أحداث 24 ساعة

القرار الذي طال انتظاره

القرار الذي طال انتظاره

اخيرا وبعد طول انتظار دام لأكثر من عشرين عاما ، يصدر أول قرار عن الوكالة الدولية للطاقة الذرية بشأن البرنامج النووي الإسرائيلي . فقد صدر القرار الشهر الماضي سبتمبر 2009 بعد اعتماده من الدورة الـ 53 للمؤتمر العام بموافقة 49 ومعارضة 45 وامتناع 16 عضوا عن التصويت .والقرار يحث الدولة الصهيونية على الإنضمام لمعاهدة حظر انتشار الأسحلة النووية .. ويجب الإشارة الى أن إسرائيل عضوا بالوكالة الدولية إلا انها الدولة الوحيدة في منطقة الشرق الأوسط التي لم توقع على المعاهدة .


وُيعد القرار انتصارا للديبلوماسية العربية التي تحاول جاهدة منذ عام 91 انتزاع مثل هذه الورقة الضاغطة على الإسرائيليين لإخضاع برنامجهم النووي السري للتفتيش والمراقبة الدولية .. بعد أن ظلت الدولة اليهودية مدعومة دعما مطلقا بل وأعمى من الولايات المتحدة وأوروبا .


ومن المعروف أن إسرائيل لديها سادس أكبر ترسانة نووية في العالم بعد الخمسة الكبار أعضاء النادي الذري . ودائما ماكانت الحكومات الإسرائيلية المتعاقبة لاتنكر ولا تؤكد امتلاكها لمثل هذا البرنامج في سياسة عرُفت بـ ( الغموض النووي ) . وللتاريخ ، لم يكن الرئيس الأمريكي جون كينيدي راضي في بداية الأمرعن امتلاك اسرائيل لمثل هذا بحجة عدم التسبب في سباق تسلح في المنطقة .. وبعدما تم اغتياله ، تلاقت الإرادتان الإسرائيلية والأمريكية منذ عهد إدارة نيكسون على استمرار إسرائيل سراً في تجاربها للأسلحة النووية طالما أن الأمر مازال غامضا لجميع الدول التي يمكن أن تعترض .


واستمرت إسرائيل متبعة سياسة الغموض النووي الى أن افتضح امرها عقب بث هيئة الإذاعة البريطانية فيلما وثائقيا خطيرا هز العالم تحت عنوان "سلاح إسرائيل السري" . وأقوى ما في هذا الوثائقي انه موثق بشهادة الشاب الإسرائيلي ( مودخاي فاعنونو ) الذي يُعد الدليل الحي الوحيد على امتلاك إسرائيل للقنبلة النووية ، وبعد ان فضح أمرهم نتيجة علمه بالتأثير الخطير لمثل هذه الأسلحه على المنطقة ومنها إسرائيل ، قرر إفشاء السر ، فاختطفه الموساد من ايطاليا وزُج به في السجن لمدة 18 عاما . وكانت هناك شواهدا اخرى ظهرت إبان حرب اكتوبر73 عندما كُشف الستار عن توقيع جولدا مائير محضرا توجه فيه الأوامر إلى وزير الدفاع موشي ديان بتجهيز السلاح النووي لضرب القاهره أو السد العالي أيهما أنفع لهم إذن لم يوقف الأمريكيين التقدم المصري في الحرب .


ورغم المساندة الأمريكية المطلقة لإسرائيل منذ قامت في مايو1948م إلا أن الأخيرة لاتثق الثقة المطلقة في أمريكا وتعطي لنفسها هامش معقول للمناورة والتحرك بحرية في الوقت المناسب اعتمادا على قدراتها الذاتية القائمة على ردع جيرانها المحيطين بها .. تحسبا لتغير الظرف الدولي المساند لها بتخلي الأمريكيين عنها لسبب أو آخر. وهي لعبة قديمة فعلتها مع الأوربيين اللذين بنوها على أرض العرب ، وعندما تيقنت انهم لن يساندوها في المستقبل ، نقلت خيوط اللعبة الى الولايات المتحدة .. فالهيودي يهودي وسيظل على هذا الحال .


وأعتقد اننا إزاء لحظة فاصلة في تاريخ الصراع العربي الإسرائيلي بعد صدور مثل هذا القرار الدولي الذي تعسر مخاضه فترة طويلة من الزمن . فكثيرا ماجاءت الفرص تلو الأخرى للعرب لتصحيح الوضع الدولي لصالحهم على حساب إسرائيل إلا أنهم دائما لايستثمرون الفرص التي تُتاح لهم دوما على طبق من ذهب ، عكس اليهود الذين ينحتون في الصخر لإيجاد الفرص ، وعندما تأتيهم يصنعون منها المعجزات لصالح بقائهم وتماسكهم ككيان واحد لايقبل القسمة على اثنين .


فهل يستغل العرب هذا الصيد الثمين ، ويطرقون على الحديد وهو ساخن ؟! فمعظم دول اوروبا الغربية نفسها وروسيا الإتحادية وغيرها من الدول المحيطة بإسرائيل ، أصبحت قلقة قلقا شديدا من امتلاك الصهاينة لبرنامج نووي تزيد قدراته الردعية على ثلاثمئة رأس حربية قادرة على تدمير منطقة الشرق الأوسط ونسفها نسفا.


أشعر وكأن العرب في الفترة الراهنة تغيرت جيناتهم وأصابهم الغباء السياسي لدرجة جعلتهم يتصرفون وكأنهم يطمئنون ويحتمون بالمظلة النووية والعسكرية الإسرائيلية من مخاطر الخارج حتى لو كان سيأتيهم من دولا إسلامية.هل يفيق العرب والغرب سواءَ بسواء من سباتهم ليعرفون الفارق بين دولة تمتلك بالفعل ترسانة نووية كاسحة كإسرائيل وبين دولة مازال أمامها طريقا طويلا للوصول لصنع رأسا حربيا واحدا مثل إيران .. أعلم ان من حق العرب التخوف من الطموح الإيراني وحلمهم بإستعادة قوتهم كإمبراطورية فارسية عظمى ، لكن شتان بين مشروع مازال في يد المستقبل الذي لايعلمه سوى الله ، وبين مشروع قوي وكبير موجود على أرض الواقع لليهود في قلب الوطن العربي ؟!

أشك في هذا !


------------

ده كان نص مقالي بمجلة رؤية مصرية
العدد الأسبوعي رقم 28 بتاريخ 17-10-2009

من هنا

ودمتم في حفظ الله

تحيتي / قلم رصاص


35 تعليقات القراء:

Heba Faruq يقول...

قرار الوكالة طبعا خطوة غير مسبوقة في التاريخ وغير متوقعة
لكن بصراحة كلمة "يحث" دي مش مشجعة أبداخاصة إذا قارنا بينها وبين القرارات المأخوذة ضد دول أخرى مثل إيران وهي أصلالم تمتلك قنبلة نووية وهناك مجرد شك فيها وإذا نظرنا للهجة المستخدمة معها والعقوبات المفروضة عليها
فتبدو كلمة يحث كأنها طبطبة وديعة على كتف ولد شقي بنقوله "كخ كده"
لكن مع ذلك احنا كنا فين
لكن برضه اشك كتير ان العرب ينتهزوا الفرصة..كفاية عليهم انتهاز أي فرصة لتوسيع الخلافات وتصفية الخصوم والجري وراء المصالح الشخصية و..و..

المقال أكثر من رائع
أحييك عليه بشدة

donya يقول...

اول زياره للمدونه
مقال جيد ومكتوب بحرفيه سهله وبسيطه

وعجبتني اوي ان القرار يحث اسرائيل دي
شويه شويه يقولوا لها هنجيب لك حاجه حلوه ياشاطره ياجميله

ربنا يرحمنا


*تحياتي

ليس فقيرا من يحب يقول...

السلام عليكم

نفسى اعرف بتيجوا الكلام الكبير ده منين وبالذات فى السوياسه
طب بص اناقريت بس يعنى يعنى حسه كان مخى مهنج شويه اظن الحجات دى بتيجى حبه حبه وشكلى هاتثقف على ايدين مدونتك
ههههههههههههههه

ربنا يوفقك يا قلم يا اخويا

فى حفظ الله

مسدس صغير يقول...

قريت حتة كده وهرجعلك بكرة
عشان اشوف الموضوع ده
شكلك بقيت بتفهم فى السياسة
هههههههههههه
تصبح على خير

♥نبع الغرام♥♪≈ يقول...

صباح الورد

مممممممممممممممممممممم
انا جايا ادحرج الصباح لان ماليش فى المواضيع دى بجد لانى اتخنقت كل يوم قرارات وحوارات لحد ما بقيت مش بصدق

ربنا يكرمك وسعدت بمرورك مدونتى شقاوة
ويارب يديم الود
ايناس

شاب فقرى يقول...

عشان لا يقال انى بفهم فى السياسة

بس بيهيأ ليه إن العرب عايزين يغتالوا نفسهم بإيد الصهاينه بسبب السكوت والصمت

وغاظنى حاجة غريبة أوى

إنهم بيحاربوا فى الخطوط الدبلوماسية من 91

ولسه حالا واصلين لنتيجة :D

لا اله الا الله

ربنا يفوقهم من الغباوة اللى هما فيها دى

تحياتى للخبر المميز والتحليل المفصل

شاب فقرى

حلم بيعافر يقول...

طيب
خطوة حلوة المهم تستغل بقى
المهم المدونة عمالة تطلع لفوق ومش عارف امسكها
ههههههههههههههههههههههه
شوفلك حل ايديا وجعتنى

simply me يقول...

رغم انه قرار متاخر اوى
بس اهو كويس انه طلع
يارب بقى يكون له تاثير

Rosie يقول...

الحمدلله إن فى حاجة حصلت..هم العرب لهم تأثير بس بطىىىىىىء أوى و بياخدوقت طويل..لو اتحدنا كده و خلينا كلمتنا واحدة زى ما كل العالم بقى بيعمل بجد بجد هنعمل فرق...

قلم رصاص يقول...

هبه فاروق

اولا اهلا بيكي أستاذه هبه

فعلا كما قلتي حضرتك ، قرار الوكالة قرار غير مسبوق في تاريخها في التعامل مع الحالة الاسرائيلية

واياكان هدف القرار ، سواء كان بالحث او الالزام فهو انجاز في حد ذاته لأنه كسر حواجز ماكانت لتسمح بكسرها الولايات المتحدة ودول اوروبا الغربية
فالطريق ليس بواعر كما نصور لأنفسنا نحن العرب.. ومشوار الالف ميل يبدأ بخطوة

صحيح شتات شتان بين دولة تمتلك ترسانة نووية بالفعل كاسرائيل وبين دولا اخرى مازال الشك يدور حولها بخصوص امكانية امتلاكها نفس السلاح .. وعلى العرب انتهاز الفرص التي تأتي تلو الاخرى ولم يستغلوا اي منها لتصحيح الوضع الدولي المقلوب عليهم

نترك ذلك للأيام القادمة وسوف نرى ماذا هم فاعلون

واشكرك يافندم على اعجابك بالمقال

دمتم في حفظ الله

قلم رصاص يقول...

دنيا

واهلا بيكي في اول زيارة

تحبي تشربي ايه حضرتك ههههههههههه

واشكرك على الاعجاب بالمقال المتواضع

واما بخصوص ان القرار كان بيطبطب على اسرائيل .. فهو خطوة كويسة جدا .. احنا طماعين ليه..نصبر شوية وهتتعدل زي مابيقولوا .. ولو كان بايدي كنت اصدرت قرار ازالة لإسرائيل كلها .. وهاقول فيه : ان سبب اصدار قرار ازالة اسارئيل ، أنها مبنية على أرض زراعية ههههههههههههههههه

المدونة نورت

قلم رصاص يقول...

ليس فقيرا من يحب

وعليكم السلام ورحمة الله وبركاته

الكلام في السياسة بيجي من المخ بتاع الأنا هههههههههه سهلة سهلة والله

دا احنا يزيدنا شرف اننا نثقف سيادتك
سياسيا ولوجه الله والوطن هههههههه

اشكرك يا ليس ياختي على مرورك الكريم

دمتم في حفظ الله

قلم رصاص يقول...

مسدس صغير

اخويا وصاحبي وكفاءة

دايما كده تقرالي حتة بحته

مش ناوي تركز بقى وتعقل كده عشان نشوفلك عروسة ونجوزك ونخلص منك

هههههههههههههههه

وامال لو انا مبفمهش في السياسة مين اللي يفهمها ياد انت .. عمرو موسى يعني هههههههههههههههههههههه

منتظرك تيجي تكمل قراية ياناصح

قلم رصاص يقول...

إيناس

صباح الخير

ونورتي المدونة بأمانة

بس بالله عليكي بلاش احتلال زي اللي عاملاه في كل المدونات هههههههههههه

وولا يهمك .. بلاها سياسة .. خليها نادية ههههههههههههههه

دمتم في حفظ الله

قلم رصاص يقول...

شاب فقري

اهلا بيك ياباشا

وليه لأ ياسيدي .. هو لازم يكون اسمك قلم رصاص عشان تفهم في السياسة يعني
ههههههههههههههههههه

بس خلينا نشوف المرة دي
يمكن يفوقوا من حالة الغباء السياسي دي على رأي الزعيم أنور السادات ويتحركوا ويعملوا حاجة بقى

نورتني جدا

وبانتظر مرورك دايما

دمت في حفظ الله

قلم رصاص يقول...

حلم بيعافر

اهلا بيك يامحمد

اخبار بلدكم ايه يابني ههههههههههههههه


وان شاء الله فيه جديد عندي دايما

انا ورا العرب لما اخلي لهم قيمة واشغل لهم عقلهم .. خد بالك انا السبب في صدور القرار ده
ههههههههههههههههه

ان شاء الله تستغل الخطوة دي والواضع يتغير

وبخصوص المدونة .. معلهش ده كان مجرد سكريبت جديد بدخله كتعديل في كود قالب المدونة .. بس عالجته اطمن

تقدر تمسكها دلوقتي

هههههههههههههههههه

نورتني

قلم رصاص يقول...

Bondoka

مرحبا بكي يادكتورة بندقه

وان شاء الله عندنا امل في التغيير

دمتي على خير

قلم رصاص يقول...

روزي

اهلا بحضرتك للمرة الاولى في المدونة

فعلا العرب لو اتحدوا هيعملوا قوة كبرى في العالم خصوصا ان كل مقومات النجاح للاتحاد ده موجوده الحمدلله

بس المشكلة هي صدق الارادة السياسية للحكام العرب الله يهديهم

دمتي في حفظ الله

أبــــو ضـــيــاء يقول...

يا مسهل , المهم ان احنا نقدر يبقى في ادينا قوة برضه , ما نفضلش كده

ضحكات الحياة يقول...

السلام عليكم

مقال جامد جدا بصراحه
عاشت ايديك

بس ايه هو هيكون التوقع من الدول العربية ناحية القرار ده؟
و خاصه بعد اللى حصل في اتفاقية جولدستين

اللى موش عارف يتغير يقول...

خليك واخد بالك من الجماعة دول
لغاية ما يخططوا لاغتيالك
اه يا حبيبى اه
كامب ديفيد السادات اكتر حقبه انت مهم بيها المفروض تكتب كتاب فى الموضوع ده
وبعدين من صغرنا وانت بتحكيلى عن نووى اسرائيل
شكلك خايف ياعمى دا نووى
اهم حاجة مييضربوش بلدنا
والله احنا ناس طيبين
هههههههههه

كائن الإبداع .... محمد يقول...

لا لا و لا كوع و لا كلام بره الموضوع


ازيك ؟








على فكرة موضوع القرار ده صوري


و انا مش مصدق ان ده هيحصل ، و ده مش انبهار ده بس تعجب .






-------------

المهندس سايب لحضرتك سلام سبيشيال كالعادة

قلم رصاص يقول...

ابو ضياء

ان شاء الله مهنعملش برضه انا عارف

بس اهه القرار ده في حد ذاته تغيير وكسر

للملل اللي احنا عايشينه

بس عندي امل في بكره والله رغم اللي بيحصل

دمت على خير اخي الكريم

قلم رصاص يقول...

ضحكات الحياه

وعليكم السلام ورحمة الله وبركاته

اشكرك شكرا جزيلا على الكلام المشجع ده

جزاكم الله خيرا

وبالنسبة لتوقعي لما سوف تفعله الدول

العربية خصوصا بعد صدر تقرير جولدستون


فبكل أمانة انا لا اتوقع منه اي شيئ ايجابي

رغم انهم كانوا سبب رئيسي في صدر قرار

الوكالة الدولية ضد اسرائيل

بس كلنا عارفين ان العرب دايمن يجهزوا

للفرح وفي الاخر ميحضروش .. وياما في


ايدينا امكانيات ووسائل تخلينا في

مصاف الدول العظمى بس هما اتعودوا يكونوا ورا دايمين

بس رغم ده باقول لحضرتك انا عندي امل

مش عارف التغيير هيجي منين بالظبط

بس عندي امل وكبير جدا في التغيير

شكرا على المرور

قلم رصاص يقول...

اللي موش عارف يتغير

ياعم اتغير بقى حرام عليك

ههههههههههههههههه

واحشني ياواد والله

ربنا يكرمك كده ويطمنا عليك وتبقى حلو

مش انت حلو ؟ هههههههههههه

اه فعلا زي ما انت عارف انا مهتم جدا

بالحقب الزمنية للسياسة المصرية خصوصا

الحقبة الساداتيه .. بس مش لدرجة اني

اقدر اعمل كتاب ياحبيب قلبي

بس ربنا يسهل واقدر عشان مزعلكش انت

وقرائي الأعزاء مني

وبخصوص النووي بقى .. على رأيك.. دا نووووووي هههههههههههه

يعني حاجة هايفه خالص ..

وبعدين تصور فعلا انا مفروض احرص شوية

الناس دول فعلا ممكن يؤذوني ويسموني

عن طريق النت هههههههههههه

وبلدنا طيبه والله فعلا زي ما انت قلت

خصوصا بيتنا .. انتوا لأ

هههههههههههههههههههه

منورني دايما يابن خالي

دمت في حفظ الله

قلم رصاص يقول...

كائن الابداع... محمد

ولا يهمك ياباشا

انت مستثنى من الكيعان النهاردة

وبخصوص القرار .. حتى لو كان صوري زي

ماحضرتك بتقول .. فهو في حد ذاته كويس

جدا لكسر حالة الركود السياسي اللي بتعيشه المنطقة

دمت بخير ونورتنا والله

كلمات من نور يقول...

ربي يكرمك ويفتح عليك دايما بكلامك القوي المشرق داه

بس يعني إيه عرب؟؟؟ على رأي نزار قباني :

متى يعلنون وفاة العرب؟

Unknown يقول...

بسم الله الرحمن الرحيم
السلام عليكم ورحمه الله وبركاته
طال أنتظار القرار...
مين كان منتظره ؟
العرب ؟ أين هم ياسيدي الفاضل ؟
و في أي محطه ينتظرون ...
في غرف فنادق 5 نجوم !!!
كل العالم تغير و يفكر بأسلوب جديد و منطق مختلف عما كان فيما مضي ...
ونحن نبكي علي عمر أنقضي.
توضيح جيد لأمر مهم ...ولكن من يهتم ؟

العلم نور يقول...

في الحقيقة هذه القرارات أنا اعتبرها مجرد حبر على ورق، كالقرارات التي سبقتها، فإسرائيل مستميته في مواقفها، وستماطل كما ماطلت قرارات 48 و 56 وغيرها، فهي سرطان خبيث في كيان الأمة الإسلامية العربية ولا يمكننا الشفاء منه إلا بإستأصاله نهائياً.

قلم رصاص يقول...

كلمات من نور

الله يخلي حضرتك

اشكركم على الدعاء

وكلمة عرب تعني اللغة تشتت وشرذمة

بس احنا نحاول تجميعهم ان شاء الله

ههههههههه

جزاكم الله خيرا

وشكرا على المرور

قلم رصاص يقول...

فركشاوي ناوي

وعليكم السلام ورحمة الله وبركاته

مرحبا بك اخي الكريم

احنا كلنا عارفين الكلام ده وعارفين اننا
كعرب بنمر بأزمة لم نمر بها من عقود مضت

لكن دعني اقول لك ان مشوار الالف ميل يبدأ بخطوة

فيجب علينا التمسك بالأمل في التغيير

دمت على خير

قلم رصاص يقول...

الشجرة الأم

عندك حق والله

بس احنا دلوقتي واقعنا بيقول غير كده

فاسرائيل كلنا نعلم انها موجودة وبقوة

لكن فكرة ازالتها هذه اصبحت من المستحيلات الثلاثه هذه الايام

مالم تستجد في الساحة الدولية تحولات جذرية اهما اتحاد العرب وتكوين الدولة العربية العظمى

ساعتها ممكن نقول حاجة شبه كده

لكن الحديث عن ازالة اسرائيل يبقينا في احلام لن تنتهي بمرور الزمن

فيجب التعامل مع الواقع بكل صدق كي نستطيع تغيير مسرح الاحداث ولو جزئيا

دمت على خير

وزاد النور بمروركم الكريم

جلال كمال الجربانى يقول...

دى مجرد قرارات حبر على ورق يعنى
أين القوه التى ستنفذ القرار
وياما قرارات !!
وهل كل القرارات المماثله تم تفعيلها
وحنفضل نطالب بتنفيذ
ويحييك ويحيينا الكريم

وتقبل تحيتى ومرورى

قلم رصاص يقول...

واحد من العمال

مرحبا بحضرتك في مدونتي المتواضعه

وانا اتفق معك فيما ذهبت اليه

ولكن دعنا نحلم بغد مختلف مهما كانت الصورة قاتمة وغير مبشره

فالأمل دائما هو وقوود الانجازات والنجاح

نورتنا يافندم

دمتم في حفظ الله

د. ياسر عمر عبد الفتاح يقول...

السلاح النوور الإسرائيلي أكبر خطر علينا
وأكبر عار علي جبين العدالة العالمية
ودليل دامغ علي سياسة الكيل بمكيالين

لكن تفتكر اسرائيل بيفرق معاها الكلام ده؟
ياما قرارات طلعت من مجلس الأمن وكل منظمات حقوق الإنسان ,, وهيه مكبرة ومبلطجة

والبلطجة مبيوقفهاش غير بلطجة مشابهة

Twitter Delicious Facebook Digg Stumbleupon Favorites More

 
Free Web Hosting