تحية لكل الناس على النت

في البداية أحب اوجه تحية لكل الناس المحترمين اللي على النت واللي كمان ع الدش ..هههههههههههههههه
واقول لكم كمان : النت وسيله رهيبة للتواصل وابداء الرأي وتوصيله كمان ..
وسيلة ميش مغلولة بالنار الرسمي.. يعني نتكلم بحرية .. بس حرية مسئولة .. هي ميش فوضى برضه ..ههههههههه

احنا كلنا بنتفق وبنختلف سواء مع بعض أو مع الحكومة بتاعتنا أو بتاعة أي بلد .. لكن المهم الاختلاف ميوصلش لحد الصدام ..
يعني نقول رأينا بصراحة وموضوعية في كل الحاجات اللي بتحصل لنا ولغيرنا .. ومنستخدمش حقنا في التعبير الحر غلط ..

وعشان كده انا قلم رصاص .. كلامي هيكون تعبير عن دماغي .. دماغي انا وبس .. ميش دماغ حد تاني .. ولو حد تاني عايز يقول حاجة يقولها بلسانه.. انا مبتكلمش بلسانه ..

انا قلم رصاص .. أكتب رأيي اللي مقتنع بيه .. وان عرفت واتأكدت ان رأيي كان غلط .. أمسح كلامي واصححه .. ميش مشكلة ..ماهو مكتوب بالرصاص...

وان كلامي صح .. هيكون رصاص في قلب الظالم .. والمخطئ .. والفاسد .. الخ الخ !

انا قلم رصاص ميش قلم رصاص الأستاذ حمدي قنديل .. وان كان لي كل كل كل الشرف .. لأنه عزيز على القلب ..
وعشان كده .. احنا كلنا اخوات .. واللي فات فات

والسلام تحية الإسلام