أحداث 24 ساعة

ليه بعض الناس بقوا كده


بسبب انهيار البورصة: مدرس يذبح زوجته وأبنته ويشعل النار في ملابسه و أولاده

شهدت مدينة مغاغة بالمنيا مذبحة أسرية بسبب الانهيار في سوق البورصة حين مزق مدرس جسد زوجته وأبنائه الأربعة وهم نيام ثم سكب عليهم وعلى نفسه الكيروسين وأشعل النار في الجميع.

تمكن رجال الإطفاء والجيران من إنقاذ ثلاثة من الأبناء وتم نقلهم إلى المستشفى بين الحياة والموت بينما لقي الزوج والزوجة والابنة الكبرى مصرعهم على الفور .

قرر الابن الأصغر أن مشادة وقعت بين والده ووالدته حيث طلب والده من أمه أن تساهم بمرتبها في مصروف المنزل بعد أن خسر هو( تحويشة عمره) في المضاربة في البورصة لكنها رفضت وتركت له حجرة نومها للمبيت مع أبناءه فأصيب بلوثة عقلية وأرتكب المذبحة ..وأشعل في ملابسه النيران ..تم نقل الجثث والمصابين إلى المستشفى وتولت النيابة التحقيق.

كانت أجهزة الأمن بالمنيا قد تلقت بلاغا بنشوب حريق في منزل مدرس بمدينة مغاغة بالمنيا وانتقلت سيارات الدفاع المدني والحريق وتم السيطرة على النيران .

وتبين من التحريات أن المنزل يملكه محمد عطا عبد الوهاب( 45 سنة) مدرس وقرر جيرانه أنهم استيقظوا فجر الثلاثاء على صوت صراخ واستغاثة وشاهدوا أعمدة الدخان تتصاعد من شقة جارهم فقاموا بإخطار المطافئ وعندما حاول الأهالي الدخول إلى منزل جارهم لإخماد الحريق قام صاحب المنزل بإخراج الجيران وأغلق الباب خلفه.

وقام الأهالي بتحطيم باب الشقة بعد أن تعالت صرخات الأطفال لخوفهم من النيران وتمكنت المطافئ والجيران من إنقاذ أولاد المدرس الثلاثة الذين كانوا موجودين أسفل سرير حجرة النوم وعثروا على جثة المدرس وزوجته وأبنتهما ..

وتبين أن الأطفال الثلاثة هم أسامة( 13 سنة) وأحمد( 11 سنة) وعبد الرحمن( 6 سنوات).

و أتضح أن والدهم قد خسر كل أمواله في البورصة وحدثت بينه وبين والدتهم مشادة كلامية بسبب مصروف البيت وطلب الزوج من زوجته هويدا عبد اللطيف( 40 سنة) أن تساعده بمرتبها في الإنفاق على أطفالهم وعلى البيت بعد خسارة كل أمواله في البورصة إلا أن الزوجة نهرته ورفضت طلبه وتوجت الزوجة إلى غرفة أبنتها شيماء( 16 سنة).

فأصيب الزوج بحالة لوثة عقلية وهياج وقرر التخلص من زوجته وأطفاله فقام بذبح زوجته وأبنته وظل يبحث عن أطفاله وسكب عليهم الكيروسين إلا أنهم اختبئوا أسفل السرير.

وقام الزوج بسكب الكيروسين على ملابسه وأشعل فيها النيران فلقي مصرعه بجوار زوجته وأبنته .

وانتقلت أجهزة الأمن إلى موقع الحادث وقامت النيابة بمعاينة الشقة والاستماع إلى أقوال أبناء المجني عليه في المستشفى ...وتولت النيابة التحقيق.

-----------------------------------------------------

انا مش لاقي كلام ممكن يقال في الموقف اللي حصل ده غير
لاحول ولا قوة الا بالله

ايه اللي بيجرى لك يامصر

أخبار بقت تصد النفس

لأ وايه في يوم عيد ميلادي
هههههههههههه

بزمتكوا مش من حقي أزعل

لنا الله

تقبلوا تحيتي




41 تعليقات القراء:

shaimaa samir يقول...

اولا
كل عام وحضرتك بخير

ثانيا
عن احوالنا

انما نشكو بثنا وحزننا الى الله
ونحاول
ونحاول
والله الستعان


تحياتى

~*§¦§ Appy §¦§*~ يقول...

كل سنه وانت طيب وبخير يا رب
اما الناس ليه كده علشان بقينا بنعتمد على غيرنا فى عيشتنا وبالتالى لازم يحصل كده ونلغى تفكيرنا

قلم رصاص يقول...

أختي الكريمة شيماء

وانت بكل صحة وخير يارب

وفعلا لازم نشتكي لربنا ملناش غيره أولا وأخيرا

نورتي البوست

تقبلي تحياتي

قلم رصاص يقول...

الأخت الكريمة أبي

وانتي طيبة وربنا يخليكي يارب

وبالفعل الناس بقت تعتم على غيرها في كل حاجة

أدي واحد مدرس ليست له أدنى علاقة بشغل البورصة .. دخل نفسه في حاجة مبيعرفش فيها .. ودي كانت النتيجة

أنا مبلوموش على خسارته في البروصه .. أبدا .. لأن الخسائر اللي حصلت في الاخر دي نتيجة أزمة مالية عالمية جايه من معقل الاقتصاد الرأسمالي وهي الولايات المتحدة نفسها

أنا بس بلومه على دخول هفي مجال ليست له فيه خبره بالتأكيد الى كبير

زائد انا بلومه على رد فعله الفظيع والمريع اللي وصله لحد الانتحار والعياذ بالله

ربنا يكفينا كل شر يارب

تقبلي تحياتي يا امبراطورة

mahasen saber يقول...

الحمد لله على نعمة الطلاق..
على الاقلل حاسه بالامان بنسبه كبيره على ابنى وعليا...

وشوف الفلوس ممكن تعمل فى الناس ايه
حسبى الله ونعم الوكيل
انا صعبان عليا ومقطع فى قلبى الولاد التلاته اليى كل ما هيكبروا يوم هتكبر جواهم المأساه ويتعذبوا نفسيا اكتر من الكارثه دى وده بالذات كل ما يفتقدوا حنان امهم وابوهم اليى حسبى الله ونعم الوكيل فيه
وربنا يرحمهم برحمته الواسعه الاحياء والاموات ..الشهدا دول..

قلم رصاص يقول...

الأستاذه الفاضلة : محاسن صابر

ربنا يسمع منك ويرحمهم

وفعلا هي مأساة تدمي القلوب السليمه .. مابالك بالقلوب العليله

ربنا يجازي جيع المسلمين الخير يارب

تقبلي تحياتي

mohamed ghalia يقول...

مهيا دايما الأخبار تسد النفس طول ما إحنا فى مصر نفسك هتسد
سيبك إنتا
المهم كل سنة وحضرتك بخي
دمت بود وفى سعادة
تحياتى

قلم رصاص يقول...

أخ محمد

وانت بخير ياباشا

وربنا يهدي النفوس ومصر تبقى أحسن بلد في العالم

تقبل تحياتي

prince4ever يقول...

كل سنه وانت طيب يا برنس

بالذمه ينفع كده... اولع فمراتي وعيالي عشان البورصه... مفيش ايمان بالقدر...صدقني ده مش عيب فالبلد اد ماهو عيب في البني ادمين نفسهم... تردي ..انحلال..انهيار

متزعلش نفسك...عيد ميلادك اللي جاي ان شاء الله تسمع احلى اخبار يا معلم
سلااااااام
رامي..قصاصة ورق

قلم رصاص يقول...

prince4ever

أخ رامي

نورتني بجد والله .. دي اول مرة تزرني فيها

ومعلهش بقى الأخبار متسرش
بس احنا بقى لازم نغير مدنا بنفسنا
حتى عشان خاطر دي اول مرة تزورنا فيها

وانت طيب ياباشا

عاوزين نشوفك دايما

تقبل تحياتي

أحلى حياة يقول...

سبحان الله! لسه كاتبه بوست عن المودة والرحمة والسكون والاقي حضرتك كاتب هنا ان واحد قتل مراته وولاده عشان البورصة اللي انهارت ومراته اللي عايرته ولا ماعرفش ايه

لا حول ولا قوة إلا بالله

هوا صحيح في ايه؟!!! الناس بقى مالها بجد؟!!!!!!!

اللهم إنا نسألك العفو والعافية في الدين والدنيا والآخرة

قلم رصاص يقول...

أحلى حياه

معلهش بقى يا أختي الكريمة

هي كده الدنيا
يوم كده ويوم كده

وأملنا في بكره يكون احسن

نورتينا

تقبلي تحياتي

واحدة مفروسة يقول...

اولا كل سنة و انت طيب و لو انها جاية متأخره حبتين
لا لا 3 حبات
اللى حصل ده ذنبة فى رقبة الناس اللى من تحت لتحت بتلحب فى البورصة و مصيرها
و بتلعب فى عقول الغلابه دول علشان التربح السريع
يقوم الراجل من دول زي الاهبل يحط تحويشة العمر على امل تتضاعف
و يا عيني اصلا تلاقى تحويشة العمر ديه مبلغ صغير برضه
حاجة تفرس برضه تصدق
حسبنا الله و نعم الوكيل

قلم رصاص يقول...

واحدة مفروسة

وانتي طيبة أختي الكريمة
وولايهمك متأخرتيش خالص

وعلى رأيك فعلا اللي بيحصل حاجة تفرس بجد

ربنا يهدي النفوس

أتمتى تكرار الزيارة

تقبلي تحياتي

mahasen saber يقول...

اخبار حضرتك ايه ان شاء الله بافضل حال
حبيت اتطمن على اخوات فى الله
ربنا يكرمك ويحلى ايامك بكل الخير

قلم رصاص يقول...

أستاذه محاسن

ربنا يكرمك يارب

واشكرك على زوقك والله

واشكرك كمان مرة على تعليقك مرتين

تقبلي تحياتي

ماما أمولة يقول...

لاحول ولا قوة الا بالله

sociology يقول...

بعيدا عن قصور فهمى لكلمة لوثة عقلية , بس للدرجة ده وصلت الراسمالية المتوحشة اوح ظلمها وجشعها , خلقت رغبات وتتطلت عند الناس من اجل الاستهلاك والشراء وخلقت لديهم القنوات التى ارى ان البعض منها غير شرعية كقيم الرتبح والكسب غير المشروع واحساس الثراء السريع واقبال الناس على التفاخر والتمايز بالمكانة الاجتماعية , والله حرام اللى بيحصل ده , فى الماضى نفس الخبر بيتكرر فى ازمة رغيف العيش , والغلاء احد الرجال قام بدس السم لابنائه بعد ان فقد الامل فى الحصول على رغيف العيش , دس لهم السم فى المكرونة ؟؟ , سبحان الله بجد , الرسالمالية المتوحشة التى توغل فى التحوش , وانسحاب الادوار الاجتماعية للدولة وقصورها فى مواجهة الغلاء والتسارع من وتيرة الخصخصة وما الى ذلك هى السبب وراء هذا وغيره من الموضوعات من اتباع سياسية افقار الفقراؤ وزيادة توحش وطمع الاغنياء , حسبى الله ونعم الوكيل ممكن تكون تبرير للموقف الانى ده , انا ممكن اقول حسبى الله ونعم الوكيل مش بس كده ده انا ممكن اخد اجراء فاعل فى تغيير النظام القائم , وده اذا امتلك كل واحد فينا قوة الارداة على التغيير والدفع الى الامام فى سبيل التقدم والرخاء , بعيدا عن البورصة والانهيار اللى حثل ده شوفوا الرسالمالية الغربية بتنهار وفى ازمة حقيقة دفعت الدولة التى اطلقت يد السوق للرجال الاعمال الى الدفع بمليارات الى انقذها بجد حاجة تكسف , اسمحلى اسالك واسال كل الناس سؤال , انت كان دورك ايه فى رفع الظلم عن الناس وتغيير النظام الاقتصادى مش السياسى , دورك ايه فى المجتمع المدنى ومؤسساته , دورك ايه فى التكافل الاجتماعى والامور ده

قلم رصاص يقول...

ماما أمولة

نورتينا

وفعلا منقدرش نقول غير لا حول ولا قوة الا بالله

تقبلي تحياتي

قلم رصاص يقول...

sociology

أخ الكريم عمرو

تحليلك للأمر سليم.. وزانت فعلا عندك حق

انا .. أو كلنا عملنا ايه ايجابي عشان نخرج من أي أزمة بنتعرض لها

احنا فعلا دورنا مقصور على الكلام وبس.. مفيش رد فعل حقيقي نواجه بيه اللي بيحصل لنا

بس انا شخصيا دلوقتي مش عارف اعمل اي حاجة فعلية غير اني اتكلم .. واديني بتكلم يمكن غيري يتحرك بناء على كلامي وكلام غيري وغيري

انت نورتنا بجد

ونتمنى تكرار الزياره

اتمنى لك التوفيق

تقبل تحياتي

DR.HAMAS يقول...

عافانا الله

الارتباط بالدنيا و حبها الطاغى

هو السبب ان الناس بقوا كدة






د.حماس

قلم رصاص يقول...

د حماس

نورتنا اخي الكريم والله

نتمنى لك كل توفيق ان شاءالله

وننتظر زيارتك الفترات القادمة

تقبل تحياتي

مصطفى محمود يقول...

وهبفضل الحال اوسخ من كدة طول مالناس مش عايزة تتحرك ضد مضطهدينهم واللى سارقينهم .

daktara يقول...

مينفعش نتقبل تحياتك في اخر هذا الموضوع
الافضل انك كنت تختمه بقولك
تقبلوا عزائي

انظر حولك
د. خالد عزب

daktara يقول...

المدونة تقيلة جدا جدا
حرام عليك خففها شوية

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

قلم رصاص يقول...

مصطفى محمود

ياسلام يانجم انا والله منا مصدق نفسي انك مريت على المدونة المتواضعه بتاعتي

ده شرف يامصطفى باشا والله

وان شاء الله تتعدل الأمور ومصر تبقى في احسن حال

سلام

قلم رصاص يقول...

daktara

أخي الكريم د.خالد

اولا مرحبا بك في المدونة

ثانيا حابب اقولك دعنا من التشاؤم رغم كل البلاوي التي تحدث لنا في بلدنا العزيز مصر

رغم كل هذا اتمنى ان لانفقد الأمل في غد مشرق وستقبل واعد..فالشمس ستشرق مهما طال غيابها

وبخصوص تخفيف المدونة
ياترى حضرتك تقصد الموضوعات ولا الاستايل مبتاع المدونة تقيل


عموما نورتنا بجد والله

سلام

قلم رصاص يقول...

بيرم المصري

كفيت ووفيت والله يا أخي

كلامك جميل وربنا يوفقك

نورتنا ونتمنى ان لاتنقطع الزيارة

سلام

مصطفى محمود يقول...

يا رفاقة انت بتقول اية بس .. والله انت عامل شغل عالى فى المدونة ...ومستنيين جديدك .

تحياتى

قلم رصاص يقول...

مصطفى محمود

مشكور ياريس على مرورك للمرة التانية
بجد والله انا مبسوك جدا للمتابعة

ورأيك أسعدني جدا

ربنا يخليك


وان شاء الله هيبقى فيه جديد قريبا

تقبل تحياتي

bob يقول...

كل اخبارك عن كوارث ليه
مافيش حاجه حلوة ولا يه
عقدنى اكتر منا

اللى موش عارف يتغير يقول...

ياريت تفتكر ان فيه حاجات حلوة فى البلد
لو موش لاقى احكى عــنـى موش هتلاقى احلى من كده
بس حاجه تشرف والله
مدونة رائعه

ضد الظلم يقول...

كل سنه وانت طيب

معلش متأخره

وبجد الى حصل فى البورصه المصريه لو حضرتك متابع سرقه عينى عينك لاموال الغلابه بس فعلا المده غطت على العواطف وكل شىء بقينا مجتمع مدى جدااا


طبعا بعتزر على الموضوع بتاعى فى مدونه ابوالعربى لانى معرفتش اوصل الفكره هى تهريج فى تهريج وتوضيح ان العنصريه ممكن تكون موجوده فى كل مكان

ضد الظلم يقول...

وزعلك يهمنى جدااا متكونش زعلان وتقبل اعتذارى وتحياتى

قلم رصاص يقول...

اللي موش عارف يتغير

هههههههههههههه

ازيك ياواد عامل ايه

احب اطمنك اني متفائل وان شاء الله خير

تقبل تحياتي

قلم رصاص يقول...

ضد الظلم

ازيك يا ابو العربي

لعلك بخير يا أخي والله

ان شاء الله مفيش زعل ولاحاجة ياحبيب قلبي

احنا اخوات

وانت وضحت وجهة نظرك وانا اقتنعت

وربنا يديم المعروف

نورتني بجد

تقبل تحياتي

shaimaa samir يقول...

اينالبوست الجديد

؟؟

قلم رصاص يقول...

أهلا بيكي اخت شيماء

معلهش انا متأسف جدا على عدم وضعي بوستات جديدة رغم وجود أحداث هامه تجري الأن على الساحة

لأنه كان عندي شوية ظروف منعاني من الاهتمام بالمدونة

وان شاء الله هعود قريبا

وانا متشكر جدا ليكي يا أختي الكريمة والله على زيارتك وسؤالك

اتمنى لك ولكل أخواتي في الله التوفيق

تقبلي تحياتي

koukawy يقول...

احنا كده نعتبر انك منور في عيد ميلادك ماشاء الله
**********
اكيد الراجل ده كان مختل او ضغوطه النفسيه لا تحتمل
الله اعلم

غير معرف يقول...

滿.......................................................

Twitter Delicious Facebook Digg Stumbleupon Favorites More

 
Free Web Hosting