أحداث 24 ساعة

كل يوم حريق كل يوم حريق ..انا زهقت ياماما..مفيش صواريخ ولا ايه

حريق ضخم بالمسرح القومى بوسط القاهرة ..وارتفاع عدد المصابين إلى 6 أشخاص




القاهرة- شب حريق مساء السبت بالمسرح القومى بمنطقة العتبة وسط القاهرة.

وتوجهت على الفور سيارات الإدارة العامة للدفاع المدنى والإطفاء بالقاهرة للسيطرة على النيران واخمادها.

وقالت مصادر بادارة المطافئ ان النيران بدأت في الاشتعال في نحو الخامسة وخمس وثلاثين دقيقة بتوقيت القاهرة وبدأت بستارة المسرح وأنها لاتزال مشتعلة منذ نحو 120 دقيقة لكنها الان "تحت السيطرة" مرجحة عدم وقوع اصابات باستثناء بعض حالات الاختناق المحدودة.

وأضافت أن أكثر من 30 سيارة اطفاء انتقلت الى المسرح المشتعل الذي يقع في ميدان العتبة حيث توجد الادارة الرئيسية للحماية المدنية بالعاصمة.

وقد رجح العميد نصر زكريا رئيس غرفة العمليات بالإدارة العامة للدفاع المدنى والإطفاء بالقاهرة أن يكون سبب الحريق ماس كهربائى تلاه انفجار بعض أجهزة التكييف الخاصة بالمسرح .

وقال العميد نصر زكريا أن انفجار أجهزة التكييف الخاصة بالمسرح أدى الى حدوث إنهيار فى جزء من ديكورات وواجهات المسرح المطلة على ميدان العتبة .

وأوضح رئيس غرفة العمليات بالإدارة العامة للدفاع المدنى والإطفاء بالقاهرة أن النيران إمتدت بفعل الرياح إلى لوحتين إعلانيتين فى الدورين السادس والسابع فى العقار المواجه للمسرح وتم إطفاؤهما فى الحال قبل أن تمتد النيران إلى شقق العقار ، كما امتدت النيران الى بعض المخلفات الموجودة أعلى سطح أحد العقارات الكائنة فى شارع عبدالعزيز وتم ايضا اطفائها فى الحال .

وقد صرح الدكتور محمد سلطان رئيس الإدارة المركزية للاسعاف والطوارىء بوزارة الصحة والسكان ، بأن عدد المصابين فى حريق المسرح القومى بميدان العتبة ، ارتفع إلى ستة أشخاص.. مؤكدا أنه لاتوجد أى وفيات ، وحالة جميع المصابين جيدة ومطمئنة .

وقال سلطان إن مصابين اثنين تم إسعافهم فى موقع الحادث وحالتهما لاتستدعى النقل للمستشفيات وهما صلاح فاروق توفيق "22 عاما " مجند وأصيب باختناق ، ومختار محمد مختار "21 عاما" مجند وأصيب بجرح فى ذراعه .

وأضاف أنه تم نقل مصابين آخرين إلى مستشفى العجوزة وهما الرائد تامر خلف الله محمود "45 عاما" اشتباه كسر بالساعد ، والعقيد فتحى عبدالحميد حسن "52 عاما" وأصيب بكدمة بالركبة .

وأشار إلى أنه تم أيضا نقل أحمد عطية شحاتة عامل بالمسرح "40 عاما" إلى مستشفى صيدناوى للتأمين الصحى ، وسليمان سيد سليمان مجند إطفاء "22 عاما" إلى مستشفى أحمد ماهر حيث أصيب بحالة اختناق ، وتم إجراء الإسعافات اللازمة لهما ، ومن المتوقع خروجهما بعد الإطمئنان على حالتهما الصحية .

وأوضح رئيس الإدارة المركزية للاسعاف والطوارىء ، أنه يوجد حاليا فى موقع الحادث نحو 19 سيارة إسعاف و 45 مسعفا ومساعد أخصائى إسعاف وخمسة أطباء تحسبا لأية ظروف طارئة .

ولفت إلى أن الدكتور حاتم الجبلى وزير الصحة والسكان شدد على ضرورة تواجد الأطقم الطبية وسيارات الإسعاف فى موقع الحادث لنقل أى مصابين وإسعافهم والإطمئنان تماما على استقرار الوضع بموقع الحريق .

ويعد المسرح القومي من العلامات الثقافية المصرية منذ بدأ نشاطه في الخمسينيات وقدم روائع المسرح العالمي ثم أعيد افتتاحه عام 1986.

المصدر: وكالة أنباء الشرق الاوسط، رويترز

-----------------------------------------------------------------

هههههههههههههههههههههههههههههههههههههههههههه

هههههههههههههههههههههههههههههههههههههههههههه

طب انا بضحك ليه بس والكوارث دي بتحصل لنا كل يوم

هقولك : معرفش


وعاوز اقول كمان ان احنا شكلنا اللي باين هنطلع غلط في الأخر

ماتيجوا نغير النغمة بتاعة كل يوم يابني آدمين مصر المخروسة

ماتيجوا نصاحب الحكومة

ماتيجوا نقولها برافو على كل حاجة حلوة بتقدميها لينا

ماتيجوا نسقف لها بجد

ماتيجوا ننفض ونكبر الدي ونروق الجي وندحرج لها التماسي

ماتيجوا نعمل ده واكتر من ده .. يمكن ماعادش يحصل زي اللي كان بيحصل ولسه بيحصل .. ومتأكد انه هيفضل يحصل لنا

000000000000000000000000000

يمكن ماعادش يحصل

تعذيب

تزوير

تجويع

اعلانات مستفزة (هههههههههههههههه)

حرايق قطارات

غرق سفن

حرايق لمجالس نيابية

حرايق للمسارح القومية

دايما النظام كان بيرد على احتياج الشعب لرغيف العيش او السكن او او او بكلمة واحدة .. وهي انه كفاية علينا 7 ألاف سنة حضارة

ههههههههههههههه


عارفين حتى الحضارة بتاعتنا دي انا خايف عليها والله

ماهو قبل كده مجلس الشورى اللي يعتبر جزء من تاريخ وحضارة مصر اتحرق بجاز

والنهاردة اهه المسرح القومي بيتحرق ولسه بيطفوا فيه

وغيرها وغيرها .. من الحاجات اللي تشرح القلب

زي حرايق قصور الثقافة من كام سنة في الصعيد

واغلب أثار مصر اللي بتتسرق وبتتباع عيني عينك بره البلد

ههههههههههههههههههههه


عادي عادي والله مفيش مشكلة

خير ربنا كبير

دا حتى الأهرامات .. الأهرامات ياساده .. الاسرائيلين ادعوا انها بتاعتهم

صحيح احنا كلنا نحن المصريين .. حكام ومحكومين ردينا رد رجل واحد .. وقولنا : لالالالالالالالالالا انسى ياعمرو

ههههههههههههههه


لكن اللي راعبني وقالق منامي ، انه ممكن وزارة الزراعة تتطلع جواب مختوم ب 4 أختام دولة .. وعليه دمغات بوسطة ب 17 جنيه و65 قرش .. بضرورة إزالة الأهرامات .. بحجة انها مبنية على أرض زراعية

زي ما النكتة المصرية خفيفة الظل بتقول


صحيح والله هم يبكي وهم يضحك

دا احنا في أواخر أيام شهر رمضان .. يعني أيام كريمة

ربنا يكرم اللي كانوا السبب في كل حاجة

هههههههههههههههههه


يلا أسيبكم على خير..

انا هروح أنام بقى .. يعني كل واحد يخلي باله على سريره

ههههههههههههههه


في رعاية الله


23 تعليقات القراء:

مهندس مصري بيحب مصر يقول...

ماتستبعدش حاجة

قلم رصاص يقول...

هههههههههههه

على رأيك ياهندزه

كل شيئ متوقع للعباد بطول وعرض هذه البلاد

نورتنا يا أخي الكريم

تحياتي

اللى موش عارف يتغير يقول...

اه يا زمن
نفسى تطرح حاجه حلوة
كل اخبارك عن مصايب
حرام عليك فيه حاجات حلوة
ممكن ترغى عنها
ارجوك العيد جاى عايزين شيكولاتات

(احمد سكر ) يقول...

سيبك انت

كل سنه وانت طيب

ياراجل هى الكوارث هتخلص

قلم رصاص يقول...

أخ بوب

قولي انتي ياسيدي على حاجات حلوة او متفائلة بتحصل في مصر

وصدقني مش هحرمك من رغييي عنها

نورتنا

-----------

أحمد سكر

وانت طيب ياباشا

على رأيك ميش هنخلص
ههههههههه

بس ان شاء الله خير

نورت البلوج لأول مرة

تقبل تحياتي

shaimaa samir يقول...

احلى حاجة
ان حضرتك حاطط
ههههههههههههههههههههههه
بعد كل مصيبة

والله بتعمل مكس معين
يؤدى فى النهاية

للجنون

شكرا يا فندم

mido يقول...

قلم رصاص

عيد سعيد وكل سنة و انت طيب
----------------------------------
تعليقى على تدوينة(هذا الرجل من بلدى)

موضوع جميل و معلومات أول مرة أعرفها

بس مش هو الشخصية اللى فى رويات د نبيل فاروق وأنا متأكد من الكلام ده
:)

قلم رصاص يقول...

أختي الكريمة شيماء

مرحبا بك في مدونتي المتواضعة

بخصوص ال هههههههههههه
صدقيني لو قولت لك اني بكتبها من كتر ما انا مش عارف امسك نفسي من الضحك على شرور البرية اللي بتحصل لنا

على العموم كل سنة وانتي طيبة

تقبلي تحياتي

-----------------
أخ ميدو

وانت طيب ياباشا
وعيد سعيد عليك ان شاء الله

وبخصوص تدوينة هذا الرجل من بلدي
انا مأكدتش للقارئ انها ادهم صبري بتاع الدكتور نبيل فاروق
لالالالالالالالالالالالالالالا

انا قولت مجرد تخمين او ترجيح

لكن على كل حال فعلا فيه شخصيات مصرية عظيمة لايعرف الا القليلين عنها وعن بطولاتها وعبقريتها التي خدمت بها هذه البلاد الأبيه

مشكور ياكوماندا على المرور الجميل على مدونتي اللي على أدي دي

وكل عام وانت بخير وصحة وسعادة

تقبل تحياتي

Beram ElMasry يقول...

عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

FreeKiller يقول...

السلام عليكم يا حاااااااج

البلد بتولع بس حتة حتة
بيكرروا حريق القاهرة الشهير بس بالتقسيط المريح زي كل حاجة اليومين دول

ربنا يتولانا

عموما ليك تاج عندي
تعالى اشقطه
و كل سنة و انت طيب

Empress appy يقول...

عادي الدور الجاي على القصر قول امين
انا كتبت بوسن فى ده اسمه ماس كهربائي وماس عقلى ابقى شوفه
كل سنه وانت طيب

قلم رصاص يقول...

بيرم المصري

وانت طيب وعلى كل الأمة الإسلامية

نورت البلوج

تحياتي
------------

أختي الكريمة نهال

عندك حق فعلا والله
البلد فعلا بتولع حتة حتة
ههههههههههههههه

انا خايف على بيتنا بصراحة
لأنه بيت مفور في التاريخ
كفاية ان انا عايش فيه يعني
ههههههههههههه

وانا جي جي اخد اشوف حكاية التاج دي ايه

سلام مؤقت بقى

--------------------

أختي الكريمة أبي

بقول أمين أمين أمين

هههههههههههههه

وعلى فكرة انا شوفت البوست بتاعك عن الماس الكهربائي
وبصراحة جميل جدا جدا

نورتي البلوج

تقبلي تحياتي

mahasen saber يقول...

كل سنه وانتابالف خير...
وعيد سعيد عليك وعلى كل من تحب


ان شاء الله ليا عوده لقراية بوستاتت المدونه بامعان وااقول رايى ...
وعلى فكره شاكره ليك زيارتى جدا جدا نورتنى قوى
وعيد سعيد كمان مره...

Unknown يقول...

نفسي الماس ده يولع في اللي في بالي

قلم رصاص يقول...

مدام محاسن

نورتينا والله
ده شرف مابعده شرف يا أستاذتنا

وانتظر رأيك في البلوج عشان رأيك أكيد هيفرق كتير معانا

وكل عيد وانتي بخير

تقبلي تحياتي

-----------------

أخي الكريم / أنا انسان

ربنا ينولك اللي في بالك لأني حاسس اني اعرفه
هههههههههههههههه

نورتنا ياباشا

وكل سنة وانت طيب

تحيااااااااااتي

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

قلم رصاص يقول...

الهم أمين أمين

مشكور أختي الكريمة ريحانه على المرور العطر

وكل عام وانتم بخير

تقبلي تحياتي

د/اجدع بنوته يقول...

انا هعمل نفسى مش اخده بالى

علشان مش طالبه بجد حرقة دم النهارده كمان

كل سنه وانت طيب

وعيد سعيد

FreeKiller يقول...

طب تصدق بالله
انا كمان لازم اخاف على بيتنا
احنا كمان بيتنا قديم
من الاثار كده و عليك خير

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

قلم رصاص يقول...

د/ أجدع بنوتة

ههههههههههههههه
خلاص طنشي وروقي .. مفيش حاجة والله

دا احتى المواصلات فااااااااااضيه والرغيف كبيييييييييييير وتعيش الحكومة

هههههههههههههه

وانتي طيبة
وعيد سعيد عليكي

----------------

freekiller

نورتي يانهال

وفعلا لازم تخافي على البيت
هههههههههه

كل سنة وانتي طيبة ومنورانا والله

تحياتي

--------------------

نهر الحب

نورتي أختي ريحانه للمرة التانية والله

وكل سنة وانتي طيبة

تقبلوا جميعا تحياتي

قلم رصاص يقول...

مشكور يا أستاذ تامر على المرور الكريم على مدونتنا المتواضعه

وبأشكرك كمان على الدعوة الجميلة

ان شاء الله ربنا يسهل

وكل سنة وانت طيب

تقبل تحياتي

أحلى حياة يقول...

واحده صاحبتي قالت ان يمكن البلد عليها ندر، بس انا مافهمتش بصراحه ايه العلاقه بين الحرايق والندر!!! وسالتها ماجوبتنيش لحد دلوقتي :(

الله يكرمك لو عارف تنورني ينوبك فيّ ثواب الهي مايوقعك في ضيقه ولا حريقه ابدااا

Twitter Delicious Facebook Digg Stumbleupon Favorites More

 
Free Web Hosting