أحداث 24 ساعة

عدنا بعد الفااااااااااااصل !



السلام عليكم ورحمة الله وبركاته

إخواني أعزائي فلذات أكبادي ، أتحدث إليكم أنا قلم رصاص من موقعي السري للغاية الذي لايعلمه سوى الله ثم أنا ثم وأخواتها .. منتهزا هذه الفسحة الضئيلة من الزمن المتاح لي كي أقول لكم في كلمة ونصف (أكتر من الأستاذ أحمد رجب) : وحشتوني جدا !!

واحب أطمنكم جميعا بأني مازلت بخير وحي أرزق ، ومشطب ع الحلل أولا بأول من خلال زياراتي المكوكية للمطبخ .. هههههههههههه .

يمكن يكون قد بدى عليَ أني مِتُ إنترنتيا ، لكن الحمدلله جاري تحديث قاعدة البيانات الخاصة بالمخ بتاع الأنا .

لكن اللي مأثر أوي .. الحلااااااااااق .. لألألأ.. أقصد عدم سؤالكم عني .. واقصد طبعا مش السؤال بالكلام فقط .. وانما اني كنت متخيل اني مهم لدرجة اني ألاقيكم عاملين عشاني حاجة غير عادية ، زي مثلا الظهور في الفضائيات متسائلين : أين اختفى قلم رصاص .. أو عاملين اضرابات من خلال الانترنت زي إضراب 6 مايو اللي فات .. خصوصا ان مصر هي اللي بتدفع يا رأفت ههههههههههه .. !! طب حتى الا ماحد منكم جاب بطيخة وجه سأل عني .. أو حد خطف مسدس صغير احتجاجا على اختفائي ..!!

بهزر طبعا .. ووصلني سؤال البعض منكم عني لأخويا وصديقي العزيز مسدس صغير .. وأشكركم شكرا جزيلا .. وتترد لكم وانتوا راجعين من الحجاز ان شاء الله والله .

الحقيقة ، أنا كنت المدة اللي فاتت مش مرتاح نفسيا لإستخدامي المفرط والزايد عن حده للانترنت .. فقررت أبعد شوية حتى أرتاح بدنيا ونفسيا .. والحمدلله بقيت أحسن بكتير ، لأنه أكيد الإفراط في استخدام الأشياء يفقدها جوهرها .. وبابتعادي هذا بدأت أشعر تدريجيا بإني انسان طبيعي – كما كنت – وليس افتراضي من خلال انصهاري أنا والانترنت في بوتقة واحدة .. ايييييييييييه الكلام الكبير ده .. ههههههههههههههه.

عموما ، انا بس حبيت أجي أسلم عليكم واعرفكم اني لسه فاكر المدونة بتاعتي وفاكر كل الزملاء من المدونين المحترمين .. وان شاء الله هحاول أشارك ببوست بين حين وآخر كلما سنحت لي الفرصة .. خصوصا لأني مشغول شوية هذه الأيام .. واستخدامي للانترنت قليل جدا عن ذي قبل .

وأتمنى للجميع التوفيق والسداد

أخوكم / قلم رصاص

20 تعليقات القراء:

صمت المشاعر يقول...

عودا حميدا


فينك المده دي كلها

يارب تكون بخير

منتظرين مواضيعك

مسدس صغير يقول...

ياااااااااااااااااااااااااه
اخيرا
عود احمد.
احمد مين؟؟؟
تمام اوى كده
انت عارف رجعتك دى حلوة اوى اوى
ههههههههههه
فاهم انت طبعا
بصراحة واحشنى جدا بوستاتك وواحشنى جدا تعليقاتك عندى والله مفتقدك
يا ريت متغيبش عننا تانى.
وعلى فكرة انا باعتلك تاج روح خده.
وعلى فكرة التاج ده مش اختيارى ده اجبارى طبعا
اول بوست عندك ينزل يبقى التاااااااااج
فاهم؟؟؟
اتفقنا
واحشنى والله
ربنا يوفقك ويعينك ويهديك ويسعدك

mohamed ghalia يقول...

حمدا لله على سلامتك
وكويسس إننا اطمنا عليك
ترجعلنا بالسلامة

قلم رصاص يقول...

صمت المشاعر

أشكرك أختنا الكريمة على المرور

والحمدلله انا بخير كل ماهنالك اني كنت مبتعد عن الانترنت بسبب افراطي الغير في استخدامي ليه بما انعكس علي بالسلب
فقررت ابعد عنه وادخل من حين لأخر لمدونتي فقط .

وان شاء الله هيكون فيه موضوعات جديدة عما قريب

شكرا لحضرتك مرة اخرى

قلم رصاص يقول...

مسدس صغير

ههههههههههههه

والله ماعارف أقوللك ايه يااخي
دايما كلامك حلوووووو
هههههههههههه

وانا بجد وحقيقي سعيد بردك الجميل ده جدا ..ورفعت من روحي المعنوية

تاخد ربع جنيه بقى؟! هههههههههه

وان شاء الله ياسيدي مش هبعد عنكم تاني
وانا فعلا شوفت التاج واجاباتك دائما عبقرية كعادتك

واكيد هرد لك تاجك وانت راجع من الحجاز هههههههههه..هجاوب عليه حسب ظروفي ان شاء الله

أحلى عصير قصب لأجدع مسدس ههههههههه

وعاوزك تعلن في كل ارجاء المعمورة ان قلم رصاص لساه عايش ورجع لمدونته واعمل حاجة عشاني بقى مرة في حياتك
هههههههههههههههه

مشكور ياصديقي على المرور الطيب جدا

قلم رصاص يقول...

mohamed ghalia

الله يسلمك يامحمد

بارك الله فيك يا اخي والله

واشكرك على السؤال

نورتنا

Soul.o0o.Whisper يقول...

أولا حمدلله عـ السلامة
و نورت مدونتك من تانى

و ثانيا : آدى جزاء اللى بيعمل رحلات مكوكية للمطبخ لوحده
بتظهر عليه الأعراض دى
:)

بس ايه الهيلوغريفى اللى انت كاتبه دا؟؟؟
مش تكتب عربى طيب عشان نفهم هههههههههه


"بابتعادي هذا بدأت أشعر تدريجيا بإني انسان طبيعي – كما كنت – وليس افتراضي من خلال انصهاري أنا والانترنت في بوتقة واحدة "
كما كنت ؟؟؟
انت عاوز تقنعنا انك كنت انسان طبيعى؟؟
طب و بعدين حصل ايه؟؟؟

بس الحمد لله فعلا انك قررت توقف الانصهار
كان هيبئا مشكلة فعلا لو انصهرتوا
كان ممكن تقطع النت عننا تانى
:)



ياللا حمدلله عالسلامة

و مستنيين الجديد

فشكووول يقول...

السلام عليكم قلم رصاص
تحياتى
يا أخى عود حميد ان شاء الله وخيرا ما فعلت فكلنا نحس هذاالاحساس .. واجازه صغيره شهر او شهرين مش حتضر
اشكرك على التعليق وعلى الكلام الجميل اللى قلته لى واللى انا لست اهلا له ولكنه كرمك وادبك الجم
تحياتى

قلم رصاص يقول...

Soul.o0o.Whisper

الله يسلمك

اشكرك جدا على التعليق الرائع هذا

اسماء يقول...

ياااااااااااااااااه
ايه يا ابني
كده
الغيبة الطووووووووووويلة دي
ده حصل حاجت كتير جدا وانت غايب بقا
وناس جت وناس مشيت
وبلاد شالتنا وحطيتنا
المهم اننا اطمنا عليك
متغيبش بقا تاني علينا
حمد الله ع السلامة

قلم رصاص يقول...

fashkool

وعليكم السلام

لاتقل هذا استاذنا الكبير
فحضرتك اجمل ماتتصور عندنا والله

بارك الله فيك

ونورتنا

قلم رصاص يقول...

اسماء

نورتينا استاذة اسماء

وبارك الله فيكي والله

الحمدلله بخير

ورجعت تاني اهه

ولكن بضوابط مع نفسي

واهم حاجة رضا ربنا علينا

مشكورة جدا على المرور والتلعيق الجميل

فتــافيت (رحاب الخضري) يقول...

هو تقريبا والله اعلم خير اللهم اجعل خير
ان في سالف العصر والاوان عديت من هنا من مدة زمان

المهم علشان الزهيمر اللي عندي معدي

اهلا بعودتك .. ويارب ما تغيب تاني

وربنا يوفقك يا حضرت القلم الرصاص وتكبر انت وصاحب مسدس صغير واوفكم كده
قلبم كبر ومدفع كبير قد الدنياااااااا

فتــافيت (رحاب الخضري) يقول...

هههههههههههههههههههه

ترجمة اللي اتكب بعيد عنك الكي بورد يتاعتي بتسنن فتطنق الكلام غلط

**
وربنا يوفقك يا حضرت القلم الرصاص وتكبر انت وصاحبك مسدس صغير واشوفكم كده
قلبم حبر ومدفع كبير قد الدنياااااااا

*البت المشمشية *حلوة بس شقية * يقول...

لولولولوولى
ياااااااااااااااااااااا
ده انا افتكرتك اتخطفت

*البت المشمشية *حلوة بس شقية * يقول...

مكنش العشا
ولا سؤال ولا اى حاجة كدة
اخس عليك يا زمن ماشى ماشى
انا كنت دايما بسال عليك الواد صولاح
بصراحة كنا مستريحين منك

ليه مش بتدخل ع الياهو عايزة اكلمك ممكن ولا ؟

ريمان يقول...

منتظرينك بكره ان شاء الله

:)

سنابل يقول...

حمد الله ع السلامة

أيوة كدة
نورت مطرحك
مستنيين الجديد

قلم رصاص يقول...

شكرا للجميع على الرد الرائع

اشكرك جدا

Unknown يقول...

ألف حمد الله على السلامة وننتظر شخبطة سيادتك اللي هي أكيد تخطيط لمستقبلنا

ويبقى التواصل

Twitter Delicious Facebook Digg Stumbleupon Favorites More

 
Free Web Hosting