أحداث 24 ساعة

بنك دم المدونين ..مشروع انساني واجتماعي رائع



السلام عليكم ورحمة الله وبركاته


إخوتي وإخواني في كل مكان ، كم من مره يموت انسان بسبب احتياجه لقطرات من الدماء فقدها في حادث او في عمليه جراحيه او نتيجه لمشاكل صحيه ما ألمت به .. ولم يجد لها سبيلا إما لندرة الفصيلة او لإتساع المكان بينه وبين المتبرع له وإما لضيق ذات يده عن شراء أكياس الدم الذي أصبح في أيامنا هذه سلعه تباع وتشترى مثل البطيييييييييييخ ^_*

من هنا جاءت فكرة عبقرية من اخونا البشمهندس محمد (رحلة البحث) تحت مسمى Bloggers blood bank أو بنك دم المدونين ، وهي فكرة تحمل في طياتها وثناياها نزعه انسانيه خالصه لوجه الله ولها بالطبع تأثيرها الاجتماعي الكبير ان شاء الله وقتما أخذت حقها في التنظيم والترتيب والنشر لتعم الفائدة

والفكره باختصار تقوم مبدأيا على اكتاف المدونين .. حيث يقوم كل مدون راغب في المشاركة سواء بالتبرع او الإشراف مع الفريق الذي سيكون مسؤلا عن ادارة الفكره ، أن يبادر بإرسال بياناته على الميل التالي ourbbb@yahoo.com
وتتضمن البيانات :

(الإسم - فصيلة الدم - رقم الهاتف - الإميل - المدونه - المحافظه - المشاركه ، مشرف ام متبرع)

علما بأن البيانات ستكون سريه حسب رغبة المشارك ................... وللمزيد من التفااصيل من فضلك ادخل على الموضوع الأصلي لصاحب الفكره الأخ البشمهندس محمد من هنا 
http://searchjourney.blogspot.com/2010/06/bloggers-blood-bank-2nd-post.html

وبالتوفيق للجميع

12 تعليقات القراء:

mohamed ghalia يقول...

انا جاى اسلم واعزم
حفل توقيع كتاب هل تبحث عن السعادة للكاتب محمد غالية
بمكتبة عرابى المهندسين وذلك يوم يالسبت الموافق 3/7/2010 فى تمام الساعة السادسة مساء

داليـ ـ ـ ـ ـ ـ ــــا يقول...

هى فكره حلوه

بس تفتكر الناس هتقبل عليها

مش بحبطك

ربنا معاكم يارب

ومعاك حق الدم بقه سلعه
احنا نفسنا سلعه تباع وتشترا
دمنا مش هيبقا سلعه تباع وتشترا

تحياتى
وربنا يوفقكم

MR.PRESIDENT يقول...

ربنا يوفقكم

كلمات من نور يقول...

جزاكم الله خيرا .فكرة هائلة حتكون قاعدة بيانات طيبة .منذ عدة أيام كانت مدونة صديقة تبحث عن فصيلة دم 0+

وكم أحزنني أنها من القاهرة و لم أستطع مساعدتها سوى بوضع موضوعها في المنتدى .وياريت حضرتك كمان تحط الموضوع المهم داه في المنتدى علشان تكون قاعدة بيانات واسعة إن شاء الله

فتاه من الصعيد يقول...

فكره جميله

ان شاء الله انشرها :)

تحياتي

بيطرية ومش بايدى يقول...

فعلا مشروع انسانى واجتماعى رائع
بس ياترى مكان التنفيذ فين
ولا انت لسه بتعرض الفكرة بس
وعلى العموم ان شاء الله
لو الفكرة اتنفذت انا معاك يامعلم
بس بالله عليك
تخلى فى مرة التبرع يبقى هنا عندنا فى الزجازيج
اينعم هى مش محطوطة على الخريطة اشاسا
بس نحطها على خريطة المدونين برده
ده بعد اذن السعادة طبعا

ربنا يسهلكم ان شاء الله والفكرة تلقى اعجاب الناس كلها وتبتدوا فى التنفيذ باسرع وقت

تقبل تحياتى

بيطرية ومش بايدى يقول...

اه مع العلم انى جيت هنا وقريت الموضوع وعلقت بس التعليق ماظهرش
البلوجر كعادته كان بعافية شوية

تلميذة سلمان الفارسى يقول...

ماشاء الله فكره حلوه
جزاكم الله كل خير

شفـقــة و إحســــان يقول...

فكرة حلوة جدا ربنا يوفقكم يارب

خواطر شابة يقول...

رحلة البحث رفع الراية البيضاء للاسف واضح ان المثبطات والعوائق كبيرة

ســــــــــــــاره يقول...

هو احنا نشترك في الموضوع ده ازاي؟

مستر بلال يقول...

فكرة جميلة من الاخ محمد
أرى ان من الصعب تطبيقها
المدونون من جميع البلدان كيف سيتم الارسال وماذا لو قام احدهم بأرسال دم فاسد او دم مصاب بمرض كالايدز اجارنا الله

لا ادري قد اكون فهمت خطأ , عموما وفقكم الله

Twitter Delicious Facebook Digg Stumbleupon Favorites More

 
Free Web Hosting