أحداث 24 ساعة

عيب ياتامر!



لا أنكر أني من المعجبين بالمذيع  تامر أمين بسيوني
لثقافته وحضوره.. بالإضافة الى انه نجل الأعلامي الكبير أمين بسيوني .. الخ الخ

ماعلينا

المهم بقى في الموضوعـــ

تامر دايما في معظم لقاءاته في برنامج البيت بيتك..
دايما بينشد العلياء .. مين علياء دي .. ههههههه
يعني باختصار بيحب يتكلم عن الأصاله وعبق التاريخ والحاجات المظبوطة دي كلها

واما يجي يتكلم عن الفن .. زمن الفن الجميل .. والناس التقيله بتاعة زمان
وبرضه بيدي الناس المحترمين بتوع اليومين دول حقهم.. المحترمين بجد اللي بيقدموا فن حقيقي

كل ده كلام جميل وبنحب دايما نسمعه من تامر وغير تامر

الى أن قام بإستضافة جثه لبنانية .. أسف في التعبير ياجماعه
والله العظيم ماينفع معاها لفظ غير ده ..

واحده بيسموها مادلين مطر .. طبعا فيه ناس معندهاش دم ولا ذمة ممكن ترد علي وتقولي
هو انت ياجاهل متعرفش مادلين مطر لحد دلوقتي .. أما إنك جاهل  صحيح
المهم
تامر دا استضاف مادلين مطر دي في البيت بيتك .. وكانت مغطيه جثتها المهوله دي بيادوبك حاجة تترف العين.. بجد البنيه شبه عاريه

حاجة فعلا انا مش مصدق حدوثها في التليفزيون المصري
معقوله ياجدعان الكلام ده بيحصل .. والله انا ذهلت لما شوفت الحلقه
حاجة مسخره ومستفزه كمان ..

والأدهي بقى انه مستضيفها على انها فنانه .. مطربه يعني
:)

وكمان مندمج في الحديث وكأنه بيتكلم مثلا مع ناديه مصطفى ولا شيرين ولاحتى نانسي عجرم
دول على الاقل ناس بيقدموا مايمكن تسميته بفن

واللي بيغيظني انه هو وغيره دايما مصدعينا بالهجوم على الفضائيات وما تقدمه من خلاعات وخزعبلات ..الخ الخ

انا قارنت بس .. فن بفن

طبعا باعتباري الحمدلله مش من الناس المتشددين على الاطلاق
هقول اللي لي واللي علي

انا مقدرش أتجاهل ان تامر استضاف في فقرة بعدها مطربة سورية من أصل لبناني
بصراحة مش فاكر اسمها ، انتوا هتعرفوها أكيد .. لأنها هي اللي كانت بتغني وبتأدي صوت أسمهان في مسلسل قصة حياة أسمهان اللي عملته في رمضان سولاف فواخري

بأمانة بأمانه صوت أقسم بالله في حياتي ماسمعت بجماله وتمكنه
علاوة على احترام الفنانه دي لنفسها كده وكله تمام يعني
!

بس مش معنى انه يستضيف ناس محترمة .. انه يقوم يستضيف أشكال تانيه كدا

حاجة تغيظ بردو

تقبلوا تحيتي

11 تعليقات القراء:

شيماء سمير يقول...

ربنا يكرمك ويعزك
لا انا شفته مستضيف روبى
ذهلللللللللللللللللللللللللت


معاك فى رايك
_بس رجاءا ممكن تشي الصورة_
يعنى من قبل متاخدش ذنب لو حد شافها

ده راى


بالتوفيق

قلم رصاص يقول...

أشكرك أخت شيماء

واقتراحك فعلا بناء..خلاص هشيل الصورة

ونورتي البلوج

تقبلي مروري

¨¨¨°~*§¦§ Appyplanet §¦§*~°¨¨¨ يقول...

بس بس بس
عادى يعنى ما لازم غلطه ابقى متتفرجش علشان متقعدش وتقول غلطه وندمان عليها

بس انا مش بحب تامر كمان اصلا
كل سنه وانت طيب

mido يقول...

يا استاذى تامر امين مين

الناس بتحب محمود سعد وحوارات محمود سعد

Teawater يقول...

لأ عادي الميادئ يا اخي الكريم حالياً اصبحت تذوب وسط الماديات وسهل اوي بعد غلاء الأسعار وارتفاع سعر البنزين يعني الراجل يفول سيارته ازااي لازم طبعاً يعمل شويه تنازلات وبعدين في فرق بين مطربه ومغنيه لأن المطربه تنشد ونشيدها جميل يمكن من غير رؤيت صاحبة الطرب
لـــــــكـــــــن
المغنيه يجب ان يكون نشدها مصاحب لأستعراضها

يعني خلا المصيبه مصيبتين
يالا مش مشكلة اهي احد عوارض الزمن

قلم رصاص يقول...

¨¨¨°~*§¦§ Appyplanet §¦§*~°¨¨¨

يا أخت أبي الموضوع مش في إني بتفرج او مبتفرجش .. ماهو أكيد مش انا لوحدي اللي بشوف تليفزيون في مصر يعني هههههههه

المسألة في الناس اللي بتخالف أقوالها لأفعالها دي .. وكل يوم مصدعينا بكلامهم عن الامبادئ والقيم والأخلاق .. الخ الخ

عموما نورتي البوست

وانتي طيبة وبالصحة والسلامة

تقبلي تحياتي
----------------

mido

ياعم ميدو مش بالضرورة يكون تامر.. ماهو لو أي حد مكانه كان هيبقى غلطان برضه.. وكنا هنقول نفس الكلام

ولو الجدول كان جه فيه محمود سعد كان هيعمل اللقاء.. يعني المسالة في مالبدأ نفسه

عموما نورتنا ياباشا

تقبل تحياتي

-------------------

teawater

اختي الكريمة شيماء

نورتي والله
وكلامك صحيح فعلا ..

بس الواحد مل من كل اللي بيحصل ده.. والحجه هي هي

عموما كل سنة وانتي طيبة

تقبلي تحياتي

Hossam يقول...

سلام عليكم
انا شايف انها حرة تلبس اللى هية عوزاة ولو انت مش عجبك خلاص غير القناة
مدونتك لذيذة
اتمنى نبقى اصدقاء
تقبل مرورى
سلام

قلم رصاص يقول...

hossam

وعليكم السلما ورحمة الله وبركاته

عندك حق والله يا أخي

هي من حقها تلبس اللي هي عايزاه.. بس الكلام ده في بيتهم ..مش في التليفزيون يابوص.. ماهو أصل التليفزيون ده ياأخ حسام وسيلة خطيره بتأثر في مشاعر الناس

ولا انا غلطان

عموما كل سنةو انت طيب ونورت البلوج
واشكرك ياحبيبي على رأيك في المدونة

ولي كل الشرف بأن نكون أصدقاء
وهضيفك عندي ياسيدي
يلا هيص بقىىىى هههههههههههه

نورتني بجد

تقبل تحياتي

أحلى حياة يقول...

صحيح فعلا العك بقا حوالينا من كل ناحيه

قلم رصاص يقول...

أحلى حياه

كلامك سليم والله يا أختي الكريمة
وربنا يهدي الجميع


بجد نورتي البلوج للمرة الأولى
اتمنى ان لاتنقطع الزياره

وانا زرت بلوج حضرتك وبصراحة حلوة جدا

كل سنة وانتي طيبة

تقبلي تحياتي

koukawy يقول...

انا معاك في كل اللي قلته بس اعتراضي الوحيد علي اعجاك بالسمج تامر بسيوني
انا لا اتخيله بشوفه ببقي عايزه اقلب القناه
و لو اختلاف الأذواق لبارت السلع

Twitter Delicious Facebook Digg Stumbleupon Favorites More

 
Free Web Hosting