أحداث 24 ساعة

يامصر قومي !






يا مصــــــر قومــــــــــــي.. إفرحي وغنــــــــــــــي
رجعتي زي زمــــــان.. رجعتي بجد أمـــــــــــــــــي
روح الانتماء جوايا.. سَيِـلت دمـــــــــــــــــــــــــي
دمي اللي كان نَشف..عليكي في عروقي من همي

وعيونــــــــــــــي لو نامت.. قلبي م الفرحة ما بنام
رجوعك إداني قــــــــــــــــــوة.. تقوليشي فاندام؟!

بحبـــــــك أبيض واسود.. بحبــــــــــــــك بالألوان
عاشق حروف إسمــــــــــــــــك لو رحت أي مكان
صوت الحريــــــــــــــــــة فيكي.. للدنيا أعلى أدان
شهادة ميلادنا اتكتبت.. من أرض الميـــــــــــــدان

محروســـــــــــة يا ام البلاد.. والإسم على مُسمى
من إمتى كان الواد.. بيكي هانسيبه يتهنـــــــــــــى
عشانك أبو الهول نطق.. ورقص وغنـــــــــــــــى
وقال بِعلو الصوت: مصر بعد مبارك جنــــــــــــه

____________
بقلمي :)

12 تعليقات القراء:

Mahmoud Ahmed يقول...

جميله جدا و الله
تسلم ايدك
وحلوه ( من إمتى كان الواد.. بيكي هانسيبه يتهنـــــــــــــى )
^________^

غير معرف يقول...

جميله أوي ومعبره طبعا :)

بجد تحس إن كلمه مصر ليها طعم تاني بعد الثوره ... والإنتماء مش كلام

تحياتي

تخاريف مترجــِــمة يقول...

جميلة جدا


شاعر ماهر :)

قلم رصاص يقول...

سبايدرمان

ربنا يخليك ياباشا
:)

دا من زوقك بس والله
^_^

قلم رصاص يقول...

فتاه من الصعيد

شكرا جزيلا والله دي شهادة اعتز بيها

وادينا بنحاول..أصل انا على ادي في الشعر.

:)

قلم رصاص يقول...

تخاريف مترجمة

شكرا جزيلا أستاذه سحر

لا والله دا انا على ادي خالص يعني في الشعر بس لسه باحاول

:)

sony2000 يقول...

بجد عجبتني جدااا:)

قلم رصاص يقول...

Sony2000

شكرا جزيلا على هذا الاطراء
:)

كلمات من نور يقول...

يا مصــــــر قومــــــــــــي.. إفرحي وغنــــــــــــــي
رجعتي زي زمــــــان.. رجعتي بجد أمـــــــــــــــــي
===============================

هي طول عمرها أمنا بس كانت بتحتسب فينا الآجر ومديانا ظهرها زعلا وحزنا

تسلم إيدك يا قلم رصاص

كريمة سندي يقول...

جميلة جدا تسلم الأنامل

النهدى للعناية الصحية يقول...

ماشاء الله الله يبارك فيك وفى عمرك
اتمنى من الله ان يوفقك لما فيه الخير

واتمنى زيارتك بموقعى النهدى للعناية

البوم تامر حسنى 2011 يقول...

بجد رائع

Twitter Delicious Facebook Digg Stumbleupon Favorites More

 
Free Web Hosting