4:58 م
قلم رصاص
بسم الله الرحمن الرحيم
السلام عليكم ورحمة الله وبركاته
اخواني واخواتي الأعزاء ، أنا مش هتكلم في الحلال والحرام بشكل مباشر ، أو هقدم فتاوي
لأني ليس لدي العلم الكافي لهذا الموضوع وهذا ليس من شاني او اختصاصي ..وكمان لأني
أؤؤمن بمقولة : من قال لا فقد أفتى
لكن انا هرصد او أسلط الضوء على بعض التصرفات المستهجنه من البعض الذين من المفترض
هم قدوتنا في الوقت الحاضر وولاة أمرنا .. وربط هذه التصرفات بفطرة الله سبحانه وتعالى التي
فطرنا وفطر كل خلقه عليها
يعني مثلا احنا لو نظرنا للقــــــــــطط على سبيل المثال
سنجد شيئ عجيب فعلا ، وهو ان القطة تعرف الحلال من الحرام
إزاي الكلام ده ياعم المفتي ؟
هههههههههههههههههههه
باختصار ياجماعه .. من كام يوم كده فاتوا ،، وفي معرض حديثي مع بعض الأصدقاء
والأهل ،، حد قال لي كلمة او مقوله عجيبة اوي ناقلا اياها عن راجل كبير سنا ومقاما
ولديه خبره في الحياه وفي التعامل مع الناس
المقوله هي : إن القطة بتعرف الحلال من الحرام
سألته : إزاي يعني ؟
قال : لو انت بتعطي للقطة مثلا سمكة ..وبرضاك وبتعطيها لها بكل ود وبدون مشاكسات ومطاردات
بينك وبينها .. ايه اللي بيحصل ؟
اللي بيحصل انها بتاخدها منك بكل حب وود وتمشي لحال سبيلها
كما بهذه الصورة مثلا
فالقطة عارفه انها حصلت على السمكة منك بطريقة شرعية..يعني بالحلال
لذلك هي مشيت في هدوء..ودون اللجوء لإيد المأشه
ههههههههههههههههههههه
سبحان الله ، لما انا فكرت في الكلام لقيته فعلا منطقي و بيحصل
!!
وقال كمان : طيب لو القطة خطفت منك السمكة .. ايه اللي بيحصل ؟
قولت له : بتاخدها وتجري طبعا
قال لي : شوفت بنفسك اهه .. لأنها عارفه انها اخدتها بطريقة غير شرعية ، يعني حرام عليها
لذلك حبت تداري خجلها من نفسها ادامك وجريت بعيد تتدارى منك
زي ماهو باين في الصورة دي كده
هههههههههههههههههههههههههه
قولت سبحان الله برضه ..والله كلامك عين العقل فعلا
بعد ما الحديث ده انتهى وكل واحد راح لحاله ، وفكرت في الموقف ..جه في بالي على طول
بعض التصرفات المستهجنه لمشايخ كبار ووزراء ومسئولين ..تصريحات وتصرفات
لاتعبأ بنتايج الحلال من الحرام
أبرز طبعا هذه التصرفات واللي عمري ماهنساها
اولا- تحليل شيخ الأزهر لفوائد البنوك ، رغم اتفاق جمهور العلماء على التحريم او شبهة التحريم
كشكل من أشكال الربا
وفتواه الشهيره بجواز جلد الصحفيين ، واخيرا وليس اخرا ، موضوع مصافحته لشمعون بيريز
رئيس دولة إسرائيل الشقيقه
ثانيا - تحليل المفتي لسماع الاغاني .. وسمعته بنفسي في البيت بيتك ..وهو بيقول : ان الاغاني
ليست حرام .. وانه شخصيا بيسمع باستمرار لسيدة الغناء العربي السيدة أم كلثوم
وبيقولها بالفحصى اوي وبيضغط اوي في الكلام ههههههههههههههههههههه
طب احنا كناس عاديين لسنا علماء دين أجلاء زي حضرته ..لما نسمع اغاني مفيش علينا قدر وزره
لأننا منعرفش كل الحجج العلمية في هذا الموضوع.. انما حضرته مفترض انه عالم كبير جدا
واكيد يعرف انها حرام عننا ..ومع ذلك بيسمع اغاني وعلى عينك ياتاجر
هههههههههههههه زمن عجيب
ثالثا - برضه احد المشايخ العظام وهو قارئ القرآن الشهير الشيخ الطبلاوي في برنامج الطبعة الاولى
بتاع احمد المسلماني على دريم ، قال : انه بيحب يسمع من الشباب ..الفنان حماده هلال
اه والله حصل يا جدعان وسامعه بوداني مش ودان واحد صاحبي ولا حاجة
ههههههههههههههههههههههه
رابعا - الدكتور احمد نظيف رئيس مجلس الوزراء لما قال اثناء انتخابات الرئاسة المصرية 2005م وهو في احدى زياراته
للولايات المتحده الامريكية ، قال : ان الشعب المصري غير ناضج سياسيا
ولما فجر من فترة قريبة تقريبا سنة تصريح ناري نووي عابر للمحيطات وقال : ان الحكومة غير
مسئولة عن الفقراء
هههههههههههههههههههههههههه
مساااااااااااااااااااااء الخير هههههههههههههه
دي بس مجرد عينة لأطنان من التصريحات والأراء النارية والغير مسئولة لأناس من المفترض انهم
قدوتنا في الحياة والعمل والدين..ولأن منهم ولاة أمرنا زي الوزراء وكبار رجال الدولة
انا مسوقتش أمثلة للحلال والحرام من الناس الغلابة اللي زي وزيك..لأني قصدت أسوق أمثلة للقدوة بتاعتنا
لأن القدوة بيأثر في جموع الناس وبيرسم ليهم طريق يمشوا فيه وبيكون مصباح ينير ليهم
الطريق
وانا أتفق مع رأي قاله أخونا المدون
لما قال في تعليقه على بوست للأخت الغالية أبـــي : ان يجب ان يكون هناك لجنة
في الحكومة تراجع تصريحات المسئولين قبل مايحرقوا بيها دمنا
وادينا شوفنا مع بعض من خلال الكلام ، انه الحيوان اهه عنده حياء في تصرفاته عن
بعض البشر
انا خلصت كلامي
ومنتظر آرائكم ونقاشكم اللي طبعا هو اهم من الموضوع نفسه
وبرضه عيد سعيد عليكم وبعودا الأيام
تقبلوا تحيتي مع 2 كيلوا لحمه
40 تعليقات القراء:
السلام عليكم ورحمه الله وبركاته
طبعا القطه تعرف ...والانسان ما يعرفش!!
( ونفس وما سواه فألهمها فجورها وتقواها )صدق الله العظيم......
وسع بقه كدة شوية عشان انا هكلم
اولا يعنى ايه مستهجنة بلاش ياعنى الكلام اللى الحمير اللى زيى مش هيفهموه واكلم بلهلهلى
ههههههههههههههههه
لا انا طبعا انا عارفه معناها بس اكمنى سخنت من الكلام اللى قولتو
بلنسبة للقط
بجد مش هقول غير سبحان اللى
انها تعرف الحلال والحرام
وتاخد السمكة وتجرى عشان عارفه انها حارام
لاكن احنا كل حياتنا جرى بقه
وبناخد ونجرى
وسلملى على عمو لكبير الراجل الطيب ده اللى وضحلنا الموضوع وسلملى عليه لحد مااجى اشرب معاه كوبيتين شااااااى
بلنسبة بقه لموضوع الاغانى
واحدة بنت فى ثانوية عامة جايه تقعد معايا فبتقولى شغليلى اغانى فانا حبيت ارخم عليها واقولها لاء الاغانى حرام
مع انى بسمع بس بحاول اقلل منها زى السجاير كدة
قالتلى على فكرة الاغانى مش حرام
احيييييييييييييييه
قالتلى المفتى قال مش حرام يبقى مش حرام
لك ان تتخيل بقه
لما الجيل الجديد يسمع كدة وهو ثقافتو الدينية تعتبر مش كبيرة تقولى كدة ارود اقولها ايه
اكتفيت انى اقول احيييييييييييييية
بس طويلة شوية
يمكن الطبلاوى بيحب يسمع حمادة هلال فى الاغانى الدنينيه يعنى
طيب ليه المذيع مسالوش هو سمع اخر شريط ولا لاء
بيقولو عليه جامد اكيد سمعو
هئ هئ هئ
بلنسبة لموضوع عمو مش نضيف ده
انا مش هقول غير كتنا وكسة فى حظنا الهباب
وهبتدى اولول واقول
يامشردنا يالهوووووووى
يامجوعنا يالهووووووووووووووى
يا فاضحنا يالهوى يالهوى يالهوى
وبلنسبة ليك بقه انا مش مسمحاك على الفلوس اللى ضربتها فى جيبك وبتدينى الحاجة الطاق طاقين اخس عليك
وانا اللى كنت مستعد اديكى الغطا عشان تستغطى
العشا عشان تستعششى
ماشى ياعم طولت عليك اوى ده انا كتبت كلام اكتر منالموضوع نفسو هههههههههههه
بس بجد الموضوع ححلو اوى اوى
ياريت كلو بيفكر كدة ودماغو شغاله زيك مشاء الله عليك
سلالالالاموز بقه
اوعا كدة من وشى
القطة بما أنها لديها غرزية فطرية فهى تمشى بها
أما الإنسان فتحكمت به الأهواء والظروف الشخصية والمصالح والنفس الأمارة بالسوء إلخ...
الكلام بتاع القطة فعلا انا سمعته قبل كده بس مش فاكر من مين بس كان راجل كبير برده :)
تحياتى
د إبراهيم
اة نسيت اقولك حاجة ايه حكايه الاتنين كيلو لحمة اللى داير توزعهادى
كل اما اروح فى حتة الاقيك كاتب
تقبل مرورى مع اتنين كيلو لحمة
مكنش خروف اللى داير توزع فيه
أنا قبلت تحيتك
فين بقى الاتنين كيلو لحمة ؟؟؟؟
يلا بقى مش مهم
متفق مع حضرتك فى الرأى
و مش متفق مع شيخ الأزهر و المفتى فى حاجات
لكن كمان عندهم حاجات صح فى حاجات
الفطرة أيوة شئ ثابت
لكن الفقه موضوع مش سهل ... و فيه آراء كتير
فلما نتكلم على الآراء الفقهية .. لازم نعرف ان فيه حاجة اسمها أدلة و أسس منطقية
لكن مبتتاخدش بالفطرة ... لأنها علم
ربنا يبارك لك يا أختنا الكريمة
و منتظرين اللحمة
ابقى ابعتيها على مدونتى و سيبيها مع البواب الله يكرمك
د.حماس
انت يا عم القلم شكلك كده عايز تتقصف .هه بعيد الشر عليك من القصف ومين يقدر طول مانا موجود.. على لحمتى ..كلامك مظبوط بس القطط طباعها بتتغير من مجتمع لمجتمع يعنى مثلا القطط عندكو بتاكل سمك لوجود السمك احنا عندنا القطط بتاكل فطير مشلتت عشان احنا عندنا فطير درة وهيه مبتحبوش وكده يعنى ...ههههههههه تقبل تحيتى من غير أى لحمه ولا حتى ربع جنيه
مش هقول غير المثل القائل اذا كان رب البيت بالدف ضارب فشيمة اهل البيت الرقص
كل اللى جبتهم فى مقالك والله الحمد اس الفساد فى المجتمع دى سياسة علشان النا تنسى الدين والدنيا والحمد لله حصلت لاعارفين نكسب لا دنيا ولا اخرة
سبحان الله القطط عرفت الحلال والحرام وحكام ووزراء لم يتعلموا من القطط
وعلى الرغم من انها عارفه انه حرام برضه بتاخدها
بص كله عارف الصح فين بس مينفعش الرموز تطلع تقول اى عبط
ياابنى انا عندى سابوا الموضوع ومسكوا ازاى تتكلمى كده عن شيخ الازهر لو الناس تفكر شويه وتفهم يعنى ايه شيخ الازهر كانوا فهموا اننا بننتقد التصرف مش الشخص
وخاصه لما يكون الازهر منارة الاسلام
رئيس التحرير
وعليكم السلام ورحمة الله وبركاته
اهلا بحضرتك يا أستاذ حسين
عندك حق فعلا
مشكور جدا جدا على الزيارة
مع التحية
================
البت المشمشية
ههههههههههههههههه
يخرب عقلك انتي كاتبه كل الكلام ده امتى
دا ردك فعلا اكبر من الموضوع ..
انتي بتشمي نت ولا ايه هههههههههههههه
بس بجد ردك رائع بارك الله فيكي
واطمني عندنا شاي تعالي انتي والعيلة وملكيش دعوا هنعمل لكم احسن طقم شاي
ههههههههههههه
وبخصوص الاتنين كيلو لحمه ، هما مفيش غيرهم وداير اشحتهم لحد ومش حد راضي يكسفني وياخدهم هههههههههه
مشكورة جدا على الرد الرائع ده
تقبلي تحيتي
Dr Ibrahim samaha
كلام زين والله زين يادوك
منورني ياريس والله
تقبل تحيتي
=================
Dr Ibrahim samaha
على فكرة انا اخوك مش اختك يادكتور
هههههههههههههههه
ابقى خد بالك المرة الجايه..انا قلم وليس مدام قلم هههههههههههههه
وانا اتفق معاك ان فيه فارق بين الفطرة والفقه لأن الاخير علم..ودي
المصيبة ان اهل العلم لم يكونوا جديرين
بحمل لواءه
عموما ربنا يهدي الجميع
نورتني جدا ياريس
تقبل تحيتي
مسدس صغير
هههههههههههههههه
يادي مجتمعكم اللي فلقتني بيه ده يابني
ماكنتش دي حتة دولة طلعت القمر يا اخي ..والظلط اللي هناك احنا اللي مقاولين عليه هههههههه
بس حلوة موضوع الفطير المشلتت ده..
انت فظيع ههههههه
نورتني ياواد
بس خف شوية ..فاتورة الكهرباء تقلت اوي بسببك..انا هلاحق على ايه ولا ايه
مش كفاية بسدد في ديون مصر
هههههههه
تقبل تحيتي
==================
انسانةعادية فى عالم مش عادى
نورتينا يااختي الكريمة
ماهو احنا كلنا عارفين انهم اس الفساد
..وناس كتير من المدونين كتبوا عنهم مقالات
كتيره..!
بس انا حبيت اني اربط الموضوع بفكرة القطة كحيوان بيعرف امتى ده حرام وامتى ده حلال
مشكورة على الزيارة
تقبلي تحيتي
مدونة كشف حساب
نورتنا ياأستاذ أحمد
وربنا يهدي الجميع ومنهم ولاة الامر منا
زيارة عزيزة ياريس
تقبل تحيتي
================
~*§¦§ Appy §¦§*~
منورة يا أبي
ايوا يا أختي ماشي..بس كفاية على الحيوان انه مجرد انه عارف الحلال من الحرام ..ومعذور لحد هنا
انما احنا كبشر ميزنا ربنا عن غيرنا من المخلوقات بالعقل والموبايلات والدش والنت وكده ..مفروض رموزنا توزن كلامها قبل النطق بحرف
عموما رأيك أسعدني جدا
ونورتيني كالعاده..ويلا فاتورة كبيرة فاتورة كبيره مش هتفرق مجاتش على الكام
جنيه دول
هههههههههههه
تقبلي تحيتي
ما شاء الله بجد موضوع قيم وعندك حق في كل كلمة
اما بخصوص المفتي والمشايخ اللي يهدينا ويهديهم جميعا وربنا عليه الحساب
انا بقول ان كل يأخذ منه ويرد واحنا لينا عقل يفكر وقلب يشعر اما قال الرسول عليه الصلاة والسلام
الاثم ما حاك في الصدر وتردد في النفس
خلاص يبقي الواحد يراجع قلبه والقلب السليم عمره ما يخيب ان شاء الله
واللي عايز يسمع اغاني هو حر يسمع دول مش حجه لينا
واختم كلامي بحديث الرسول اللي اتحقق اهو دلوقتي وشايفينه امام عيننا والله المستعان
بَادِرُوا بِالْأَعْمَالِ فِتَنًا كَقِطَعِ اللَّيْل الْمُظْلِم يُصْبِح الرَّجُل مُؤْمِنًا وَيُمْسِي كَافِرًا أَوْ يُمْسِي مُؤْمِنًا وَيُصْبِح كَافِرًا يَبِيع دِينه بِعَرَضٍ مِنْ الدُّنْيَا
اهم شئ ان احنا نسأل الله الثبات وان يردنا اليه مردا جميلا ويخرجنا من الدنيا غير خزايا ولا مفتونين
دمت بخير
غربتي
هي فعلا الحيوانات عندها فطرة سليمة تعرف بيها الصح من الغلط و الانسان كمان
بس الانسان هو اللي بيبوظها ببعده عن ربنا ولذلك بتطلع منه التصرفات الغريبة المستهجنة زي التصريحات العجيبة اللي موجودة في البوست
و شكرا لطرحك للموضوع .. و زيارتك لمدونتي .. أرجو ألا تكون الزيارة الاخيرة
ghorBty
بارك الله فيكي اختنا الكريمة على الرد
البليغ
واشكرك على رأيك الرائع في الموضوع
اتمنى لك التوفيق
تقبلي تحيتي
ذات النطاقين
نورتي يادكتورة أسماء
ورأيك سديد فعلا
وان شاء الله متابعين كل ماهو جديد عندك
كل عام وانتم بخير
تقبلي تحيتي
بيقولك قط كان عاوز يبوس قطه قعد يجري وراها وهي مش راضيه راحت عربيه دايساها قالها خلي الشرف ينفعك
dr.lecter
اعتقد انك اخدت الموضوع بهزار
لكن انا مش همسح تعليقك عشان دي اول زيارة لي في المدونة
كل سنة وانت طيب
يا عمنا ياللى حنعرف انت تبقى ايه بعد حين .. انا عرفت وحرقت لك الموضوع .. بخصوص القطط .. طبعا لان القطط على فطرتها التى لم يدنسها احد ولم يختار لها احد ان تكون قطه .. الاختيار من الله سبحانه وتعالى وتركها على فطرتها .. اما جماعتنا الحلويين عشان اللى بيختارهم واحد حلو وجميل وابهه فطبعا لازم يقولوا اللى هو عايز يقوله .. ويا ريت هو اللى عايز يقوله .. دى الحكومه عنده هى اللى عايزه تقول كدا والدنيا مليانا مهرجانات ومليانه حاجات حلوه وزيارات خارجيه لكل دول اوربا وامريكا وجوايز ودكتوروهات فخريه .. وهو لازم يراضى الحكومه اللى بتختاره .. شيخ الازهر لازم بالانتخاب .. مش انت برضه عندك حكومه ولا لسه ما اتأهلتش .. ماهو لازم تكون متأهل عضان الدنيا كلها تعرف حتبقى ايه ..
انا مبسوط انك متفق معايا .. بس قلت كلمتين عليه حلويين .. ما فيش مشكله .. العاطفه لا تتعارض مع العمل الجاد .. والله انا معاك ان الواد العراقى ده عايز يتعمل له تمثال .. لكن انا ما بكلمش عليه .. انا بكلم عن العقل الجمعى العربى وافكارنا واعمالنا اللى ما لهاش اعمال ولا حاجه .. وبعدين يا عمنا احنا ما عندناش مسئولين ولا حاجه .. دول شوية ناس بيمشى اعمالهم على قفانا .. حالخبط كتير كدا وانت تعرف طريقى واما يبقى فيه لخبطه على ايامك حتعتقلنى عشان كدا حاسكت بقى .. تحياتى وسعدت جدا بمرورك
fashkool
أهلا أهلا ياعمو صلاح
والله حضرتك دايما منورني جدا
وربنامايقطع لك عاده يارب
ورأيك دايما بيسعدني لأني بستفيد من حضرتك جدا ومن أرائك الحكيمه التي تتناسب وخبرتكم في الحياه
ولاشكر على واجب احنا لازم نرد عند راجل محترم وزي والدنا زي حضرتك
تقبل تحيتي
كلام سليم مية بالمية
جزاكم الله خيرا يافندم
ربنا يكفينا شر هولاء
آلاء الرحمن
مشكورة أختي الكريمة على المرور
وربنا يهدينا جميعا الى الصراط المستقيم
تقبلي خالص تقديري
.
القطط يقينا تعرف
كما تمتاز بالذكاء وتعرف تماما متى يكون مرغوبا فيها ومتى تكون مرفوض وجودها
فهمنى ؟؟ انا بتكلم عن القطط بلاش تغير كلامى
يعنى القطط فعلا غير انها عندها دم وبتحس
تعرف تفرق بين البنى ادم اللى بيرحب بأقامتها عندة فى بيته او فى بلدة
وبين البنى أدم اللى بيضربها بالمقشه ويقولها غورى من هنا
وكلامى لسه عن القطط
بوست جميل وبسيط
تحياتى
.
صفاء
مشكورة أختي صفاء على المرور الكريم
وسعدت جدا برأيك
نتمنى تكرار الزيارة
تقبلي تحيتي
انا اعتقد ان كل كائن حي عارف لفرق بين الحلال و الحرام و بيكون عارف الي بيعمله ده صح ولا غلط
اعتقد ان دي حاجه فطريه جوانا بس في الي عنده ضمير و في الي معندوش
عجبتني اوي الصور بتاعة القطه
تحياتي و مدونه جميله جدآ
Emy
ايه النور ده كله
بجد أخت امي نورتي المدونة المتواضعه دي والله
واشكرك جزيل الشكر على رأيك في الموضوع
وبخصوص الصور
اتفضلي مفيش فرق ههههههههههه
اتمنى لك التوفيق
تقبلي تحيتي
هههههههههههههه
ازيك يا عم سلكاوى
وحشنى مشاغبتك
تعالى هنا و قولى
لما تقول ان القطط بتعرف الحلال و الحرام هل ده معناه ان فى قطط هتدخل الجنه و قطط هتدخل النار ؟
ههههههههههههه
يا حبى ما معروف ان كل الحيوانات بتعرف الحلال و الحرام بالفطره
ااااااااااااااسف يا جميل
افتكرتك واحد صاحبى و الله معلش
حصلى تداخل فى المونات
محمد مارو
ههههههههههههههههه
ياريس انا مقولتش اني اللي مكتشف الحكاية دي لالالالالالالالالالالالالالالا
انا بس حبيت اربط بينها وبين ان الحيوان عنده خجل لما بيعمل الحاجة الغلط او الحرام اللي هو يعرف بفطرته انها كده
بس
هههههههههههههههه
منور والله
ومش عارف مين هيدفع الفواتير دي كلها
عشان خاطرك هدفع المرة دي
ههههههههههههه
تحياتي ياريس
من بعد كلامك مش لاقى كلام تانى
الناس دى لسى هنشوف منها بلاوى
واللى فى الاخر يقولك انا معرفش ان
غزة محاصرة ياعم دول ناس عايشين فى ميه
البطيخ والتانى يقولك مش مسئول عن الفقرا ليه ياعم تعالى المانيا شوف ايه اللى بيحصل فيها لكل شخص مرتب شهرى ليه عنى علشان خاطر جمال عنيه ولا علشان خاطر جمال مبارك
....خلاص انا مش هتكلم لو اتكلمت مش هسكت هعلق عليهم كلهم فبلاش احسن كدا يبقى بتكلم عليهم من وراهم وتبقى علينا ذنب غيبه ونميمه ولا ايه مش عارف
فارس القمر
كلامك زين والله زين
منورني ياريس
ورأيك أسعدني طبعا
ويارب يهد المفتري بقى
احنا تعبنا من كل اللي بيحصل
تقبل تحيتي
اخى ، قلم رصاص
وبارك الله فيك
لو كان من حقى التعليق فانى اقول ان السلوك انواع فطرى عند الحيوان ، ومكتسب بالتجربة والثقافة عند الانسان الحر ، ومملى على المستعبد لتادية دور معين
( تقبلوا تحيتي مع 2 كيلوا لحمه )
لم تحدد من من والى من
ومنى لك تحية
طب اية لزمتها اللحمة دلوقتي يعني اللي يجي عندك لازم يتغرم وبعدين جبلي سمكة من السمك اللي بتوزعة علي القطط دة عشان انا عندي قطتتين منهم واحدة حامل ولازم تتغذي موضوعك حلو جدا هههههه فقلت ادخل اقوللك انه جميل سلام يا قلم رصاص قلم رصاص بس شقي اوي بيكتب كلام حيخلية يتبري من كتر التعذيب سلام
للأسف دول مشكلتهم كمان ان كلمتهم بتجر وراها الملايين للحرام و الغلط
و أكيد بياخدو ذنبنا كمان
أشكرك ع البوست دا
سعيدة بأول زيارة لمدونتك
بس اسمحلى أختلف معاك شوية ( من أولها أوريك العين الحمراء هههههههه)
طبعا الحيوانات بالفطرة بتقدر تميز بين أنواع السلوكيات
بس احنا لاوم نفرق بين حاجتين
تصريحات لا تصلح أن تخرج من رجال دين أو سياسين زى " بول الرسول , جلد الصحفيين "
و تصريحات لا تحمل فى طياتها تواطؤ مع أجهزة أمنية أو حتى اساءة للمصريين أو للأديان زى ( حكم الأغانى - الفوائد)
لأن دى اجتهادات , و لكل مجتهد نصيب ,و ايه اللى مخليك متصور أنه عنده اليقين و أنت لأ فى حكم الأغانى ؟؟
و بعدين أنت و بعض المعلقين عندك اعترقتوا بسماع الأغانى مع أنك بتقول أنها حرام , طبعا توقع أن السؤال اللى جاى " طب بتسمعوها , ليه؟" سهل أوى أنك تبطل تسمع أغانى , دى مش زى السجاير فى أى حاجة.
الأئمة الأربعة اختلفوا فى حاجات كتيرة , لا تنتظر أن شيخ الأزهر لن يختلف مع غيره ( بالمناسبة أن من أشد كارهى شيخ الأزهر )
و بعدين أكيد أنت مش منتظر فتوة شيخ الأزهر عشان تسمع أغانى أو لأ؟؟
أنا شايفة أنها طالما شىء يختلف عليه العلماء فى اطار الطبيعى من الأمور ( مش زى اباحة اعتقال المتظاهرين ) يبقى خلاص من حق ده يقول و ده يرفض و ده يتفق,
ده ربنا بيدى اللى بيجتهد اجتهاد و يطلع نتيجته صح , أجرين
و أجر اللى يجتهد و يتوصل لنتيجة خطأ
أجر واحد و هو أجر المحاولة
معلش الاختلاف لا يفسد للود قضية ( أوعى بيكون بيفسد عندك)
سلام
بيرم المصري
اهلا بيك ياأستاذنا
وطبعا من حقك التعليق ياريس
ومشكور جدا على رأيك الرائع ومرورك الجميل
تقبل تحيتي
حروف (دلو مرة ثانية وجرح ثاني سابقا)
هههههههههههههه
اللحمة علينا احنا مش عليكم
منورة بجد يا أختي الكريمة ورأيك أسعدني جدا
واديني العنوان الالكتروني للقط بتوعك وانا هوردلكم كل يوم 10 كيلو سمك
ههههههههههه
وربنا يستر على سن قلمي
تقبلي تحيتي
dr_samarmar
العفو دكتورة سمر
نورتينا والله بجد
ورأيك أسعدنا
نتمنى لكم التوفيق
وان لاتنقطع الزيارة
تقبلي تحيتي
سارة نجاتى
يا اهلا بالمعارك
ههههههههههههههههههههه
منورة يا أخت سارة والله
ورأيك محترم جدا هنا او في أي مكان تقوليه فيه طالما بيحمل وجهة نظر بناءه
انا قولت فعلا اني بسمع اغاني زي غيري وبتختلف من شخص لأخر نسبة السماع..فالنفس بالطبع أمارة بالسوء
وانا زي البعض نفسي معدتش اسمع والحمدلله بقلل منها جدا جدا وبالتدريج هبطل سماع أغاني لإقتناعي بأنها حرام فعلا
فاختلافي في الموضوع ده هو ان المفتي رجل عالم ديني ومرموق ومفروض حتى لو هو مع الرأي اللي مبيحرمش سماع الاغاني..مفروض ميجاهرش بيه اوي كده..لأن الموضوع شائك
عموما انا اختلاف السمك لايفسد للطعم صينية بالنسبة لي
اطمني هههههههههههههههههه
مرورك ده هيزود فاتورة الكهرباء علي
بس ولايهمك ابقي تعالي وملكيش دعوا
انا عامل محطة طاقة نووية صغيره لتوليد الكهرباء على أدي كده
هههههههههههههه
تقبلي تحيتي
إرسال تعليق