابرات الامريكية ، فليش هذا معناه ان كشك على صواب .. فمن كشك هذا الذي نتكلم عنه وماذا يعرف ويفطن الى جانب علم من اعلام الفكر والسياسة في تاريخ العرب والعالم في العصر الحديث كمحمد حسنين هيكل

أحترم رأيك جداااااا
واتفق معك في جزء منه واختلف في بقيته

والله تعالى أسأل التوفيق لي ولكم

في حفظ الله

قلم رصاص يقول...

شباك موارب

مرحبا بك يادكتورة منار

والعفو يافندم احنا معملناش حاجة

لكن العجيب في الامر ، معقوله حضرتك الى الان لم تري صورة هيكل ولاتعرفيه ؟!

نورتي المدونة

ودمتي في حفظ الله

قلم رصاص يقول...

جحا المصري

احنا اي خدمة ياعمو جحا

ابقى تعالى انت بس وانا هكيف لك دماغك بشوية موضوعات سياسية عالية
ههههههههههههههههه

دمت انتم في ود وتميز وحفظ الله

قلم رصاص يقول...

غير معرف

اهلا بك يافندم

ومفروض متستغربش من الكلام اللي قاله هيكل عن هذا المبلغ الضخم الذي حصلت عليه مصر كمنح ومعونات

فمؤكد الرقم صحيح لأكثر من سبب ، اولها ان مصر دائما تحصل على معونات ومنح من امريكا وبعض دول اوروبا واليابان بشكل شبه سنوي وتكون بالميارات .. احسب حضرتك بقى خلال 30 سنة يوصلوا لحد كااااااام؟!

والسبب التاني ان هيكل معروف عنه انه لايتحدث بدون دليل ووثائق قوية
وهذا منهجه منذ ان كان صحفيا شابا في الاربعينيات

وبخصوص اين ذهبت هذه الاموال ، فيجب عدم الاستغراب ، فالبلد مليئة بالحيتان
ذوي الملاءات المالية الضخمه ولانعلم مصدر اموالهم ، فالله اعلم بقى راحت فين هذا الاموال !

شكرا جزيلا لمرورك اخي الفاضل

دمت في حفظ الله

غير معرف يقول...

أولا تحياتى على المدونة الرائعة(مش عارفة كانت تايهة عنى فين دى ) :)

ثانيا..أنا طول عمرى اسمع عن الاستاذ هيكل بس كنت حتى معرفش هو بيشتغل إيه بس بجد حسيت انه إنسان قمة فى الروعة و حبدأ إن شاء الله اتابعه و اقراله..و عجبنى أوى تعليقك و ردك على اللى هاجم هيكل

تحياتى

قلم رصاص يقول...

انا ودماغي

أشكرك يافندم جزيل الشكر على هذا الاطراء والتشجيع الذي يدفع المرء الى محاولة المضي الى ماهو متميز واسأل الله ان يهديني الى هذا الطريق

وبخصوص الاستاذ هيكل ، فالرجل فعلا يستحق ان تبحثي عنه وعن افكاره وانجازاته في عالم بلاط صاحبة الجلالة والسياسة

واشكرك على رأيك ومرورك على المدونة

دمتم في حفظ الله

حياتي كلها لله يقول...

السلام عليكم

الموضوع بجد أكتر منرائع
بس أنا للأسف مقدرتش أخلصة أصله طوييييييييل جداااااااا

بس أكيد إن شاء الله
حكمله ..و أعلق عليه بعدها

تحياتي
سلمي

قلم رصاص يقول...

حياتي كلها لله

مبدأيا أشكرك على المرور والنص تعليق ده
هههههههههههه

ونامل ان تكملوا الموضوع

وطيبتم وطاب ممشاكم

في حفظ الله

Maha Shahen يقول...

وبرغم الاختلاف اللي فى النهايه بس بجد شىء جميل انك تناقش حد بصوره كبيره كدا

وجميل اننا نلاقى فى حد بيدور فى السياسه ويجمع لينا بعض المعلومات لزيادة الوعى او بلاش نقول السياسه لأنها تقريبا معلومات عامة مش سياسيه قوى

لك جزيل الشكر والتحيه

Haytham Alsayes يقول...

الوضوع رائع فعلا هيكل استاذ ولكن ليه بعض الاخطاء بس دة ميقللش من قيمته

قلم رصاص يقول...

nour shahen

اشكرك يافندم على رأيك

وانا الحمدلله رب العالمين ، عند مناقشتي لأي حد في أي حاجة ببقى ملتزم حدود النقاش
واركز دايما على صلب الموضوع وتوثيق كلامي
حتى لو كان النقاش حوالين نكته مصرية

وببعد الى حد كبير جدا عن استفزاز الطرف الأخر

ياريت حضرتك تقري الموضوع الجميل ده لاخونا محمد غاليه واسمه :دعونا نتحاور لانتشاجر: على هذا الرابط

http://mohghalia.blogspot.com/2009/07/blog-post_14.html

وفعلا هو الموضوع ده مش سياسي كله ، وكذلك لأن كل ماهو سياسي يعتبر أيضا شأن عام

اشكرك على المرور الجميل والرد المتميز

طيبتم وطاب سعيكم وممشاكم

في حفظ الله

قلم رصاص يقول...

Haytham Alsayes

رأيك اوجز كل ما انا قلته في سطر واحد

بارك الله فيك

نورتنا اخي الفاضل

دمت في حفظ الله

محمد مارو يقول...

ممممممممممممممم
و الله يا اخى العزيز انا كنت من اشد الكارهين لهذا الرجل

كل ما اشوفه ع الجزيره اكره نفسى

بحس انه احسن واحد يغير فى التاريخ و يلفق
بس بعد كل الكلام ده عنه اعتقد انى هبدا اسمع له و لو لمرهو اجرب و اشوف هو حلو و لا وحش

قلم رصاص يقول...

محمد مارو

ازيك يا اخ محمد وعاش من شافك على البلوج من زمان

بس تعالالي هنا انت بتناقض نفسك في الكلام ليه ؟

انت ازاي تحكم عليه بأنه مزور للتاريخ
.. في حين انت مسمعتوش ولا قريتش ليه لسه لحد الان ..!

حكمك ده بقى كان نابع من اي أساس

نرجو أخي محمد توخي صحة كلامنا

وبعدين هفترض انك قرأت له وقرأت لمهجميه كتير جدا ، ده برضه مش معناه
ان رأيك صح .. وبرضه مش معناه ان هيكل صح او مش صح ....

انا مش المحمي بتاع هيكل ولا انا متعصب له ولا حاجة

كل مافي الأمر ان الرجل فعلا تجربة فريدة لم تحدث في التاريخ الحديث للعرب
ومحتاجة دراسة قوية بس

فكل هدفي من هذا البوست اننا منحكمش بشكل عشوائي على تجربة قاربت على نصف قرن من الفكر والصحافه والساسة في مصر والعالم

ببقى سعيد بمرورك أخي محمد

دمتم في حفظ الله وطيبتم وطاب سعيكم وممشاكم

فشكووول يقول...

السلام عليكم قلم رصاص
تحياتى
انا جيت وقرأت البوست دا من كذا يوم بس ما عرفتش اعلق عشان الجهاز عندى ما كانش بيفتح اى تعليقات عند اى مدون والح0مد لله تم تصليح الجهاز

بس يا قلم ... فين اللى بيهاجموا الاستاذ وفين الاستاذ
فرق بين السماء والارض
طبعا انت عارف ان اللى بيهاجموه عشان السبوبه بتاعتهم وفلوسهم اللى بيقبضوها من عرقنا ومن دمنا ودى فلوس بالالاف .. والموضوع سبوبه
طب بعد النظام دا ما يمشى ح تلاقيهم اول ناس بيهاجموا النظام وبيدافعوا عن هيكل
والله يا اخى انا اقرأ لناس بيهاجموا هيكل ولا اعرف عنهم شيئا ... نكرااااات

قلم رصاص يقول...

فشكوول

وعليكم السلام ورحمة الله وبركاته

مرحبا مرحبا مرحبا بأستاذي وعمي فشكووووووووووول

منورني والله .. طالعه من قلبي صدقني !

ورأيك بصراحة أثلج صدري

عارف حضرتك ليه ؟

عشان الرأي ده لأستاذ محترم وكبير سنا

ومقاما وتفكيرا ، معلهش هحذف سنا دي
هههههههههههههههههه

كفيت ووفيت ياعمو صلاح

وألف على الجهاز وابقى طمنا عليك

دمت في حفظ الله

وطبتم وطاب سعيكم وممشاكم

Empress appy يقول...

له ككلام بيعجبنى وكلام مبيدخلش عقل اصلا
انا دايما لما اقرا لحد ادور هو عاش فى انهى فتره وايه ظروفه اللى مر بيها وايه العوامل اللى اثرت على كتاباته فكلنا انسان والانسان بيغلط

قلم رصاص يقول...

Appy

ايه ده ايه ده
معقوله أبي هانم بذات شخصيتها هنا

أكيد فيه حاجة صح

ههههههههههههههه

منورانا والله .. من زمان مدفعناش كهربا زيادة

بس رأيك صح فعلا

اختصرتي الموضوع بكلمتين
وقيمتي الراجل تمام

ليه ايجابياته ، وعليه أخطاء

فهو في الاخر بشر

والبشر خطااااااااااؤون

ولكم جزيل الشكر على المرور المتميز

طيبتم وطاب سعيكم وممشاكم

فشكووول يقول...

يا قلم رصاص انا زعلان
انت عمال تشهر بى وتنشر امام الناس كلهم انك بتحبنى عشان السن والحاجات اللى بتزعلنى دى
يا قلم رصاص انا يا دوب 57 سنه يعنى فى دور المراهقه ولسه صغير وانت عمال تقول السن وكبير والحاجات دى

انا لسه يا دوب فى طور البلوغ ولسه عيل صغير وبلاش تقول تانى سنك كبير وزى ما قلت لك انا عندى بس 57 سنه وفاضل لى 3 سنين على المعاش ... بذمتك مش صغنطوط خالص
بلاش اشاعات

قلم رصاص يقول...

فشكووول

ههههههههههههههههه

والله حضرتك زي العسل

وانا مأخدتش بالي خالص اني بكده هأثر على مستقبلك

ربنا يديك طول العمر ، ويمن عليك بالصحة والعافيه

والله أسأل ان تظل مبدعا لنا دائما كما عهدناك متميزا

وايوا كده نووووووور المكان زي الاول
وجهازك لو فيه اي مشاكل مصر كلها لازم تتصرف وتيجي تصلحه

واللي فيه الخير يقدمه لنا ربنا

مع أخلص تحيتي

فشكووول يقول...

يا قلم رصاص
ثالث مره تحياتى
من حق نودى الاختلاف معك عن الاستاذ هيكل ومن حقك وحقنا ان نتمسك بمصداقيةالاستاذ
لكن اللى انا زعلان منه ان نودى بتختلف معنا عن هيكل باسلوب سب وتجريح عن الراجل
ما حدش فينا ينكر استاذيته فى الصحافه وفى مناحى كثيره فى السياسه
كمان الملكه فريده لم تكن على علاقه باحد وانما كانت الملكه نازلى هى التى لها علاقات متشعبه ومتعدده
كمان انا اختلف معك شخصيا فى تقييمك للثوره ولجمال عبد الناصر ولنا عليه مآخذ كثيره كما لنا مآخذ على السادات وعلى النظام الحالى
اصل العمليه يا قلم بقت سلطه وصلصه وكمان بطيخ ... مصر لديها من المتناقضات الكثير وغلب حمار السياسيون معها فليس لها نظام او شكل معروف او معترف به واظن انى فى يوم من الايام سوف اتعرف لتأريخ الفتره من قيام ثورة يوليو وحتى اليوم واعتقد ان الموضوع لن يكون على ما يرام ولنا على تلك الفتره مآخذ كثيره وكثيره جدا
تحياتى

فشكووول يقول...

ما تغلبنيش بقى يا قلم وتصبح على خير

قلم رصاص يقول...

فشكووول

وتحياتك على دماغي من فوق والله

ورأيك في موضوع هيكل عادلا ، ولن أقول منصفا .. لأنني لست المحامي بتاع هيكل

كل ما اردته ان نقول ماللرجل وماعليه

فإن كنت انا قصرت كلامي عنه في تناول ايجابياته فقط ، وان كانت الاستاذه نودي تكلمت عن اخطاؤه .. فيبقى دائما ان الرجل حالة مصرية جديرة بالدراسه والفحص والتمحيص

وتصبح على خير يا عمو صلاااااااح

elsha3er يقول...

السلام عليكم

احب بس اوضح انا من محبى هيكل كا دبلوماسى سياسى جدا وكا مكافح فى طريقه بس تعالى بقى اقولك على حاجات تانية تعيب هيكل


هيكل فى عهد ناصر استغل سلطاته ونفوذه فى اعتقال مهندس طيار كل دة عشان المهندس قال انتم بتضحكو علينا فا استخدم هيكل نفوذه بوضعه فى المعتقل خلال ساعتين والمهندس دة نام على البورش جانب احمد فؤاد نجم

هيكل اظهر عبد الناصر حامى حمى الديار العربية وحامى حمى مصر الذى لا يخطئ ابدا مع ان ناصر له اخطأ كفيلة ان تجعله تانى اسوأ رئيس مصرى

هيكل جعل من السادات الشيطان الاكبر او ابليس لمجرد ان السادات تنازل عن خدمات هيكل فجعله فى كتبه ابليس

اليس بذالك كله يجعل هيكل صاحب مصلحة

هيكل فى برنامج الجزيرة رفض التحدث عن وضع مصر الحالى وفضل تقديم البرنامج عن عهد ناصر

اليس هذا جبنا وخوفا منه

هل سمعت هيكل يوما يندد بحكم مبارك لا اظن

ولكنى احبه ولكن ليس مثل اعلى للشباب


تحياتى ارجو ان نكون على تواصلل




احمد الشاعر

قلم رصاص يقول...

elsha3er

وعليكم السلام ورحمة الله وبركاته

احييك أخي الفاضل على رأيك المختلف

بس هنتناقش في كل تفصيله على حده ، ومبدأيا انا لما باعرف حاجة انا قولتها طلعت غلط باتراجع عنها الحمدلله لأن الرجوع للحق فضيله .

بالنسبة لنقطة ان هيكل جعل من ناصر اسطورة ولايخطئ ولا ولا ولا ، فالرجل صدقني ياعزيزي لم يأت بجديد من جعبته
فعبدالناصر بالفعل هو الزعيم الوحيد في تاريخ مصر الذي يستحق لقب الزعيم

انا مش هقولك انه ما أخطأش ، بالعكس
مفيش حد في الدنيا يقدر ميخطأش لأننا لسنا معصومين ، فنحن بشر

وحرام علينا اننا نتنكر لعبدالناصر لمجرد ان رجل كهيكل أبرز حسناته وركز عليها ولم يركز على عيوبه بقدر الحسنات

وبخصوص واقعة الطيار هذه انا لا اعلم عنها شيئا ، ولاتصدق كل كلمة تسمعها او حتى حتى تقرأها لأناس يعدوا نكرات الى جانب شخصية جبارة كهيكل ، حتى لو كان الشاعر الانسان احمد فؤد نجم ، انا مبقولش حاجة على هيكل زيادة عما يستحق.. فلست المحامي بتاعه، ولكن دعنا نقول مالنا وما علينا

فإن أخطأ الرجل فهذه الأخطاء تحسب عليه
هو مش على رأسه ريشه ، لكن يبقى الرجل حالة مصرية وعربية بل وعالمية لن تتكرر في الصحافه والسياسة !

واما بخصوص انه جعل من السادات ابليس او شيطان وخصوصا في كتبه ، فهل تنكر على الرجل حقه في الاختلاف معه سياسيا؟

هل من حق الناس العادية التي لاتفقه شيئا في السياسة الاختلاف مع سياسة وتوجه زعيمها وننكر ذلك على رجل صاحب فكر وصحفي كبير كهيكل ؟!

هل يعقل هذاااااااااااا !

الرجل من حقه يتفق او يختلف مع هذا الزعيم او ذاك

وبعدين احنا لو قيمنا السادات وفقا لأراء مهاجميه ، فهو فعلا أسوأ رئيس في تاريخ الامة العربية لأنه عقد سلاما منفردا مع الكيان الصهيوني....!

لكن ان قيمناه وفقا لاتجاه المنصفين له ، فنصل الى نتيجة مؤداها انه من أحسن الرؤساء في التاريخ المصري ، لأنه حرر البلاد من الاحتلال وطلع عين اسرائيل وعمل انفراجة في الحياه السياسية المصرية الخ الخ الخ

فحرام علينا اما نيجي نقيم حالة ، اننا يا اما نذكر ايجابياتها فقط ، او نذكر سلبياتها فقط ....انا يمكن صحيح ركزت على ايجابيات هيكل دون سلبياته واخطاؤه في البوست ولكني لم أصفه لدرجة انه ملاكا لايخطئ

والرجل كان والسادات كما كان وعبدالناصر الى ان جاءت عدة مواقف سياسية هامة جعلته مختافا معه مثله مثل عدد كبيييييييير من المثقفين المصريين وعلى رأسها عقده اتفاق صلح وسلام منفرد مع اسرائيل ، فدي نقطة ازعجت هيكل من السادات ونبهه لخطورتها انذاك وقاله : هتفقد ياريس محيطك العربي ..!

ودليلي على ان هيكل والسادات كانا متفقين قبل معاهدة السلام ، ان الرئيس السادات الله يرحمه عين الاستاذ محمد حسنين هيكل مستشارا سياسيا له سنة 76 وهيكل اعتذر لأنه كان يريد الابتعاد عن عالم الاضواء والحكم ويتفرغ للكتابة والمراقبه من بعيد . كما عرض عليه الاستمرار في منصب وزير الارشاد القومي الذي كان قد قدم استقالته منه سنة 70 وكان هيخليه الى جانب وزارة الارشاد القومي نائب لرئيس مجلس الوزراء ، والكلام ده قبل مايعرض عليه ان يكون مستشارا سياسيا له .

واماااااااااا بخصوص انه لم يجرؤ على مهاجمة نظام الرئيس مبارك كجبن منه وانه لم يحدث له في قناة الجزيرة ذلك ، فدعني أقول لك :

ان هذا افتراء على الرجل بغير دليل ، والجزيرة ليست المنبر الوحيد لحد بحجم هيكل الذي تتهافت عليه كل اجهزة ووسائل الاعلام العربية والعالمية للحديث معه لأنه عبقرية سياسية لايمكن تكرارها..والجزيرة هذه عمرها لم يتجاوز 13عاما والرجل لم يظهر عليها الا سنة 2004 تقريبا ، واحد زي هيكل حديث الدوائر السياسية العالمية كلها منذ الخسينات والستينات والسبعينات،انظر ماذا قال في حقه هنري كسنجر، قال : رجل واحد ان التقيته عرفت كل شيئ عن الشرق الاوسط. ويقصد محمد حسنين هيكل

كانت هناك علاقات جيدة بين الرئيس وهيكل لكن هذه العلاقات تأثرت بعد المحاضرة التي ألقاها هيكل بمعرض الكتاب منذ سنوات وقال فيها :"لقد شاخت السلطة في مصر"

فهذا دليل صريح على انه هيكل قال كلمته وعبر عن رأيه في نظام الرئيس مبارك بما لايدع مجالا للشك في انه لايخشى الا الله .

وهناك واقعه حديثه وقعت من حوالي أسبوع او عشرة ايام على ما اظن ، وهي ان الاستاذ هيككل هاجم الرئيس مبارك في صحيفة الاندبندت البريطانية الشهيرة ، وقد لاقى هذا الهجوم لهيكل على مبارك سخطا شديدا في دوائر الحزب الوطتني والمطبخ السياسي لحكم الرئيس مبارك

قلم رصاص يقول...

elsha3er

تكملة الرد
-------------


وقال هيكل في الرئيس مبارك :

"الرئيس يعيش في منتجعات الأثرياء، ولا يشعر بهموم الناس. ومتاعبهم"، وأضاف "رئيسنا يعيش في عالم خيالي في شرم الشيخ، دعونا نواجه الواقع هذا الرجل لم يتكيف أبداً مع السياسة. دخل عالم السياسة وعمره 55 سنة بعد أن جعله السادات نائباً له، قبل اغتياله. نعم مبارك طيار بارع لكن البداية في السياسة في هذا العمر تتطلب الكثير من القدرات".

وهذا رابط للخبر يمكنك التأكد من كلامي

http://www.philaddelphia.com/News.asp?ID=450

اسعدني جدا رأيك المخالف لأنه استتتبع مني ردا وبالأدلة مما بكل تأكيد يثري الموضوع اكثر واكثر

وطبعا التواصل موجود يافندم

وحقيقي بجد والله سعدت برأيك ومشاركتك القيمة

دمتم في حفظ الله

قلم رصاص يقول...

elsha3er

على فكرة هجوم الأستاذ هيكل على الرئيس مبارك كل وسائل الاعلام اتكلمت عنه وانا سمعت بنفسي ردود عليه من احمد عز ومن علي الدين بتنجان بتاع امانة الاعلام في الحزب الوطني ، وقالوا :

كان يجب على الاستاذ هيكل ان لايقول الى كلمة حق في الرئيس مبارك وان يذكر الانجازات التي تحققت في عهد مبارك .. الخ هذا الكلام المعروف

اظن كده الصورة وضحت يا أخي الفاضل

ولايبقى الا ان نكون اصدقاء بعد هذا النقاش .. ولنا كل الشرف بالطبع

دمت في حفظ الله

وطيبتم وطاب سعيكم وممشاكم

elsha3er يقول...

اولا اتفق معك

فى اننا سنكون اصدقاء رغم الفكر شديد التناقض

عبد الناصر ثانى اسؤ رئيس يحكم مصر بعد حسنى مبارك السادات افضلهم على الاطلاق

حادثة المهندس الطيار والله حقيقية

احمد فؤاد ما لوش مصلحة انه يكدب وانا سمعت عنها قبل كدة كان فى 67

اما عن عدم مهاجمة هيكل للرئيس مبارك

انا لم اقصد المهاجمة بشكل دائم ولكن مقارنة بما فعله بالسادات من انتقادات فهو كدة بيدلع حسنى مش بيقول فى وشه كلمة حق

على العموم معلش انا تعبان حكمل معاك مناقشة عن هيكل وكل رئيس على حدى

دة احنا حنتناقش كتير اوى اوى


تحياتى

احمد الشاعر

قلم رصاص يقول...

elsha3er

طبعا لنا الشرف ان نكون اصدقاء

وبعدين مفيش فكر متناقض ولا حاجة يافندم
المسألة لاتعدو ان خلاف في وجهات نظر ، وليس خلاف مذهبي او عقدي عشان نسميه خلاف عميق.

فهؤلاء من نختلف بسببهم ماهم الا بشر ، يصيبون ويخطؤن ويجب ان نكون مقتنعين بذلك
حتى لانضخم من الخلاف في وجهات النظر الى حد الاقتتال الفكري والتناحر حول اثبات كل منا لوجهة نظره بأي وسيلة كانت .

انتظر مداخلاتك حين يسمح وقتك

ومرحبا بك دائما في ساحات مدونتنا المتواضعه

دمتم في حفظ الله

وطيبتم وطاب سعيكم ومشاكم

محمد فوزي يقول...

اتفق معك في موقفك من زعيم عظيم بحجم جمال عبد الناصر ورجل بموسوعية وفكر هيكل

واعجبني طرحك حول ضرورة تقييم الناس بوزن كفتي حسناتهم وسيئاتهم لا بجعلهم شياطينا وملائكه من مجرد فعل أو حدث

وأعجبني أكثر دعوتك لهيكل وعساها أن تصله بإقتراح هدف قومي يعين الشعب العربي وربما المصري خاصه على النهوض في السنوات القادمه , فهو إقتراح جدير بالتقدير وأراه واجباً ليس فقط على هيكل وإنما على كل مثقفي وعلماء مصر فأشد ما نحتاجه الآن هو طرح أفكار بناءه علها تجد من يلتف حولها ويسعى لتنفيذها

تحياتي

غير معرف يقول...

السلام عليكم
الاخ الكريم
جزاكم الله خيرا على الموضوع

ولى راى اتمنى ان تتقبله
انا بالطبع احترم الاستاذ هيكل بشكل كبير فله بالطبع مكانته
وان كنت اختلف معه فى بعض الاراء وخاصه فيما يتصل بجمال عبد الناصر
وأقدر بالطبع انه كانت هناك صداقه قويه بينهما
بالاضافه الى الاختلاف معه فى بعض الاراء الاخرى

ولكن بالطبع الاختلاف فى الراى لا يفسد للود قضيه

اما موضوع انه يقبض من الجزيره ليغير اراءه فهذا امر مضحك جدا ومثير للشفقه على من يقوله

بالطبع الاستاذ هيكل ياخذ كثيرا مقابل حلقاته -
اللهم لا حسد (طبعا ده مش قر ده حقد هههههههههههههه)

ولكن بكل بساطه الاستاذ هيكل افاض الله عليه بالكثير من الاموال من قبل واعتقد ان لديه الكثير

0مره تانيه خايف حد يفتكر انى باحسده انا باحقد عليه بس هههههههههههههههههه

فالاتهام بانه ياخذ اموال لتغيير كلامه فهذا كلام غير منطقى

اسف للاطاله
جزاكم الله خيرا

قلم رصاص يقول...

محمد فوزي

اهلا ومرحبا بيك يادكتور

وعندك حق بس مين يسمع يا اخي

نحن كمصريين بالذااااااات نتبع مبدأ:

الحسنة تخص ، والئيسة تـعـُـم

دمت في ود وصحة وعافيه

واشكر لكم المداخله الطيبة
واتمنى ان تصل رسالتي الى الاستاذ هيكل
حتى لو كانت له سقطات يتراجع عنها ويصحهها ونتكاتف كمصريين جميعا للنهوض بأمتنا واحياء حلم الدولة المصرية القوية

طيبتم وطاب سعيكم وممشاكم

أحــوال الهـوي يقول...

الاستاذ هيكل
يبدو انك من المعجبين مثلي به و احيانا اتحيز الي رايه حتي لو خالف اعتقادي

انه قيمة ثريه لابد ان نؤمن بها
و لانه انسان قد يجانبه الصواب و لكنه لا يقلل ابدا منه

شكرا لهيكلتك كما هيكلتني و هيكلة غروري

تحياتي

قلم رصاص يقول...

محمد فوزي

وعليكم السلام ورحمة الله وبركاته

ومين قال اننا متفقين معه في كل حاجة
مش معنى اني ذكرت له مواقفه الايجابية انه لم يكن له سلبيات ، فإن كان هناك تقصير فمني وحدي.

واهم حاجة عاوز اقولها اني لم أهدف من البوست تقديم دراسة عن هيكل او رصد حياته وتوثيقها ، فكل ماذكرته سيرته الذاتية ولمحة سريعه عن اهم الاحداث في حياته ولم أقيمه صدقوني لم أقيمه لأني لا املك ادوات تقييم حد بحجم هذا الرجل ياجماعه افهموني !

انا عملت المقدمة دي عشان اوصل لنتيجة مؤداها تقديم اقتراح للرجل لعل وعسى يصل اليه

واما بخصوص قبضه من الجزيرة فرأيك منصف وعاقل يا اخ يادكتور محمد

ولايهمك طول براحتك

البيت بيتك
ههههههههههههه

دمت في حفظ الله

قلم رصاص يقول...

احوال الهوى

اهلا ومرحبا بك يافندم

واشكر لكم التعليق على الموضوع

وطمنا حضرتك على ابنك في الثانوية العامة ان شاء الله يجيب مجموع كبير

دمت في حفظ الله

YaQeaN يقول...

الحقيقه وبدون ما ابالغ فى كلامى..
الدكتور محمد حسنين هيكل..له شخصيه فريده..وروح سياسيه رائعه..

بصراحه انا عاجزه انى اوصفه..لانه يستاهل اكتر من اى وصف انا اوصفه..
وبحييك انك بتهتم بشخصيه نبغه زى شخصيه محمد حسنين هيكل..

واشكرك لزيارتى..وانا عدلت اللينك..
وانا أأمل فيك لانى فعلا محتاجه مساعده لنشر المنتدى ده..
اشكرك الف شكر..

غير معرف يقول...

السلام عليكم
اخى الكريم
اشكرك على التعليق

وطبعا كما قلت من قبل فالاستاذ هيكل له مايمكن مدحه عليه ولكن ايضا له ما يجب ان ننبهه عليه

ولكن يبقى للرجل احترامه

ملحوظه بسيطه
اسمي محمود
وعلى فكره انا مهندس مش دكتور
وطبعا احترامي لكافه الداكاتره والباشمهندسين
بس انا الواقع بيقول انى مهندس مش دكتور
ربنا يوعدنا وناخد الدكتوراه
يارب


واذا كان البيت بيتى فارجو طلب بسيط
(حاجه خفيفه بسرعه
حله محشي وطبقين تلاته اربعه لحمه من لحم الخرفان او العجول بلاش الحمير لوسمحت
وصينيه مكرونه بالباشمل
يعنى انا عامل ريجيم ومش عايز ابوظه
هههههههههههههههه)

YaQeaN يقول...

السلام عليكم يا اهل الدار..

انا miada ref3at اللى رديت من شويه..صاحية مدونة حبيبة الرحمن..
ودى مدنه تانيه باسم المطبخ..لو ليك فى الأكل ياريت تزور المدونه دى كمان..

اى حد ليه فى الاكل يدخل بقى هههههههه..

ودمتم بألف خير..

آفشنا حرامي يقول...

نحن فى انتظارك دوما

البداية بدات اليوم

ونتمنا نشر لينك هذه المدونة بين كل اصدقائك

وتقوم بوضع لينك المدونة على قائمة المدونات بمدونتك للتواصل الدائم

مع تحياتنا

آفشنا حرامى

شبه إنسانه .....( سهوره ) يقول...

انا مش عارفه ايه حبك فى الشخص ده

انا مبرتحش له

مش عارفه ليه

بس

اكيد تقصير منى

انى مش مثقفه سياسا

تحياتى

سهوره

قلم رصاص يقول...

miada ref3at

اهلا بيكي يا فندم
نورتينا والله

لكن ملحوظة تخينه :

محمدسحين هيكل ليست معه دكتوراه وان كانت الاخيرة تتشرف هي واللي خلفوها بانها تبقى معاه
لكن الرجل أستاذ وكبير كمان وبيحب ان ينادى بالأستاذ، وهناك من حصلوا على الدكتوراه في فكر هيكل السياسي والصحفي في العلوم السياسية في مصر والوطن العربي والعالم الغربي

وطبعا هنزور المدونة والمنتدى كمان
واي خدمة احنا تحت امركم

دمتم في حفظ الله

قلم رصاص يقول...

م/محمود فوزى

هههههههههههههههه

ولايهمك ياهندزه

يمكن بس حصل خطأ مطبعي ولا حاجة

وعندك حق فعلا ، مين فينا ملهوش اخطاء وايجابيات؟!

وطبعا البيت بيتك ااااااه بس مش لدرجة انك تخرب بيتي انااا ههههههههههههههههههههههههههههه

وفعلا انت عامل رجييم جامد جدا
ربنا يديك الصحة يامحمود بيه

منورني دايما وننتظر تواصلك في البوستات القادمة

دمت في حفظ الله

قلم رصاص يقول...

Yaqean

وعليكم السلام ورحمة الله وبركاته

اهلا اهلا مرة تانية يا اخت مياده

انت هتخيلينا ولا ايه حكايتك ، محدش عنده نت سريع غيرك يعني ! مش مقضيك مدونة واحدة راحة تعملي واحدة تانية
ههههههههههههههههه

اهنيك حقيقي على المدونة دي جدا

ومين بقى قال ان ملناش في الاكل
دا احنا اساسا عايشين عشان ناكل
ههههههههههههههههه

واطمني هنزور المدونة الجديدة ، ومش كده وبس .. دي هناكلها كمان بالمرة

دمتي في حفظ الله

قلم رصاص يقول...

آفشنا حرامي

لالالا اطمن حضرتك خلاص اتشهرت بمجرد تعليقك هنا واكيد دخلت التاريخ ومش بعيد الجغرافيا كمان
ههههههههههههههههههههه

اهنئ حضرتك على المدونة وان شاء الله يكون هناك تواصل بيننا

دمتم في حفظ الله

قلم رصاص يقول...

بقايا انسانة

اهلا اهلا بيكي يااخت سهوره

نورتينا والله

وبعدين المسألة مش ارتياح وعدم ارتياح

المسألة اننا بنتكلم عن تجربة تستحق التقدير

ويمكن فعلا فيه تقصير من ناحية حضرتك لمعرفة تجربة الرجل

والثقافه مسألة نسبية تتوقف على نوعية مايتعاطاه املتلقي
فليس بالضرورة ان تكون الثقافة سياسيا ودي بترجع للميول الشخصية

دمتي في حفظ الله

Unknown يقول...

بما لا شك فيه
هيكل هو هيكل
متفرد وحاجة
لوحده كده :
قعد عشرة اشخاص
امامك واسألهم عن
اسماء رؤساء تحرير
جم للاهرام من بعد
هيكل :الاسم الوحيد المشترك
بينهم واللى حيعرفه الكل
هو محمد حسنين هيكل

قلم رصاص يقول...

norahaty

أينعم كلام مظبوط جدا يادكتور

نورتي المحكمة حضرتك

ودمتم في حفظ الله

YaQeeN يقول...

مش مهم المدونه..المهم المنتدى..
انا ظبطت لينك المنتدى اذا حبيت تزوره..
عموما ده اللينك..

www.habebatalrahman.ahlamontada.com

Twitter Delicious Facebook Digg Stumbleupon Favorites More

 
Free Web Hosting