أحداث 24 ساعة

تعيش الحكومه ^_*







النهاردة وانا باتصفح الجرايد المصريه لفت نظري خبر في اليوم السابع زعلني جدا ، بعنوان "مصرع كفيف بعد سقوطه فى حفرة صرف صحى بالإسكندرية"


هل ذنب الانسان ان ربنا خلقه اعمى وعشان كدا لازم يقع في بلاعه ونخلص منه ، ولا دا ذنب الاجهزة التنفيذيه والمحليات اللي مش شايفه شغلها؟!


الراجل اللي وقع ومات في البلاعه دا مش أعمى.. الحكومه هي اللي عاميه عن الشعب وظروفه وحياته..

كل يوم حوادث طرق بسبب الاهمال والتقصير الجسيم نتيجة الفساد اللي غرقانه فيه البلد ولاحد من المسؤلين عنده دم ولاضمير ولابيحس .. البلاعات مفتوحه في وسط الاحياء السكنيه المكتظه بالبني آدمين ، وإيدي على قلبي والله بكل امانه وخايف راجل كبير او طفل صغير يقع في واحده منها وفرص نجاته بتكون شبه مستحيله لو محدش معاه .. المهم البهوات يربوا كروش في مكاتبهم والموظفه من دول تقشر الخضار عشان تلحق تطفح دكر البط اللي مستنيها في البيت ، وفوت علينا بكره ياسيد وسلم لي على اللايحه !

لفت نظري كمان في الخبر ان الحادث دا وقع في شارع اسمه الجزائر .. أظن اقصى حاجة ممكن تعملها الحكومه لتصليح غلطتها ، هو تغيير اسم الشارع .. واهو يبقى استمرار لحالة الغباوه اللي مسيطره على اجواء مصر منذ ان تمت ادارة البلد بالأساليب النظيفه والذكيه حسب قواعد الفكر الجديد............!

وتعيش الحكومه تا تعيش تاااااااا تعيش !

24 تعليقات القراء:

olivetree يقول...

لنا الله

وحسبى الله ونعم الوكيل

غير معرف يقول...

هى الحكومه عايشة عايشه من غير ماندعلها اصلااااااااااا
والحوداث دى بقت روتنيه اصلااااااا
مابقتش تأثر معاياحاجه اشاسا
بس ايه حوار الجزائر ده
؟؟!!!
انت متعصب ولا ايه؟؟
لا مابحبش كده
اااااالحق واحد متعصب
كيكى عوووووووو

حلم بيعافر يقول...

سجل ياتاريخ

محمد التميمى وقع فى بلاعة كانت قدام مدرسته وهو فى تانية ابتدائى

ربنا يمسيها بالخير اللى روحتنى بيتنا وقتها

Beram ElMasry يقول...

اخي قلم رصاص
تقبل الله منكم صيامكم وقيامكم وجزاكم عنه خيرا وضاعف العطية وعيد سعيد لكم وجميع الاهل

قلم رصاص يقول...

olivertree

ونعم بالله

قلم رصاص يقول...

كيكي عووووووو

الحمدلله انه معادتش فارقه أشاسا

الجزائرررر؟
لالالالالا انا مش متعصب ولا حاجة الحمدلله بقدر ما انا باسلط الضوء على الفكر الحكومي في التعامل مع مشاكل الخلق

منوره

قلم رصاص يقول...

حلم بيعافر

وانا من جانبي هذا احب اقول:

بلاعه أي كلام مقامتش بالدور المطلوب منها بالظبط
ههههههههههههههههه

منور يامحمد

قلم رصاص يقول...

بيرم المصري

وحضرتك طيب ياأستاذنا وعيد سعيد عليك وعلى كل الاسره والاهل

فتاه من الصعيد يقول...

كل سنه وحضرتك طيب .... ومعذره لعدم متابعتي لمدونتك في رمضان :)

عيد سعيد :)

عمدة كفر المظاليم يقول...

السلام عليكم
كل سنة وحضراتكم طيبين
امال تقول ايه بقى حضرتك في حوادث المرور الأعلى في العالم
وتقول ايه في حكومة استوردت مبيدات عارفة إنها بتجيب سرطان
وقبضت مقابل كده
حسبي الله ونعم الوكيل
بصراحة أنا كنت واخد خط مادعيش على حد
بس بصراحة من ساعة حرب غزة الأأخرانية
مش قادر

موناليزا يقول...

بغض النظر عن اى اخبار وحشة

عيد سعيد:)

د. ياسر عمر عبد الفتاح يقول...

تعيش الحكومة

ومش مهم إحنا نموت

يا عم وإيه ذنب الحكومة
دول شوية عرايس

خليها على الله

بقولك إيه
أنا جاي أهني بالعيد
متحبسناش الله يكرمك

كل سنة والأمة كلها بخير
وتقبل الله منا ومنكم

بعودة الأيااااااااام

قلم رصاص يقول...

فتاه من الصعيد

وانتي طيبه وعيد سعيد عليكم

قلم رصاص يقول...

عمدة كفر المظاليم

عليكم السلام ورحمة الله وبركاته

اهلا بك اخي الكريم وانت طيب وبالصحه والسلامه وعيد سعيد عليكم

وهنقول ايه بس غير هتتعدل

منور

قلم رصاص يقول...

موناليزا

عيد سعيد وكل سنه وحضرتك طيبه

قلم رصاص يقول...

دكتور ياااااااااااسر

وانت طيب وبعوده عليكم وعلينا
وعيد سعييييييييد عليك وعلى كل الأسره والمسلمين

norahaty يقول...

كل سنة وأنت
طيب ياقلم دهب24
عارفة انى تأخرت شوية
لكن انت عارف العيد وشغله
كل لحظة وأنت بألف خير يافندم

غير معرف يقول...

مصــــر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.

2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .

3- مشكلة تعمير مصر والتى يعيش سكانها على 4% من مساحتها.

4 - العدالة الاجتماعية .. وأطفال الشوارع والذين يملكون كل شىء .

5 - ضرورة الاتحاد مع السودان لتوفير الغذاء وحماية الأمن القومى المصرى.

6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

أرجو من كل من يقراء هذا أن يزور مقالات ثقافة الهزيمة بالرابط التالى www.ouregypt.us

قلم رصاص يقول...

Norahaty

وانتي طيبه ياكتور
وكل عام وانتم بخير
ولامتأخره ولا حاجة
احنا لسه في العيد

مشكوره يادكتور على المرور الكريم

قلم رصاص يقول...

غير معرف

موقع متميز جدا وانا متابعه منذ فتره

كل عام وانتم بخير

kafrawy يقول...

هههههههههههههههه

انا بطالب السيد وزير الاسفلت لغلق البلاعه

محمد فؤاد (صاحب عمود النور) يقول...

اكيد فاكر قصة سيدنا عمر بن الخطاب الفاروق لما بكى خوفا من ان الله سوف يساله على بغله لو تعثرت فى الطريق

تخيل؟؟
حيوان بيبكى عشان حيوان مش بنى ادم
حسبى الله ونعم الوكيل

محمد فؤاد (صاحب عمود النور) يقول...

اكيد فاكر قصة سيدنا عمر بن الخطاب الفاروق لما بكى خوفا من ان الله سوف يساله على بغله لو تعثرت فى الطريق

تخيل؟؟
حيوان بيبكى عشان حيوان مش بنى ادم
حسبى الله ونعم الوكيل

غير معرف يقول...

اولا ممكن ااقول حاجه هوه مادام اعمى ايه اللى يمشيه لوحده
انا مش مع الحكومه انا معاك بس فعلا زى ماقلت
مش زنبهم ولا زنبه
زنب اهله اللى خلوه يمشى وهو اعمى

Twitter Delicious Facebook Digg Stumbleupon Favorites More

 
Free Web Hosting