7:27 م
قلم رصاص
أولا مساء وصباح الفل عليكم جميعاًحابب بس أحكي لكم على موقف طريف جدا من مواقف وطرائف الإعلام المصري
الإعلام المصري الأرضي والجوي والبرمائي كمان
صاحب الريادة والسكر الزياده ياساده
الحكاية باختصار شديد جدا
في إحدى أيام شهر رمضان الكريم الفائتة .. الكل صايم بالطبع والحمدلله
اليوم خلاص خلص والمغرب قرب والسفرة جاهزة والجميع مستعد للإفطار
المهم احنا بطبعنا فاتحين التليفزيون واحنا بنفطر عادي جدا وفي نفس الوقت وداننا على صوت الراديو في المسجد الموازي لبيتنا
المدفع ضرب والأدان ادن في التليفزيون والكل بدأ يفطر عادي
لحد هنا كل شيئ ماشي تمام .. ومفيش مشكلة
المفاجأة بقى ان القرآن كان مازال شغال في الإذاعة .. بعد ما الأدان ما ادن في التليفزيون بحوالي 7 دقايق تقريبا كده
وبصراحة معظمنا كان قرب يخلص فطار ويقوم بقى
واذا بمفاجأة هزتنا كلنا وموتتنا كلنا من الضحك .. وهي اننا لقينا الأدان لسه بيبدأ في الإذاعة بعد مرور حوالبي 10 دقايق عن الأدان بتاع التليفزيون
هههههههههههههههههههههههه
مع ان الاذاعة والتليفزيون في مبنى واحد .. والتوقيت في الاتنين مفروض انه واحد
انها الرياده والسكر الزيادة ياساده
وهلم جرا من مسلسل المواقف الكوميدية للاعلام المصري
وكل سنه وانتوا طيبين
0 تعليقات القراء:
إرسال تعليق